ARYNews.tv | Urdu – Har Lamha Bakhabar

Tag: abdul qadir patel

  • حکومت پولیو کے خاتمے کے لیے پر عزم ہے: وزیر صحت

    حکومت پولیو کے خاتمے کے لیے پر عزم ہے: وزیر صحت

    اسلام آباد: وفاقی وزیر صحت عبدالقادر پٹیل کا کہنا ہے کہ حکومت پولیو کے خاتمے کے لیے پر عزم ہے، انسداد پولیو کے لیے ہم سب کو مل کر کام کرنا ہوگا۔

    تفصیلات کے مطابق وفاقی وزیر صحت عبدالقادر پٹیل کا کہنا ہے کہ حکومت پولیو کے خاتمے کے لیے پر عزم ہے، پولیو کے خاتمے کے لیے ہر ممکن اقدامات کیے جائیں گے۔

    عبدالقادر پٹیل کا کہنا تھا کہ پولیو کے خاتمے کے لیے مؤثر اور مربوط حکمت عملی تشکیل دی ہے، حکومت ملک کو پولیو سے پاک بنانے کے لیے جدوجہد کر رہی ہے۔

    انہوں نے کہا کہ والدین اپنے بچوں کو پولیو مہم کے دوران پولیو کے قطرے ضرور پلائیں، سول سوسائٹی، میڈیا اور علمائے کرام بھی پولیو کے خاتمے کے لیے مؤثر کردار ادا کریں۔

    وفاقی وزیر صحت کا کہنا تھا کہ پولیو کے خاتمے کے لیے ہم سب کو مل کر کام کرنا ہوگا۔

    خیال رہے کہ گزشتہ روز صوبہ خیبر پختونخواہ میں پولیو کیس رپورٹ ہوا تھا جس کے بعد رواں برس رپورٹ ہونے والے پولیو کیسز کی تعداد 3 ہوگئی، تینوں کیسز پختونخواہ میں رپورٹ ہوئے ہیں۔

    گزشتہ برس انسداد پولیو کے لیے ہنگامی اور مؤثر اقدامات اٹھائے گئے تھے جن کی بدولت سال 2021 میں پورے ملک سے صرف ایک پولیو کیس رپورٹ ہوا تھا جبکہ اس سے قبل سنہ 2020 میں 84 پولیو کیسز رپورٹ کیے گئے تھے۔

  • پولیو کا خاتمہ نہ ہونا بہت بڑا المیہ ہے: وزیر صحت

    پولیو کا خاتمہ نہ ہونا بہت بڑا المیہ ہے: وزیر صحت

    اسلام آباد: وفاقی وزیر برائے صحت عبد القادر پٹیل کا کہنا ہے کہ رواں برس میں پولیو کا تیسرا کیس رپورٹ ہونا تشویش ناک ہے، بحیثیت قوم پولیو کا خاتمہ نہ ہونا ایک بہت بڑا المیہ ہے۔

    تفصیلات کے مطابق ترجمان وزارت صحت کا کہنا ہے کہ رواں برس پاکستان سے پولیو کا تیسرا کیس رپورٹ ہوا ہے، شمالی وزیرستان سے ایک سالہ بچے میں پولیو کیس کی تصدیق ہوئی۔

    وفاقی وزیر برائے صحت عبد القادر پٹیل کا کہنا ہے کہ رواں برس میں پولیو کا تیسرا کیس رپورٹ ہونا تشویش ناک ہے، بحیثیت قوم پولیو کا خاتمہ نہ ہونا ایک بہت بڑا المیہ ہے۔

    انہوں نے کہا کہ ایک بھی کیس ہمارے لیے بہت بڑا نقصان ہے، ہر مہم میں تمام بچوں کو حفاظتی قطرے ضرور پلائے جائیں، وائرس کے تدارک کے لیے ہنگامی بنیادوں پر اقدامات کا سلسلہ جاری ہے۔

    وفاقی وزیر کا کہنا تھا کہ میں بذات خود پولیو کے خاتمے کی کوششوں کی نگرانی کر رہا ہوں، کیسز رپورٹ ہونے کے بعد خیبر پختونخواہ کا دورہ بھی کیا۔

    خیال رہے کہ گزشتہ برس انسداد پولیو کے لیے ہنگامی اور مؤثر اقدامات اٹھائے گئے جن کی بدولت سال 2021 میں پورے ملک سے صرف ایک پولیو کیس رپورٹ ہوا۔

    اس سے قبل سنہ 2020 میں 84 پولیو کیسز رپورٹ کیے گئے تھے۔

    رواں برس اب تک 3 پولیو کیسز رپورٹ ہوچکے ہیں اورتینوں صوبہ خیبر پختونخواہ سے رپورٹ ہوئے ہیں۔

  • نازیبا الفاظ کااستعمال، اسپیکرقومی اسمبلی کا عبدالقادر پٹیل کیخلاف سخت کارروائی کا عندیہ

    نازیبا الفاظ کااستعمال، اسپیکرقومی اسمبلی کا عبدالقادر پٹیل کیخلاف سخت کارروائی کا عندیہ

    اسلام آباد : اسپیکرقومی اسمبلی اسدقیصر نے عبد القادرپٹیل کےغیرپارلیمانی الفاظ پر ایکشن لینے کا عندیہ کرتے ہوئے کہا کل عبدالقادرپٹیل نے ایسے الفاظ ادا کیے جو ایوان کے وقار کے منافی ہیں، معاملے کی ویڈیو نکلواؤں گا اور جائزہ لےکر ایکشن لوں گا۔

    تفصیلات کے مطابق اسپیکر قومی اسمبلی اسد قیصر نے اجلاس کے دوران کہا کہ بعض ارکان ایسےالفاظ ادا کرتے ہیں جس سے ایوان کی توہین ہوتی ہے ، نکل عبدالقادرپٹیل نےایسےالفاظ ادا کیےجوایوان کےوقارکےمنافی ہیں، قواعدکےتحت ایسےرکن کوایوان سےنکالنےیارکنیت معطل کرنےکااختیارہے، اختیارات کے تحت الزامات اور تضحیک آمیزریمارکس پرکارروائی کرسکتا ہوں۔

    اسپیکر قومی اسمبلی کا کہنا تھا کہ ایسے الفاظ کی اجازت نہیں دی جائے گی جن سے ایوان یاارکان کی توہین ہو، کئی ارکان نازیبا الفاظ کااستعمال کرتے ہیں جن سےدیگر کی دل آزاری ہوتی ہے، ایوان کاکسٹوڈین ہوں نامناسب زبان پرسخت کارروائی کروں گا۔

    اسد قیصر نے اعلان کیا کہ کل اورپہلے بھی ایوان میں عبدالقادر پٹیل نےغیر پارلیمانی الفاظ استعمال کیے، معاملےکی ویڈیو نکلواؤں گا اور جائزہ لےکر ایکشن لوں گا ، میرا ساتھ دیں میں ہرصورت ایکشن لوں گا۔

    اسپیکر کےکارروائی کےعندیے پرنوید قمر نے حکومتی ارکان کی نشاندہی کرتے ہوئے کہا ایوان میں کل جوباتیں کی گئیں اس میں حکومتی رکن بھی شامل تھے، ہم بھی چاہتے ہیں کہ ایوان کی کارروائی بہتر طریقے سے چلے، نلیکن آپ نے صرف ایک ممبر کا نام لیا ہے، اسپیکرکودونوں طرف کودیکھنا ہوگا۔

    اسپیکر قومی اسمبلی کا کہنا تھا کہ بھلے سےحکومتی رکن ہو کسی کوایوان کی توہین کی اجازت نہیں ، کئی دن پارلیمنٹرین نےایسےالفاظ کہے ہیں جن پرشرم محسوس کررہا ہوں ، رول 284 واضح ہےکہ جو الفاظ ٹھیک نہ ہو ں تو ان کونکال دیا جائے۔

  • پراسرار گیس سے اموات، علی زیدی اورعبدالقادر پٹیل کے درمیان گرما گرمی

    پراسرار گیس سے اموات، علی زیدی اورعبدالقادر پٹیل کے درمیان گرما گرمی

    اسلام آباد: قومی اسمبلی قائمہ کمیٹی بحری امور کا میرعامر مگسی کی زیر صدارت اجلاس ہوا جس میں وفاقی وزیر علی زیدی اور پیپلزپارٹی رہنما عبدالقادر پٹیل کے درمیان گرما گرمی دیکھنے میں آئی۔

    اے آر وائی نیوز کے مطابق وفاقی وزیر علی زیدی کا کہنا تھا کہ گیس کا معاملہ کیماڑی کے اندر پیش نہیں آیا، کیماڑی سے باہر واقعہ پیش آیا تو ذمہ دار سندھ حکومت ہے، عبدالقادر پٹیل کا کہنا تھا کہ 10 روز بعد بھی جواب یہی ہے گیس کی جگہ اور وجہ معلوم نہیں ہے۔

    علی زیدی نے کہا کہ اسلام آباد میں کچھ ہوگا تو بھی ذمہ دار وزارت بحری امور ہوگی؟ آپ مجھ پر الزام نہ لگائیں جگہ اور وجوہات کا بتائیں۔

    عبدالقادر پٹیل نے کہا کہ ساری گیس کیماڑی کے ارد گرد کے علاقوں میں ہی کیوں پھیلی، سویابین جہاز سے ان لوڈ کرتے ہوئے گیس دیکھی جاسکتی ہے، ان لوڈنگ شروع کی جاتی لوگ گرنا شروع ہوجاتے تھے، وفاقی حکومت اب بھی وجہ تلاش کررہی ہے۔

    اجلاس میں ڈاکٹر عطا الرحمان کی تکنیکی گفتگو کا خط پیش کیا گیا، چیئرمین کے پی ٹی نے کہا کہ ڈاکٹر عطا الرحمان کی گفتگو دنیا میں مختلف واقعات پر مبنی تھی۔

    چیئرمین کے پی ٹی کے مطابق سویابین سے ہلاکتیں ہوتیں تو کراچی پورٹ کے ورکر بھی متاثر ہوتے، کیماڑی میں پورٹ کی پٹی ہے مگر وہاں اموات نہیں ہوئیں۔

    عبدالقادر پٹیل نے کہا کہ تین لوگوں کے نمونوں سے پتا چلا سویابین کا اثر ہے جس پر چیئرمین کے پی ٹی کا کہنا تھا کہ مرنے والوں کے پوسٹ مارٹم نہیں ہوئے۔

  • قادرپٹیل نے عمران خان کے بغیر کارڈ کے ووٹ کاسٹ کرنے پر اعتراض اٹھادیا

    قادرپٹیل نے عمران خان کے بغیر کارڈ کے ووٹ کاسٹ کرنے پر اعتراض اٹھادیا

    اسلام آباد : پیپلز پارٹی کے رکن اسمبلی عبدالقادر پٹیل نے نامزد وزیراعظم عمران خان کو قومی اسمبلی کے اسپیکر  کیلئے کارڈ کے بغیر ووٹ کاسٹ کرنے پر اعتراض اٹھا دیا۔

    تفصیلات کے مطابق پیپلز پارٹی کے رہنما قادر پٹیل نے پی ٹی آئی چیئرمین عمران خان کو قومی اسمبلی میں اسپیکر کے انتخاب کیلئے کارڈ کے بغیرکارڈ ووٹ ڈالنے کی اجازت دینے پر اعتراض اٹھا دیا۔

    قادرپٹیل کا کہنا تھا کہ میرے پاس کارڈ نہیں تھا، مجھے ووٹ کاسٹ کرنے نہیں دیا گیا، عمران خان کے پاس کارڈ نہیں تھا، انہیں اجازت دے دی گئی۔

    جس پر اسپیکر قومی اسمبلی ایازصادق نے کہا عمران خان نے مجھ سے اجازت مانگی میں نے دے دی ، آپ بھی مجھ سے اجازت لیتے میں دے دیتا، 3میرے لیے تمام ارکان برابر ہی ہیں۔

    مزید پڑھیں : عمران خان رجسٹریشن اور شناختی کارڈ ساتھ لانا بھول گئے

    یاد رہے قومی اسمبلی میں اسپیکر کے انتخاب کے لئے عمران خان ووٹ ڈالنے گئے تو پتہ چلا وہ اپنا رجسٹریشن اور شناختی کارڈ ساتھ لانا بھول گئے ہیں۔

    جس کے بعد عمران خان کو ووٹنگ کے لئے اسپیکرسےاجازت لینا پڑی اور ایازصادق نے عمران خان کو ووٹ ڈالنے کی اجازت دے دی۔

    خیال رہے کہ قومی اسمبلی کا اجلاس جاری ہے۔ قومی اسمبلی کے اسپیکراورڈپٹی اسپیکر کے عہدوں کے انتخاب کے لیے اسد قیصراور خورشیدشاہ کے درمیان سخت مقابلے کی توقع کی جارہی ہے۔

    ڈپٹی اسپیکرقومی اسمبلی کے لئے پاکستان تحریک انصاف کے نامزد اُمیدوار قاسم سوری اوراپوزیشن کے اُمیدواراسد محمود کے مابین مقابلہ ہوگا۔

    اسپیکر اور ڈپٹی اسپیکر کا انتخاب خفیہ رائے شماری سے ہوگا۔ پہلے مرحلے میں اسپیکر کا انتخاب قاعدہ 9 باب 3 کے تحت ہوگا۔

    واضح رہے قومی اسمبلی میں اسپیکر اور ڈپٹی اسپیکر کے انتخاب کے بعد وزیر اعظم کے عہدے کے لیے اُمیدواروں کے کاغذات نامزدگی جمع ہوں گے, جس کے بعد 18 اگست کو عمران خان عہدے کا حلف اٹھائیں گے۔ْ

  • عبدالقادر پٹیل سے دوسرے روز بھی تفتیش، اہم راز اگل دیئے

    عبدالقادر پٹیل سے دوسرے روز بھی تفتیش، اہم راز اگل دیئے

    کراچی : رینجرز ہیڈ کوارٹر میں دوسرے روز بھی پیپلز پارٹی کے رہنما عبدالقادرپٹیل کو تفتیش کیلئے بلایا گیا، آٹھ گھنٹے تک پوچھ گچھ کی گئی۔

    تفصیلات کے مطابق طبیعت کی خرابی کا بہانہ کام نہ آیا تھوڑا سا آرام کرواکر رینجرز نے پیپلزپارٹی کے رہنما عبدالقادر پٹیل کو پھر تفتیش کے لئے بلالیا۔

    پیپلز پارٹی کے رہنما عبدالقادر پٹیل نے دوسرے دن رینجرز ہیڈ کوراٹرمیں بہت کچھ اگل دیا، ذرائع کے مطابق قادر پٹیل نے پیپلز پارٹی کی اہم شخصیات کے حوالے سے اہم انکشافات کردیئے ۔

    خالد شہنشاہ کے قتل، لیاری میں قتل و غارت گری کے واقعات سے بھی پردہ اٹھا دیا، ذرائع کے مطابق عبدالقادر پٹیل نے دوران تفتیش سندھ پولیس میں افسران کی تعیناتی کا بھی بھانڈا پھوڑ دیا۔

    انہوں نے بتایا کہ اسی فیصد پولیس افسران بنگلے پر حاضری دے کر تعیناتی حاصل کرتے ہیں، ذرائع کا کہنا ہے عبدالقادرپٹیل نے لیاری گینگ وار اور بھتہ خوری کے حوالے سے بھی اہم سوالوں کے جواب دے دیئے۔

    ذرائع کے مطابق عبدالقادرپٹیل نے تفتیش کاروں کو بتایا کہ سابق وزیرداخلہ ذوالفقار مرزا، اویس مظفر اور جاوید ناگوری گینگ وار سے رابطے میں تھے۔

    ذرائع کے مطابق عبدالقادر پٹیل منی لانڈرنگ حوالے سے تفتیش کاروں کو دوسرے دن بھی مناسب جواب نہ دے سکے. گزشتہ روز رینجرز ہیڈکوارٹرمیں عبدالقادر پٹیل سے تفتیش کی گئی تھی جہاں دوران تفتیش ان کی اچانک طبیعت بگڑ گئی اور وہ سرمیں درد اور بلڈ پریشر کی شکایت کرتے رہے جس پر تفتیش روکنا پڑی تھی۔

    ذرائع کے مطابق عبدالقادر پٹیل نے شازیہ ناز اور گینگ وار سے تعلق کے جواب میں کہا کہ آپ لوگ خود تحقیقات کریں،

    انہوں نے منی لانڈرنگ میں جائیدادیں خریدنے پر بھی تفتیشی ٹیم کو مناسب جواب نہیں دیا، ذرائع کے مطابق قادر پٹیل سے آئندہ بھی تحقیقات کا سلسلہ جاری رہے گا۔

     

  • پی پی رہنما عبد القادر پیٹل دبئی سے کراچی پہنچ گئے

    پی پی رہنما عبد القادر پیٹل دبئی سے کراچی پہنچ گئے

    کراچی : پیپلز پارٹی کے رہنما عبدالقادر پیٹل دئبی سے کراچی پہنچ گئے، انہیں رینجرز نے پوچھ گچھ کے لئے طلب کیا ہے، وہ اپنے خلاف قائم مقدمے کا سامنا کریں گے

    تفصیلات کے مطابق پاکستان پپیپلز پارٹی کے رہنما عبدالقادر پیٹل اپنے خلاف قائم مقدمے کا سامنا کرنے کیلئے  رینجرز کے طلب کئے جانے پر آج رات دئبی سے کراچی پہنچ گئے ہیں۔

    عبدالقادر پیٹل ای کے چھ سو دو پرواز کے ذریعے کراچی پہنچے۔ قادر پیٹل دہشت گردوں کے علاج سے متعلق کیس میں مفرور تھے۔

    قادر پیٹل پر الزام ہے ان کے ایما پر ڈاکٹر عاصم دہشت گردوں کو سہولیات فراہم کرتے تھے۔

     

  • سندھ دھرتی تقسیم کرنے کی بات سے انتشار پھیلے گا، عبدالقادر پٹیل

    سندھ دھرتی تقسیم کرنے کی بات سے انتشار پھیلے گا، عبدالقادر پٹیل

    کراچی: پیپلزپارٹی کراچی کے صدرعبدالقادر پٹیل کا کہنا ہے سندھ کی تقسیم کی بات سے انتشار پھیلے گا۔ ایم کیوایم سےمعاملہ خیرسگالی سےحل کرنا چاہتےہیں اور تنازعےکوبڑھاناٹھیک نہیں۔ انھوں نے کہا کہ خورشیدشاہ کی معافی مانگنےکےباوجود بیان کوایشو بنایاجارہاہے۔

    بلاول ہاوس کراچی میں پیپلزپارٹی کے میڈیا سیل میں ہنگامی پریس کانفرنس سے خطاب کرتے ہوئے عبدالقادر پٹیل کا کہنا تھا کہ محرم الحرام میں لفظ مہاجر کو تنازعہ بنا کر اس مسئلے کو حوا نہیں دی جائے پیپلزپارتی کے رہنما خورشید شاہ نے بروقت اس مسئلے پرمعذرت کرلی تھی ان کا مقصد مہاجروں کی تذلیل کرنا نہیں تھا۔

    عبدالقادر پٹیل کا کہنا تھا کہ کچھ لوگ انتہا پسندی کا جواز بنا کر اپنی کھوئی ہوئی ساکھ کو بحال کرنا چاہتے ہیں۔ انہوں نے کہا کہ اٹھارہ اکتوبر کا جلسہ تاریخی جلسہ ہوا ہے اور موجودہ صورتحال اس جلسے کی کامیابی کا رد عمل ظاہر کرتی ہے۔

    عبدالقادر پٹیل کا کہنا تھا کہ بلاول بھٹو زرداری کو عوام میں مقبولت کیلئے کسی کالے پیلے سرٹیفکیٹ کی ضرورت نہیں بلکہ عوام نے ان کے جلسے میں شرکت کرکے انہیں پسندیدگی کا سرٹیفکیٹ دیدیا ہے۔ پیپلزپارٹی کے رہنماوں نے مطالبہ کیا ہے کہ خیر سگالی کے تحت محرم میں اس مسئلے کو نہ اٹھایا جائے اور سندھ میں امن وا مان کی یقینی کیلئے اپنا بھرپور کرداراد کیا جائے۔

    پیپلزپارٹی کے رہنما عبدالقادر پٹیل نے کہا ہے کہ لفظ مہاجر پر سیاست سندھ میں مذہبی انتشار پھیلانے کا خدشہ ظاہر کرتی ہے اس پرپیپلزپارٹی کو تشویش ہے۔

    انہوں نے کہا کہ سندھ کی تقسیم کی بات کرنے سے سندھ میں رہنے والے سندھیوں کے جذبات مجروح ہوتے ہیں اس موقع پر تاج حیدر ،این ڈی خان،شہلا رضا سمیت دیگر پی پی  رہنما بھی موجود تھے۔