ARYNews.tv | Urdu – Har Lamha Bakhabar

Tag: Abid Sher Ali

  • جو وعدے نوازشریف نے کئےآج قوم اس سے فائدہ اٹھارہی ہے،عابد شیرعلی

    جو وعدے نوازشریف نے کئےآج قوم اس سے فائدہ اٹھارہی ہے،عابد شیرعلی

    اسلام آباد : وزیرمملکت پانی و بجلی عابد شیرعلی کا کہنا ہے کہ جو وعدے نوازشریف نے کئےآج قوم اس سےفائدہ اٹھارہی ہے ، نوازشریف کا وعدہ تھا پاکستان سے اندھیروں کا خاتمہ کرینگے۔

    تفصیلات کے مطابق وزیرمملکت پانی و بجلی عابد شیرعلی کی واپڈا ہاؤس لاہور میں میڈیا سے گفتگو کرتے ہوئے کہا کہ ماضی کے حکمرانوں نےٹرانسمیشن لائنز پرایک پیسہ خرچ نہیں کیا، ساڑھے 7ہزار میگاواٹ بجلی کی پیداوار میں اضافہ کیا ہے۔

    عابد شیرعلی کا کہنا تھا کہ وزیراعظم بدھ کوپورٹ قاسم پاورپلانٹ کاافتتاح کرینگے، نوازشریف کا وعدہ تھا پاکستان سے اندھیروں کا خاتمہ کرینگے ، جو وعدے نوازشریف نے کئےآج قوم اس سے فائدہ اٹھا رہی ہے۔

    مزید پڑھیں : ہمارے قائدین روپوش نہیں ہوئے نہ کمردرد کا بہانہ کرکے بھاگے، عابد شیر علی

    وزیرمملکت نے کہا کہ پیپلزپارٹی دور میں ایک میگا واٹ بجلی سسٹم میں شامل نہیں ہوئی، ہمارے پرانے پاور پلانٹس میں زیادہ مسائل ہیں، ماضی میں کسی حکومت نے توجہ نہیں دیا، وزیراعظم نےتیل پر چلنےوالے پاور پلانٹس2019تک ختم کرنے کا حکم دیا ہے۔

    انکا کہنا تھا کہ سستے پاور پلانٹ لگا کر عوام کو سہولت دی جائےگی، بجلی کی چوری پر ڈھائی فیصدقابو پالیا ہے ، ہم کہیں پرزیادتی نہیں کررہے ، بجلی چوری جہاں ہوگی وہاں لوڈشیڈنگ جاری رہے گی۔

    عابد شیرعلی نے کہا کہ حکومت نے لوڈشیڈنگ کا دورانیہ 2 سے 3 گھنٹے سے بڑھنے نہیں دیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ہمارے قائدین روپوش نہیں ہوئے نہ کمردرد کا بہانہ کرکے بھاگے، عابد شیر علی

    ہمارے قائدین روپوش نہیں ہوئے نہ کمردرد کا بہانہ کرکے بھاگے، عابد شیر علی

    اسلام آباد : وفاقی وزیر مملکت پانی و بجلی عابد شیر علی کا کہنا ہے کہ مسلم لیگ ن عدلیہ کی عزت کرتی ہے ، ہمارے قائدین روپوش نہیں ہوئے نہ کمردرد کا بہانہ کرکے بھاگے جبکہ دانیال عزیز نے کہا کہ  ایک پاکستان تحریک انصاف فرار جماعت ہے۔

    تفصیلات کے مطابق وفاقی وزیر مملکت پانی و بجلی عابد شیر علی کا مریم نواز کی احتساب عدالت میں پیشی کے موقع پر کہا کہ مسلم لیگ ن عدلیہ کی عزت کرتی ہے، اسی لئے پہلی مرتبہ پاکستان میں کوئی حکمران خاندان احتساب عدالت میں پیش ہو رہا ہے، ہمارے قائدین روپوش نہیں ہوئے نہ کمردرد کا بہانہ کرکے بھاگے۔

    عابد شیر علی کا کہنا تھا کہ نوازشریف اہلیہ کی علالت کے باعث ملک سے باہر ہیں،نوازشریف عدالتوں میں پیش ہوتے رہے ہیں، نوازشریف کی بیٹی اور داماد عدالت میں پیش ہوئے ہیں، قانونی جنگ لڑنے کا ہر انسان کا اپنا طریقہ کار ہوتا ہے۔

    حسن اور حسین کی غیر موجودگی کے بارے میں وزیر مملکت نے کہا کہ وہ عدالتی دائرہ اختیارمیں نہیں آتے۔

    پاکستان تحریک انصاف فرار جماعت ہے، دانیال عزیز

    مسلم لیگ ن کے رہنما دانیال عزیز نے مریم نواز کی پیشی کے موقع پر احتساب عالت کے باہر میڈیا سے بات کرتے ہوئے عمران خان پر طنز کے تیر برساتے ہوئے کہا کہ ہمیں درس دینےوالےعدالتوں اور الیکشن کمیشن سے مفرور ہیں،  پاکستان تحریک انصاف فرار جماعت ہے۔

    دانیال عزیز کا کہنا تھا کہ ایک جماعت عدالتوں کی پاسداری کررہی ہے ،عدالتوں میں قانونی طریقے سے پیش ہورہےہیں، عمران خان،جہانگیر ترین نے خود لکھ کردیا ہم نے چوریاں کی ہیں، جہانگیر ترین اور عمران خان نیچا دکھانے کی سیاست کرتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔

  • عمران خان اشتہاری ہیں اداروں کا احترام نہیں کرتے، عابد شیر علی

    عمران خان اشتہاری ہیں اداروں کا احترام نہیں کرتے، عابد شیر علی

    فیصل آباد: وفاقی وزیر مملکت پانی و بجلی عابد شیر علی نے کہا ہے کہ عمران خان اشتہاری ہیں اداروں کا احترام نہیں کرتے، نواز شریف نے اداروں کا احترام کیا عدالتوں میں پیش ہورہے ہیں۔

    فیصل آباد میں میڈیا سے گفتگو کرتے ہوئے عابد شیر علی نے کہا ہے کہ عمران خان نے تمام چیف جسٹس پر حملے کئے ہیں، نواز شریف کمر درد کا بہانہ بنا کر ملک سے بھاگ نہیں جاتے۔

    انہوں نے کہا کہ تحفظات کے باوجود نواز شریف عدالتوں میں پیش ہورہے ہیں، مارشل لاء نہیں عدالتوں میں داخلے پر پابندی نہیں لگائی جاسکتی، نواز شریف کے خلاف ایک روپے کی کرپشن ثابت نہیں ہوئی، نواز شریف کو ملکی خدمت کرنے کی سزا دی جارہی ہے۔

    یہ پڑھیں: سپریم کورٹ کے فیصلے کے بعد عمران خان پاگل ہوجائیں گے، عابد شیر علی

    وفاقی وزیر مملکت نے کہا کہ پاکستان کی خدمت کرنے پر نواز شریف کو نکالا جاتا ہے، جس ادارے کی جو ڈیوٹی ہے اسے وہ کرنی چاہئے۔

    سی پیک کے حوالے سے عابد شیر علی نے کہا کہ سی پیک کے مخالفوں نے پاکستان پر یلغار کی ہوئی ہے۔

    انہوں نے کہا کہ نواز شریف مسلم لیگ ن کے تاحیات صدر ہیں، نواز شریف حکومت نہیں خدمت کرنے آئے ہیں، تمام قومی اداروں اور حکومت نے مل کر ملک سے دہشت گردی کا خاتمہ کیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • وزارت پانی وبجلی کاعیدپرملک بھرمیں بجلی کی لوڈشیڈنگ نہ کرنےکااعلان

    وزارت پانی وبجلی کاعیدپرملک بھرمیں بجلی کی لوڈشیڈنگ نہ کرنےکااعلان

    اسلام آباد : وزارت پانی وبجلی نے عید پر ملک بھر میں بجلی کی لوڈشیڈنگ نہ کرنے کا اعلان کیا ہے۔

    تفصیلات کے مطابق وزارت پانی وبجلی نے عید پر ملک بھر میں بجلی کی لوڈشیڈنگ نہ کرنے کا اعلان کرتے ہوئے پاورڈسٹری بیوشن کمپنیاں طلب ورسدکی تفصیلات طلب کرلی ہے۔

    وزارت پانی وبجلی کا کہنا ہے کہ ہمارے پاس اب طلب سے زیادہ بجلی موجود ہے، عید کے دنوں میں 24گھنٹے شہریوں کو بجلی فراہم کی جائے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • عابد شیرعلی کو دیکھ کر لوگوں کے ’’چور آیا‘‘ کے نعرے

    عابد شیرعلی کو دیکھ کر لوگوں کے ’’چور آیا‘‘ کے نعرے

    لاہور : نواز شریف کی ریلی کے دوران عابد شیر علی کی آمد کے موقع پر چور آیا چور آیا کے نعرے لگ گئے سابق وزیر اعظم کی گاڑی کے قریب بھی چور چور کے نعرے لگتے رہے۔

    تفصیلات کے مطابق سابق وزیر اعظم کی ریلی جب لاہور پہنچی تو وہاں موجود کچھ لوگوں نے عابد شیر علی کو دیکھ کر دیکھو دیکھو کون آیا، چور آیا چور آیا کے نعرے بلند کردیئے۔

    عابد شیر علی نے صورتحال کی نزاکت کو دیکھتے ہوئے نعرے لگانے والوں کو نظر انداز کردیا، اور رسمی انداز میں کارکنان کے سامنے ہاتھ ہلاتے رہے۔

    علاوہ ازیں اس سے قبل وزیر توانائی عابد شیرعلی نے اسلام آباد سے نکلنے والی ریلی میں اپنی پوری توانائی صرف کردی۔ شیرآیا شیرآیا کے نعرے لگاتے اور دھوپ میں سفر کرتے عابد شیر علی کا رنگ بھی کالا پڑ گیا۔

    وزیر توانائی مختلف مقامات پر گاڑی کی چھت پرکھڑے ہوکر ہاتھ لہراتے ہوئے لیگیوں کا لہو گرماتے رہے، عابد شیر علی ریلی کے پہلے روز سے ہی فُل چارج دکھائی دیئے، پنڈی سے لاہور تک گاڑی پر چڑھے لوگوں میں بجلی بھرتے رہے۔

    بجلی بھرے وزیر کہیں جوش میں ہو ش نہ کھو بیٹھیں اس لئے ریلی میں موجود گارڈ کبھی ان کی قمیض تو کبھی ٹانگیں پکڑ کران کو قابو میں رکھنے کی کوشش کرتے رہے، عابد شیر علی نے نواز ریلی میں اتنی سیاست چمکائی کہ ان کا رنگ بھی کالا پڑ گیا۔

  • میرا فخر، میرا وزیراعظم نوازشریف ،عابدشیر علی کا ٹوئٹ

    میرا فخر، میرا وزیراعظم نوازشریف ،عابدشیر علی کا ٹوئٹ

    جہلم : وفاقی وزیر پٹرولیم اور بجلی عابد شیر علی کا کہنا ہے کہ میرا فخر، میرا وزیراعظم نوازشریف ہے۔

    تفصیلات کے مطابق جہلم سے سابق وزیراعظم نواز شریف کی روانگی سے وزیر مملکت عابد شیرعلی نے سماجی رابطے کی ویب سائٹ ٹوئٹر پر نوازشریف کے ساتھ تصویر ٹوئیٹ کی اور پیغام میں لکھا میرا فخر، میرا وزیراعظم نوازشریف۔

    مزید پڑھیں : عابد شیر علی نے نواز شریف کو یہودی سردار سے تشبیہہ دے ڈالی

    یاد رہے اس سے قبل وزیر مملکت عابد شیر علی نے ٹوئٹر پر اپنے پیغام میں نواز شریف کی تصویر کے ساتھ ایک شعر ٹویٹ کر ڈالا تھا، جس میں سابق وزیراعظم نواز شریف کو یہودیوں کے سردار مرحب سے تشبیہہ دے ڈالی تھی۔

    عابد شیر علی کو اس پر کافی تنقید کا سامنا کرنا پڑا تھا، جس کے بعد انھوں نے ٹوئٹ ڈیلیٹ کردیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • عابد شیر علی نے نواز شریف کو یہودی سردار سے تشبیہہ دے ڈالی

    عابد شیر علی نے نواز شریف کو یہودی سردار سے تشبیہہ دے ڈالی

    لاہور: وزیر مملکت برائے توانائی عابد شیر علی نے سماجی رابطوں کی ویب سائٹ ٹوئٹر پر اپنے ٹویٹ میں فاش غلطی کرتے ہوئے سابق وزیر اعظم نواز شریف کو یہودیوں کے سردار سے تشبیہہ دے ڈالی۔

    تفصیلات کے مطابق سابق وزیر اعظم نواز شریف کی ریلی کے موقع پر جہاں مسلم لیگ ن کے رہنما و وزرا اپنے قائد سے وفاداری کا اظہار کر رہے ہیں وہیں وزیر مملکت عابد شیر علی نے بھی اس موقع کو ہاتھ سے جانے نہ دیا اور نواز شریف کی تصویر کے ساتھ ایک شعر ٹویٹ کر ڈالا۔

    تاہم وزیر مملکت اس بات سے شاید بے خبر تھے کہ شعر میں جس ’مرحب‘ کا ذکر کیا گیا وہ اسلام کے ابتدائی زمانے میں یہودیوں کا ایک سورما ہوا کرتا تھا۔

    مرحب غزوہ خیبر میں خلیفہ راشد چہارم حضرت علی رضی اللہ تعالیٰ عنہ کے ہاتھوں مارا گیا تھا۔

    ٹویٹ کے سامنے آتے ہی سوشل میڈیا پر تنقید اور مذاق کا طوفان امڈ آیا۔ کسی نے مسلم لیگ ن کے کارکنوں کو جاہل قرار دیا تو کسی نے کہا کہ ایسے دوستوں کی موجودگی میں نواز شریف کو دشمنوں کی کوئی ضرورت نہیں۔

    یاد رہے کہ سپریم کورٹ سے نااہل قرار دیے جانے کے بعد سابق وزیر اعظم نواز شریف اسلام آباد سے لاہور جارہے ہیں اور اس موقع پر مسلم لیگ ن کے کارکنان بڑی تعداد میں جمع ہو کر ریلی کی صورت اختیار کرچکے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ 

  • سپریم کورٹ کے فیصلے کے بعد عمران خان پاگل ہوجائیں گے، عابد شیر علی

    سپریم کورٹ کے فیصلے کے بعد عمران خان پاگل ہوجائیں گے، عابد شیر علی

    اسلام آباد : وفاقی وزیر مملکت پانی و بجلی عابد شیر علی کا کہنا ہے کہ نوازشریف کو کریڈٹ جاتا ہے، تمام چوروں کو ایک پلیٹ فارم پر کھڑا کردیا، سپریم کورٹ کے فیصلے کے بعد عمران خان پاگل ہوجائیں گے، شیخ رشید منی ٹریل دے دیں میں سیاست چھوڑ دوں گا۔

    تفصیلات کے مطابق سپریم کورٹ کے با ہر میڈیا سے بات کرتے ہوئے ن لیگی رہنما عابد شیر علی مخالفین پر جم کے برسے اور کہا کہ نواز شریف کو کریڈٹ جاتا ہے کہ سارے چوروں کو ایک پلیٹ فارم پر اکھٹا کردیا، تمام چور پاکستان کی ترقی سے خائف ہیں۔

    عابد شیر علی نے کہا کہ نوازشریف پاکستان کے منتخب وزیراعظم ہیں اور اور 2018 ءکے بعد بھی وزیراعظم منتخب ہو نگے، نوازشریف ملک کواندھیرے سے نکالنے جارہے ہیں۔

    عمران خان پر تنقید کرتے ہوئے عابد شیرعلی کا کہنا تھا کہ سپریم کورٹ کے فیصلے کے بعد عمران خان پاگل ہوجائیں گے، پاگل خانے میں عمران خان کا کمرہ تیار کیا جائے گا۔

    انھوں نے چیلنج کیا کہ شیخ رشید اگر منی ٹریل دے دیں تو میں استعفی دے دوں گا۔

    وفاقی وزیر مملکت پانی و بجلی کا پیپلز پارٹی کے حوالے سے کہنا تھا کہ پیپلز پارٹی والوں کی باتیں سن کر سپریم کورٹ کی دیواریں شرما جاتی ہیں، جن پاس ایک روپیہ کھانے کو نہیں تھا آج ارب پتی ہیں۔

    مزید پڑھیں : عمران خان کے والد نے ملک میں کرپشن کی بنیادر کھی تھی ،عابدشیرعلی

    یاد رہے کہ گذشتہ روز وزیر مملکت برائے پانی و بجلی عابد شیر علی نے کہا کہ عمران خان کے والد نے ملک میں کرپشن کی بنیادر کھی تھی، عمران خان بھی چور اور ان کے والد بھی چور، کس منہ سے نوازشریف کی اولاد سے ان کے کاروبار کا سوال کرتے ہیں۔

    عابد شیر علی کا کہنا تھا کہ نوازشریف نے ملک میں ترقی کی بنیاد رکھی، محمد شریف عظیم آدمی تھے، عمران خان پاکستان میں انتشار چاہتےہیں، ثبوت پیش کر دیے،عمران خان روتے رہ جائیں گے، عمران خان کی معافی نہیں ہوگی، ن لیگ والے کسی گندے آدمی کو نہیں لیتے، مشرف کو پاکستان لایا جائے اور ان سےحساب لیا جائے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • عمران خان کے والد نے ملک میں کرپشن کی بنیادر کھی تھی ،عابدشیرعلی

    عمران خان کے والد نے ملک میں کرپشن کی بنیادر کھی تھی ،عابدشیرعلی

    اسلام آباد : وزیر مملکت برائے پانی و بجلی عابد شیر علی نے کہا کہ عمران خان کے والد نے ملک میں کرپشن کی بنیادر کھی تھی، عمران خان بھی چور اور ان کے والد بھی چور، کس منہ سے نوازشریف کی اولاد سے ان کے کاروبار کا سوال کرتے ہیں۔

    تفصیلات کے مطابق جیسے پانامہ کیس نمٹا ہوا نظر آرہا ہے مسلم لیگی رہنما اخلاقیات کا دامن میں چھوڑتے جارہے ہیں ، وزیر مملکت برائے پانی و بجلی عابد شیر علی نے سپریم کورٹ کے باہر میڈیا سے گفتگو میں عمران خان اور ان کے خاندان کو شدید تنقید کا نشانہ بناتے ہوئے کہا کہ عمران خان کے والد نے ملک میں کرپشن کی بنیاد رکھی، نیازی صاحب کس منہ سے شریف خاندان سے سوال کرتے ہیں۔

    عابدشیرعلی نے کہا کہ عمران خان کے والد کو بھٹو نے کرپشن کے الزامات پر نکالا تھا،بنی گالا سے لے کر تمام جائیدادیں چوری کے پیسے سے بنائی گئیں، عمران خان کے والد پاکستان میں پہلے کرپٹ آدمی تھے، کرپشن کرنا عمران خان کے خمیرمیں شامل ہے۔

    وزیر مملکت برائے پانی و بجلی کا کہنا تھا کہ نوازشریف نے ملک میں ترقی کی بنیاد رکھی، محمد شریف عظیم آدمی تھے، عمران خان بھی چور اور ان کے والد بھی چور، میں عمران خان کی بہنوں کی بات نہیں کرنا چاہتا، عمران خان جب لندن جاتے ہیں تو جمائما کے پاس رہتے ہیں۔

    انھوں نے مزید کہا کہ عمران خان پاکستان میں انتشار چاہتےہیں، ثبوت پیش کر دیے،عمران خان روتے رہ جائیں گے، عمران خان کی معافی نہیں ہوگی، ن لیگ والے کسی گندے آدمی کو نہیں لیتے، مشرف کو پاکستان لایا جائے اور ان سےحساب لیاجائے۔

    عابد شیر علی کا کہنا تھا کہ نندی پورریفرنس میں بابراعوان کانام شامل ہے، افتخار محمد چوہدری نے ان کا ریفرنس نیب کو بھیجا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اشتہاری عمران خان کو ڈر ہے سپریم کورٹ آیا تو گرفتار نہ کرلیا جاؤں،عابدشیرعلی

    اشتہاری عمران خان کو ڈر ہے سپریم کورٹ آیا تو گرفتار نہ کرلیا جاؤں،عابدشیرعلی

    اسلام آباد : وزیر مملکت برائے پانی و بجلی عابد شیر علی نے کہا کہ عدالت میں پکوڑے بیچنے والے کاغذات کبھی کام نہیں آئیں گے،اشتہاری عمران خان کو ڈر ہے سپریم کورٹ آیا تو گرفتار نہ کرلیا جاؤں۔

    تفصیلات کے مطابق سپریم کورٹ کے باہر وفاقی وزیر مملکت برائے پانی و بجلی عابد شیر علی نے میڈیا سے گفتگو کرتے ہوئے کہا کہ اپنے آپ کو بہادر سمجھنے والے عمران خان سپریم کورٹ کیوں نہیں آتے، اشتہاری کو ڈر ہے سپریم کورٹ آیا تو گرفتار نہ کر لیا جاؤں۔

    عمران خان کو تنقید کا نشانہ بناتے ہوئے عابد شیرعلی کا کہنا تھا کہ جمہوریت میں بال ٹیمپرنگ کی اجازت ہرگز نہیں ہوتی، عمران خان نے 5شیروانیاں بنوائیں۔ عمران خان نےکرپشن کے پیسوں سے آکسفورڈ میں پڑھائی کی، جےآئی ٹی کی رپورٹ عمران نامہ ہے، عمران خان اور ان کےحواریوں کا تابوت نکلےگا، عمران نامہ کوعدالت میں بےنقاب کریں گے۔

    انھوں نے عمران خان کو مخاطب کرتے ہوئے کہا کہ عمران خان صاحب میاں محمد شریف کی ایمانداری کی زمانہ گواہی دیتاتھا،  آپ تو عدالتیں باہر لگا کر بیٹھ گئے ہیں۔

    وزیر مملکت برائے پانی و بجلی نے بابر اعوان پر تنقید کرتے ہوئے کہا کہ نندی پور کے کروڑوں روپے کھانے والے بابراعوان ریفرنس لے کر گئے، بابراعوان کو عدالت سے بھی منہ کی کھانا پڑی، بابر اعوان صاحب نندی پور کے کروڑوں روپے عوام کو دے دیں۔

    انھوں نے مزید کہا کہ بابر اعوان نے نندی پور کے کروڑوں روپے ہڑپ کیے اسے ہتھکڑی لگنی چاہیے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔