ایبٹ آباد: عوامی مسلم لیگ کے سربراہ نے عوام سے پُرزور اپیل کی ہے کہ وہ عمران خان کی کال پر لیبک کہیں، اگر اس بار وہ اپنے حق کے لئے باہر نہ نکلیں تو ملک سے غداری کرینگے۔
تفصیلات کے مطابق ایبٹ آباد کے کالج گراؤنڈ میں حقیقی آزادی مارچ کے زیر اہتمام جلسے عام سے خطاب کرتے ہوئے شیخ رشید نے کہا کہ عمران خان کی تحریک زندگی اور موت کی تحریک ہے، عوام کو کہتا ہوں کہ عمران خان کی کال پر نکلیں اسلام آباد پہنچیں، جہاں آپ کو روکا جائے وہی آپ بیٹھ جائیں۔
شیخ رشید نے کہا کہ وقت آگیا ہے کہ پاکستان کے لوگوں عمران خان کی کال پر نکلو، میں نے سنا ہے کہ مجھ پر ایک اور مقدمہ دائر کرنے کی تیاری کی جارہی ہے، جتنے چاہیں مجھ پر مقدمہ بنا لیں ، میں ان سے نہیں گھبراتا، عمران خان کے ساتھ وفادار رہوں گا چاہے جان چلی جائے۔
یہ بھی پڑھیں: ” شہباز کابینہ نااہلوں کا گلدستہ ہے”جو معیشت کا بیڑاغرق کرے گا
شیخ رشید نے جلسہ عام سے خطاب کرتے ہوئے کہا کہ کل مریم نواز نے غیرپارلیمانی زبان استعمال کی، یہ پہلی بار نہیں ہے، نواز شریف بھی چودہ بار فوج کے خلاف تنقید کرچکے میں پوچھنا چاہتا ہوں کہ فوج نے ایکشن کیوں نہ لیا، ہم افواج پاکستان کو ہم اس ملک کی ضامن سمجھتے ہیں۔
عوامی مسلم لیگ کے سربراہ کا مزید کہنا تھا کہ اس ملک کو انار کی سے بچانا ہے تو فوری الیکشن کرائے جائیں کیونکہ موجودہ صورت کا واحد حل فوری الیکشن ہے۔
