ممبئی: بالی ووڈ میں اپنے کردار میں ڈھل جانے کے حوالے سے شہرت رکھنے والے اداکار عامر خان نے اپنی نئی آنے والی فلم دنگل میں نوجوان کا روپ دھار کر سب کو حیران کردیا ہے۔
بالی وڈ کے معروف اداکار عامر خان نے اپنی آنے والی فلم دنگل کی ایک تصویر کو ٹویٹ کیا ہے جو ٹوئٹر پر وائرل ہو گئی ہے، جیسے ہی عامر نے اس فلم کی اپنی تصویر ٹویٹ کی اس کے کچھ ہی دیر بعد یہ تصویر وائرل ہو گئی۔
2 days to go before I shoot for young Mahaveer…. @avigowariker pic.twitter.com/RkdmQAV5c0
— Aamir Khan (@aamir_khan) June 13, 2016
بالی ووڈ سپر اسٹار عامرخان اپنی نئی آنے والی فلم ’’دنگل‘‘ میں پہلوان کا کردار اداکر رہے ہیں جس کے لیے انہوں نے اپنے وزن میں 25 کلو کا اضافہ کردیا تھا۔
فلم ’دنگل‘ بھارتی پہلوان مہاویر پھوگٹ کی زندگی پر مبنی ہے، عامر خان نے ٹوئٹر پر جو تصویر جاری کی ہے وہ نوجوان مہاویر کی عکاسی کرتی ہے۔
واضح رہے کہ عامر خان کی فلم ’’دنگل‘‘روں برس دسمبر میں نمائش کے لیے پیش کی جائے گی۔
