ممبئی: بالی وڈ سپر اسٹار عامر خان کی اپنی بہن نکہت اور ان کے شوہر سنتوش کے ساتھ گنیش چتورتھی کے موقع پر پوجا کی تصاویر سامنے آئی ہیں۔
بھارتی میڈیا کے مطابق اداکار عامر خان نے حال ہی میں اپنی بہن نکہت اور ان کے شوہر سنتوش ہیگڈے کے ساتھ ممبئی کی رہائش گاہ پر تہوار منائی ہے جس کی تصویر سوشل میڈیا پر وائرل ہے۔
وائرل ہونے والی تصویر مین اداکار عامر خان کو اپنی بہن کے گھر پر روایتی رسومات میں حصہ لیتے ہوئے دیکھا گیا، اس تقریب میں عامر خان نے روایتی لباس میں شرکت کی۔
واضح رہے کہ اداکار عامر خان اپنی آنے والی فلم ’ستارے زمین پر‘ کی تیاری میں مصروف ہیں، جس میں وہ جنیلیا دیشمکھ کے ساتھ اداکاری کرتے نظر آئیں گے۔
عامر خان اس فلم کو خود ہی پروڈیوسر کررہے ہیں، جو ان کی پروڈکشن کمپنی ’عامر خان پروڈکشنز‘ کے بینر تلے بن رہی ہے، یہ فلم 25 دسمبر کو ریلیز ہوگی۔
