ARYNews.tv | Urdu – Har Lamha Bakhabar

Tag: A Sports

  • PSL 10 اے اسپورٹس پر براہ راست نشر کیا جائے گا

    PSL 10 اے اسپورٹس پر براہ راست نشر کیا جائے گا

    پاکستان کا سب بڑا کرکٹ ٹورنامنٹ پی ایس ایل کا دسواں ایڈیشن پاکستان کے پہلے ایچ ڈی اسپورٹس چینل اے اسپورٹس پر نشر کیا جائے گا۔

    دنیا کی مقبول ترین لیگز میں سے ایک اور پاکستان کا سب سے بڑا کرکٹ ٹورنامنٹ پاکستان سپر لیگ (پی ایس ایل) کے دسویں ایڈیشن کا آغاز 11 اپریل سے ہو رہا ہے۔

    پاکستان سپر لیگ 10 ملک کے پہلے ایچ ڈی اسپورٹس چینل اے اسپورٹس پر نشر کیا جائے گا اور شائقین کرکٹ میگا ایونٹ کے ایکشن اور سنسنی خیزی سے بھرپور مقابلے براہ راست اے اسپورٹس پر دیکھ سکیں گے۔

    اے اسپورٹس کے علاوہ سرکاری ٹیلی ویژن پی ٹی وی پر بھی یہ مقابلے براہ راست دکھائے جائیں گے۔

    اس کے علاوہ پی ایس ایل 10 کے پاکستان سے باہر تمام خطوں کے لیے نشریاتی حقوق ٹرانس گروپ نے حاصل کر لیے ہیں اور دنیا کے مختلف چینلز پر پی ایس ایل کو براہ راست نشر کیا جائے گا۔

    واضح رہےکہ پاکستان سپر لیگ کے دسویں ایڈیشن کا آغاز 11 اپریل سے ہو رہا ہے۔ کراچی، لاہور، پنڈی اور ملتان کے میداںوں میں سجنے والا یہ کرکٹ میلہ 39 دن تک جاری رہے گا۔ 18 مئی کو قذافی اسٹیڈیم میں فائنل میچ کھیلا جائے گا۔

    https://urdu.arynews.tv/match-officials-for-psl-10-announced/

  • سابق بھارتی کرکٹر کپل دیو نے ظہیرعباس کی تعریفوں کے پل باندھ دیئے

    سابق بھارتی کرکٹر کپل دیو نے ظہیرعباس کی تعریفوں کے پل باندھ دیئے

    بھارت کے سابق ٹیسٹ کرکٹر اور ٹیم کے کپتان کپل دیو نے پاکستان کے مایہ ناز بیٹسمین ظہیرعباس کی تعریفوں کے پل باندھ دیئے۔

    وہ اے آر وائی نیٹ ورک کے تحت کھیلوں کے چینل "اے اسپورٹس” کے پروگرام "کرکٹ کونکلیو” میں میزبان کاشف عباسی سے گفتگو کررہے تھے۔

    دبئی کے برج خلیفہ کے پاس ہونے والے پروگرام "کرکٹ کونکلیو” میں پاکستان کے کرکٹ لیجنڈ ظہیرعباس کے علاوہ سابق ٹیسٹ کرکٹر عاقب جاوید بھی موجود تھے۔

    اس موقع پر کپل دیو کا کہنا تھا کہ پاک بھارت میچ کے دوران ہمارے باؤلر اکثر ظہیر عباس سے کہا کرتے تھے کہ بھگوان کے لیے اب بس بھی کردو لیکن اس کے بلے سے رنز اگلتے رہتے تھے۔

    انہوں نے بتایا کہ جب ہم پاکستان سے میچ کھیل رہے تھے اس دوران بھارت میں کرکٹ شائقین کی جانب سے شہرووں میں پوسٹرز لگائے گئے کہ "ظہیر عباس اب بس کر” اس بات سے ان کی مقبولیت کا اندازہ لگایا جاسکتا ہے۔

    کپل دیو کا کہنا تھا کہ مجھے عجیب لگتا ہے جب کوئی یہ کہتا ہے کہ ایشییئن بریڈ مین، جبکہ اصل بات یہ ہے کہ ظہیر عباس صرف ظہیر عباس ہے، اور ان کا موازنہ کسی بریڈمین سے نہیں ہوسکتا۔

    واضح رہے کہ ایشین بریڈ مین ظہیر عباس نے جنوری 1975ءسے دسمبر1985ءکے دوران کم از کم ایک ہزار رنز اسکور کرنے والے بلے بازوں میں کپل دیو (102.85) اور سر ویوین رچرڈز(89.46) کے بعد سب سے زیادہ اسٹرائیک ریٹ(85.03) سے رنز اسکور کیے تھے۔

  • اے اسپورٹس : وسیم اکرم اور وقار یونس پاکستان کے پہلے ایچ ڈی اسپورٹس چینل سے منسلک

    اے اسپورٹس : وسیم اکرم اور وقار یونس پاکستان کے پہلے ایچ ڈی اسپورٹس چینل سے منسلک

    کراچی : اے آر وائی نیٹ ورک نے شائقین کرکٹ کو خوشخبری سنادی، پاکستان کا پہلا ایچ ڈی چینل "اے اسپورٹس” 16اکتوبر سے آن ایئر ہوگا۔

    پاکستان کرکٹ کے دو بڑے نام وقار یونس اور وسیم اکرم اب "اے اسپورٹس” کے پلیٹ فارم سے اپنے مداحوں کو کرکٹ کی مزید اپ ڈیٹ سے باخبر رکھیں گے۔

     

    View this post on Instagram

     

    A post shared by Salman Iqbal ARY (@salman_ary)

    ٹی ٹوئنٹی ورلڈ کپ کے لئے لیجنڈ کرکٹرز اور ’’ٹو ڈبلیوز‘‘کے نام سے مشہور وسیم اکرم اور وقار یونس کو شائقین کرکٹ پاکستان کے پہلے ایچ ڈی اسپورٹس چینل "اے اسپورٹس” پر سولہ اکتوبر سے دیکھ سکیں گے۔

    اس حوالے سے قومی ٹیم کے سابق کپتان وسیم اکرم نے اپنے ٹوئٹ میں لکھا ہے کہ اے اسپورٹس کے ساتھ منسلک ہونے کا اعلان کرتے ہوئے بے حد خوشی ہے۔

    ان کا اپنے پیغام میں کہنا تھا کہ میں نے پاکستان کے پہلے ایچ ڈی اسپورٹس چینل "اے اسپورٹس” کو بطور صدر جوائن کرلیا ہے۔ میں اپنے دوست اور اے آر وائی نیٹ ورک کے سی ای او سلمان اقبال کا شکر گزار ہوں، یہ پاکستان کے اسپورٹس اور میڈیا کیلئے بہت بڑا اقدام ہے۔

    سابق کپتان وقار یونس نے اپنے ٹوئٹ میں لکھا کہ اے اسپورٹس پاکستان کا پہلا ایچ ڈی اسپورٹس چینل ہے جو آئی سی سی ٹی ٹوئنٹی ورلڈ کپ کے میچز آپ کو دکھائے گا، انہوں نے کہا کہ اے آر وائی نیٹ ورک کے سی ای او سلمان اقبال اور ان کی پروفیشنل ٹیم کے ساتھ کام کرنے کے لئے پرجوش ہوں۔

     

    View this post on Instagram

     

    A post shared by ASports (@asportstv.pk)

    واضح رہے کہ اے اسپورٹس چینل آئی سی سی ٹی 20 ورلڈ کپ کے میچز دکھائے گا اس کے علاوہ ناظرین کھیلوں پر ماہرانہ تجزیے اور ملک کی نامور شخصیات کے تبصرے سن سکیں گے۔