Tag: Abid Sher Ali

فیصل آباد : وزیر مملکت پانی و بجلی عابد شیر علی نے پشاور میٹرو میں کرپشن کی تحقیقات کا مطالبہ کرتے ہوئے کہا کہ نیب وزیراعلیٰ کے پی کو گرفتار کرے، کرپشن کی داستان زرداری سے شروع ہوکرعمران پر ختم ہوگی۔

تفصیلات کے مطابق وزیر مملکت پانی و بجلی عابد شیر علی نے میڈیا سے گفتگو کرتے ہوئے کہا کہ میٹرو بس کو جنگلہ بس کہنے والے آج خود بنا رہےہیں، ملتان میں میٹرو پروجیکٹ بنتا ہے تو عمران کو کیوں تکلیف ہے۔

عابد شیر علی نے کہا کہ خیبرپختونخوا کے چیف منسٹر بھی کرپشن میں ملوث ہیں، نیب آنکھیں کھولے اور وزیراعلیٰ کے پی کو گرفتار کرے، کرپشن کی داستان زرداری سے شروع ہو کرعمران پرختم ہوگی۔

آصف زرداری پر تنقید کرتے ہوئے وزیر مملکت کا کہنا تھا کہ آصف زرداری پہلے ٹین پرسنٹ تھے،پھر ہینڈرڈ پرسنٹ ہوئے اب ساے پرسنٹ انکے ہیں، کرپشن کی داستان آصف زرداری سے لکھی جائے گی، آصف زرداری نے پیپلزپارٹی کا بیڑاغرق کیا، کراچی میں کوڑا ہے ،اربوں روپے ترقیاتی فنڈ کہاں ہیں۔

مزید پڑھیں : حصول انصاف کی بات ہےتوڈاکوؤں کا بھی احتساب ہونا چاہئے، عابد شیر

انھوں نے کہا کہ نوازشریف اور مریم کو باہر جانے کی اجازت نہیں دی جارہی، ڈاکٹرعاصم کو باہر جانے کی اجازت دے دی گئی، جہانگیر ترین کو سپریم کورٹ نے چور تصور کیا، آج بھی جہانگیرترین جنرل سیکریٹری پی ٹی آئی ہے۔

عابد شیر علی کا کہنا تھا کہ کے پی میں میٹرو57اور پنجاب میں 27ارب کی بنتی ہے، عمران خان، وزیراعلیٰ خیبرپختونخوا کرپشن میں ملوث ہیں، عمران خان کیلئے پشاور جیل میں انتظار ہورہا ہے، عمران خان نے30ارب روپے میٹرو سے وصول کیے۔

انھوں نے مزید کہا کہ نوازشریف نے میثاق جمہوریت فالو کیا، عمران خان نے احتساب کا ادارہ خیبرپختونخوا میں بند کیا،احتساب کرنے والے بھاگ جائیں گے لیکن ہم نہیں بھاگیں گے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

لاہور : وزیر مملکت برائے پانی و بجلی عابد شیر علی کا کہنا ہے کہ نوازشریف کے کیس 2ماہ میں نمٹانے کی باتیں ہوتی ہیں، شرجیل میمن ،ایان علی، عزیر بلوچ کیخلاف کارروائی نہیں ہوتی، حصول انصاف کی بات ہےتوڈاکوؤں کا بھی احتساب ہونا چاہئے۔

تفصیلات کے مطابق وزیر مملکت برائے پانی و بجلی عابد شیر علی نے میڈیا سے گفتگو کرتے ہوئے کہا کہ شرجیل میمن ،ایان علی،عزیربلوچ کیخلاف کارروائی نہیں ہوتی؟ نوازشریف کےکیس 2ماہ میں نمٹانےکی باتیں ہوتی ہیں، آصف زرداری کے کرپشن کے کیسز کیوں نہیں کھلتے۔

عابد شیرعلی کا کہنا تھا کہ عزیربلوچ کی جے آئی ٹی کےمطابق ہزاروں لوگوں کوماراگیا، 12 مئی کو شہریوں کو سڑکوں پر گولیاں ماری گئیں، اس ملک میں صرف ایک ہی خاندان سے پوچھ گچھ ہورہی ہے۔

انھوں نے کہا کہ حصول انصاف کی بات ہےتوڈاکوؤں کا بھی احتساب ہوناچاہئے،جس رفتار سے نواز دور میں ترقی ہوئی ایسی تاریخ میں نہیں ہوئی۔

عابد باکسر کے حوالے سے وزیرمملکت کا کہنا تھا کہ عابد باکسرپرویزمشرف اورآصف زرداری کےدورمیں تھا، عابد باکسر جیسی باتوں سے ڈرنے والے نہیں ہیں ، شہبازشریف نےکبھی کسی کوسیاسی انتقام کا نشانہ نہیں بنایا۔

مزید پڑھیں : سارے چورہمارے خلاف اکٹھے ہوگئے ہیں‘ عابد شیرعلی

یاد رہے چند روز قبل بھی وزیرمملکت برائے توانائی عابد شیرعلی کا کہنا تھا کہ میرا تہیہ ہے جنہوں نے پارلیمنٹ کوگالیاں دیں انہیں جوتے ماروں گا،  یہ سارے چور ہمارے خلاف اکٹھے ہوگئے ہیں، سزا دینا عدالتوں کا کام ہے، سیاست دانوں کا نہیں ہے۔

انکا کہنا تھا کہ یہ لوگ پاکستان کے لوگوں کے پیسوں سے سیاست کررہے ہیں، ان کی کوشش ہے ن لیگ کو کسی طرح سے سیاست سے دورکیا جائے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

فیصل آباد : وزیرمملکت برائے توانائی عابد شیرعلی کا کہنا ہے کہ میرا تہیہ ہے جنہوں نے پارلیمنٹ کوگالیاں دیں انہیں جوتے ماروں گا۔

تفصیلات کے مطابق فیصل آباد میں میڈیا سے گفتگو کرتے ہوئے وزیرمملک عابد شیرعلی نے کہا کہ آصف زرداری نے بلوچستان میں ن لیگی ممبران کو خریدا۔

عابد شیرعلی نے کہا کہ آصف زرداری نے ہارس ٹریڈنگ کی گندی سیاست پھرشروع کی۔

انہوں نے کہا کہ یہ لوگ پاکستان کے لوگوں کے پیسوں سے سیاست کررہے ہیں، ان کی کوشش ہے ن لیگ کو کسی طرح سے سیاست سے دورکیا جائے۔

وزیرمملکت برائے توانائی نے کہا کہ جلسے جلوس کرنا ہرسیاسی جماعت کا حق ہے، سیالوی صاحب کے مطالبات ہیں توانہیں خوش اسلوبی سے حل کریں گے۔

عابد شیرعلی نے کہا کہ بےضمیرسیاست دانوں کی سیاست کا راستہ ہمیشہ کے لیے بند کریں گے۔

انہوں نے کہا کہ یہ سارے چور ہمارے خلاف اکٹھے ہوگئے ہیں، سزا دینا عدالتوں کا کام ہے، سیاست دانوں کا نہیں ہے۔

وزیرمملکت برائے توانائی نےعوامی مسلم لیگ کے سربراہ پر تنقید کرتے ہوئے کہا کہ شیخ رشید نے ریلوے کےانجن چوری کرکے بیچے نیب میں ان کے خلاف بھی ریفرنس چلنا چاہیے۔

عابد شیرعلی نے کہا کہ عمران خان سرکاری ہیلی کاپٹرکو یلوکیب کی طرح استعمال کررہے ہیں، ہیلی کاپٹرکبھی نتھیاگلی چلا جاتا ہے کبھی کہیں چلا جاتا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔