Tag: 9/11

9/11 کے مبینہ ماسٹر مائنڈ خالد شیخ محمد سے رعایتی معاہدہ کالعدم قرار

امریکا کی وفاقی اپیل کورٹ نے نائن الیون کے مبینہ ماسٹر مائنڈ خالد شیخ محمد سے رعایتی معاہدے کو کالعدم قرار دے دیا۔

امریکی میڈیا کی رپورٹ کے مطابق امریکا کی وفاقی اپیل کورٹ نے "9/11 کے ماسٹر مائنڈ” خالد شیخ محمد اور دیگر شریک مدعا علیہان کو سزائے موت سے بچنے کے بدلے میں جرم قبول کرنے کی اجازت کی عرضی معاہدے کو مسترد کر دیا ہے۔

امریکی عدالت نے حکومت کو نائن الیون کے مبینہ منصوبہ ساز سے اعتراف جرم کا معاہدہ کرنے سے روک دیا، خالد شیخ محمد اور دو دیگر ملزمان نے امریکی حکومت سے ایک معاہدے کے تحت اپنے اوپر عائد کردہ الزامات کا اعتراف کرنے پر اتفاق کیا تھا۔

اس معاہدے کے باعث شاید یہ مبینہ ماسٹر مائنڈ سزائے موت سے بچ جاتے اور اس کے بجائے انہیں عمرقید کی سزا سنائی جاتی تاہم اب عدالت نے اس معاہدے کو دو ایک ووٹ سے مسترد کر دیا۔

تین ججوں پر مشتمل پینل نے کہا کہ انہیں اس کیس پر غور کرنے اور کارروائی کو روکنے کے لیے مزید وقت درکار ہے۔

عدالت میں دائر کی گئی درخواست میں امریکی حکومت نے یہ مؤقف اختیار کیا کہ اگر ان ملزمان کی درخواستیں منظور کر لی گئیں تو اس سے ناقابل تلافی نقصان ہو گا۔

واضح رہے کہ 11 ستمبر 2001 امریکا کے ورلڈ ٹریڈ سینٹر، پینٹاگان سمیت تین مختلف مقامات پر حملے کیے گئے تھے ان حملوں میں لگ بھگ تین ہزار افراد ہلاک ہوئے تھے۔

جولائی 12, 2025
9/11 کے مبینہ ماسٹر مائنڈ خالد شیخ سمیت 3 ملزموں کی ڈیل کی راہ ہموار

9/11 کے مبینہ ماسٹر مائنڈ خالد شیخ سمیت 3 ملزموں کی ڈیل کی راہ ہموار ہو گئی۔

نائن الیون حملوں کے مبینہ ماسٹر مائنڈ خالد شیخ سمیت 3 ملزموں سے ڈیل کی راہ ہموار ہو گئی ہے، یو ایس ملٹری اپیلز کورٹ نے نائن الیون کے دہشت گرد حملوں کے مبینہ ماسٹر مائنڈ خالد شیخ محمد کے ساتھ ایک پلی ڈیل برقرار رکھنے کا فیصلہ کیا ہے۔

بغیر کسی مقدمے کے کئی دہائیوں سے قید خالد شیخ محمد اور دو دیگر مشتبہ ملزمان نے پینٹاگون کے پراسیکیوٹرز کے ساتھ اعتراف جرم کے بدلے ممکنہ سزائے موت سے بچنے کا معاہدہ کیا تھا۔

امریکی وزیر دفاع لائیڈ آسٹن نے اگست میں پلی ڈیلز کو یہ کہہ کر منسوخ کر دیا تھا کہ اس معاملے میں ان سے مشاورت نہیں کی گئی ہے، تاہم ملٹری اپیلیٹ کورٹ نے وزیر دفاع کی اپیل مسترد کر دی۔

نائن الیون حملوں میں تقریبا 3000 افراد ہلاک ہوئے تھے، ڈیل کی صورت میں خالد شیخ محمد سمیت تین افراد 9/11 حملوں کی سازش کرنے کا اعتراف کر کے سزائے موت سے بچ جائیں گے۔ تینوں افراد کو سزائے موت کا سامنا تھا، ٹائمز کے مطابق معاہدے کے تحت، انھوں نے عمر قید کی سزا کے بدلے جنگی جرائم کا اعتراف کرنے پر اتفاق کیا۔

جب اس معاہدے کی خبریں سامنے آئیں تو متاثرین کے اہل خانہ اور کچھ ریپبلکنز کی جانب سے اس پر شدید غم و غصے کا اظہار کیا گیا، جس پر لائیڈ آسٹن نے اگست کے اوائل میں اس معاہدے کو منسوخ کر دیا، اور اس کے بعد قانونی چارہ جوئی کا ایک اور دور شروع ہوا۔

جنوری 2, 2025
سانحہ نائن الیون کو آج 23 برس مکمل ہوگئے

نیویارک: سانحہ نائن الیون کو آج 23 برس مکمل ہوگئے، نیو یارک کا ٹوئن ٹاور راکھ کا ڈھیر بنا لیکن اس واقعے نے دُنیا میں کئی حکومتیں تاراج کردیں، ان برسوں میں دنیا بالکل بدل گئی۔

ستمبر 11، 2001 ایک ایسا دن تھا کہ جب امریکا میں موجود دنیا کی بلند ترین عمارت سیاغوا کئے گئے دو طیارے ٹکرادئیے گئے جس کے سبب تین ہزار سے زائد افراد ہلاک ہوئے۔

گیارہ ستمبر دوہزار ایک کا یہ منظر کروڑوں لوگوں نے دیکھا اور اس کے بعد دنیا کی بدلتی صورتحال بھی سب کے سامنے تھی، پندرہ سال پہلے نیوراک کی فضا میں تین جہاز قہر بن کر داخل ہوئے۔

دو جہاز ٹوئن ٹاور سے ٹکرائے اور سو منزلہ عمارت کو ملبے کا ڈھیر بنا گئے، تیسرا جہاز پنٹاگون کے قریب مار گرایا گیا واقعے میں تین ہزار امریکی شہری ہلاک ہوئے۔

اس انسانیت سوز سانحے میں تین ہزارامریکی اور غیر ملکی باشندے مارے گئے جبکہ چھ ہزار سے زائد افراد زخمی ہوئے اورمالی نقصان کا تخمینہ دس ارب ڈالر لگایا گیا، واقعے پر اس وقت کے صدر جارج واکر بُش نے دہشت گردی کے خلاف جنگ کا اعلان کیا اور اُسامہ بن لادن کو پکڑنے کے لیے افغانستان پر حملہ کردیا۔

جس کے بعد پوری دُنیا کی بدلتی حالت سب نے دیکھی امریکہ نے افغانستان کے بعد عراق پر حملہ کیا اور پھر یکے بعد دیگرے پوری دُنیا ہی اس آگ کی لپیٹ میں آگئی۔ آج امریکی نائن الیون کے واقعے میں زندگی ہارنے والے پیاروں کی یاد میں نائن الیون کی یادگار پر جمع ہوئے اور انہیں یاد کیا۔

ٹرمپ اور کملا ہیرس کے درمیان پہلے مباحثے میں ایک دوسرے پر الزامات کی بوچھاڑ

سانحہ نائن الیون کی وجہ سے دنیا بھر میں وار آن ٹیرر کی عالمی مہم شروع کی گئی جس میں اب تک لاکھوں افراد اپنی قیمتی جانوں سے ہاتھ دھو بیٹھے ہیں۔

ستمبر 11, 2024
’ہار نہیں مانیں گے‘

واشنگٹن: امریکی صدر جو بائیڈن نے دہشت گردی کے خلاف جنگ جاری رکھنے کا اعلان کیا ہے۔

تفصیلات کے مطابق نائن الیون کی یادگاری تقریب سے خطاب کرتے ہوئے جو بائیڈن نے دہشت گردی کے خطرات کے سامنے ہار نہ مانے کے عزم کا اظہار کیا۔

روئٹرز کے مطابق امریکی صدر جو بائیڈن نے القاعدہ کے 11 ستمبر 2001 کے حملوں کے خلاف امریکا کے متحدہ رد عمل کی یاد تازہ کی، اور اتوار کو پینٹاگون میں ایک یادگاری تقریب میں دہشت گردی کے خطرات کے سامنے ’’بھی ہمت نہ ہارنے‘‘ کا عزم کیا۔

جو بائیڈن نے کہا کہ تاریک دنوں میں امریکیوں نے بے مثال یک جہتی کا مظاہرہ کیا، ہم نائن الیون کو کبھی نہیں بھولیں گے اور نہ ہی دہشت گردی کے خطرات کے سامنے ہار مانیں گے۔

روئٹرز کے مطابق نائن الیون حملوں کی اکیسویں برسی کے موقع پر بائیڈن کا یہ بیان امریکی معاشرے میں خطرناک تقسیم کے خطرے کے حوالے سے ان کی حالیہ دنوں کی تنبیہات کے برعکس ہے۔

امریکی معاشرے میں تقسیم کے خدشات کا اظہار کرنے والے بائیڈن نے کہا کہ مجھے امید ہے کہ ان تاریک دنوں کے کُہرے میں ہم یہ بات یاد رکھیں گے کہ ہم نے ایک دوسرے کا خیال رکھنے کے لیے کتنی سخت جدوجہد کی، اور ہم ایک ساتھ کھڑے رہے۔

یاد رہے کہ نائن الیون حملوں میں تقریباً 3 ہزار افراد ہلاک ہوئے تھے، القاعدہ کے ہائی جیکرز نے نیویارک کے ورلڈ ٹریڈ سینٹر کے ٹاورز اور ورجینیا کے آرلنگٹن میں پینٹاگون میں طیارے تباہ کیے، اور چوتھا طیارہ پنسلوانیا میں گر کر تباہ ہو گیا تھا۔

ستمبر 12, 2022
بندر نے پولیس کی دوڑیں‌ لگوا دیں

کیلیفورنیا: امریکی ریاست کیلیفورنیا کے چڑیا گھر سے ایمرجنسی سروس 911 پر کال موصول ہونے کے بعد پولیس اہل کاروں کی دوڑیں لگ گئی۔

خبر رساں ادارے اے ایف پی کے مطابق ہفتے کی رات کیلیفورنیا میں ایمرجنسی سروس 911 پر کال موصول ہوئی، تاہم یہ کال تھوڑی ہی دیر بعد کٹ گئی۔

ایمرجنسی سروس کو فوری طور پر یہ معلوم نہ ہو سکا کہ کال کس نے اور کہاں سے کی، پولیس نے کال ٹریس کرنے کی کوشش کی تو پتا چلا کہ یہ سین لوئس اوبیسپو کاؤنٹی میں ایک چڑیا گھر سے کی گئی ہے۔

اہل کاروں کو فوراً مذکورہ چڑیا گھر بھیجا گیا تاکہ کسی ممکنہ ایمرجنسی کی صورت میں مدد فراہم کی جا سکے، لیکن چڑیا گھر پہنچ کر پولیس کو پتا چلا کہ وہاں تو کوئی ایمرجنسی نہیں، نہ ہی کسی نے کال ملائی، چناں چہ پولیس نے معاملے کی تہہ تک پہنچنے کے لیے انکوائری کا فیصلہ کیا۔

روٹ نامی کپوچن بندر

پولیس کی جانب سے سوشل میڈیا پر کی جانے والی پوسٹ میں بتایا گیا کہ انکوائری کے بعد انھیں احساس ہوا کہ کال چڑیا گھر میں موجود کپوچن نسل کے روٹ نامی بندر نے ملائی ہوگی، چڑیا گھر کا سیل فون گالف گاڑی میں رکھا ہوا تھا، روٹ بندر نے اسے اٹھا کر ایمرجنسی نمبر ملایا۔

پولیس کا کہنا تھا کہ کپوچن نسل کے بندر متجسس ہوتے پیں اور جو چیز اٹھاتے ہیں اس کو دبا کر اور الٹ پلٹ کر کھوجنے کی کوشش کرتے ہیں، روٹ نے بھی موبائل کے ساتھ ایسا ہی کیا ہوگا اور اتفاق سے 911 کا نمبر ڈائل ہو گیا۔

اگست 18, 2022
نائن الیون کی خفیہ دستاویزات سامنے لانے کا مطالبہ کیوں کیا جا رہا ہے؟

واشنگٹن: امریکی صدر سے نائن الیون کی خفیہ دستاویزات سامنے لانے کا مطالبہ کیا جا رہا ہے۔

تفصیلات کے مطابق 11 ستمبر کے ہلاک شدگان کے اہلِ خانہ نے خفیہ دستاویزات منظر عام پر لانے کا مطالبہ کر دیا ہے، ان کا امریکی صدر سے کہنا ہے کہ جو بائیڈن ان حملوں سے متعلق حکومت کی جمع کردہ خفیہ دستاویزات اور ثبوت کو منظر عام پر لائیں۔

اس سلسلے میں صدر بائیڈن کو ایک خط بھیجا گیا ہے، جس میں نائن الیون سانحے کے ہلاک شدگان کے لواحقین نے کہا کہ اگر صدر بائیڈن نے ایسا نہ کیا تو انھیں رواں سال کی یادگاری تقریبات میں خوش آمدید نہیں کہا جائے گا۔

لواحقین کا کہنا ہے کہ 20 برس قبل ہونے والے دہشت گرد حملوں میں سعودی عرب کی حکومت کے عہدے دار اور ساتھی ملوث ہو سکتے ہیں، کیوں کہ ان حملوں کے منصوبہ ساز اسامہ بن لادن اور بیش تر حملہ آوروں کا تعلق سعودی عرب سے تھا۔

خیال رہے کہ سابق امریکی حکومتوں نے قومی سلامتی خدشات کا دعویٰ کرتے ہوئے تحقیقات کی دستاویزات اور ثبوت ظاہر نہیں کیے تھے، جب کہ بائیڈن نے گزشتہ موسم خزاں میں اپنی انتخابی مہم کے دوران دستاویزات کو منظر عام پر لانے کا عندیہ دیا تھا۔

امریکی میڈیا کے مطابق صدر بائیڈن کو جمعہ کے روز بھیجے گئے خط پر خاندانوں کے تقریباً 1800 ارکان اور دیگر نے دستخط کیے ہیں۔

اگست 9, 2021
8 سالہ بچے نے چھوٹی بہن کی جان بچانے کے لیے پولیس کو کال کردی

امریکا میں ایک 8 سالہ بچے نے اپنی 5 سالہ بہن کو مرگی کا دورہ پڑتے دیکھا تو اسے بچانے کے لیے پولیس کو کال کردی۔ پولیس نے بچے کی حاضر دماغی پر اسے تعریفی اسناد سے نوازا۔

یہ واقعہ امریکی ریاست ٹیکسس میں پیش آیا جہاں ایک 5 سالہ بچی کینیڈی کو مرگی کا دورہ پڑا۔ بچی کی ماں کے مطابق جب وہ نیند سے اٹھی تو اس نے دیکھا کہ بچی کا جسم اکڑا ہوا تھا، وہ زور زور سے رو رہی تھی اور چلا رہی تھی۔

بچی کو ڈائبیٹک سیزر کا مرض لاحق تھا جس میں بلڈ پریشر اور شوگر کی سطح بالکل نیچے چلی جاتی ہے جس کے بعد مرگی کا دورہ پڑجاتا ہے۔

ایسے موقع پر جب ماں کے ہاتھ پاؤں پھول گئے اور اس کے حواسوں نے کام کرنا چھوڑ دیا، 8 سالہ بچے نے حاضر دماغی کا مظاہرہ کرتے ہوئے 911 پر کال کردی جس کے بعد پولیس نے بروقت پہنچ کر بچی کو ایمبولینس منتقل کیا۔

ماں کا کہنا ہے کہ اس کی بچی کو پہلی بار مرگی کا دورہ پڑا تھا اور اسے کچھ سمجھ نہیں آرہا تھا کہ وہ کیا کرے، اس کے بیٹے نے بروقت صحیح قدم اٹھایا اور اسے اپنے بچے کی ذہانت پر بے حد فخر ہے۔

پولیس نے بھی بچے کی حاضر دماغی کا اعتراف کرتے ہوئے اسے تعریفی اسناد سے نوازا۔

جون 30, 2020
کابل میں امریکی سفارت خانے کے قریب راکٹ حملہ

کابل: افغانستان کے دارالحکومت کابل میں امریکی سفارت خانے کے قریب راکٹ سے حملہ کیا گیا، حملے میں کوئی جانی نقصان نہیں ہوا۔

غیرملکی خبررساں ادارے کے مطابق افغان دارالحکومت کابل میں امریکی سفارت خانے کے قریب راکٹ سے حملہ کیا گیا جو افغان وزارت دفاع کے دفتر کی دیوار پر گرا تاہم حملے میں کوئی جانی نقصان نہیں ہوا۔

ذرائع کے مطابق 9/11 حملوں کی 18 ویں برسی کے موقع پر ایسے حملوں کی توقع تھی۔

امریکی سفارت خانے کے قریب راکٹ حملہ ایک ایسے وقت میں ہوا ہے جب امریکا اور افغان طالبان کے درمیان 18 سال سے جاری جنگ کے خاتمے کے لیے ہونے والی بات چیت مکمل طور پر ختم ہوچکی ہے۔

افغان طالبان سے بات چیت مکمل طورپر ختم ہوچکی، ڈونلڈ ٹرمپ

خیال رہے کہ گزشتہ روز امریکی صدر کا کہنا تھا کہ ہماری میٹنگ کیمپ ڈیوڈ میں طالبان رہنماؤں سے ہونے والی خفیہ ملاقات طے شدہ تھی، میٹنگ بلانے کا آئیڈیا بھی میرا تھا اور اس کو منسوخ کرنے کا بھی، یہاں تک میں نے کسی اور سے اس پر تبادلہ خیال نہیں کیا تھا۔

ڈونلڈ ٹرمپ کا کہنا تھا کہ میں نے کیمپ ڈیوڈ میٹنگ کو اس بنیاد پر منسوخ کردیا کیونکہ طالبان نے کچھ ایسا کیا تھا جو انہیں بالکل نہیں کرنا چاہیے تھا۔

مذاکرات کے خاتمے پرافغان طالبان کا ردعمل

بعدازاں ڈونلڈ ٹرمپ کی جانب سے مذاکرات ختم کرنے کے بیان پر افغان طالبان ترجمان ذبیح اللہ مجاہد کا کہنا تھا کہ طالبان اپنی کارروائی تیز کر دیں‌ گے، جلد ہی امریکا کو اپنے اس فیصلے پر پچھتانا پڑے گا۔

امریکا نے افغان طالبان سے امن مذکرات معطل کردیے

اس سے قبل 8 ستمبر کو امریکی صدر ڈونلڈ ٹرمپ نے طالبان کے ساتھ امن مذاکرات منسوخ کردیے تھے۔ انہوں نے یہ اعلان سماجی رابطے کی ویب سائٹ ٹویٹر پر کیا تھا۔

امریکی صدر نے اپنے پیغام میں کہا تھا کہ طالبان سے مذاکرات کابل حملے کے بعد منسوخ کیے گئے ہیں جس میں ایک امریکی فوجی سمیت 12 افراد ہلاک ہوئے تھے۔

ڈونلڈ ٹرمپ کا کہنا تھا کہ طالبان دوران مذاکرات غیرضروری بالا دستی چاہتے ہیں، طالبان جنگ بندی نہیں کرسکتے تو انہیں مذاکرات کا بھی کوئی اختیار نہیں ہے۔

ستمبر 11, 2019
نائن الیون، ایک ایسا دن جس نے دنیا کا نقشہ بدل ڈالا

نیویارک : نائن الیون کوآج سولہ سال ہوگئے، سانحے نے دُنیا کو الٹ پلٹ کر رکھ دیا، دنیا کے ایک کونے سے دوسرے کونے تک ملبہ مسلمانوں پر گرا۔

گیارہ ستمبر 2001 ایک ایسا دن جب نیویارک کی فضا میں تین طیارے قہر بن کر داخل ہوئے، دو طیارے دنیا کی بلند ترین عمارت ورلڈ ٹریڈ سینٹر کے ٹوئن ٹاور سے ٹکرائے اورسو منزلہ عمارت کو ملبے کا ڈھیر بنا دیا جبکہ تیسرا طیارہ پنٹاگون کےقریب مار گرایا، واقعے میں تین ہزارافراد ہلاک ہوئے۔

سانحے میں دس ہزارسے زائد زخمی ہوئے جبکہ مالی نقصان کا تخمینہ دس ارب ڈالر لگایا گیا۔

واقعے پر اس وقت کے صدرجارج واکر بُش نے دہشتگردی کے خلاف جنگ کا اعلان کیا اور سات اکتوبردوہزار ایک میں القاعدہ رہنمااُسامہ بن لادن کی تلاش میں افغانستان پرحملہ کردیا، افغانستان کے بعد عراق اور پھر دہشت گردوں کی تلاش میں امریکی ڈرون 2004 میں پاکستان میں بھی داخل ہوگئے اورپھریکےعد دیگرے پوری دُنیا ہی اس آگ کی لپیٹ میں آگئی۔۔

حادثے کے مقام پر قائم گراؤٔنڈ زیرو اور وہاں بنائے جانے والے میوزیم پر ہر سال امریکی شمعیں روشن کرتے ہیں۔

نائن الیون کے پاکستانی معیشت پر اثرات

سانحے میں سیاسی صورت حال تو ایک طرف معاشی اعتبار سے بھی پاکستان کو نئے چیلجز کا سامنا کر پڑا دہشت گردی کے خلاف جنگ میں پاکستان نے اگلی صفحوں میں جنگ لڑی، امریکہ نے ،مالی امداد کا کا وعدہ تو کیا تھا۔ تاہم یہ امداد مزید ڈو مور ڈومور کے مطالبات سے مشروعات رہی۔

اسٹیٹ بینک کے مطابق دہشتگردی کے خلاف جنگ میں پاکستان کو ایک سو اٹھارہ ارب ڈالر کے نقصانات ہوئے، دہشت گردی کا نشان بنانے والے ہزار افراد اس کےعلاوہ ہیں۔

مرکزی بینک کے مطابق صرف معاشی ہی نہیں بلکے سماجی طور پر بھی پاکستان بحران کا شکار ہوا، امریکہ نےفرنٹ لائن فر یق بنانے پر سالانہ ایک ارب ڈالر کی ادائیگی کا وعدہ کیا گیا مگر صرف چودہ ارب روپے حاصل ہوئے، پاکستان نے ملک کے مختلف حصوں میں آپریشنز بھی کئے، ان آپریشن کے باعث اپنے گھروں سے دور ہونے والے افراد کے بحالی بھی ملکی معشیت پر گراں بوجھ ثابت ہوئے۔

غیر ملکی سرمایہ کاروں نے پاکستان کا رخ کرنے سے گریز کیا، دہشت گردوں کے خلاف کریک ڈاون کے باعث ملک میں دہشت گردی کے واقعات میں اضافہ ہوا جو کہ صنعتی اور تجارتی سرگرمیوں میں کمی کا باعث بنا۔

سانحہ نائن الیون نہ صرف امریکا بلکہ پوری دنیا کو دہشتگردی کے خلاف جنگ کی آگ میں دھکیل دیا، جو نہ جانے کب بجھے گی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

ستمبر 11, 2017
نائن الیون کو آج پندرہ سال مکمل ہوگئے

نیویارک: نائن الیون کو آج پندرہ سال مکمل ہوگئے، نیو یارک میں ٹوئن ٹاور راکھ کا ڈھیر بنا لیکن اس واقعے نے دُنیا میں کئی حکومتیں تاراج کردیں، پندرہ برسوں میں دنیا بالکل بدل گئی۔

ستمبر 9، 2001 ایک ایسا دن تھا کہ جب امریکا میں موجود دنیا کی بلند ترین عمارت سےاغوا کئے گئے دو طیارے ٹکرادئیے گئے جس کے سبب تین ہزارافراد سے زائد افراد ہلاک ہوئے۔

گیارہ ستمبر دوہزار ایک کا یہ منظر کروڑوں لوگوں نے دیکھا اور اس کے بعد دنیا کی بدلتی صورتحال بھی سب کے سامنے تھی، پندرہ سال پہلے نیوراک کی فضا میں تین جہاز قہر بن کر داخل ہوئے، دو جہازوں نے ٹوئن ٹاور سے ٹکرائے اور خود فنا ہوتے ہوئے سو منزلہ عمارت کو ملبے کا ڈھیر بنا گئے، تیسرا جہاز پنٹاگون کے قریب مار گرایا گیا واقعے میں تین ہزار امریکی شہری ہلاک ہوئے۔

اس انسانیت سوز سانحے میں تین ہزارامریکی اورغیر ملکی باشندے مارے گئے جبکہ چھ ہزارسے زائد افراد زخمی ہوئے اورمالی نقصان کا تخمینہ دس ارب ڈالر لگایا گیا، واقعے پر اس وقت کے صدر جارج واکر بُش نے دہشتگردی کے خلاف جنگ کا اعلان کیا اور اُسامہ بن لادن کو پکڑنے کے لیے افغانستان پر حملہ کردیا۔

جس کے بعد پوری دُنیا کی بدلتی حالت سب نے دیکھی امریکہ نے افغانستان کے بعد عراق پرحملہ کیا اور پھر یکے بعد دیگرے پوری دُنیا ہی اس آگ کی لپیٹ میں آگئی۔

آج امریکی نائن الیون کے واقعے میں زندگی ہارنے والے پیاروں کی یاد میں نائن الیون کی یادگار پر جمع ہوں گے اور انہیں یاد کریں گے۔

ستمبر 11, 2016