ARYNews.tv | Urdu – Har Lamha Bakhabar

Tag: AB De Villiers

  • اے بی ڈی ویلئیرز کا تمام طرز کی کرکٹ سے ریٹائرمنٹ کا اعلان

    اے بی ڈی ویلئیرز کا تمام طرز کی کرکٹ سے ریٹائرمنٹ کا اعلان

    جوہانسبرگ: جنوبی افریقا کرکٹ کا تابندہ ستارہ غروب ہوا، جارح مزاج بیٹسمین اے بی ڈی ویلئیرز نے تمام طرز کی کرکٹ سے ریٹائرمنٹ کا اعلان کردیا۔

    تفصیلات کے مطابق اےبی ڈی ویلئیرز نے یہ اعلان سماجی رابطے کی ویب سائٹ ٹوئٹر کیا، سابق پروٹیز کپتان کا کہنا تھا کہ یہ ایک ناقابل یقین سفر رہا، لیکن میں نے اب تمام کرکٹ سے ریٹائر ہونے کا فیصلہ کیا ہے۔

    اے بی ڈی ویلئیرز نے اپنے ٹوئٹ میں کہا کہ اب 37 سال کی عمر میں یہ شعلہ اتنی تیز نہیں جلتا۔

    انہوں نے ایک اور ٹوئٹ میں کہا کہ ’میں ٹیم کے ہر کھلاڑی کا شکریہ ادا کرنا چاہوں گا، ہر حریف کا، ہر کوچ، ہر فزیو اور ہر اسٹاف ممبر کا جو اس سفر میں شامل رہے ۔

    واضح رہے کہ ڈی ویلئیرز دوہزار اٹھارہ میں انٹرنیشنل کرکٹ سے ریٹائر ہوگئے تھے لیکن وہ مختلف ممالک میں لیگ کرکٹ کھیل رہے تھے۔

    واضح رہے کہ اےبی ڈیویلئیرز نے114ٹیسٹ،228ون ڈےمیں جنوبی افریقہ کی نمائندگی کی جبکہ انہوں نے جنوبی افریقہ کےلئے 78 ٹی ٹوئنٹی میچز کھیلے۔

  • خود کو دوسرے کھلاڑیوں سے بہتر ثابت کرنا ضروری ہے، اے بی ڈی ویلیئرز

    خود کو دوسرے کھلاڑیوں سے بہتر ثابت کرنا ضروری ہے، اے بی ڈی ویلیئرز

    جوہانسبرگ : جنوبی افریقہ کے مایہ ناز بلے باز اے بی ڈی ویلیئر نے بین الااقوامی کرکٹ میں واپسی سے متعلق گفتگو کرتے ہوئے کہا کہ انٹرنیشنل کرکٹ میں اسی وقت واپس آسکتا ہوں جب اچھی فارم میں ہوں۔

    غیر ملکی خبر رساں ادارے کی رپورٹ کے مطابق جنوبی افریقی کرکٹ ٹیم کے سابق بیٹسمین اے بی ڈی ویلیئرز نے سنہ 2018 میں انٹرنیشنل کرکٹ کو خیرباد کہہ دیا تھا تاہم اب ان کی بین الااقوامی کرکٹ میں واپسی کی راہیں دوبارہ ہموار ہونے لگی ہیں۔

    اے بی ڈی ویلیئرز نے نجی ٹی وی کے ایک پروگرام میں اپنی واپسی سے متعلق گفتگو کرتے ہوئے کہا کہ میرے ٹیم ممبران چاہتے ہیں کہ میں جنوبی افریقہ کےلیے دوبارہ کھیلوں اور اس کےلیے جنوبی افریقہ کرکٹ بورڈ نے مجھ سے رابطہ بھی کیا تھا لیکن اب میں ٹیم میں اسی وقت کھیل سکتا ہوں جب اچھی فارم میں ہوں۔

    جنوبی افریقی بلے باز نے کہا کہ میرے لیے سب سے ضروری یہ ثابت کرنا ہے کہ میں دوسرے کھلاڑیوں سے بہتر ہوں اور اس کےلیے اچھی فارم میں ہونا ضروری ہے۔

    اے بی ڈی وئلیرز کی ٹیم واپسی راہیں پھر ہموار ہونے لگیں

    ان کا کہنا تھا کہ اگر مجھے لگا کہ میں ٹیم میں رہنے کے قابل ہوں تو آخری الیون میں شامل ہونا میرے لیے بہت آسان ہوجائے گا۔

    اس سے قبل انہوں نے آسٹریلیا کے خلاف ٹی ٹوئنٹی ورلڈ کپ میں اپنی شرکت کو مشکوک قرار دیا تھا، اے بی ڈی ویلیئرز نے کہا تھا کہ ان فارم، فٹنس اور گزشتہ سال آئی سی سی ورلڈ کپ میں شرکت نہ کرنا، ٹی -20 ورلڈ کپ میں نہ لوٹنے کی وجہ بن سکتا ہے۔

  • میں لاہورآرہا ہوں، اے بی ڈی ویلیئرز

    میں لاہورآرہا ہوں، اے بی ڈی ویلیئرز

    لاہور: جنوبی افریقہ کے سابق کپتان اے بی ڈی ویلیئرز نے پی ایس ایل میچز کے لئے پاکستان آنے کی تصدیق کردی ہے، انہوں نے اپنے پیغام میں کہا ہے کہ میں لاہور آرہا ہوں۔

    تفصیلات کے مطابق پاکستان سپر لیگ کے چوتھے ایڈیشن میں لاہور قلندرز کی نمائندگی کرنے والے جنوبی افریقہ سے تعلق رکھنے والے اسٹار کرکٹر اے بی ڈی ویلیئرز نے کہا ہے کہ لاہور قلندرز اپنے گھر آرہی ہے اور میں لاہور آرہا ہوں ۔ 9 اور 10 مارچ کو قذافی اسٹیڈیم میں شیڈول میچز میں لاہور قلندرز کی نمائندگی کے لئے تیار ہوں، کوشش ہوگی کہ ٹیم کی فتح میں اہم کردار ادا کروں۔

    دوسری جانب چیئرمین پی سی بی احسان مانی اور لاہور قلندرز کے کپتان محمد حفیظ نے ڈی ویلیئرز کے فیصلے کا خیر مقدم کرتے ہوئے کہا ہے کہ اسٹار کرکٹر کی آمد سے نہ صرف شائقین میں بے پناہ جوش و خروش دیکھنے میں آئے گا بلکہ ملک میں انٹرنیشنل کرکٹ کی بحالی کے راستے کھولنے میں بھی مدد ملے گی۔

    یاد رہے کہ پی ایس ایل کا چوتھا ایڈیشن 14 فروری سے 17 مارچ تک ہوگا۔ پہلے چار میچز پہلی مرتبہ ابو ظہبی میں ہوں گے جبکہ شارجہ اور دبئی میں بھی میچز ہوں گے۔ آخری 8 میچز پاکستان میں ہوں گے جن میں سے 3 میچ لاہور اور 5 میچ کراچی میں ہوں گے۔

    لاہور میں ہونے والے میچز 9، 10 اور 12 مارچ کو ہوں گے جبکہ 7، 10، 13 اور 15مارچ کو میچز کراچی میں ہوں گے۔ پی ایس ایل فور کا فائنل 17 مارچ کو کراچی کے نیشنل اسٹیڈیم میں کھیلا جائے گا۔شیڈول کے مطابق پی ایس ایل 4 کا افتتاحی میچ اسلام آباد اور لاہور قلندرز کے درمیان ہوگا۔

  • جنوبی افریقہ کے سابق کپتان اے بی ڈی ویلیئرز پی ایس ایل 4 کا حصہ بن گئے

    جنوبی افریقہ کے سابق کپتان اے بی ڈی ویلیئرز پی ایس ایل 4 کا حصہ بن گئے

    لاہور: جنوبی افریقہ کے مایہ ناز بلے باز اے بی ڈی ویلیئرز پاکستان سپر لیگ (پی ایس ایل) کے چوتھے سیزن میں ایکشن میں دکھائی دیں گے۔

    تفصیلات کے مطابق جنوبی افریقہ کے اے بی ڈی ویلیئرز پی ایس ایل کا چوتھا ایڈیشن کھیلیں گے، پی ایس ایل کا چوتھا ایڈیشن آئندہ سال فروری میں یو اے ای اور پاکستان میں مشترکہ طور پر کھیلا جائے گا۔

    جنوبی افریقی بلے باز اے بی ڈی ویلیئرز نے اپنے ویڈیو پیغام میں کہا کہ پی ایس ایل دنیا کی بہترین لیگ بن چکی ہے، پی ایس ایل کا حصہ بن کر خوشی محسوس کررہا ہوں، اس لیگ نے پاکستانی عوام کو لطف اندوز ہونے کے لیے بہت کچھ دیا۔

    اے بی ڈی ویلیئرز کا کہنا تھا کہ پی ایس ایل کے گزشتہ ایڈیشنز کے میچز دیکھ کر لطف اُٹھایا تاہم اب پی ایس ایل 2019 اس سے مختلف ہوگا کیونکہ میں اس سیزن میں ایکشن میں دکھائی دوں گا۔

    چیئرمین پی سی بی احسان مانی نے کہا کہ ڈی ویلیئرز کو خوش آمدید کہتے ہیں، جنوبی افریقہ کے بلے باز کے آنے سے لیگ کو چار چاند لگ جائیں گے۔

    واضح رہے کہ اے بی ڈی ویلیئرز نے رواں سال انٹرنیشنل کرکٹ سے ریٹائرمنٹ کا اعلان کیا تھا، انہوں نے اپنے کرکٹ کے سفر کے دوران 114 ٹیسٹ، 228 ایک روزہ اور 78 ٹی ٹوئنٹی میچوں میں جنوبی افریقہ کی نمائندگی کی۔

    خیال رہے کہ اے بی ڈی ولیئرز نے ایک روزہ کرکٹ میچ میں 31 گیندوں پر تیز ترین سینچری بناکر کیوی بلے باز اینڈریسن کا ریکارڈ توڑا تھا جنہوں نے 35 گیندوں پر سینچری مکمل کی تھی۔

  • ممتاز کرکٹر اے بی ڈی ولیئرز نے عالمی کرکٹ سے ریٹائرمنٹ کا اعلان کردیا

    ممتاز کرکٹر اے بی ڈی ولیئرز نے عالمی کرکٹ سے ریٹائرمنٹ کا اعلان کردیا

    کیپ ٹاؤن : جنوبی افریقہ کے کپتان اے بی ڈی ولیئرز  نے عالمی کرکٹ سے ریٹائرمنٹ کا اعلان کردیا،اب جنوبی افریقہ کو عالمی کپ میں مایہ ناز بلّے باز کی خدمات حاصل نہیں ہوں گی۔

    تفصیلات کے مطابق دنیائے کرکٹ کے مشہور کھلاڑی جنوبی افریقہ کے سابق کپتان اے بی ڈی ولیئرز نے بدھ کے روز سماجی رابطے کی ویب سایٹ ٹویٹر پر ایک ویڈیو پیغام میں تمام طرز کی عالمی کرکٹ سے ریٹائرمنٹ کا اعلان کردیا ہے۔

    اے بی ڈی ولیئرز کا ویڈیو پیغام میں کہنا تھا کہ ’میرے لیے کرکٹ سے ریٹائرمنٹ لینے کے حوالے سے فیصلہ کرنا انتہائی مشکل کام تھا، میں نے اپنے فیصلے کے حوالے کافی سوچ بچار کرنے کے بعد اس نتیجے پر پہنچا کہ اب میرے ریٹائرمنٹ لینے کا وقت آگیا ہے‘۔

    جنوبی افریقہ کے سابق کپتان نے ویڈیو پیغام میں اپنے ساتھی کھلاڑیوں، اپنے مداحوں اور کرکٹ جنوبی افریقا کا شکریہ بھی ادا کیا ہے۔

    واضح رہے کہ  اے بی ڈی ولیئرز کی اچانک عالمی کرکٹ سے ریٹائرمنٹ کا اعلان جہاں مداحوں کے لیے حیران کن اور افسوس ناک ہے،  وہیں جنوبی افریقہ کے لیے بھی آئندہ برس ہونے والے کرکٹ ورلڈکپ سے قبل ایک اہم اور بہترین کھلاڑی سے محروم ہوگیا ہے۔

    خیال رہے کہ دنیا کے مایہ ناز بلّے باز اور جنوبی افریقہ کے کپتان اے بی ڈی ولیئرز نے اپنے کرکٹ کے سفر کے دوران 114 ٹیسٹ، 228 ایک روزہ اور 78 ٹی ٹوئنٹی میچوں میں جنوبی افریقہ کی نمائندگی کرچکے ہیں۔

    اے بی ڈی ولیئرز کی ٹیسٹ ایک روزہ کرکٹ میچوں میں 50 سے اوپر کی اوسط سے رن بنائے ہیں۔

    خیال رہے کہ اے بی ڈی ولیئرز نے ایک روزہ کرکٹ میچ میں 31 گیندوں پر تیز ترین سینچری بناکر کیوی بلے باز اینڈریسن کا ریکارڈ توڑا تھا جنہوں نے 35 گیندوں پر سینچری مکمل کی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ڈویلیئرز اسپائیڈر مین بن گئے، ناقابل یقین شاندار کیچ۔۔ ویڈیو دیکھیں

    ڈویلیئرز اسپائیڈر مین بن گئے، ناقابل یقین شاندار کیچ۔۔ ویڈیو دیکھیں

    بنگلور: انڈین پریمئیر لیگ (آئی پی ایل) میں ساؤتھ افریقا سے تعلق رکھنے والے کھلاڑی ڈویلیئرز نے باؤنڈری لائن کے قریب ناقابلِ یقین کیچ پکڑ کر اسپائیڈر مین کا لقب اپنے نام کرلیا۔

    تفصیلات کے مطابق ایک روز قبل آئی پی 2018 کا مقابلہ بنگلور کے چیناس ویمی اسٹیڈیم میں رائل چیلنجر بنگلور اور سن رائز حیدرآباد کے مابین کھیلا گیا جس میں کوہلی الیون کو شکست کا سامنا رہا۔

    رائل چلینجر کے بلے باز ڈویلیئرز اور معین علی نے 39 گیندوں پر 69 رنز کی شراکت داری قائم کر کے ٹیم کو بڑا مجموعہ ترتیب دلوانے میں اہم کردار ادا کیا جس کے باعث ٹیم نے فتح بھی حاصل کی۔

    ویڈیو دیکھیں: احمد شہزاد کی شاندار فیلڈنگ، ناقابل یقین کیچ پکڑ لیا

    سنسنی خیز میچ میں ویسے تو کئی ایسے مواقع آئے جنہوں نے شائقین کرکٹ کو دنگ کر کے رکھ دیا مگر اس مقابلے میں افریقی کھلاڑی ڈویلیرز نے ایلکس ہیلز کا باؤنڈری کے قریب ناقابلِ یقین کیچ پکڑ کر سپرمین اور اسپائیڈر مین کا لقب اپنے نام کیا۔

    انگلش کھلاڑی ایلکس ہیلز نے معین علی کی گیند پر ایسا زوردار اڑتا ہوا شارٹ کھیلا کہ سب کو یہ گماں ہوا شاید اب حیدرآباد کی ٹیم کو 6 رنز حاصل ہوں گے مگر باؤنڈری کے قریب کھڑے ڈی ویلیئرز نے تقریباً دو فٹ کی بلندی پر اچھل کر ناقابل یقین کیچ پکڑا۔

    بھارتی کرکٹ ٹیم کے کپتان ویرات کوہلی نے اے بی ڈویلیئرز کو  اسپائیڈر مین کا لقب دیتے ہوئے کہا کہ ’آج میں نے اپنی آنکھوں سے اسپائیڈر مین دیکھا، یہ کام بہت مشکل ہے جسے کوئی عام آدمی نہیں کرسکتا‘۔

    واضح رہے کہ گزشتہ برس افریقی بلے باز انجری کے باعث ان فٹ ہوگئے تھے جس کے بعد انہوں نے طویل عرصے تک آرام کیا، کرکٹ کی دنیا میں واپسی پر ڈویلیئرز نے اپنی صلاحیتوں کا لوہا منوایا اور پہلی ہی سیریز میں آسٹریلیا کے خلاف شاندار کارکردگی کا مظاہرہ کیا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • چیمپیئنز ٹرافی سے باہر ہونے پر اے بی ڈی ویلیئرز کی معذرت

    چیمپیئنز ٹرافی سے باہر ہونے پر اے بی ڈی ویلیئرز کی معذرت

    کیپ ٹاؤن: جنوبی افریقی کرکٹ ٹیم کے کپتان اے بی ڈی ویلیئرز نے چیمپیئنز ٹرافی سے باہر ہوجانے پر شرمندگی کا اظہار کرتے ہوئے معافی مانگ لی ہے۔

    جنوبی افریقی ٹیم کے کپتان اے بی ڈی ویلیئرز نے بھارت کے ساتھ میچ کو بھیانک قرار دیتے ہوئے کہا کہ وہ اس شکست پر بہت شرمندہ ہیں۔

    انہوں نے پاکستان اور بھارت دونوں کے ساتھ شکست پر شرمندگی کا اظہار کیا۔

    اے بی ڈی ویلیئرز نے آئی سی سی چیمپیئنز ٹرافی کی فاتح کے طور پر انگلینڈ کو فیورٹ ٹیم قرار دیا۔ ان کا کہنا تھا کہ انگلینڈ کی ٹیم نہایت متوازن ہے۔

    یاد رہے کہ چیمپیئنز ٹرافی 2017 میں پاکستان نے جنوبی افریقہ کو 19 رنز جبکہ بھارت نے 8 وکٹوں سے شکست دی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سال 2015: کھیل کی دنیا میں کیا کیا ہوا؟

    سال 2015: کھیل کی دنیا میں کیا کیا ہوا؟

    سال 2015 اپنی تمام رونقیں اور یادگار بہاروں کے ساتھ بالاخر اختتام پذیرہو رہا ہے، سال 2015 میں کھیل کی دنیا میں کون جیتا کون ہارا اور کس نے تاریخ رقم کی جانیئے۔

    اے بی ڈویلیئرز تیز ترین سینچری

    جنوبی افریقہ کے بلے باز اے بی ڈویلیئرز نے ایک روزہ بین الاقوامی کرکٹ میچوں کی تیز ترین سینچری بنا کر عالمی ریکارڈ قائم کیا۔

    جوہانسبرگ میں کھیلے جانے والے ایک روزہ بین الاقوامی میچ میں اے بی ڈویلیئرز نے ویسٹ انڈیز کے خلاف عمدہ بیٹنگ کا مظاہرہ کرتے ہوئے صرف 31 گیندوں پر سینچری اسکور کی جس میں آٹھ چوکے اور 10 چھکے بھی شامل تھے۔

    پاکستانی تن سازوں کیلئے فخرکرنے کا لمحہ

    پاکستان کے مایہ ناز تن ساز اور 2005 میں مسٹر پاکستان کا اعزاز پانے والے عاطف انور نے آسٹریلیا میں 100 کلو گرام سے زائد کے مقابلے میں آرنلڈ کلاسک ایوارڈ جیتا۔

    وہاب ریاض کی شین واٹسن کے خلاف تاریخی بالنگ

    پاکستان اور آسٹریلیا کے درمیان کھیلے گئے ورلڈ کپ کے تیسرے کوارٹر فائنل میں آسٹریلیا کے خلاف بہترین اور عمدہ بالنگ کا مظاہرہ کرتے ہوئے پاکستانی فاسٹ بالر وہاب نے تاریخ رقم کی۔میچ کے دوران آسٹریلیا کے کھلاڑی شین واٹسن اور وہاب ریاض کے درمیان تلخ کلامی بھی ہوئی۔

    زمبابوے کرکٹ ٹیم کا دورہ پاکستان

    برسوں بعد پاکستان میں بین الاقوامی ٹیم کی آمد ہوئی زمبابوے کرکٹ ٹیم نے پاکستان کا دورہ کیا

    پاکستان میں بین الاقوامی کرکٹ کی رونقیں بحال ہوئیں، قذافی اسٹیڈیم میں پاکستان اور زمبابوے کے درمیان دو ٹی ٹوئنٹی اور تین ون ڈے میچ کھیلا گیا۔

    خواتین کے فیفا فٹبال عالمی کپ امریکہ فاتح

    خواتین کے فیفا فٹبال عالمی کپ کا فائنل میں امریکہ نے جاپان دو کے مقابلے میں پانچ گول سے شکست دے کر عالمی کپ اپنے نام کیا، اسی سال امریکہ خواتین کا عالمی کپ تین مرتبہ جیتنے والا پہلا ملک بھی بن گیا ہے۔

    اسپیشل اولمپکس گیمز پاکستان کی کامیابی

    اسپیشل اولمپکس گیمز لاس اینجلس میں منعقد ہوا جس میں پاکستان نے 14طلائی تمغوں کے ساتھ 33میڈل حاصل کئے۔

    کرپشن کے باعث فیفا کے صدر معطل

    کرپشن اسکینڈل کے سبب فٹبال کی عالمی تنظیم فیفا کی ایتھکس کمیٹی نے تنظیم کے صدر سیپ بلاٹر کو بھی اپنی لپیٹ میں لے لیا، فیفا کی ایتھکس کمیٹی نے تنظیم کے صدر سیپ بلاٹر ، سیکرٹری جنرل جیروم والک اور نائب صدر مائیکل پلاٹینی کو نوے روز کے لئے معطل کردیا۔

    یونس خان کا تاریخی ریکارڈ

    پاکستان کر کٹ ٹیم کے نامور کھلاڑی یونس خان نے اپنے ٹیسٹ کیریئر میں نو ہزار رنز بنانے کا اہم سنگ میل عبور کیا، انضمام الحق کی سنچریوں اورمیانداد کے رنز بنانے کا ریکارڈ توڑنے کےبعد یونس خان نے ایک اور ریکارڈ اپنے نام کرلیا۔

    تاریخ میں پہلی بار ڈے اینڈ نائٹ ٹیسٹ میچ کا انعقاد

    کرکٹ کی تاریخ میں پہلی بار ڈے اینڈ نائٹ ٹیسٹ میچ کا انعقاد ہوا کرکٹ کے چار سو آٹھویں میچ میں سرخ کی جگہ گلابی گیند استعمال کیا گیا ۔

    پاکستان سپر لیگ کا خواب پورا ہوگیا

    آخر کار جس کا ہر پاکستانی کو انتظار تھا وہ دن آگیا پاکستان کرکٹ بورڈ نے پی ایس ایل آئندہ سال فروری میں قطر کی بجائے دبئی اور شرجہ میں کرنے کا اعلان کردیا۔

    کروڑوں روپے مالیت کی پاکستان سپر لیگ کرانے کے لئے زور شور سے تیاریاں کی جارہی ہیں، پاکستان سپر لیگ چار فروری سے یو اے ای میں شروع ہوگی، ابتدائی راؤنڈ کے میچز دبئی میں ہوں گے، افتتاحی میچ میں اسلام آباد اور کوئٹہ کی ٹیمیں ایکشن میں ہوں گی، کراچی کی ٹیم ایونٹ میں اپنا پہلا میچ پانچ فروری کو لاہور کے خلاف کھیلے گی۔

  • ورلڈ کپ: پاکستان کے سرفراز احمد بھی ریکارڈ بک میں شامل

    ورلڈ کپ: پاکستان کے سرفراز احمد بھی ریکارڈ بک میں شامل

    آسٹریلیا: ورلڈ کپ میں بننے والے نئے ریکارڈ تاریخ کا حصہ بن گئے، پاکستان کے سرفراز احمد بھی ریکارڈ بک میں شامل ہوگئے۔پاکستان کے سرفراز احمد نے ایک میچ میں چھ کیچز لینے کا ریکارڈ برابر کیا۔

    ورلڈ کپ میں ریکارڈ کی بھرمار، گروپ مرحلے میں کھلاڑیوں نے پرانے ریکارڈ پیروں تلے روندڈالے، مار دھاڑ کے اسپیشلسٹ ویسٹ انڈیز کے کرس گیل زمبابوے کے خلاف رنز کی مشین بن گئے اور ورلڈ کپ میں ڈبل سینچری کا منفرد ریکارڈ اپنے نام کرلیا۔

    آسٹریلیا بھی کسی سے کم نہیں، کینگروز نے میگا ایونٹ کی تاریخ کا سب سے بڑا ٹوٹل بنایا اور افغانستان کے خلاف سب سے بڑی جیت بھی حاصل کی۔

    نیوزی لینڈ کے کپتان برینڈ ن میککلم نے اپنا ہی پرانا ریکارڈ توڑا اور ورلڈ کپ میں اٹھارہ گیندوں پر تیز ترین ففٹی بنائی۔

     جنوبی افریقہ کے اے بی ڈی ویلئیرز بھی چھاگئے، ون ڈے میں تیز ترین سینچری کے بعد ایک سو پچاس رنز کو بھی اپنے ریکارڈ کا حصہ بنالیا۔

    سری لنکا کے سنگاکارا مسلسل چار سینچری بنانے والے دنیا کے پہلے کھلاڑی بن گئے۔

    ناک آؤٹ مرحلہ دو روز بعد شروع ہوگا اور نئے ریکارڈ تاریخ کا حصہ بنیں گے۔

  • اے بی ڈی ویلئیرزنے ویسٹ انڈین بالرز کے پرخچے اُڑادئیے

    اے بی ڈی ویلئیرزنے ویسٹ انڈین بالرز کے پرخچے اُڑادئیے

    سڈنی : جنوبی افریقی کپتان اے بی ڈی ویلئیرز نے سڈنی میں ویسٹ انڈیز بولرز کو دن میں تارے دکھادیئے۔ ڈی ویلئیرز نے ورلڈ کپ کی دوسری تیز ترین سینچری جڑدی۔

    سڈنی کا میدان ویسٹ انڈین بولرز کیلئے قبرستان بن گیا۔ پروٹیاز نے رحم کی تمام اپیلیں مسترد کردیں، جنوبی افریقی کپتان اے بی ڈی ولئیرز رنز کی مشین بن گئے،میچ کا نقشہ ہی بدل دیا۔

    گیند بلے پر آتی رہی اور باؤنڈری سے باہر جاتی رہی۔ اے بی  ڈی ویلئیرز کی بیٹنگ نے شائقین کو جھومنے پر مجبورکردیا۔ کپتان نے چھکا لگا کر باون گیندوں پر ورلڈ کپ کی دوسری تیز ترین سینچری بنائی۔

    ڈی ویلئیرز کا ہاتھ ایسا کھلا کے پھر روکنا مشکل ہوگیا۔ تیر ترین ففٹی اور سینچری کے بعد پروٹیاز کپتان نے ون ڈے کی تاریخ میں تیز ترین ایک سو پچاس رنز بھی بنالئے۔

    ڈی ویلئیرز کی ایک سو باسٹھ رنز کی دھواں دھار اننگز آٹھ چھکوں اور سترہ چوکوں سے سجی تھی۔ ون ڈے کی تیز ترین سینچری بنانے کا اعزاز بھی ڈی ویلئیرز کو ہی حاصل ہے۔