مانچسٹر : سرفرازاحمد کی کپتانی میں پاکستان نےانگلینڈ کےخلاف سیریز کا آخری ٹی ٹوئنٹی میچ نو وکٹوں سے جیت لیا۔ انگلینڈ کی طرف سے دیا گیا 136رنز کا ٹارگٹ پاکستان نے صرف ایک وکٹ کے نقصان پر پورا کر لیا جبکہ ابھی میچ کے پانچ سے زائد اوورز باقی تھے۔

تفصیلات کے مطابق کپتان بدلتے ہی شاہینوں کی پرفارمنس بھی بدل گئی۔ مانچسٹر میں پاکستانی بولرزچھا گئے۔ انگلینڈ کےہارڈ ہٹنگ بلے باز بےبس نظر آئے۔ انگلش ٹیم ایک سو پینتس رنزکے جواب میں خالد لطیف اورشرجیل خان نے انگلش بولرزکا بھرکس نکال دیا۔

اوپنرز کےلاٹھی چارج نےانگلینڈ سےمیچ ابتدائی اوورز میں ہی چھین لیا۔ پاورپلےمیں پاکستان نے تہتر رنزبنائے۔ شرجیل خان نےجارحانہ بیٹنگ کرتے ہوئےتیئس گیندوں پرففٹی مکمل کی۔

اس سے قبل اوئن مورگن نے ٹاس جیت کر پہلے بیٹنگ کا فیصلہ کیا۔ انگلینڈ نےجارحانہ آغاز کیا اورصرف چھٹے اوورز میں ففٹی مکمل کرلی۔

عماد وسیم نے جیسن رائے کوپویلین بھیج کرپہلی وکٹ دلوائی۔ ایلکس ہیلز بھی عماد وسیم کی گیند پربولڈ ہوئے۔ حسن علی نے بھی شانداربولنگ کی اور انگلینڈ کےبڑے بڑے ستون گرائے۔

مزید پڑھیں : ٹی ٹوئنٹی میچ : انگلینڈ نے پاکستان کوجیت کیلئے 136 کا ٹارگٹ دے دیا

وہاب ریاض نے خطرناک جوز بٹلراور اوئن مورگن کو آؤٹ کیا۔ انگلینڈ کے بڑے بڑے ہٹرز کچھ نہ کرسکے۔ مقررہ اوورز میں انگلش ٹیم ایک سو پینتس رنزبناسکی۔