اسلام آباد: شہداء کے غمزدہ گھر والوں نے 9 مئی کے شرپسندوں کو کڑی سزا دینے کا مطالبہ کیا ہے۔
تفصیلات کے مطابق سانحہ 9 مئی کی مذمت کرتے ہوۓ حوالدار شعیب علی شہید کی غمزدہ اہلیہ کا کہنا ہے کہ 9 مئ کا جو سانحہ پیش آیا اسکا ہمیں بہت زیادہ دکھ ہے۔
انہوں نے کہا کہ ہم اپنے شہداء کی چھوٹی سی چیز کو نیچے گرنے نہیں دیتے اور شرپسندوں نے شہداء کی تصویروں اور پاک فوج کی تنصیبات کو اس قدر پائمال کیا۔ میں 9 مئی کے واقعات کی مذمت کرتی ہوں اور چیف آف آرمی سٹاف سے یہ اپیل کرتی ہوں کہ ان شرپسندوں کو سخت سے سخت سزا دی جاۓ۔
حوالدار شعیب علی شہید کی غمزدہ اہلیہ نے کہا کہ یہ نہ صرف پاک فوج کے دشمن ہیں بلکہ میرے، آپکے، ہمارے ملک کے دشمن ہیں۔ 9 مئی کے شرپسند واقعات نے شہداء کے بچوں کو شدید دکھ پہنچایا۔
شہید نائب صوبیدار محمد فاروق عباسی کی بیٹی کا کہنا تھا کہ میرے بابا نے سیاچن گلیشئرز پر ڈیوٹی سرانجام دیتے ہوۓ شہادت نوش کی، یہ میرے لیے فخر کا باعث ہے۔
شہید کی بیٹی دکھ تو ہوتا ہے لیکن شہادت ہر کسی کے نصیب میں نہیں ہوتی، مجھے فخر ہے کہ میں ایک شہید کی بیٹی ہوں۔
شہید کی بیٹی نے کہا کہ سانحہ 9 مئی کے بارے میں کہنا چاہوں گی کہ میں اسکی مذمت کرتی ہوں جو بھی ہوا وہ بہت دل سوز واقعہ تھا، آج اس ملک میں ہم بیٹھے ہیں تو صرف ہمارے شہداء کے خون کی وجہ سے، انکی قربانیوں کی وجہ سے ہم یہاں سکون سے راتوں کو سوتے ہیں۔
شہید نائب صوبیدار محمد فاروق عباسی کی بیٹی کا کہنا تھا کہ شرپسندوں کو سزا ملنی چاہیے، میں سمجھتی ہوں کہ یہ میرے بابا کے دشمن ہیں ، یہ میرے ملک کے دشمن ہیں۔ میں اپنے لیڈرز کو پیغام دینا چاہوں گی کہ آپکی جو بھی سیاسی اور جو بھی آپکے مابین کرائسس ہیں آپ اپنے تک رکھیں۔
شہید کی بیٹی کا مزید کہنا تھا کہ یہ ملک ہمارا ہے اس ملک کو ہم نے اپنا خون دیا ہے۔ یہاں پہ ہمارے لوگ شہید ہوۓ ہیں انہوں نے اس مٹی کو ذرخیز کیا ہے اپنے خونوں سے، تو پلیز اپنے سیاسی مفاد کے لیے اس ملک کے ساتھ ایسا نہ کریں۔ یہ ہم سب کا ملک ہے۔
