ARYNews.tv | Urdu – Har Lamha Bakhabar

Tag: Abdul sattar edhi

  • عمران خان کی عبدالستارایدھی سے عیادت، امجد صابری کے اہل خانہ سے ملاقات

    عمران خان کی عبدالستارایدھی سے عیادت، امجد صابری کے اہل خانہ سے ملاقات

    کراچی : پاکستان تحریک انصاف کے چئیرمین عمران خان نے معروف سماجی کارکن عبدالستار ایدھی کی عیادت اور مقتول امجد صابری کے اہل خانہ سے تعزیت کی۔

    تفصیلات کے مطابق ایدھی ہوم میٹھادر میں چئیرمین پی ٹی آئی عمران خان نے معروف سماجی کارکن عبدالستار ایدھی کی عیادت کی اورگلدستہ پیش کیا۔

    Imran-Edhi4

    اس موقع پرعمران خان کے ہمراہ تحریک انصاف کی مقامی قیادت بھی موجود تھی۔ میڈیا سے گفتگو میں عمران خان کا کہنا تھا کہ ایدھی صاحب انسانیت کی خدمت پر یقین رکھنے والوں کے لئے مثال ہیں۔

    Imran-Edhi5

    انہو ں نے پاکستان کو ایک نئی شناخت دی ہے،انہوں نے کہا کہ شوکت خانم کینسر اسپتال کے لئے ایدھی صاحب کے دئیے گئے عطیے کو نہیں بھلا سکتا۔


    Nation holds Abdul Sattar Edhi's services in… by arynews

     دعا گو ہیں کہ ایدھی صاحب جلد صحت یاب ہوکر انسانیت کی خدمت کے مشن کو جاری رکھیں۔

    Imran-Edhi1

    ان کا کہنا تھا کہ ستائیس برس قبل شوکت خانم میموریل کینسر اسپتال کی فنڈ ریزنگ کے دوران ایدھی صاحب نے انکی حوصلہ افزائی کی اور کینسر اسپتال کے لئے سب سے بڑا عطیہ دیا تھا جسے کبھی نہیں بھول سکتے۔

    Imran-Edhi2

    بعد ازاں عمران خان مقتول امجد صابری کے اہل خانہ سے تعزیت کیلئے ان کے گھر گئے،ان کی والدہ، بھائی اور بچوں سے ملنے کے بعد عمران خان کا کہنا تھا کہ امجد صابری کے قتل سے کراچی کے امن کو دھچکا لگا ہے۔

    Imran-Edhi3

    عمران خان نے کراچی میں پولیس کی کارکردگی پر سوال اٹھادیئے، ان کا کہنا تھا کہ تھانے ٹھیک ہونے تک کراچی میں امن نہیں آئے گا۔ جب تک پولیس ٹھیک نہیں ہوگی حالات میں بہتری نہیں آئے گی۔

     

  • عبدالستارایدھی مکمل طور پرصحت یاب ہیں، فیصل ایدھی

    عبدالستارایدھی مکمل طور پرصحت یاب ہیں، فیصل ایدھی

    کراچی : ایدھی فاؤنڈیشن کے سرپرست عبدالستار ایدھی کے صاحبزادے فیصل ایدھی نےاپنے والد کی صحت سےمتعلق چلنے والی خبروں کو بے بنیاد قرار دے دیا۔

    فیصل ایدھی نے کہا ہے کہ ڈاکٹرز نے عبدالستار ایدھی کی طبی رپورٹس تسلی بخش قرار دی ہیں، عبدالستارایدھی مکمل طور پرصحت یاب ہیں،عوام افواہوں پرکان نہ دھریں۔

    فیصل ایدھی نے اے آر وائی نیوز سے با ت چیت کرتے ہوئے بتایا کہ عبدالستار ایدھی کو معمول کے ڈائیلاسز کے لیے اسپتال منتقل کیاگیا ہے، ڈاکٹرز نے رپورٹس تسلی بخش قراردے دی ہیں۔

    واضح رہے کہ عبدالستار ایدھی کے بارے میں خبریں موصول ہورہی تھیں کہ ان کی طبیعت انتہائی تشویش ناک ہے اور انہیں اسپتال کے انتہائی نگہداشت کے وارڈ میں منتقل کیا گیا ہے تاہم اب ان کے بیٹے کی جانب سے ایسی خبروں کی تردید نے صورتحال واضح کردی ہے۔

    ایدھی فاؤنڈیشن کے سربراہ عبدالستار ایدھی طویل عرصے سے گردوں کے مرض میں مبتلا ہیں اور کافی دنوں سے ان کے ڈائیلاسز کیے جارہے ہیں۔

    ڈاکٹروں کا کہنا ہے کہ عبدالستار ایدھی کے گردوں کے ٹرانسپلانٹ کی ضرورت ہے جس پر بہت سے مخیر حضرات نے انہیں بیرون ملک علاج کرانے کی پیشکش کی تاہم وہ اپنا علاج پاکستان میں ہی کرانے پر بضد ہیں۔

  • بالی ووڈ اداکار سلمان خان بھی عبدالستارایدھی کی تعریف کرنے پر مجبو رہوگئے

    بالی ووڈ اداکار سلمان خان بھی عبدالستارایدھی کی تعریف کرنے پر مجبو رہوگئے

    ممبئی: بالی ووڈ دبنگ اسٹار سلمان خان نے ایدھی فاؤنڈیشن میں گزشتہ 13 سال سے قیام پذیر بھارتی لڑکی گیتا کی دیکھ بھال پر کہا ہے کہ بھارت کو عبدالستار ایدھی کا شکر گزار ہونا چاہیئے۔

    سلمان خان نے این ڈی ٹی وی سے اپنی فلم بجرنگی بھائی جان سے متعلق بات کرتے ہوئے کہاکہ ہر” مُنی “کی قسمت میں سلمان خان نہیں جو اسے اسکے گھر تک بحفاظت پہنچادے۔انہوں نے کہا کہ ہم عبدالستار ایدھی کے مشکور ہیں جنہوں نے گیتا کو 13سال سے بحفاظت رکھا ہوا ہے ۔

    اداکار کا کہنا تھا کہ بھارت میں سب کو اس حقیقت کو قبول کرنا چاہیئے کہ پاکستان میں ایدھی فاؤنڈیشن نے ایک بھارتی لڑکی کو اچھے اندازمیں رکھا لیکن گیتا کو بہترین زندگی بھارت میں بھی مل سکتی ہے اوراس کا پاکستان سے بھی اچھا خیال رکھا جائے گا کیونکہ وہ ایک بھارتی ہے اور اس کے اہل خانہ اور دوست یہاں ہیں۔

    سلمان خان نے بھارتی حکومت پر زور دیا کہ بحیثیت بھارتی شہری گیتا کے اہلخانہ کو تلاش کیا جانا چاہیئے تاہم اگر گیتا مجھ سے ملنا چاہتی ہے تو مجھے بھی اس سے مل کر بہت خوشی ہوگی۔

  • کومل رضوی کو ایدھی کے ساتھ سیلفی لینا ٹویٹرپربھاری پڑگیا

    کومل رضوی کو ایدھی کے ساتھ سیلفی لینا ٹویٹرپربھاری پڑگیا

    پاکستان کی نامورکی نامور گلوکارہ کومل رضوی کو بیماری کے عالم میں معروف سماجی رہنماء عبدالستارایدھی کے ہمراہ سیلفی لینا ٹویٹرپربھاری پڑگیا۔

    سماج کی خدمت کرنے میں سب سے بڑا نام ڈاکٹرعبد الستارایدھی ان دنوں سخت علیل ہیں اورتمام شعبہ ہائے زندگی سے تعلق رکھنے والے افراد ان کی عیادت کررہے ہیں۔

    گلوکارہ کومل رضوی بھی جب ان کی عیادت کے لئے گئیں تو انہوں نے ان کے ہمراہ سیلفی تصاویر کھینچ لیں لیکن ان کا یہ عمل انہیں اتنا بھاری پڑے گا انہوں نے کبھی سوچا بھی نہیں ہوگا۔

    "The controversial Selfie with Edhi”I walked into his office with his grandchildren and his face lit up with a smile….

    Posted by KOMAL RIZVI on Monday, July 6, 2015

     

     

     

     

     

  • ایسے پاکستانی جنہوں نے اپنی پہچان آپ بنائی اورپاکستان کی پہچان بنے

    ایسے پاکستانی جنہوں نے اپنی پہچان آپ بنائی اورپاکستان کی پہچان بنے

    زندگی آگے بڑھنے اوربڑھتے رہنے کا نام ہے تاریخ میں ہمیں کئی نام ایسے ملتے ہیں جو سونے کا چمچہ منہ لے کر یا کسی پہلے سے شہرت یافتہ خاندان میں پیدا نہیں ہوئے لیکن انہوں نے اپنی دنیا آپ بنائی اورآج ساری دنیا انہیں قدرکی نگاہ سے دیکھتی ہے، یہاں ہم کچھ ایسے ہی پاکستانیوں کا ذکر کریں گے جنہوں نے زندگی کی تمام ترمشکلات کا سامنا کرکے اپنے لئے ایسے راستے بنائے کہ دنیا ان کے نقش قدم پرچلنا چاہتی ہے۔

    عبد الستارایدھی

    عبدالستارایدھی کراچی کی ہول سیل مارکیٹ میں ’پھیری والے‘تھے اور معمولی پیمانے پرکپڑا بیچا کرتے تھے لیکن آج وہ دنیا کی سب سے بڑی ایمبولینس سروس اور رفاعی ادارے چلارہے ہیں۔ پاکستان کے اس عظیم سماجی رہنماء کو خدمتِ خلق کا جذبہ ان کی بیمار والدہ سے ملا جن کی وفات مفلوجی کی حالت میں ہوئی۔

    مہدی حسن

    مہدی حسن نے اپنی جوانی کے آغاز میں چیچہ وطنی اور بہاولپور میں موٹر مکینک کے طور پرکام کیا کہ اپنا اوراپنے خاندان کا پیٹ بھرسکیں لیکن انہوں نے اپنے خواب کو ترک نہیں کیا اورآج دنیا انہیں’شہنشائے غزل‘کے نام سے یاد کرتی ہے اور پاکستانی موسیقی کی تاریخ ان کے نام کے بغیرنا مکمل تصورکی جاتی ہے۔

    محمد یوسف

    اپنے دور میں پاکستانی کرکٹ ٹیم کا سرمایہ اور ٹیسٹ کرکٹ کے مایہ نازکھلاڑی محمد یوسف نے اپنی زندگی کا ابتدائی دور انتہائی دشوار حالات میں گزارا۔ انہوں نے رکشہ چلایا اور کرکٹ شروع کرنے سے قبل ایک درزی کی دوکان میں ملازمت بھی کی۔

    ملک ریاض

    پاکستان کے دس متمول ترین افراد میں ایک نام ملک ریاض کا بھی ہے لیکن یہ دولت انہیں ورثے میں نہیں ملی۔ ملک ریاض نے اپنی زندگی کی شروعات ایک کلرک کی حیثیت سے کی تھی۔ آج نا صرف یہ کہ وہ ایک جانی پہچانی کاروباری شخصیت ہیں بلکہ ان کی شہرت کا سبب ان کی سماجی خدمات اورفلاحی کام ہیں جن سے پاکستان کے نادار افراد کی کثیر تعداد فوائد کشید کرتی ہے۔

    ملالہ یوسف زئی

    چھوٹی سی عمرمیں بڑے خواب آنکھوں میں سجانے والی ملالہ یوسف زئی سے کون واقف نہیں۔ سوات میں حالتِ جنگ کے دور میں اپنی تعلیم کے حصول کے لئے آواز اٹھا کرانہوں نے پاکستان کا ایک ایسا روشن چہرہ دنیا کے سامنے پیش کیا جس کی آج کے دور میں اشد ضرورت ہے۔ طالبان نے انہیں اس جرم کی پاداش میں قتل کرنے کی کوشش کی لیکن وہ بچ گئیں اورآج وہ دنیا کی سب سے کم عمر نوبیل ایوارڈ یافتہ پاکستانی ہیں اوریہ ایوارڈ انہیں امن اورتعلیم کے فروغ کے لئے ان کی خدمات کے صلے میں ملاہے۔

  • ایدھی فاونڈیشن کا مالی بحران شدت اختیار کرگیا

    ایدھی فاونڈیشن کا مالی بحران شدت اختیار کرگیا

    کراچی:عالمی شہرت یافتہ فلاحی ادارہ ایدھی فاونڈیشن کا مالی بحران شدت اختیار کرگیا ہے، مالی بحران کے خاتمے کیلئے معروف سماجی کارکن عبدالستار ایدھی کا بھیک مشن جاری رکھا ہوا ہے۔

    بدھ کے روز عبدالستار ایدھی ایدھی فاونڈیشن کے تحت زیرِ پرورش بچوں سمیت ٹاور میں ایدھی فاونڈیشن سے تبت سینٹر تک واک کرتے ہوئے شہریوں سے مدد کی اپیل کی، شہریوں نے دل کھول کر عبدالستار ایدھی کو امداد فراہم کی۔

    عبدالستار ایدھی کا بھیک مشن قافلہ تبت سینٹر سے براستہ برنس روڈ ہوتا ہوا دوبارہ ٹاور پہنچا۔

    عبدالستار ایدھی کا کہنا ہے کہ مہنگائی اور دیگر مسائل کے باعث ایدھی فاونڈیشن مالی بحران کا شکار ہوگیا ہے، جس کی وجہ سے ایدھی فاونڈیشن کے تحت ہونیوالے فلاحی کام متاثر ہورہے ہیں، جس کے تدارک کیلئے عبدالستار ایدھی کا بھیک مشن جاری ہے۔

    عبدالستار ایدھی کے بھیک مشن قافلے کے ہمراہ پولیس اہلکار بھی موجود تھے، جو امن و امان کے ساتھ ساتھ ٹریفک کی روانی کو بھی بحال رکھے ہوئے تھے۔

  • عبدالستار ایدھی نے بھیک مشن کا آغاز کردیا

    عبدالستار ایدھی نے بھیک مشن کا آغاز کردیا

    کراچی: ایدھی فاونڈیشن کا مالی بحران کا شدت اختیار کرگیا ہے اور معروف سماجی رہنما عبدالستار ایدھی نے بھیک مشن کا آغاز کردیا ہے۔

    ذرائع کے مطابق عالمی اور قومی سانحات، غریب اور بے سہارا لوگوں کی کفالت اور انسانی حقوق کے تحفظ کیلئے کام کرنے والا پاکستان کا فلاحی ادارہ مالی بحران کا شکار ہوگیا ہے، ایسے میں فلاحی کاموں کو جاری رکھنے کیلئے عبدالستار ایدھی خود میدان عمل میں اترے اور بھیک مہم کا آغاز کردیا ہے۔

    انسانی حقوق کے عالمی دن پر اپنے پیغام میں بھی عبدالستار ایدھی کا کہنا تھا معاشرے میں انسانی حقوق کے تحفظ کیلئے بھی غربت کا خاتمہ ضروری ہے۔ ایدھی فاونڈیشن کے بھیک مشن کیلئے نکالی جانے والی ریلی کا آغاز میٹھادر سے ہوا جو نمائش چورنگی پر ایدھی بھیک مشن کیمپ تک پہنچی۔

  • سماجی ادارے چھیپا ٹرسٹ کے کراچی ہیڈ آفس میں ڈکیتی کی واردات

    سماجی ادارے چھیپا ٹرسٹ کے کراچی ہیڈ آفس میں ڈکیتی کی واردات

    کراچی: شہر قائد میں اب دکھی انسانیت کی خدمت کرنے والے ادارے بھی محفوظ نہیں اور نامعلوم افراد نے ایدھی فاوٴنڈیشن کے بعد چھیپا ویلفئیر ایسوسی ایشن سے لاکھوں روپے لوٹ لئے۔

    کراچی میں شارع فیصل پر صدر پولیس اسٹیشن سے چند گز کی فاصلے پر ایف ٹی سی اوور ہیڈ برج سے متصل واقع چھیپا ویلفئیر سینٹر کے مرکزی دفتر میں موٹر سائیکل پر سوار 10 افراد آئے اور اسلحے کے زور پر تمام عملے کو یرغمال بنالیا ڈاکو 40 منٹ تک انتہائی پرسکون حالت میں وہاں سے بھاری رقم لوٹ کر لے گئے۔

    پولیس نے روایتی طور پر مقدمہ درج کرکے کارروائی شروع کردی ہے، گزشتہ ماہ بھی 8 سے 10 ملزمان معروف سماجی کارکن عبدالستار ایدھی کو یرغمال بناکر لاکھوں روپے مالیت کی نقدی اور امانت کے طور پر رکھوائے گئے طلائی زیورات لوٹ کر فرار ہوگئے تاہم اب تک اس کے ملزمان بھی گرفتار نہیں ہوسکے۔

  • بحریہ ٹاون کا ایدھی سینٹر کو5 کروڑ روپےکا امدادی چیک

    بحریہ ٹاون کا ایدھی سینٹر کو5 کروڑ روپےکا امدادی چیک

    کراچی: بحریہ ٹاون کی جانب سے ایدھی سینٹر کراچی کو پانچ کروڑ روپے کا امدادی چیک دے دیا گیا۔

    ایدھی سینٹر میں پیش آنے والا ڈکیتی کے حالیہ واقع پر افسوس کا اظہار کرتے ہوئے ملک ریاض کے داماد زین ملک کا کہنا تھا کہ انسانیت کی خدمت کر نے والوں کے ساتھ اس طرح کا واقعہ پیش آنا قابل افسوس ہے۔مشکل کی اس گھڑی میں بحریہ ٹائون عبدالستار ایدھی کے ساتھ ہے اور ان سے جتنا ہو سکا وہ ان کی مدد کرتے رہیں گے۔

    اس موقع پرعبدالستار ایدھی کا کہنا تھا کہ ایدھی سینٹر کے لئے جمع ہونے والی تمام رقم غریب عوام پر خرچ کی جاتی ہے اور یہ مظلوم عوام کی امانت ہے، ان کا کہنا تھا کہ انہیں پولیس پر پورا اعتماد ہے کہ وہ اس کیس کو جلد حل کر لے گی۔

    دوسری جانب ایم کیو ایم کے قائد الطاف حسین نے معروف سماجی رہنما عبدالستار ایدھی سے بھی رابطہ کیااور کراچی میٹھا در اید ھی سینٹر میں ڈکیتی کی مذمت کی ۔عبدالستار ایدھی سے گفتگو کرتے ہوئے الطاف حسین نے کہا کہ ڈکیتی میں ملوث ملزمان کو فوری گرفتار کرکے مسروقہ مال برآمد کیا جائے اور انہیں قرار واقعی سزا دی جائے۔

  • میں پاکستان ہوں، ڈاکا پاکستان کے گھرڈالا گیا، عبدالستارایدھی

    میں پاکستان ہوں، ڈاکا پاکستان کے گھرڈالا گیا، عبدالستارایدھی

    کراچی: مشہورسماجی کارکن عبدالستارایدھی کاکہنا ہے وہ پاکستان ہیں اور ڈاکوؤں نے پاکستان کے گھرمیں ڈاکا ڈالا ہے۔

    میڈیا سے گفتگو میں عبدالستارایدھی کا کہنا تھا کہ پاکستان ان کی پہچان ہے جس پرانھیں فخر ہے، ایدھی سینٹرمیں ڈاکہ ڈالنے والے بھی پچھتا رہے ہوں گے،دعا ہے کہ اللہ انہیں ہدایت دے۔

    انھوں نے کہا کہ ساری زندگی انسانیت کا ساتھ دیااورانسانیت نے بھی ان کا ساتھ دیا، جس کی خوشی ہے۔ ایدھی کا کہنا تھا کہ پولیس نے بہت تعاون کیا ہے امید ہے ملزمان جلد پکڑے جائیں گے، اتوارکوایدھی سینٹرمیں ڈکیتی کی واردات میں ملزمان پانچ تولے سونا اورکروڑوں روپے لوٹ کرفرارہوگئے تھے۔