ممبئی: بالی ووڈ کے ’مسٹر پرفیکشنسٹ‘ عامر خان کے بھائی فیصل خان نے اپنے بھائی پر سنگین الزام عائد کیا ہے کہا کہ بھائی نے تمام اختیارات ضبط کرنے کی سازش کی تھی۔
میڈیا رپورٹس کے مطابق ماضی میں اداکار عامر خان کے بھائی فیصل خان نے ایک انٹرویو میں یہ انکشاف کیا تھا کہ عامر خان نے انہیں پاگل ثابت کر کے ان کے تمام اختیارات ضبط کرنے کی سازش کی تھی۔
فیصل خان نے کہا کہ’ ایک دن عامر خان میرے گھر پولیس اور ڈاکٹر لے آئے ار کہا کہ میری ذہنی حالت ٹھیک نہیں ہے، اس میں وہ مجھے ساتھ لے جانا چاہتے ہیں‘۔
انہوں نے مزید بتایا کہ عامر نے مجھ سے کہا کہ ہم تمہیں کلینک لے کر جائیں گے جہاں تمھارا معائنہ ہوگا اور اگر تم ہمارے ساتھ نہیں گئے تو ڈاکٹر تمہیں انجیکشن دے گا اور تمہیں بے ہوش کر کے ہم ساتھ لے جائیں گے۔
فیصل خان نے یہ بھی انکشاف کیا کہ 2007 میں عامر کی میرے پاس کال آئی اور اس نے مجھ سے کہا کہ ’’فیصل تم پاگل ہو اور کل عدالت میں تم اس بات کا اقرار کرتے ہوئے یہ کہو گے تم اپنے ذہنی کیفیت کے سبب اپنے فیصلے خود نہیں لے سکتےاور تمہیں ایک سرپرست کی ضرورت ہے‘‘۔
فیصل خان نے بتایا کہ میں یہ سن کر چونک اٹھا، عدالت میں جج نے مجھے کہا کہ آپ مینٹل اسپتال جائیں اگر وہ آپ کی دماغی حالت کو درست قرار دے دیتا ہے تو فیصلہ آپ کے حق میں دے دیا جائے گا اور اس کے بعد یہ کیس چلتا رہا۔
واضح رہے کہ عامر اور فیصل کے تعلقات میں اُس وقت کچھ تلخی آ گئی تھی، جب فیصل نے عامر کو ’موقع پرست‘ کہہ دیا تھا۔
جبکہ فیصل خان نے آئیرا کی شادی میں بھی شرکت نہیں کی تھی، ان کی عدم موجودگی نے ایک بار پھر دونوں کے تعلقات کو ناخوشگوار قرار دے دیا ہے۔
