Tag: aamir khan

  • عامر خان کی فلم سیکرٹ سپر اسٹار کا پہلا ٹریلر جاری کردیا گیا

    عامر خان کی فلم سیکرٹ سپر اسٹار کا پہلا ٹریلر جاری کردیا گیا

    ممبئی: بالی وڈ اداکار عامر خان کی نئی آنے والی فلم سیکرٹ سپر اسٹٓار کا پہلا ٹریلر جاری کردیا گیا۔ فلم میں اداکارہ زائرہ وسیم مرکزی کردار ادا کررہی ہیں۔

    تفصیلات کے مطابق عامر خان کی نئی آنے والی فلم سیکرٹ سپر اسٹار کا ٹریلر جاری کردیا گیا، فلم میں عامر خان میوزک ڈائریکٹر کے روپ میں نظر آئیں گے, دنگل میں عامر خان کی بیٹی کا کردار ادا کرنے والی زائرہ وسیم سیکرٹ سپر اسٹار میں گلوکارہ کا کردار نبھا رہی ہیں۔

    سیکرٹ سپر اسٹار کی ہدایت کاری کے فرائض ادویت چوہان نے انجام دئیے ہیں جبکہ فلم کو پروڈیوس عامر خان اور ان کی اہلیہ کرن راؤ نے کیا ہے۔

    فلم کی کہانی ایک ایسی لڑکی کے گرد گھومتی ہے جو میوزک کی دنیا میں اپنا نام بنانا چاہتی ہے جہاں اسے اپنی ماں کی حمایت حاصل ہوتی ہے تاہم والد اس کے گلوکارہ بننے کے سخت مخالفت ہوتے ہیں۔والد کی مخالفت کے باعث زائرہ وسیم اپنے گانوں کی ویڈیو کو سوشل میڈیا پر اپ لوڈ کرنا شروع کردیتی ہیں۔

    فلم سیکرٹ سپر اسٹار رواں برس دیوالی کے موقع پر ریلیز کی جائے گی۔ واضح رہے کہ دیوالی پر روہیت شیٹھی کی فلم گول مال اگین بھی ریلیز کی جارہی ہے۔ جس سے دونوں فلموں کے باکس آفس پر ٹکرانے کا خطرہ ہے۔

  • مسٹر پرفیکٹ کا کارنامہ، نئی فلم کے لیے وزن میں حیرت انگیز کمی

    مسٹر پرفیکٹ کا کارنامہ، نئی فلم کے لیے وزن میں حیرت انگیز کمی

    ممبئی: بالی ووڈ کے مسٹر پرفیکٹ عامر خان نے اپنی نئی آنے والے فلم کے لیے ایک بار خود کو جسمانی طور پر تبدیل کرلیا۔

    تفصیلات کے مطابق بالی ووڈ انڈسٹری میں اپنی فلموں اور مداحوں کو متاثر کرنے والے مسٹر پرفیکٹ نے ایک بار پھر اپنی نئی آنے والی فلم ’ٹھگ آف ہندوستان‘ کے لیے جسمانی طور پر تبدیلی کرلی۔

    بھارتی ویب سائٹ کے مطابق عامر خان نے سخت محنت کے بعد اس بار اپنے وزن میں 70 کلو سے زیادہ کمی کی کیونکہ وہ فلم میں ایسا کردار ادا کرنے جارہے ہیں جس کے لیے انہیں اس روپ میں نظر آنا ضروری تھا۔

    عامر خان کے ساتھ اس فلم میں بالی ووڈ انڈسٹری کے شہنشاہ امیتابھ بچن بھی کام کررہے ہیں، مسٹر پرفیکٹ اس حوالے سے کافی پرجوش بھی ہیں کیونکہ امیتابھ کے ساتھ اُن کی یہ پہلی فلم ہے۔

    بالی ووڈ مسٹر پرفیکٹ ان دنوں اپنی فلم کی شوٹنگ میں مصروف ہیں، اُن کے فین کلب نے بالی ووڈ اداکار کی نئی تصاویر جاری کی ہیں جو سوشل میڈیا پر بہت تیزی سے وائرل ہوئی اور عامر خان کے مداح انہیں دیکھ کر خود بھی حیران رہ گئے۔

    یاد رہے عامر خان نے اس سے پہلے آنے والی فلم دنگل کے لیے خاص طور پر جسمانی محنت کی تھی جس کے بعد وہ باقاعدہ پہلوان نظر آنے لگے تھے، انہوں نے اپنی ایک فلم مہاویر میں وزن کو 98 کلوگرام تک پہنچایا تھا تاکہ بوڑھے شخص کا کردار ادا کریں تاہم اسی فلم میں جوانی کے حصے میں انہوں نے اپنا وزن 25 کلو کم بھی کیا تھا۔

  • عامر خان کی "دنگل” چین میں ریلیز ہوتے ہی 1000 کروڑ کا بزنس کرنے والی پہلی بالی ووڈ فلم

    عامر خان کی "دنگل” چین میں ریلیز ہوتے ہی 1000 کروڑ کا بزنس کرنے والی پہلی بالی ووڈ فلم

    نئی دہلی : بالی وڈ مسٹر پرفیکشنسٹ عامر خان کی فلم ’دنگل ‘ چین میں ریلیز ہوتے ہی 1000 کروڑ کلب میں شامل ہونے والی پہلی بالی ووڈ فلم گئی۔

    بھارتی میڈیا کے مطابق فلم’ دنگل ‘نے چین میں بھی دھوم مچا دی، فلم دنگل 5مئی کو چین کے سنیما گھروں میں ریلیز کی گئی ، فلم نے چینی باکس آفس پر 10 دن کے اندر 382 کروڑ روپے کا بزنس کرکے اپنی ہی فلم "پی کے” کا ریکارڈ توڑ دیا ہے اور چین میں سب سے زیادہ کمائی کرنے والی پہلی بالی ووڈ فلم بن گئی۔

    فلم دنگل دنیا بھر سے مجموعی طور پر 1026 کروڑ روپے کما چکی ہے۔

    D1

    اس سال کے بیجنگ فلم فیسٹیول میں ’شوائی جیاو بابا‘ کے نام سے دنگل کی نمائش کی گئی تھی۔

    بالی ووڈ اداکار عامر خان نے پچھلے ماہ بیجنگ، شنگھائی، اور چینگڈو میں ایک ہفتے کی طویل تشہیری مہم کی قیادت کی۔

    فلم بھارتی پہلوان ماہاویر سنگھ پھوگٹ کی زندگی کی کہانی پر مبنی ہے جو اپنی بیٹیوں ببیتا اور گیتا کوریسلنگ سکھاتے ہیں، عامر خان کے علاوہ فاطمہ ثنا شیخ ،سانیا ملہوترا اور ساکشی تنور نے اہم کردار نبھایا ہے جبکہ نتیش تیواری فلم دنگل کے ہدایتکار ہیں۔

    اس سے قبل عامر خان کی فلم پی کے نے چین میں 70 کروڑ کا بزنس کیا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بالی ووڈ اکار عامر خان کا نیاروپ، تصویر سوشل میڈیا پر وائرل

    بالی ووڈ اکار عامر خان کا نیاروپ، تصویر سوشل میڈیا پر وائرل

    ممبئی: بالی ووڈ اداکار عامر خان نے نئی فلم کے لیے ہمیشہ کی طرح ایک بار پھر نیا روپ دھار لیا۔

    بھارتی میڈیا رپورٹ کے مطابق بالی ووڈ اداکار آج کل اپنی نئی آنے والی فلم ’ٹھگس آف ہندوستان‘ کے حوالے سے کام کررہے ہیں، جس میں وہ ایک بار پھر نئے روپ میں نظر آئیں گے۔

    عامر خان نے ہر بار کی طرح اس بار بھی مداحوں کو متاثر کرنے کے لیے ایک نیا روپ دھار لیا۔ بھارتی اداکار سشانت سنگھ نے انسٹاگرام اکاؤنٹ پر عامر خان کے ہمراہ بنائی جانے والی تازہ تصویر شیئر کی۔

    تصویر میں دیکھا جاسکتا ہے کہ عامر خان نے اپنی نئی آنے والی فلم کے لیے ایک بار پھر نیا روپ دھارتے ہوئے ناک چھدوا لی جو ایک نئی بات ہے تاہم ابھی کہنا یہ قبل از وقت ہوگا کہ عامر خان کا نیا روپ فلم کے لیے ہے یا پھر اس کی وجوہات کچھ اور ہوسکتی ہیں۔

    واضح رہے بالی ووڈ کے مسٹر پرفیکشنسٹ ہر سال اپنی فلم کے لیے نیا روپ دھارتے ہیں تاکہ اپنے کردار کو بھرپور طریقے سے نبھا سکیں اور وہ اپنی اس خصوصیت کی وجہ سے بے حد مقبول بھی ہیں۔

    نئی تصویر دیکھنے کے لیے اسکرول نیچے کریں

    عامر خان کے مختلف فلموں کے روپ

    عامر خان کی تازہ تصویر

  • بالی ووڈ اسٹار عامر خان کا فلم ” دنگل ” کو پاکستان میں ریلیز نہ کرنے کا فیصلہ

    بالی ووڈ اسٹار عامر خان کا فلم ” دنگل ” کو پاکستان میں ریلیز نہ کرنے کا فیصلہ

    ممبئی : بالی ووڈ اسٹار عامر خان نے فلم ’دنگل‘ کو پاکستان میں ریلیز کرنے سے انکار کردیا ہے۔

    تفصیلات کے مطابق بالی ووڈ اداکار عامر خان اپنی بلاک بسٹر فلم دنگل پاکستان میں ریلیز نہیں کریں گے، پاکستانی سینسر بورڈ نے فلم دنگل کے پروڈیوسر اور عامر خان کے سامنے شرط رکھی تھی کہ فلم سے ہندوستان کے قومی ترانہ اور ترنگے سے وابستہ دو مناظر ہٹا دیئے جائیں۔

    جس کے بعد بالی ووڈ اداکار عامر خان نے پاکستان میں فلم دنگل کو ریلیز کرنے کا اراد ترک دیا ، ترجمان کا کہنا ہے کہ پاکستانی سینسر بورڈ کا یہ مطالبہ نامناسب ہے۔

    dangal-post-2

    پاکستان سینسر بورڈ کے سربراہ مبشر حسن کا سوشل میڈیا پر کہنا تھا کہ بورڈ نے فلم سے 2 سین کاٹنے کا اجتماعی فیصلہ کیا اب ڈسٹری بیوٹرز پر منحصر کرتا ہے کہ وہ فلم دنگل ریلیز کرتے ہیں یا نہیں۔

    dangal-post-3

    یاد رہے کہ  فلم دنگل کو پہلے ہی پاکستان اپنے یہاں ریلیز کرنے سے انکار کر چکا تھا اور کہا تھا کہ فلم میں اختتام پر ہندوستان کی فتح کے وقت میں قومی ترانہ ہے اور یہ کسی بھی حال میں پاکستان میں قبول نہیں ہے۔


    مزید پڑھیں : پاکستان میں ’دنگل‘ نہیں سجےگا، عامر خان کے مداح مایوس


    اس کے باوجود عامر خان اور فلم میکرس نے پاکستانی سینسر بورڈ سے نظر ثانی کا مطالبہ کیا تھا ۔

    واضح رہے کہ اڑی حملے کے بعد پاکستان اور ہندوستان کے درمیان جاری کشیدگی کے باعث بھارتی فلم ایسوسی ایشن نے بھارت میں پاکستان فنکاروں کے کام پر پابندی عائد کی تھی، جس کے بعد پاکستان سینما مالکان نے بھی بالی وڈ فلموں پر پابندی عائد کردی تھی۔

  • عامر خان نےاپنی فلم کی ہیروئن کےلیےکسےپرفیکٹ قراردےدیا

    عامر خان نےاپنی فلم کی ہیروئن کےلیےکسےپرفیکٹ قراردےدیا

    ممبئی: بالی ووڈ سپراسٹارعامرخان اپنی فلم ’ٹھگز آف ہندوستان‘ میں سارہ علی خان کو کاسٹ کرانے کےلیےمیدان میں آگئے۔

    تفصیلات کےمطابق بالی ووڈ کےمسٹر پرفیکشنسٹ عامرخان جن کےساتھ کام کرنے کی ہراداکارہ کی خواہش ہوتی ہےلیکن خود وہ کس کےساتھ کام کرنےکےلیے بےتاب ہیں انہوں نے بالاآخراس راز سے پردہ اٹھا ہی دیا۔

    یش راج فلمز کے بینرتلے بننے والی فلم ’ٹھگز آ ف ہندوستان‘ میں ہیروئن کےکردار کے لیے مختلف ادکاراؤں کا نام لیا جارہاہےلیکن اب عامرخان نےاپنے دوست کی بیٹی کے ساتھ کام کرنے کی خواہش کااظہارکیاہے۔

    میڈیا رپورٹس کےمطابق ’ٹھگز آف ہندوستان‘ میں مسٹرپرفیکشنسٹ نے اپنےدوست سیف علی خان کی بیٹی سارہ علی خان کو کاسٹ کرانے کے لیےفلم پروڈیوسرسے بات چیت بھی شروع کردی ہے۔


    امیتابھ بچن اور عامر خان پہلی بار ایک ساتھ فلم میں جلوہ گرہوں گے


    بالی ووڈ اسٹارعامرخان کےمطابق سارہ علی خان ہیروئن کے کردار کے لیے پرفیکٹ ہیں اور شاید یہی وجہ ہےاداکار نےان کےلیے پروڈیسر سے سفارش بھی کردی ہے۔

    خیال رہےکہ گزشتہ کچھ عرصے سے سارہ علی خان خبروں کی سرخیوں کی زینت بنی ہوئی ہیں اور اگرانہیں اس فلم کے لیے سائن کرلیاجاتا ہے تو یہ بالی ووڈ کی تاریخ میں بطور ڈیبو ادکارہ ان کی شاندار انٹری ثابت ہوگی۔

    واضح رہے کہ فلم’ٹھگز آف ہندوستان‘میں عامر خان اور امیتابھ بچن مرکزی کردار میں نظرآئیں گےاور فلم اگلےسال دیوالی پرریلیزکی جائے گی۔

  • آمدنی رک جائے تو لوگوں کے اصل چہرے سامنے آجاتے ہیں: باکسر عامر خان

    آمدنی رک جائے تو لوگوں کے اصل چہرے سامنے آجاتے ہیں: باکسر عامر خان

    لندن: ذرائع آمدنی رک جائیں تو لوگوں کے اصل چہرے سامنے آجاتے ہیں، ان خیالات کا اظہار برطانوی نژاد پاکستانی باکسر عامر خان نے میڈیا سے گفتگو کرتے ہوئے کیا۔

    باکسر عامر خان کا کہنا ہے کہ جب الوریز نے شکست سے دوچار کیا تب ان کے دماغ میں ان کی فیملی کے درمیان چلنے والے تنازعات گردش کرتے نظر آرہے تھے،

    عامر خان کے مطابق ان کے قریبی دوست ساج محمد اور ان کے انکل تاز اوران کے والد ہمیشہ ان کے لیے ایک پل کا کردار ادا کرتے ہیں۔ فائٹ سے  قبلہمیشہ ان سے مقابلے کے حوالے سے باتیں شیئر کرتے ہیں۔


    جھگڑاختم کریں ایسانہ ہو والدین بیٹا اور اہلیہ شوہر کھو دے، باکسر عامرخان


    عامر خان نے زندگی کے تیس سالہ دور کے بارے میں بات کرتے ہوئے کہا کہ ان کا گزشتہ تیس سالہ دور بہت بہترین تھا جس میں ان کو ایک اچھی ٹیم کا ساتھ حاصل تھا، جیسے ہی اکتیس ویں سال میں قدم رکھا تو سب کچھ بدل گیا۔ پھرمیں نے سوچا کہ نہیں مجھے سب کو غلط ثابت کرنا ہے میں نے ماضی میں بہت اچھے سال گزارے ہیں، میرا گزرا دور پھر واپس آئے گا، میں آگے کی طرف دیکھ رہا ہوں اور سب کو غلط ثابت کردوں گا۔


    عامر خان، فریال کو طلاق دے کر ہی رہے گا، باکسر عامر خان کے والد


    عامر نے کہا کہ اگر انہیں زیادہ پیسے کمانے ہیں تو آئندہ رنگ میں اترنے سے قبل وہ اپنے ذہن میں کوئی منفی پہلو نہیں رکھنا چاہیں گے۔ باکسر نے مزید کہا کہ آپ کے آس پاس کے لوگ جنہیں آپ بہت اچھا سمجھتے ہیں درحقیقت ایسا ہوتا نہیں ہے وہ اچھے وقت میں ساتھ ہوتے ہیں اور برے وقت میں آپ کا ساتھ چھوڑ جاتے ہیں۔

    عامر خان نے ماضی کے تلخ تجربات کو بھلا کر آئندہ چند ماہ میں ہونے والی اپنی فائٹ پر توجہ مرکوز کررکھی ہے تاکہ وہ رنگ میں اترحریف کو چاروں شانے چت کرسکیں۔


    عامر کے اہل خانہ مجھے مائیکل جیکسن کہتے تھے، اہلیہ


    عامر نے فیملی کے حوالے سے خیالات کا اظہار کرتے ہوئے کہا کہ میں ایک اچھا بیٹا اوربھائی ہوں اور میں ان سے بھی بہتری کی امید کرتا ہوں۔ میں اپنی فیملی کے لیے کسی بھی حد تک جاسکتا ہوں۔

    واضح رہے کہ باکسرعامر خان کی اہلیہ اوران کے گھر والوں کے درمیان کافی دنوں سے کشیدہ تعلقات چل رہے تھے جس سے تنگ آکر عامر خان نے دونوں فریقین کو میڈیا کے ذریعے بھی سمجھانے کی کوشش کی تھی۔

  • عامر کے اہل خانہ مجھے مائیکل جیکسن کہتے تھے، اہلیہ

    عامر کے اہل خانہ مجھے مائیکل جیکسن کہتے تھے، اہلیہ

    ٹورنٹو: پاکستانی نژاد برطانوی باکسر عامر خان کی اہلیہ فریال مخدوم نے کہا ہے کہ سسرال والے مجھے مائیکل جیکسن کہہ کر پکارتے تھے جبکہ عامر کی والدہ مجھے اپنا غلام بنانا چاہتی ہیں۔

    ان خیالات کا اظہار انہوں نے ’’ڈیلی میل‘‘ کو دیئے جانے والے انٹرویو میں کیا۔ فریال مخدوم نے کہا کہ گھر کی باتیں باہر لانا میری عادت نہیں مگر مجبوری کی حالت میں یہ بات کہنا پڑ رہی ہے کہ عامر کے گھر والوں نے میرے ساتھ ہتھک آمیز رویہ رکھا اور مجھے مائیکل جیکسن کہہ کر پکارا جاتا تھا۔


    پڑھیں: ’’ جھگڑاختم کریں ایسانہ ہو والدین بیٹا اور اہلیہ شوہر کھو دے، باکسر عامرخان ‘‘


    انہوں نے کہا کہ ’’جب عامر کے گھر والے رشتے کے لیے آئے تھے تو اُس وقت میں آدھی آستین کے کپڑوں میں تھیں اُس وقت انہوں نے کوئی اعتراض نہیں کیا مگر بعد میں مجھ پر شراب نوشی سمیت دیگر الزامات عائد کیے گئے‘‘۔ انہوں نے کہا کہ میں جو بھی کروں مگر اپنے مذہب کا بہت زیادہ احترام کرتی ہوں۔

    فریال مخدوم کا کہنا تھا کہ میں نے فیشن شو میں کیٹ واک کی جس کی وجہ سے داد ملی تاہم یہ بات سسرال والوں کو ناگوار گزری اور انہوں نے میرے حوالے سے غلط باتیں کیں، جب میں نے اپنے چہرے کی پلاسٹک سرجری کروائی تو عامر کے گھر والوں نے حسد میں مجھے مائیکل جیکسن کہہ کر پکارا جو میرے لیے تکلیف کا باعث تھا۔

    باکسرعامر خان کی اہلیہ کا کہنا تھا کہ میری عادت نہیں کہ سسرال کی باتیں منظر عام پر لاؤں تاہم اب ساری باتیں برداشت سے باہر ہوچکی ہیں اور اب سارے حقائق سامنے لاؤں گی۔

  • جنید جمشید کی موت کا بہت دکھ ہے‘ عامر خان

    جنید جمشید کی موت کا بہت دکھ ہے‘ عامر خان

    ممبئی: معروف بالی ووڈ اداکار عامر خان نے کہا ہے کہ  جنید جمشید ایک بہترین اور مذہبی شخصیت تھے ‘ طیارے حادثے کا سُنا تو بہت دکھ ہوا‘ جنید جمشید بڑے دل کے انسان تھے جس کا احساس اُن کے ساتھ گزارے ہوئے لمحات کے بعد ہوا۔

    میڈیا سے گفتگو کرتے ہوئے بالی ووڈ کے معروف اداکارعامر خان نے جنید جمشید کی موت پر افسوس کا اظہار کرتے ہوئے کہا کہ ’’جنید جمشید بہت اچھے اور نیک انسان تھے اُن سے حج پر تین ملاقاتیں ہوئیں‘‘۔

    انہوں نے کہا کہ جنید جمشید بہترین اور مذہبی شخصیت تھے ‘ اُن سے حج کے علاوہ لندن میں بھی ملاقات ہوئی تاہم ہرملاقات کے بعد یہ احساس ہوا کہ جنید جمشید کا دل بہت بڑا ہے اور وہ بہت بڑے انسان ہیں‘‘۔

    عامر خان نے کہا کہ پاکستان میں طیارہ حادثے اور اس میں جاں بحق ہونے والے افراد کے بارے میں سنا تو بہت افسوس ہوا جبکہ جنید جمشید کی موت کی خبر کا بہت ہی زیادہ افسوس ہوا۔


    پڑھیں: ’’ جنید جمشید کے آخری یادگار لمحات ‘‘


    بالی ووڈ خان نے کہا کہ شاہد آفریدی کو اپنا دوست سمجھتا ہوں اور اُن کی دل سے عزت کرتا ہوں‘ انہوں نے بتایا کہ والدہ کے ساتھ حج کے موقع پر جنید جمشید‘ شاہد آفریدی اور مولانا طارق جمیل سے ملاقاتیں ہوئیں جن میں دین کو سمجھنے کا موقع بھی ملا۔

    خیال رہے گزشتہ ہفتے چترال سے آنے والی پی آئی اے کی پرواز پی کے 661 کو ایبٹ آباد کے علاقے حویلیاں کے قریب حادثہ پیش آیا تھا جس کے نتیجے میں 47 افراد جاں بحق ہوئے تھے‘ جاں بحق ہونے والے افراد میں معروف مبلغ جنید جمشید اور اُن کی اہلیہ بھی شامل تھیں۔

  • عشرت العباد کا دفاع، متحدہ پاکستان اور لندن میدان میں آگئے

    عشرت العباد کا دفاع، متحدہ پاکستان اور لندن میدان میں آگئے

    کراچی: ایم کیو ایم کے رہنما امین الحق نے کہا ہے کہ صدر اوروزیر اعظم کے انتخاب کے موقع پر ن لیگ والے مرکز نائن زیرو آکر اپنے امیدواروں کی کامیابی کے لیے پارٹی سے حمایت مانگتے تھے جبکہ ندیم نصرت نے سینیٹر نہال ہاشمی کے بیان کو انتہائی غیر ذمہ دارانہ قرار دیا۔

    تفصیلات کے مطابق گورنر سندھ کی تبدیلی کے بعد ن لیگ کے سینیٹر  کی تنقید پر ایم کیو ایم لندن اور پاکستان ڈاکٹر عشرت العباد کے دفاع میں بول پڑے، ایم کیو ایم کے ترجمان نے کہا کہ مسلم لیگ ن کی نمائندگی کرنے والوں کو زمینی حقائق کا علم نہیں اور نہ ہی سندھ میں اُن کی کوئی نمائندگی ہے۔

    ایم کیو ایم پاکستان کے ترجمان نے ن لیگ کے سینیٹر کے بیان پر ردعمل دیتے ہوئے کہا کہ حکمراں جماعت اپنے وزیر اعظم اور صدر کے انتخاب کے وقت مرکز آئے اور حمایت کے لیے ہم سے مدد مانگی تھی۔

    دوسری جانب ندیم نصرت نے اے آر وائی نیوز سے خصوصی گفتگو کرتے ہوئے نہال ہاشمی کے بیان کو انتہائی غیر ذمہ دارانہ قرار دیتے ہوئے کہاکہ گورنر پر اگر اعتراض تھا تو پہلے کیوں کیا گیا؟

    ایم کیو ایم پاکستان کے رہنما عامر خان کا کہنا ہے کہ نہال ہاشمی نے انتہائی نامناسب بیان دیا، ن لیگ کی  اپنی کشتی بھنور میں ہے سوچ سمجھ کر بیان دینا چاہیے، نہال ہاشمی کے ہوتے ہوئے ن لیگ کو کسی دشمن کی ضرورت نہیں۔


    MQM-London/Pakistan defend Ibad after his removal by arynews

    خیال رہے آج صبح نو منتخب گورنر کی تقریب حلف برداری سے قبل ن لیگ کے سینیٹر نہال ہاشمی نے عشرت العباد پر سنگین الزامات لگاتے ہوئے کہا کہ ’’گورنر ہاؤس سے آخری دہشت گرد کو بھی نکال دیا اور یہاں سے ملک دشمنوں کا ڈیرہ ختم کر کے محب وطن لیگیوں کا ڈیرہ قائم کرلیا ہے۔‘‘


    ’’ پڑھیں: عشرت العبادکے جانے سے صوبہ دہشت گردی سے پاک ہوگیا، نہال ہاشمی ‘‘


     بعد ازاں چیئرمین پیپلزپارٹی بلاول بھٹو زرداری نے گورنر کی تبدیلی اور صوبائی حکومت سے مشاورت نہ ہونے پر مسلم لیگ ن پر شدید تنقید کرتے ہوئے کہا کہ ’’حکمراں جماعت بادشاہت کی طرح جمہوریت چلا رہی ہے‘‘۔