ARYNews.tv | Urdu – Har Lamha Bakhabar

Tag: aalia bhatt

  • عالیہ بھٹ نے آئیفا ایوارڈز میں شرکت کیوں نہیں کی؟

    عالیہ بھٹ نے آئیفا ایوارڈز میں شرکت کیوں نہیں کی؟

    ممبئی : بھارتی فلموں کی خوبرو اداکارہ عالیہ بھٹ کو ان کی فلم ’گنگوبائی کاٹھیا واڑی‘ میں شاندار اداکاری کے اعتراف میں آئیفا ایوارڈ 2023 میں بہترین اداکارہ کے ایوارڈ سے نوازا گیا لیکن انہوں نے یہ ایوارڈ نہیں لیا۔

    بھارتی میڈیا کی رپورٹ کے مطابق بھارتی اداکارہ عالیہ بھٹ جو مشہور فلمی ہدایت کار مہیش بھٹ کی صاحبزادی بھی ہیں اپنی ذاتی مصروفیت کے باعث مذکورہ ایوارڈ وصول نہ کرسکیں۔

    اس حوالے سے بھارتی میڈیا میں بتایا گیا ہے کہ ایک خاندانی ایمرجنسی کی وجہ سے وہ ایوارڈ وصول کرنے کیلئے مذکورہ شو میں شرکت نہ کرسکیں۔

    عالیہ بھٹ ایوارڈ

     

    بعد ازاں اداکارہ نے ایوارڈ ملنے کے بعد انسٹاگرام پر ایک جذباتی پوسٹ لگائی، جس میں انہوں نے اپنی فلم ’گنگوبائی کاٹھیاواڑی‘ کا پوسٹر شیئر کیا اور لکھا کہ’آئیفا کا شکریہ، مجھے افسوس ہے کہ میں ایوارڈ وصول کرنے کیلئے خود حاضر نہ ہوسکی۔

    انہوں نے اس ایوارڈ پر مداحوں کا بھی شکریہ ادا کیا اور لکھا کہ اس اعزاز سے مجھے اور فلم کی پوری ٹیم کو نئی مسرت اور خوشی ملی ہے۔

    بھارتی میڈیا رپورٹ کے مطابق عالیہ بھٹ اپنے نانا نریندر رزدان کی طبیعت خراب ہونے کی وجہ سے ایوارڈ شو میں شرکت نہ کرسکیں اور ان کی جگہ فلم پروڈیوسر جیانتی لال نے ایوارڈ وصول کیا۔

    عالیہ بھٹ اپنی اگلے پروجیکٹ میں کرن جوہر کی فلم ’روکی اور رانی کی پریم کہانی‘ میں رنویر سنگھ کے ساتھ نظر آئیں گی۔

  • بھارتی اداکارہ عالیہ بھٹ بھی فواد خان کی مداح نکلیں

    بھارتی اداکارہ عالیہ بھٹ بھی فواد خان کی مداح نکلیں

    بھارت کی معروف اداکارہ عالیہ بھٹ بھی پاکستانی اداکار کی تعریف کیے بغیر نہ رہ سکیں، ان کا کہنا ہے کہ وہ فواد خان کی اداکارانہ صلاحیتوں سے بہت متاثر ہیں۔

    بالی ووڈ اداکارہ عالیہ بھٹ اس وقت اپنے فلمی کیریر کے عروج پر ہیں، ان کے مداح ان کی اداکاری کی تعریفیں کرتے نہیں تھکتے مگر اداکارہ کا کہنا ہے کہ انہوں نے پاکستانی اسٹار اداکار فواد خان سے بہت کچھ سیکھا۔

    اپنی نئی آنے والی فلم "گنگو بائی” کی تشہیر کے دوران عالیہ بھٹ کا کہنا تھا کہ انہوں نے علی ظفر سے زیادہ فواد خان کو جانتی ہیں کیونکہ ان کے ساتھ کام کرچکی ہیں۔

    انہوں نے کہا کہ بطور آرٹسٹ فواد خان سے بہت کچھ سیکھا ہے، عالیہ نے یہاں تک کہا کہ فواد خان نے بطور اداکار فنی اور ثقافتی طور پر سینما میں جو اثرات چھوڑے ہیں ان کے بارے میں اگر بات کروں تو میرے پاس الفاظ کم پڑجائیں گے۔

    عالیہ بھٹ کا کہنا تھا کہ آرٹ کی کوئی سرحد نہیں ہوتی ہے، انہیں پاکستان سے بہت پیار ملا ہے اور وہ بھی پاکستانی مداحوں سے بہت پیار کرتی ہیں۔

    یاد رہے کہ عالیہ بھٹ پاکستانی اسٹار فواد خان کے ساتھ "کپور اینڈ سنز” میں کام کرچکی ہیں، جس میں فواد خان کی بہترین اداکاری نے سب کو حیران کردیا تھا۔

    اس وقت عالیہ بھٹ سنجے لیلا بھنسالی کی فلم "گنگو بائی کاٹھیا واڑی” کی تشہیری مہم میں مصروف ہیں جو 25فروری کو سنیما گھروں میں نمائش کیلئے پیش کی جائے گی۔

  • عالیہ بھٹ کی فلم پر ریلیز سے پہلے تنازعہ اٹھ کھڑا ہوا، ویڈیو یکھیں

    عالیہ بھٹ کی فلم پر ریلیز سے پہلے تنازعہ اٹھ کھڑا ہوا، ویڈیو یکھیں

    ممبئی : حسین زیدی کی معروف کتاب "مافیا کوئینز آف ممبئی” پر مبنی بننے والی بھارتی فلم گنگو بائی کاٹھیا واڑی ریلیز سے قبل ہی تنازعات کا شکار ہو گئی ہے۔

    بھارتی ذرائع ابلاغ کے مطابق سنجے لیلا بھنسالی کی ہدایت میں بننے والی فلم کے خلاف گنگو بائی کے خاندان نے عدالت سے حکم امتناع حاصل کر لیا ہے۔

    Gangubai Kathiawadi trailer: Alia Bhatt is an alpha female in Bhansali's film | Entertainment News,The Indian Express

    بالی ووڈ اداکارہ عالیہ بھٹ کی نئی آنے والی فلم "گنگو بائی کاٹھیاواڑی” حسین زیدی کی کتاب "مافیا کوئیز آف ممبئی” پر بنائی گئی ہے، اس فلم کے ہدایت کار سنجے لیلا بھنسالی ہیں اور اس فلم کی ریلیز25 فروری کو ہونا تھی۔

    گنگو بائی کے خاندان کی جانب سے شکایات کے بعدعدالت نے سجنے لیلا بھنسالی، عالیہ بھٹ اور حسین زیدی کو ہتک عزت کے نوٹس روانہ کردیئے ہیں۔

    حسین زیدی کی کتاب کے مطابق گنگو بائی نے چار بچوں بابو راؤ، بے بی، شکونتلا اور راجن کو گود لیا۔ گنگو بائی بالی وڈ میں کام کرنے کےلیے گھر سے بھاگ گئی اور بعد میں اسے ایک بازاری عورت کے طور پر کام کرنے مجبور کیا گیا۔ پھر وہ انڈر ورلڈ کی ایک معروف شخصیت بن گئی۔

    گنگو بائی کے گود لیے بچوں کے وکیل کا کہنا ہے کہ ’کوئی نہیں چاہتا کہ اس کی ماں کو ایک بازاری عورت کے روپ میں دکھایا جائے، حتی کہ ایسی عورت کا بیٹا بھی یہ نہیں چاہے گا۔ یہ صرف پیسے کے لیے کیا گیا ہے اور یہ کسی کے کردار پر حملہ ہے۔

    Gangubai Kathiawadi: Netizens furious over 'racist' scene, Vijay Raaz playing trans role, Entertainment News | wionews.com

    خاندان کا الزام ہے کہ ’اس فلم میں ہماری ماں کو ایک سماجی کارکن سے طوائف بنا دیا گیا ہے۔‘ گنگو بائی کے بیٹے بابو راؤ جی شاہ نے کہا کہ ’فلم میں میری ماں کو طوائف دکھایا گیا ہے۔ جس سے ہمارے خاندان کو پریشانی کا سامنا ہے۔

    دوسری جانب گنگوبائی کی پوتی بھارتی کا کہنا تھا کہ ’فلم بنانے والوں نے پیسے کے لالچ کی وجہ سے میرے خاندان کو بدنام کیا ہے۔ اسے ہر گز قبول نہیں کیا جا سکتا۔ فلم بنانے والوں نے خاندان کی رضامندی تک نہیں لی اور نہ ہی کتاب کے لیے کوئی ہمارے پاس آیا۔

    Gangubai Kathiawadi trailer: Alia Bhatt shines as feisty queen of Kamathipura, Ajay Devgn makes powerful cameo. Watch | Bollywood - Hindustan Times

    طے شدہ شیڈول کے مطابق فلم 25 فروری کو ریلیز ہونا تھی لیکن اب یقین سے کہنا مشکل ہے کہ گنگو بائی کا ٹھیاواڑی کب ریلیز ہو گی؟ بھارتی ذرائع ابلاغ کے مطابق عدالت نے سنجے لیلا بھنسالی، حسین زیدی اور عالیہ بھٹ کو ہتک عزت کے نوٹسز بھیج دیے ہیں۔

  • رنبیر کپور کے عالیہ بھٹ سے تعلقات پر دپیکا کا جواب

    رنبیر کپور کے عالیہ بھٹ سے تعلقات پر دپیکا کا جواب

    ممبئی: بالی ووڈ اداکار رنبیر کپور کی سابق اور حالیہ دوستوں نے ہدایت کار کرن جوہر  کے پروگرام میں بطور مہمان شرکت کی اور مختلف سوالات کے جواب دیے۔

    تفصیلات کے مطابق بالی ووڈ ہدایت کار کرن جوہر کے مشہور پروگرام ’کافی ود کرن‘کی پہلی قسط میں دپیکا پڈوکون اور عالیہ بھٹ نے شرکت کی، میزبان نے رواں سیزن 6 کا آغاز دو خواتین سے کیا جس پر وہ خوش بھی دکھائی دیے۔

    پروگرام کے آغاز پر کرن جوہر کا کہنا تھا کہ ’مجھے فخر ہے کہ سیزن کا آغاز دو ایسی لڑکیوں سے ہورہا ہے جنہیں ’پاور گرل‘ کہا جاتا ہے‘۔

    کرن جوہر نے عالیہ اور دپیکا سے رنبیر کپور سے متعلق سوالات کیے۔

    مزید پڑھیں: دپیکا اور رنویر سوشل میڈیا سے خوفزدہ کیوں؟

    میزبان نے دپیکا سے سوال کیا کہ آپ کے رنبیر کے ساتھ تعلقات ہیں اور عالیہ بھی اب اُن کے رابطے میں ہیں تو کیسا لگتا ہے، جس پر اداکارہ نے جواب دیا کہ ازراہ کرم آپ مجھے شرمندہ نہ کریں کیونکہ ایسا کچھ نہیں ہے۔

    کرن جوہر نے دونوں اداکارؤں سے شادی کرنے سے متعلق سوال کیا تو انہوں نے ایک دوسرے کی طرف انگلیاں اٹھائیں کہ پہلے یہ کرے گی۔

    واضح رہے کہ کافی ود کرن کے چھٹے سیزن میں سیف علی خان اُن کی بیٹی سارہ علی خان، ارجن کپور، جھانوی کپور، رنویر سنگھ ، اکشے کمار شرکت کریں گے، یہ پروگرام 21 اکتوبر سے نشر کیا جائے گا۔

    یہ بھی پڑھیں: عالیہ بھٹ کم عمری میں شادی سے خوف زدہ

    یاد رہے کہ کچھ روز قبل بھارتی میڈیا نے دعویٰ کیا تھا کہ دپیکا اور رنویر رواں برس نومبر کی 20 تاریخ کو ازدواجی بندھن میں بند جائیں گے، شادی کی تقریب اٹلی کے خوبصورت مقام ’لیک کومو‘ میں منعقد کی جائے گی۔

    دونوں اداکاروں کے اہل خانہ اس رشتے پر رضا مند بھی ہیں اور انہوں نے اب شادی کی تیاری بھی شروع کردی، بالی ووڈ سے موصول ہونے والی اطلاعات کے مطابق شادی کی تقریب میں اہل خانہ اور قریبی دوستوں سمیت صرف 30 لوگوں کو مدعو کیا جائے گا اور مہمانوں پر دورانِ تقریب موبائل استعمال کرنے کی پابندی ہوگی۔

  • انتظار ختم، مہیش بھٹ کی فلم میں دونوں صاحبزادیاں جلوے بکھیریں گی

    انتظار ختم، مہیش بھٹ کی فلم میں دونوں صاحبزادیاں جلوے بکھیریں گی

    ممبئی: بالی ووڈ فلم نگری میں مختصر عرصے میں اپنی صلاحیتوں کا لوہا منوانے والی اداکارہ عالیہ بھٹ اپنے والد کی فلم میں کام کرنے کی تصدیق کردی۔

    تفصیلات کے مطابق بالی ووڈ کے نامور ہدایت کار مہیش بھٹ نے  اپنی سالگرہ کے موقع پر اعلان کیا تھا کہ وہ سنہ 1991 میں ریلیز ہونے والی فلم ’سڑک‘ کا سیکوئل بنانے جارہے ہیں۔

    ہدایت کار نے 20 ستمبر کو سماجی رابطے کی ویب سائٹ پر ایک پوسٹ کے ذریعے مطلع کیا تھا کہ فلم میں اُن کی صاحبزادیاں عالیہ اور پوجا بھٹ کردار ادا کریں گی۔

    فلمی پنڈت اکثر سوال کرتے نظر آتے تھے کہ وہ دن کب آئے گا جب عالیہ بھٹ اور پوجا اپنے والد کے ساتھ کام کریں گی؟مہیش بھٹ کے اعلان کے بعد اُن کی صاحبزادیاں بہت خوش ہیں اور انہوں نے اس کو اپنے لیے بہت خاص موقع بھی قرار دیا جبکہ مداح بھی ’بھٹ‘ فیملی کو ایک ساتھ دیکھنے کے منتظر ہیں۔

    یہ بھی پڑھیں: عالیہ بھٹ اور رنبیر کپور کی شادی کب ہوگی؟ تاریخ سامنے آگئی

    عالیہ بھٹ نے بھارتی میڈیا سے گفتگو کرتے ہوئے کہا کہ ’فلم سڑک کو وہ منظر مجھے آج بھی یاد ہے کہ جب میری ماں سونی رازدان کو کھڑی سے باہر پھینک دیا گیا تھا۔ اداکارہ کا کہنا تھا کہ جب میں نے فلم دیکھی تو  اُس وقت میری عمر بہت کم تھی ، وہ منظر کئی روز تک میری آنکھوں کے سامنے گھومتا رہا اور پھر عاجز آکر میں نے والد پر غصہ کیا کہ آخر آپ ایسا کیسے کرسکتے ہیں۔

    عالیہ بھٹ کا ساتھ میں یہ بھی کہنا تھا کہ ’کمسنی کی وجہ سے میں منظر کو حقیقت سمجھتی رہی اور پھر جب سمجھداری کی عمر میں داخل ہوئی تو سب سمجھ آیا‘۔

    یہ بھی پڑھیں: پاکستانی فنکاروں کی حمایت، عالیہ بھٹ اور اُن کے والد کو قتل کی دھمکیاں

    فلم سڑک کے سیکوئل میں عالیہ بھٹ، پوجا بھٹ کے علاوہ سنجے دت اور آدتیہ رائے کپور بھی کردار ادا کرتے نظر آئیں گے۔

    واضح رہے کہ 1991 میں ریلیز ہونے والی فلم ’سڑک‘ میں پوجا بھٹ کے ساتھ سنجے دت نے مرکزی کردار ادا کیا تھا۔

  • عالیہ بھٹ اور رنبیر کپور کی شادی کب ہوگی؟ تاریخ سامنے آگئی

    عالیہ بھٹ اور رنبیر کپور کی شادی کب ہوگی؟ تاریخ سامنے آگئی

    ممبئی: بھارتی میڈیا نے دعویٰ کیا ہے کہ بالی ووڈ اداکارہ عالیہ بھٹ اور  اُن کے ساتھی رنبیر کپور دو برس بعد ازدواجی بندھن میں بندھ جائیں گے۔

    بھارتی میڈیا کے مطابق عالیہ بھٹ اور رنبیر کے مابین گہری دوستی تھی جو محبت میں تبدیل ہوچکی اور اب دونوں نے شادی کرنے کا فیصلہ کرلیا، ذرائع کا دعویٰ ہے کہ دونوں اداکاروں نے اپنے گھر والوں کو راضی بھی کرلیا جنہوں نے 2020 تک شادی کرنے کا فیصلہ کیا۔

    ذرائع ابلاغ میں اس سے قبل یہ افواہیں گردش تھیں کہ عالیہ اور رنبیر کے مابین محبت کا رشتہ ہے اور دونوں ایک دوسرے کے خفیہ ملاقاتیں بھی کرتے ہیں جن کی کئی بار تصاویر منظر عام پر بھی آچکیں۔

    مزید پڑھیں: ادھیڑ عمر بالی ووڈ اداکار کی نوجوان لڑکی سے شادی

    گزشتہ دنوں چاکلیٹی ہیرو نے ایک نجی تقریب میں شرکت کی جس میں انہوں نے بتایا کہ ’کچھ نیا ہونے جارہا ہے کیونکہ اب ہمارا رشتہ اگلے مرحلے میں داخل ہوچکا‘۔

    رنبیر نے یہ بات کس تناظر میں کہی اس حوالے سے مزید کوئی اطلاع سامنے نہیں آسکی البتہ اُن کے قریبی حلقہ احباب اور دوستوں کا ماننا ہے کہ اداکار  کا اشارہ عالیہ بھٹ کی طرف یہ تھا۔

    دوسری جانب گزشتہ برس نجی ٹی وی شو میں بالی ووڈ اداکارہ بھی محبت کا اظہار کرچکی ہیں اور انہوں نے یہ بات کہی تھی کہ ہماری دوستی ہے اور میں رنبیر کی دیوانی ہوں۔

    اسے بھی پڑھیں: بالی ووڈ شادیوں کا سیزن، ایک ہفتے میں تیسری شادی

    واضح رہے کہ عالیہ اور رنبیر  کے درمیان قربتوں کا سلسلہ نئی آنے وال فلم ’براہمسترا‘ کی شوٹنگ پر بلغاریہ میں شروع ہوا، اس فلم میں امتابھ بچن مین کام کررہے ہیں، اسے 15 اگست 2019 کو سینیما گھروں میں نمائش کے لیے پیش کیا جائے گا۔

    خیال رہے کہ گزشتہ برس بالی ووڈ اداکارہ انوشکا شرما اور ویرات کوہلی نے شادی کی تھی جس کے بعد ایک ہفتے کے دوران سونم کپور، میوزک ڈائریکٹر ہمیش ریشمیا، اداکارہ نہیا دھوپیا نے بھی شادی کی تھی۔

    یہ بھی پڑھیں: پاکستانی فنکاروں کی حمایت، عالیہ بھٹ اور اُن کے والد کو قتل کی دھمکیاں

    دوسری جانب بالی ووڈ کی معروف اداکارہ دپیکا اور اداکار رنویر سنگھ کی شادی کی تاریخ سامنے آگئی جس کے مطابق دونوں اداکار رواں سال نومبر میں شادی کرلیں گے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • رنویر سنگھ کا کارنامہ: وزن میں حیرت انگیز کمی، تصاویر وائرل

    رنویر سنگھ کا کارنامہ: وزن میں حیرت انگیز کمی، تصاویر وائرل

    ممبئی: بالی ووڈ اداکار رنویر سنگھ نے اپنی نئی آنے والی فلم ’گلی بوائے‘ کے لیے ایک بار پھر خود کو جسمانی طور پر تبدیل کرتے ہوئے وزن حیران کُن حد تک کم کرلیا۔

    تفصیلات کے مطابق بالی ووڈ انڈسٹری میں اپنی صلاحیتوں کا لوہا منوانے والے نوجوان اداکار رنویر سنگھ کا شمار اُن اداکاروں میں ہوتا ہے جو کوئی بھی کردار بہت خوبصورتی کے ساتھ نبھا سکتے ہیں۔

    رنویر سنگھ نے بھارت کی متنازع ترین فلم پدماوت میں بادشاہ علاؤ الدین خلجی کا کردار ادا کیا جس کے لیے انہیں اپنے وزن میں اضافہ کرنا پڑا تھا تاہم اب بالی ووڈ اداکار نے گلی بوائے کے لیے وزن حیران کُن حد تک کم کرڈالا۔

    مزید پڑھیں: مسٹر پرفیکٹ کا کارنامہ، نئی فلم کے لیے وزن میں حیرت انگیز کمی

    بالی ووڈ اداکار عامر خان کو یہ اعزاز حاصل تھا کہ پہلے انہوں نے فلم دنگل میں پہلوان کا کردار ادا کرنے کے لیے پہلے تو اپنے وزن میں 98 کلو گرام تک اضافہ کیا تھا تاہم اس کے دوسرے حصے جس میں مسٹر پرفیکٹ نے جوان شخص کا کردار ادا کیا اُس میں اپنا وزن 25 کلو سے بھی کم کیا تھا۔

    اب اداکار ہدایت کارہ زویا اختر کی فلم گلی بوائے میں ایک ایسے شخص کا کردار ادا کررہے ہیں جو غربت کی چکی کے نیچے اپنی زندگی بسر کرتا ہے اور غریبوں کے مسائل کو اپنے نغموں کے ذریعے اٹھاتا ہے۔

    فلمی کردار کے لیے  اچھے طریقے سے ادا کرنے کے لیے رنویر نے اپنے آپ کو جسمانی طور پر تبدیل کرتے ہوئے وزن میں 20 کلوگرام تک کمی کرلی، اداکار کی تصاویر دیکھ کر پہلے تو مداح انہیں پہنچانے نہیں اور پھر اُن سے وزن کم کرنے کی تراکیب بھی پوچھ ڈالیں۔

    یہ بھی پڑھیں: انتظار ختم !! عالیہ بھٹ نے خوشخبری سنادی، رنویرکے ساتھ تصاویر وائرل

    اداکار کا کہنا ہے کہ ’میں نے سخت محنت ، ورزش اور کھانے پینے میں احتیاط کی ساتھ ہی روزانہ تقریبا 5 گھنٹے چہل قدمی کی جس کے بعد مثبت نتائج سامنے آئے‘۔

    واضح رہے کہ فلم پدماوت میں بادشاہ علاؤ الدین خلجی کا کردار نبھانے کے چکر میں رنویر سنگھ ذہنی مریض بن گئے تھے جس کے بعد انہوں نے ماہر نفسیات سے اپنا باقاعدہ معائنہ بھی کروایا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • انتظار ختم !! عالیہ بھٹ نے خوشخبری سنادی، رنویرکے ساتھ تصاویر وائرل

    انتظار ختم !! عالیہ بھٹ نے خوشخبری سنادی، رنویرکے ساتھ تصاویر وائرل

    ممبئی: بالی ووڈ اداکارہ نے عالیہ بھٹ نے مداحوں کو خوشخبری سنائی کہ ساتھی اداکار رنویر سنگھ کے ساتھ انہوں نے اپنی نئی آنے والی فلم ’گلی بوائے‘ کی شوٹنگ کا باقاعدہ آغاز کردیا۔

    تفصیلات کے مطابق بالی ووڈ فلم ساز زویا اختر کی ہدایت کاری میں بنائی جانے والی فلم ’گلی بوائے‘ معاشرے میں غریبوں کے ساتھ ہونے والے مظالم اور عدم مساوات پر بنائی جارہی ہے۔

    فلم میں رنویر سنگھ ایسے لڑکے کا کردار ادا کررہے ہیں جو موسیقی کی دنیا میں قدم رکھنے کے بعد اپنے گانوں کے ذریعے سماجی مسائل اجاگر کرتے ہوئے میوزک کی دنیا میں نام خوب نام کماتا ہے۔

    مزید پڑھیں: رنویر سنگھ نے عالیہ بھٹ کا قیمتی لباس خراب کردیا، اداکارہ سیخ پا

    اطلاعات تھیں کہ سلمان خان کی سفارش پر فلم ڈائریکٹر نے مرکزی کردار کے لیے کترینہ کیف کی بہن ازابیل کو منتخب کرلیا اور عالیہ بھٹ کو کاسٹ سے باہر کردیا مگر اتوار کے روز جب فلم کی شوٹنگ کا آغاز ہوا تو ساری قیاس آرائیاں دم توڑ گئیں۔

    عالیہ بھٹ نے سماجی رابطے کی ویب سائٹ پر بذریعہ ٹویٹ مداحوں کو اطلاع دی کہ ’بلاآخر آج پہلا دن تھا، یہ فلم کچھ وجوہات کی بنا پر میرے لیے بہت زیادہ اہم ہے‘۔

    رنویر سنگھ نے بھی فلم کی لیے نیک خواہشات کا اظہار کرتے ہوئے ساتھی اداکارہ کا شکریہ ادا کیا۔

    سماجی رابطے کی ویب سائٹ انسٹا گرام پر گلی بوائے کے سیٹ کی تصاویر شیئر کی گئیں جس میں عالیہ بھٹ اور رنویر سنگھ ایک منظر ریکارڈ کروارہے ہیں۔

    تصاویر میں دیکھا جاسکتا ہے کہ بالی ووڈ اداکارہ نے نہایت سادہ نظر آرہی ہیں اور انہوں نے سر پر حجاب بھی لیا ہوا ہے جبکہ رنویر بھی سادہ ملبوسات میں نوجوان لڑکے کی طرح نظر آرہے ہیں۔

    انسٹا گرام پراداکاروں کو نئے انداز میں دیکھ کر پرستاروں نے بہت سراہا اور بالی ووڈ کی نامور شخصیات نے بھی مرکزی کرداروں کی کیمسٹری پر تعریفوں کے پُل باندھ دیے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ہالی ووڈ کی کسی فلم میں کام نہیں کررہی ، عالیہ بھٹ

    ہالی ووڈ کی کسی فلم میں کام نہیں کررہی ، عالیہ بھٹ

    ممبئی: بالی ووڈ کی چنچل اداکارہ عالیہ بھٹ کا کہنا ہے کہ وہ ہالی ووڈ کی کسی فلم میں کام نہیں کررہی اور نہ ہی انہیں اس قسم کی کوئی پیش کش ہوئی ہے۔

    بھارتی میڈیا میں یہ بات متواتر گردش کررہے ہیں کہ عالیہ بھٹ بھی اب ایشوریہ رائے ، پرینکا چوپرا اور دیپیکا پدوکون کی طرح ہالی ووڈ کے لیے پر تول رہی ہیں اور انہوں نے ایک فلم سائن بھی کرلی ہے لیکن خود عالیہ بھٹ نے ان خبروں کی تردید کردی ہے۔

    اپنی نئی فلم کپور اینڈ سنز کی تشہیری تقریب کے دوران انہوں نے کہا کہ ہالی ووڈ میں کام کرنا یقینی طور پر متاثر کن ہے اور انہیں پریانکا چوپڑا اور دیپیکا پڈوکون پر بہت فخر ہے، جنہوں نے بالی ووڈ سے ہالی ووڈ میں بھی انٹری دے دی ہے لیکن ابھی وہ کسی ہالی ووڈ فلم میں کام نہیں کررہیں۔

    عالیہ بھٹ کا کہنا تھا کہ انہیں فلم عاشقی 3 کے لئے بھی پیشکش نہیں کی گئی، اگر انہیں پیشکش کی جاتی تو یقیناً اس پر ضرور سوچتیں۔ انہوں نے کہا کہ خواتین اپنے ارادوں میں بہت مضبوط ہوتی ہیں اور اپنے خواب کو پورا کرتی ہیں بالکل اسی طرح میرے بھی خواب ہیں اور تھوڑی امید بھی ہے کہ وہ پورے ہوں گے۔

  • میں بھارت میں ہوں تو یہاں کے رنگ میں خود کونہیں رنگ سکتا، فواد خان

    میں بھارت میں ہوں تو یہاں کے رنگ میں خود کونہیں رنگ سکتا، فواد خان

    پاکستان کے ناموراداکارفواد خان نے خاموشی توڑتے ہوئے بھارتی فلموں میں فحش مناظرفلمانے سے انکار کی وجہ بتادی۔

    فواد خان پاکستان اور بھارت کی فلم انڈسٹری کے سب سے خوبرو اور وجیہہ اداکارہیں اور نہ صرف وہ پاکستان اور بھارت کی عوام کو اپنے فن کا مداح بنانے میں کامیاب ہوچکے ہیں بلکہ انہوں نے اپنی اخلاقی اقدارکو بھی ملحوظِ خاطر رکھا ہواہے۔

    فواد خان عالیہ بھٹ کے ساتھ فحش مناظر فلمانے سے پہلے ہی انکارکرچکے ہیں اوراب ایک بارپھروہ خبروں کی زینت ہیں جب انہوں نے سونم کپور کے ساتھ فلم’’ بیٹل فار بتورا‘‘ میں فحش مناظر فلمانے سے انکار کیا ہے۔

    بالی وڈ سے ایسی بھی اطلاعات موصول ہورہی ہیں کہ اس انکار کے سبب فواد خان کی جگہ اب فلم میں فرحان اختر کو کاسٹ کیا جائے گا۔

    بھارتی ٹی وی کو دئیے گئے انٹرویومیں فواد خان کا کہنا تھا کہ ’’میں اس سے پہلے بھی اس معاملے پر اپنا موقف دے چکا ہوں، میں فحش مناظر فلمانے کی حامی اس لئے نہیں بھرتا کہ میرے وطن کے ناظرین انہیں پسند نہیں کریں گے‘‘۔

    انہوں نے مزید کہا کہ ’’میں مجھے وطن واپس جانا ہے اور وہاں کام کرنا ہے اور میں گرگٹ نہیں بن سکتا کہ یہاں کام کررہاہوں تو یہاں کے رنگ میں رنگ جاوٗں‘‘۔