ARYNews.tv | Urdu – Har Lamha Bakhabar

Tag: Abdul qadir

  • آزاد حیثیت میں سینیٹ الیکشن لڑنے والے محمد عبدالقادر کا پی ٹی آئی میں شمولیت کا اعلان

    آزاد حیثیت میں سینیٹ الیکشن لڑنے والے محمد عبدالقادر کا پی ٹی آئی میں شمولیت کا اعلان

    اسلام آباد : آزاد حیثیت میں سینیٹ الیکشن لڑنے والے محمد عبدالقادر نے پاکستان تحریک انصاف میں شمولیت کا اعلان کردیا، جس کا وزیراعظم عمران خان نے خیر مقدم کیا۔

    تفصیلات کے مطابق وزیراعظم عمران خان سے بلوچستان سےآزاد نومنتخب سینیٹرعبدالقادر کی ملاقات ہوئی ، ملاقات میں نومنتخب سینیٹر محمد عبدالقادر نے پی ٹی آئی میں شمولیت اعلان کرتے ہوئے وزیراعظم پر مکمل اعتماد کا اظہار کیا۔

    وزیراعظم عمران خان نے سینیٹرعبدالقادر کی تحریک انصاف میں شمولیت کا خیرمقدم کیا۔

    خیال رہے 3 مارچ کو ہونے والے سینیٹ انتخابات میں عبدالقادر نے بلوچستان عوامی پارٹی (بی اے پی) کی حمایت سے آزاد امیدوار کی حیثیت سے کامیابی حاصل کی تھی۔

    یاد رہے پاکستان تحریک انصاف نے بلوچستان میں سینیٹ کا ٹکٹ عبدالقادر نامی شخص کو دینے کا فیصلہ کیا تھا ، جس پر پی ٹی آئی بلوچستان کے عہدے داروں نے شدید تحفظات کا اظہار کیا تھا۔

    بعد ازاں وزیر اعظم عمران خان نے بلوچستان سے عبدالقادر کو سینیٹ کا ٹکٹ نہ دینے کا فیصلہ کیا تھا۔

  • ٹیسٹ کرکٹرعبدالقادرکو مداحوں سے بچھڑے ایک سال بیت گیا

    ٹیسٹ کرکٹرعبدالقادرکو مداحوں سے بچھڑے ایک سال بیت گیا

    لاہور: ٹیسٹ کرکٹر عبدالقادر کو مداحوں سے بچھڑے ایک سال بیت گیا، وہ حرکت قلب بند ہونے کے باعث 63 برس کی عمر میں انتقال کرگئے تھے۔

    تفصیلات کے مطابق گگلی ماسٹر عبدالقادر کی آج پہلی برسی منائی جا رہی ہے، پہلی برسی پر پی سی بی اور سابق ٹیسٹ کرکٹر مشتاق احمد نے انہیں خراج عقیدت پیش کیا۔

    مرحوم کے ایصال ثواب کے لیے قرآن خوانی کا اہتمام کیا گیا، دعا میں ٹیسٹ کرکٹر کامران اکمل، عمر اکمل اور نسیم شاہ سمیت رحمان قادر، عثمان قادر اور عزیز و اقارب نے شرکت کی۔

    PC: PCB

    کامران کا کہنا ہے کہ عبدالقادر کی یادیں ہمیشہ ہمارے ساتھ رہیں گی، ان سے بہت کچھ سیکھا، ان کی وفات پر کیے گئے وعدوں میں سے ایک بھی پورا نہ ہوا۔

    واضح رہے کہ اپنے دور میں عبدالقادر نے لیگ اسپنر کی حیثیت سے ٹیم کی فتوحات میں اہم کردار ادا کیا، گگلی ماسٹر نے ٹیسٹ میں 236 اور ون ڈے میں 132 وکٹیں حاصل کیں۔

    سماجی رابطے کی ویب سائٹس پر بھی مداحوں نے عبدالقادر کی برسی پر انہیں خراج تحسین پیش کیا اور دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے۔

  • اسپن لیجنڈ عبد القادر نے میرے "دوسرا ” کو مزید بہتر کیا، ثقلین مشتاق کا انکشاف

    اسپن لیجنڈ عبد القادر نے میرے "دوسرا ” کو مزید بہتر کیا، ثقلین مشتاق کا انکشاف

    لاہور : پاکستان کے مایہ ناز اسپنر اور "دوسرا” کے موجد ثقلین مشتاق نے کہا ہے کہ اسپن لیجنڈ عبد القادر مرحوم کے قیمتی مشوروں سے مجھے آگے بڑھنے میں بہت مدد ملی۔

    یہ بات انہوں نے اپنے یو ٹیوب چینل پر اظہار خیال کرتے ہوئے کہی، ثقلین مشتاق نے اپنی گفتگو میں انہیں سر کہہ کر یاد کیا اور کہا کہ وہ میرے محسن اور ہیرو تھے ان کا انداز ایک جادوگر جیسا تھا ۔

    انہوں نے کہا کہ انہیں کھیلنے ولا بیٹسمین ان کی گیند کو سمجھ ہی نہیں پاتا تھا، کئی بیٹسمینوں کا کہنا تھا کہ بال کے پچ پر لگنے کے بعد ہی معلوم ہوتا تھا کہ وہ کہاں ٹرن ہورہی ہے۔

    اپنے یوٹیوب چینل پر ویڈیو میں گفتگو کرتے ہوئے43 سالہ ثقلین مشتاق نے ایک واقعہ بتاتے ہوئے کہا کہ سال1999 میں بھارت کے دورے سے قبل میں قذافی اسٹیڈیم میں پریکٹس کر رہا تھا کہ اس دوران وہ مجھ سے ملنے آئے اور مجھے گلے سے لگا کر کہا کہ مجھے تمہاری بالنگ بہت پسند ہے۔

    مزید پڑھیں : ثقلین مشتاق بھارتیوں کے لیے دردِ سر بن گئے

    سر عبدالقادر نے کہا کہ تمہاری بالنگ میں تھوڑا سا فرق محسوس کررہا ہوں اگر تم اپنی آف اسپن کی ڈلیوری اور گیند کی رفتار کو مزید تھوڑا سا بہتر کرلو تو بہت فائدہ ہو سکتا ہے جس پر میں نے ان مشورے پر عمل کرتے ہوئے پریکٹس کی جس کا مجھے پاک بھارت ٹیسٹ سیریز میں بہت فائدہ ہوا۔

  • لاہور: لیجنڈ کرکٹر عبدالقادر سپرد خاک

    لاہور: لیجنڈ کرکٹر عبدالقادر سپرد خاک

    لاہور: لیجنڈ‌ کرکٹر عبدالقادر کی نماز  جنازہ لاہور میں ادا کر دی گئی، نمازجنازہ میں اہم شخصیات اور عوام کی بڑی تعداد نے شرکت کی۔

    تفصیلات کے مطابق ممتاز لیگ اسپنر کے جنازے میں سابق اور موجودہ کرکٹرز بڑی تعداد میں شریک ہوئے۔

    پی سی بی کے چیف ایگزیکٹو وسیم خان اوردیگر شعبہ ہائے زندگی سے تعلق رکھنے والے افراد بھی اس موقع پر موجود تھے.

    گزشتہ روز حرکت قلب بند ہونے کے باعث جہان فانی سے کوچ کرنے عبدالقادر کو آہوں اور سسکیوں میں سپرد خاک کیا گیا۔

    خیال رہے کہ وزیراعظم عمران خان نے عبدالقادر کی وفات پر افسوس کا اظہار کرتے ہوئے ٹویٹ کیا کہ تھا کہ غم کی اس گھڑی میں میری دعائیں عبدالقادرکے اہل خانہ کے ساتھ ہیں، وہ باصلاحیت انسان تھے اور اب تک کے سب سے بڑے لیگ اسپنرزمیں سے ایک تھے.

    مزید پڑھیں: عبد القادر  ڈریسنگ روم کی جان تھے، وزیراعظم

    کرکٹ کے تجزیہ کار عبدالقادر کو گلگی کا موجد ٹھہراتے ہیں. انھوں نے 67 ٹیسٹ اور 104 ون ڈے انٹر نیشنل میچز میں پاکستان کی نمائندگی کی اور کئی میچز  میں‌ پاکستان کو کامیابی دلائی.