ملاکنڈ: تحصیل بٹ خیلہ میں نامعلوم افراد کی گھر میں فائرنگ سے 9 افراد قتل ہوگئے۔
تفصیلات کے مطابق یہ واقعہ بٹ خیلہ کے علاقے بگردرہ میں پیش آیا جہاں نامعلوم افراد نے گھر میں فائرنگ سے 3 خاتون اور 6 مرد کو قتل کردیا گیا۔
پولیس کا کہنا ہے کہ واقعے کی فوری طور پر وجہ معلوم نہیں ہوسکی ہے، لاشیں بٹ خیلہ اسپتال منتقل کردیا گیا ہے تحقیقات جاری ہے۔
دیر بالا: صوبہ خیبر پختونخواہ کے علاقے دیربالا میں جائیداد کے تنازع پر فائرنگ کے نتیجے میں 9 افراد جاں بحق جبکہ 2 افراد زخمی ہوگئے۔
تفصیلات کے مطابق دیر بالا کے علاقے چراگلئی میں نماز جنازہ کے دوران فائرنگ سے 9 افراد جان کی بازی ہار گئے جبکہ دو افراد زخمی ہوگئے، فریقین کے درمیان جنگل کا تنازعہ تھا۔
فائرنگ کے واقعے کے بعد دیر بالا پولیس کی بھاری نفری جائے وقوعہ پر پہنچ گئی اور علاقے کوگھیرے میں لے لیا جبکہ واقعے کے حوالے سے مزید تحقیقات جاری ہیں۔
ڈی پی او میاں نصیب جان کا کہنا ہے کہ فائرنگ میں زخمی ہونے والے افراد کو ڈسٹرکٹ ہیڈکوارٹر اسپتال منتقل کر دیا گیا ہے۔
یاد رہے کہ چند روز قبل راولپنڈی کے علاقے چونترہ میں بھی زمین کے تنازع پر فائرنگ کر کے خواتین اور بچوں سمیت 9 افراد جو قتل کر دیا گیا تھا۔