ARYNews.tv | Urdu – Har Lamha Bakhabar

Tag: Abid Sher Ali

  • شیخ رشید 25سال نواز شریف کے جوتے پالش کرتے رہے، عابد شیر علی

    شیخ رشید 25سال نواز شریف کے جوتے پالش کرتے رہے، عابد شیر علی

    اسلام آباد: وفاقی وزیر مملکت برائے پانی و بجلی عابد شیر علی نے کہا ہے کہ عمران خان نے گزشتہ روز جشن کا منصوبہ بنایا ہوا تھا، شیخ رشید 25سال نواز شریف کے جوتے پالش کرتے رہے ہیں، عدالتوں میں قانون بولتا ہے،  جو نوازشریف کے حق میں بولے گا۔

    تفصیلات کے مطابق سپریم کورٹ کے باہر وفاقی وزیر مملکت برائے پانی و بجلی عابد شیر علی نے میڈیا سے گفتگو کرتے ہوئے اپوزیشن رہنماؤں کو تنقید کا نشانہ بنایا اور کہا کہ عمران خان نے گزشتہ روزجشن کا منصوبہ بنایا ہوا تھا،عمران خان جمہوریت کا دھڑن تختہ کرنا چاہتے ہیں۔

    عابد شیر علی نے عمران خان کو مخاطب کرکے بولا کہ قوم جشن جمہوریت کے جانے کا نہیں، برقرار رہنے کا منائے گی، سازشیں کرنا چھوڑ دو۔

    وفاقی وزیر مملکت برائے پانی و بجلی نے کہا کہ شیخ رشید25 سال نوازشریف کے جوتے پالش کرتے رہے، میں شیخ رشید کو چیلنج کرتا ہوں میری پراپرٹی اپنے اور اپنی جائیداد میرے نام کردیں، ،پتہ چل جائےگا کہ کون مزدور ہے؟

    انھوں نے شاہ محمود قریشی پر تنقید کرتے ہوئے کہا کہ شاہ محمود جعلی پیر ہیں، جو لوگوں کا خون چوس رہا ہے، بتائیں کتنا ٹیکس دیتے ہیں، ایمان فروش لوگ نوازشریف پر الزام لگاتے ہیں۔

    عابد شیر علی نے چوہدری شجاعت کی انٹری کو بیگانی شادی عبداللہ کا ناچ قرار دے دیا اور کہا کہ چوہدری شجاعت کےبڑوں پرشریف خاندان کے احسان ہیں، نوازشریف اپنی4نسلوں کا حساب دے رہے ہیں، چوہدری شجاعت بتائیں بیرون ملک کتنی بے نامی جائیدادیں ہیں۔

    انکا مزید کہنا تھا کہ عدالتوں میں قانون بولتا ہے اور وہ نوازشریف کے حق میں بولے گا، عدالت کسی کی منشا کے مطابق فیصلہ نہیں کرتی ، چوہدری شجاعت بیگانی شادی میں خوش ہو رہےہیں، 22 کروڑ عوام کا شکار کوئی نہیں کرسکے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • حقائق کومسخ کیا گیا،جھٹلایا گیا ،عدالت عظمیٰ کے تمام ججز پر اعتماد ہے، عابد شیر علی

    حقائق کومسخ کیا گیا،جھٹلایا گیا ،عدالت عظمیٰ کے تمام ججز پر اعتماد ہے، عابد شیر علی

    اسلام آباد : وزیر مملکت برائے پانی و بجلی عابد شیر علی کا کہنا ہے کہ حقائق کومسخ کیا گیا،جھٹلایا گیا ، پاناما میں نوازشریف کاکوئی نام نہیں، عدالت عظمیٰ کے تمام ججز پر اعتماد ہے۔

    تفصیلات کے مطابق سپریم کورٹ کے باہرمسلم لیگ ن کے رہنما عابد شیر علی نے میڈیا سے گفتگو کرتے ہوئے کہا کہ شریف فیملی نے جےآئی ٹی رپورٹ پراعتراض جمع کرا دیا حقائق کو مسخ کیا گیا ، جھٹلایا گیا، پاناما میں نوازشریف کاکوئی نام نہیں۔ ہمیں عدالت عظمیٰ کے تمام ججز پر اعتماد ہے

    عابد شیر علی نے کہا کہ کچھ مفاد عناصر روز نوازشریف کا ٹرائل کرتے تھے، 60دن سپریم کورٹ میں ہونی تھی، طے کرلیں فیصلے عدالتوں میں یا سڑکوں پر کرنے ہیں،جےآئی ٹی کی رپورٹ اور مشرف نامہ ماضی کا حصہ بن جائیں گے۔

    شیخ رشید پر تنقید کرتے ہوئے انھوں نے مزید کہا کہ میں نے شیخ رشید جیسا بے شرم آدمی نہیں دیکھا، وزیراعظم نوازشریف کوروکنے کی تمام کوششیں ناکام ہونگی، مخالفین کی سازشوں کو پنڈی کے گندے نالے میں بہا دیں گے۔

    اس سے قبل ن لیگ کے رہنما اور وزیر مملکت عابد شیر علی کا کہنا تھا کہ ہمیں انتقام کا نشانہ بنایا جا رہا ہے، اے اللہ ہمارے حالات درست فرما دے، یہ انیس سو نناوے نہیں نیا پاکستان ہے ترقی کا پاکستان ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ہمیں انتقام کا نشانہ بنایا جا رہا ہے، اے اللہ ہمارے حالات درست فرما دے، عابد شیر علی

    ہمیں انتقام کا نشانہ بنایا جا رہا ہے، اے اللہ ہمارے حالات درست فرما دے، عابد شیر علی

    اسلام آباد : ن لیگ کے رہنما اور وزیر مملکت عابد شیر علی کا کہنا ہے کہ ہمیں انتقام کا نشانہ بنایا جا رہا ہے، اے اللہ ہمارے حالات درست فرما دے۔

    تفصیلات کے مطابق وزیراعظم کی بیٹی مریم نواز کی پاناما جے آئی ٹی کے سامنے پیشی کے موقع پر وزیر مملکت برائے پانی و بجلی عابد شیر علی نے سماجی رابطے کی وہب سائٹ ٹوئٹر پر اپنے پیغام میں کہا ہے کہ اے اللہ ہمارے حالات درست فرما دے۔

    اس سے قبل ن لیگ کے رہنما عابد شیر علی نے کہا ہے ہمیں انتقام کا نشانہ بنایا جا رہا ہے، مریم نواز کو جےآئی ٹی میں طلب کرکے ظلم کی انتہاکی گئی ظلم جب حد سے گزرتا ہے تو مٹ جاتا ہے، یہ انیس سو نناوے نہیں نیا پاکستان ہے ترقی کا پاکستان ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نوازشریف مشرف کی طرح بیماری کا بہانہ بناکر نہیں بھاگیں گے،عابد شیر

    نوازشریف مشرف کی طرح بیماری کا بہانہ بناکر نہیں بھاگیں گے،عابد شیر

    اسلام آباد : پانی و بجلی کے وزیر مملکت عابد شیرعلی کا کہنا ہے نواز شریف مشرف کی طرح بیماری کا بہانہ بنا کر بھاگنے والے نہیں۔ الیکشن قریب ہیں اسی لیے ساری جماعتوں کاپرائم ٹارگٹ نواز شریف ہیں۔

    تفصیلات کے مطابق وزیر مملکت عابد شیرعلی نے میڈیا سے گفتگو کرتے ہوئے مشرف سے لیکرعمران خان سب کو لتاڑ دیا اور کہا کہ نوازشریف پرویز مشرف نہیں علاج کا بہانہ بنا کر دبئی بھاگ جائیں، ایک شخص اٹھ کر نوازشریف پر الزام لگاتا ہے ، ایک شخص کو اداروں کو برا بھلا کہنے کےلئے کھلا چھوڑ دیا گیا ہے۔

    عابد شیر علی نے کہا کہ الیکشن قریب ہیں اسی لیے ساری جماعتوں کاپرائم ٹارگٹ نواز شریف ہیں، الزام لگانے والے نے جے آئی ٹی یا سپریم کورٹ میں کوئی ثبوت نہیں دیا، آج آئین کے تقدس کےلئے جے آئی ٹی میں پیش ہوئے، کرپشن کرنے ،آئین توڑنے والوں کو آج کوئی نہیں پوچھتا ہے، لائن مین سے چیمپئن بننے والوں سے بھی پوچھا جائے۔

    وزیر مملکت نے مزید کہا کہ عمران خان ریاستی اداروں کو لڑانے کی کوشش کررہے ہیں، نوازشریف حکومت کو توڑا گیا، آئین توڑا گیا اس پر بھی جے آئی ٹی بنائی جائے، ملک کی خدمت کرنے والوں کو کٹہرے میں لاکر آپ کیا ثابت کرنا چاہتے ہیں، اب بہت ہوگیا مشرف سعودی خط لئے پھرتا ہے، اسکو کوئی نہیں پوچھتا۔

    انھوں نے کہا کہ عمران خان اداروں پروار کررہے ہیں،کیا ادارے بے بس ہیں، چیف جسٹس عمران خان کے خلاف ازخودنوٹس لیں، عوامی عدالت نوازشریف کو اپنے سرکا تاج بنائے گی، پلاٹ لینے والا عمران خان اور جہانگیرترین ارب پتی کیسے بنے، دبئی بھاگنے والے سے پوچھیں نوازشریف کے خلاف کیا ثبوت ملا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پاکستان میں مائنس نوازشریف فارمولا نہیں چلنے دیں گے،عابدشیرعلی

    پاکستان میں مائنس نوازشریف فارمولا نہیں چلنے دیں گے،عابدشیرعلی

    فیصل آباد : پانی و بجلی کے وزیر مملکت عابد شیرعلی کا کہنا ہے مائنس نوازشریف فارمولانہ پہلے منظور تھا نہ آئندہ کریں گے، اداروں کے پیچھے چھپ کر ہم پر وار نہ کیا جائے۔

    فیصل آباد میں میں میڈیا سے گفتگو کرتے ہوئے وزیر مملکت عابد شیرعلی نے کہا کہ پاکستان میں مائنس نوازشریف فارمولا نہیں چلنے دیں گے، احتساب کرنیوالوں سے مطالبہ ہے مہران بینک کو لوٹنے پر جےآئی ٹی بنائیں، این ایل سی،عزیربلوچ اور ایان علی پر جے آئی ٹی بنائی جائے۔

    عابد شیرعلی نے کہا کہ سڑک پر آؤ گے، سڑک پر جواب دیں گے، عدالتوں میں جاؤ گے تو عدالتوں میں جواب دیں گے، اسمبلی کے فلور پر آؤ گے تو اسمبلی کے فلور پر جواب دیں گے، اداروں کے پیچھے کھیلنا بند کیا جائے، ڈاکے مارنے والے اسمبلیوں میں روتے ہیں۔

    وزیرمملکت پانی وبجلی نے کہا کہ عمران خان کا مقصد ترقی کے آگے فل اسٹاپ لگانا ہے، عمران خان نے نتھیاگلی میں ڈرائی کلین کی دکان کھول رکھی ہے، مائنس نوازشریف فارمولانہ پہلے منظور تھا نہ آئندہ کریں گے، کراچی میں سیکڑوں لوگوں کو قتل کیا گیا، کیاعمران خان نے کوئی دھرنا دیا۔

    انھوں نے مزید کہا کہ مخالفین کوکہتاہوں سیاسی میدان میں آئیں، مخالفین سیاسی میدان میں نوازشریف کامقابلہ نہیں کرسکتے، مداری اور جوکر ایک ساتھ کھڑے ہوگئے ہیں، سیاسی جماعتیں کان کھول کرسن لیں نوازشریف کے بغیرسیاست نہیں ہوگی۔

    عمران خان پر تنقید کرتے ہوئے عابد شیر علی نے کہا کہ عمران خان نے نتھیاگلی میں ڈرائی کلین کی دکان کھول رکھی ہے، کیا تمام ادارے 40چالیس سال کا اپنا احتساب کرانے کیلئے تیار ہیں۔

    انھوں نے کہا کہ حق اور سچ کی فتح ہوگی، نوازشریف اور خاندان سرخرو ہوگا، نوازشریف پر کسی قسم کا کوئی الزام نہیں، سیاسی جوکروں سے ملکی ترقی ہضم نہیں ہورہی، حسین نواز کےخلاف کوئی ثبوت ہو تو پھر بات کی جائے، وہ تصویر پی ٹی آئی کے ذریعے لی گئی، اپنے تمام تحفظات سپریم کورٹ کےسامنے پیش کردیے ہیں۔

    جے آئی ٹی تحقیقات لیک کرنے والے آگ سے کھیل رہے ہیں

    گذشتہ روز وزیرمملکت پانی وبجلی عابد شیر علی کا کہنا تھا کہ بہت سی عیدیں آئیں گی اور سیاسی پنڈت دیکھتے رہ جائیں گے، جے آئی ٹی تحقیقات لیک کرنے والے آگ سے کھیل رہے ہیں، نتھیا گلی میں کوڑا کرکٹ جمع کرنے سے تبدیلی نہیں آئے گی، جمائما کے ٹویٹس سے فیصلے نہیں ہوں گے

    انہوں نے کہا کہ نہال ہاشمی نے پتہ نہیں کس کے ہاتھوں کھیل کر دو نمبری کی جبکہ نور اعوان نے قومی اسمبلی کے باہر شیخ رشید کے ساتھ اچھا نہیں کیا ، ہم اس کے اقدام کی مذمت کرتے ہیں۔

    وزیر مملکت نے کہا کہ جے آئی ٹی تحقیقات لیک کرنے والے آگ سے کھیل رہے ہیں ۔ عمران خان، عزیر بلوچ ۔ ڈاکٹر عاصم اور اویس ٹپی پر جے آئی ٹی کا مطالبہ کیوں نہیں کرتے، عمران خان کی جتنی بار تلاشی لی گئی وہ دو نمبر نکلے،  پہلے سیتا وائٹ نکلی اور پھر ٹیریان نکلی ، اب عمران کی ناجائز آف شور کمپنیاں نکل آئی ہیں ۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • مریم نوازشریف اگلا الیکشن لڑیں گی،عابدشیرعلی

    مریم نوازشریف اگلا الیکشن لڑیں گی،عابدشیرعلی

    لاہور : وزیرمملکت عابد شیر علی کا کہنا ہے کہ سال 2018 میں مریم نواز عام انتخابات  لڑ یں  گی اور عملی سیاست کا آغاز کرینگی۔

    تفصیلات کے مطابق  وزیرمملکت عابد شیر علی نے لیسکو ہیڈکوارٹرز میں پریس کانفرنس کرتے ہوئے کہا کہ  الیکشن دو ہزار اٹھارہ میں ہی ہونگے اور مریم نوازشریف اگلا الیکشن لڑیں گی، 2018 میں لوڈشیڈنگ فری پاکستان ہوگا۔

    آصف علی زرداری پر تنقید کرتے ہوئے عابد شیر علی کا کہنا تھا کہ زرداری نے سندھ اور پاکستان کو لوٹا، اب پھر چوری کے نئے نئے طریقے ڈھونڈ رہے ہیں۔ ہمارے منصوبوں میں ایک روپے کی بھی کرپشن ثابت ہو جائے تو ہر سزا بھگتنے کو تیار ہیں۔ زرداری کو ڈاکٹر کہتا ہوں انہوں نے کرپشن میں پی ایچ ڈی کیا ہے، کرپشن کرنی ہو تو زرداری بن جاتے ہیں، ووٹ مانگنے ہو تو بھٹو  بن جاتے ہیں۔

    انہوں نے کہا کہ اب عمران خان کا احتساب ہو گا، اسے تلاشی دینا پڑے گی، عمران خان ایک چور کا بیٹا ہے جبکہ نواز شریف ایک مزدور کا بیٹا ہے۔

    عابد شیر علی کا کہنا تھا کہ نواز شریف کے افتتاحی منصوبے جلسے بن جاتے ہیں جبکہ مخالفین کی جلسیاں ہوتی ہیں۔

    کالا باغ ڈیم سے متعلق سوال پر انہوں نے کہا کہ پرویز مشرف کے دور میں کالا باغ ڈیم بن سکتا تھا لیکن چودھری برادران نے اس کی مخالفت کی، کوئی رینٹل پاور منصوبہ نہیں لا رہے، ہمارے دور کے منصوبوں سے جلد بجلی حاصل شروع ہو جائے گی اور لوڈشیڈنگ کا خاتمہ ہوگا۔

    مزید پڑھیں : نوازشریف کے استعفے کی بات کی تو جوتے لگائیں گے،عابد شیر علی

    انھوں نے کہا کہ کے پی کے حکومت ایک سال میں کچھ نہیں کرسکتی، عمران خان کئی سال سے قوم، الیکشن کمیشن، سپریم کورٹ سے جھوٹ بول رہے ہیں، الیکشن 2018 میں ہی ہونگے، لوگ  جلسہ نہیں جلسیاں کرتے ہیں، سندھ، کے پی کے میں وسائل  لوٹنے والے، چوروں کا خاتمہ ہوگا۔

    اس سے قبل بھی پانی و بجلی عابد شیر علی کا کہنا تھا کہ پاکستان میں تمام برائیوں کی جڑ آصف زرداری ہیں، کرپٹ مافیا کا سربراہ آصف زرداری ہمیں اخلاقیات کادرس دیتا ہے، آصف زرداری کا نام ای سی ایل میں ہونا چاہئے،پتہ نہیں کب بھاگ جائیں۔

    مزید پڑھیں : کرپٹ مافیا کا سربراہ آصف زرداری ہمیں اخلاقیات کادرس دیتا ہے، عابد شیر علی

    انھوں نے کہا تھا کہ  2018 میں بھی نوازشریف دوتہائی سے حکومت بنائیں گے،  یہ سب لوگ آپس میں مل گئے، ملتے رہیں،  پنجاب کی طرح سندھ کے شہروں کو بھی سنواریں گے۔

  • نوازشریف کے استعفے کی بات کی تو جوتے لگائیں گے،عابد شیر علی

    نوازشریف کے استعفے کی بات کی تو جوتے لگائیں گے،عابد شیر علی

    فیصل آباد : وزیر مملکت عابد شیر علی کا کہنا ہے کہ نواز شریف کے استعفے کی بات کی گئی تو جوتے لگائیں گے۔

    تفصیلات کے مطابق فیصل آباد میں وزیر مملکت  پانی و بجلی عابد شیر علی نے میڈیا سے بات کرتے ہوئے کہا کہ نوازشریف کے استعفے کی بات کی تو جوتے لگائیں گے،  یہ لوگ حنیف عباسی کی پٹیشن کی منظور ہونے پر رو رہے ہیں ، جو آپ نے بویا ہے وہ ہی کاٹ  رہے ہیں ، عدلیہ کے تمام فیصلوں کا احترام کیا۔

    عابد شیر علی نے عمران خان کو ”پپو“ اور جہانگیر ترین کو ”ککو“ کا خطاب دیتے ہوئے کہا کہ عمران خان اخلاقی، سیاسی اور روحانی طور پر بد اخلاق ہیں، کے پی کے میں آپ کسی سے استعفی نہیں لے سکے ،  کل کے جلسے میں کرسیاں خالی تھیں،  ان لوگوں نے سپریم کورٹ میں بھی شوق پورا کرلیا۔

    وزیر مملکت کا کہنا تھا کہ عمران خان کی زندگی انتشار سے بھری پڑی ہے، عمران خان کی اے ٹی ایم مشینیں کرپشن کامنہ بولتا ثبوت ہیں۔

    عابد شیر علی کا کہنا تھا کہ احتجاج وہ کررہے ہیں جنہوں نے پاکستان کو تباہ کیا،ڈاکوؤں کے احتجاج کرنے کی وجہ سے ملکی ترقی متاثر ہوئی ہے، سوئٹزر لینڈ کی عدالتوں نے زرداری صاحب کو کرپشن پر سزا دی ہوئی ہے۔

    مزید پڑھیں :  کرپٹ مافیا کا سربراہ آصف زرداری ہمیں اخلاقیات کادرس دیتا ہے، عابد شیر علی

    یاد رہے چند روز قبل عابد شیر علی نے آصف زرداری پر تنقید کرتے ہوئے کہا تھا پاکستان میں تمام برائیوں کی جڑ آصف زرداری ہیں، ملک کے ادارے تباہ کرنا پیپلزپارٹی کے منشور میں شامل ہیں، سندھ میں جتنی جے آئی ٹی بنیں اس میں لکھا ہے آصف زرداری سرغنہ ہے، عزیربلوچ کے انکشافات پرآصف زرداری کا کیس فوجی عدالت میں چلنا چاہئے۔

    انھوں نے کہ کہ  2018 میں بھی نوازشریف دوتہائی سے حکومت بنائیں گے،  یہ سب لوگ آپس میں مل گئے، ملتے رہیں،  پنجاب کی طرح سندھ کے شہروں کو بھی سنواریں گے۔ مشال خان کیساتھ جوکچھ ہوا وہ عمران خان کے ساتھی ہیں، مسلم لیگ(ن)نے سپریم کورٹ کا فیصلہ تسلیم کیا ہے، قانون اور ن کاجنازہ نکالنے والے کا خود ہی جنازہ نکل گیا ہے۔

  • کرپٹ مافیا کا سربراہ آصف زرداری ہمیں اخلاقیات کادرس دیتا ہے، عابد شیر علی

    کرپٹ مافیا کا سربراہ آصف زرداری ہمیں اخلاقیات کادرس دیتا ہے، عابد شیر علی

    فیصل آباد : وزیرمملکت برائے پانی و بجلی عابد شیر علی نے کہا ہے کہ کرپٹ مافیا کا سربراہ آصف زرداری ہمیں اخلاقیات کادرس دیتا ہے، آصف زرداری کا نام ای سی ایل میں ہونا چاہئے،پتہ نہیں کب بھاگ جائیں۔

    تفصیلات کے مطابق فیصل آباد میں  وزیرمملکت برائے پانی و بجلی  عابد شیر علی نے میڈیا سے گفتگو میں پاکستان میں تمام برائیوں کی جڑ آصف زرداری ہیں،
    ملک کے ادارے تباہ کرنا پیپلزپارٹی کے منشور میں شامل ہیں، سندھ میں جتنی جے آئی ٹی بنیں اس میں لکھا ہے آصف زرداری سرغنہ ہے،عزیربلوچ کے انکشافات پرآصف زرداری کا کیس فوجی عدالت میں چلناچاہئے۔

    عابد شیر علی نے کہا کہ کرپٹ مافیا کا سربراہ آصف زرداری ہمیں اخلاقیات کادرس دیتا ہے، آصف زرداری کا نام ای سی ایل میں ہونا چاہئے،پتہ نہیں کب بھاگ جائیں،  ایان علی پکڑی گئی تو پیپلزپارٹی کو بڑی تکلیف ہوتی ہے، ڈاکٹرعاصم کرپشن پرپکڑے جائیں توان کو بڑا رونا آتا ہے۔

    انھوں نے کہ کہ  2018 میں بھی نوازشریف دوتہائی سے حکومت بنائیں گے،  یہ سب لوگ آپس میں مل گئے، ملتے رہیں،  پنجاب کی طرح سندھ کے شہروں کو بھی سنواریں گے۔ مشال خان کیساتھ جوکچھ ہوا وہ عمران خان کے ساتھی ہیں، مسلم لیگ(ن)نے سپریم کورٹ کا فیصلہ تسلیم کیا ہے، قانون اور ن کاجنازہ نکالنے والے کا خود ہی جنازہ نکل گیا ہے۔

    مزید پڑھیں : ماضی کی حکومتوں والے ڈاکو تھے کوئی کام نہیں کیا،عابد شیر علی

    وزیرمملکت نے آصف زرداری کو مخاطب کرتے ہوئے کہا کہ زرداری صاحب !سوئس اکاؤنٹ،سرے محل آپ کے نام ہے، ذوالفقار مرزا کے بیانات پر جے آئی ٹی بننی چاہئے،  افتخارچوہدری کے بیٹے پرالزام لگا تو کیا آپ نے استعفیٰ دیا،  افتخار چوہدری نے اس وقت اخلاقی جرات کیوں نہیں کی، نوازشریف آپکی طرح کبھی بیرون ملک فرار نہیں ہوا، آپ کی کابینہ کے لوگوں کے نام جے آئی ٹی میں ہیں۔

    عابدشیرعلی نے کہا کہ نوازشریف پرالزام لگا تو وہ تین نسلوں کا حساب دے رہے ہیں، سپریم کورٹ کا فیصلہ اقلیت نہیں اکثریت کا ہوتا ہے۔

  • سندھ کا حشردیکھ کردیگرصوبے پی پی کو ووٹ نہیں دیں گے، عابد شیرعلی

    سندھ کا حشردیکھ کردیگرصوبے پی پی کو ووٹ نہیں دیں گے، عابد شیرعلی

    سکھر : وزیرمملکت عابد شیر علی نے کہا ہے کہ پیپلزپارٹی نے سندھ کا جو حشر کیا پنجاب اور دیگر صوبے اس کو کبھی ووٹ نہیں دیں گے، عمران خان ریلو کٹا ہے سیاسی میدان سے باہر کردیں گے۔

    ان خیالات کا اظہار انہوں نے سکھر میں میڈیا سے گفتگو کرتے ہوئے کیا، وزیرمملکت پانی و بجلی عابد شیرعلی نے کہا کہ بجلی بجلی چوری میں جو بھی ملوث ہوا اس کیخلاف بھرپور کارروائی کریں گے.

    سکھر کے تحصیلدار پیرجو گوٹھ کے اور ڈہرکی کے پیر کروڑوں کی بجلی چوری کرچکے ہیں۔ عابدشیرعلی نے کہا کہ بجلی چوری کرنے والوں کے خلاف کارروائی کے احکامات دے دیئے ہیں گھوٹکی کے ایس ایچ اوز چوری کی بجلی استعمال کرتے ہیں، کنکشن منقطع کرنے کے احکامات جاری کردیئے.

    ایم کیوایم والے بھی بجلی چوری میں ملوث ہیں، ایم کیوایم کے سکھر کے دفاتر پرلاکھوں کے واجبات پربجلی منطقع کی گئی، چوروں اور ڈاکوؤں کو بجلی چوری کرنے نہیں دوں گا۔

    ایک سوال کے جواب میں ان کا کہنا تھا کہ منظور وسان اچھے خواب دیکھیں، عوام کو لوٹنے والے خواب دیکھنا بند کردیں کیونکہ پیپلزپارٹی نے سندھ کے ساتھ جو حشر کیا ہے اسے دیکھ کر پنجاب اور دیگر صوبے پیپلز پارٹی کو کبھی ووٹ نہیں دیں گے.

    عابد شیرعلی نے صحافیوں کو بتایا کہ آج سکھر آتے ہوئے پورا جہاز پیپلزپارٹی کے رہنماؤں سے بھرا ہوا تھا، جہاز میں ایک ریلو کٹا بھی موجود تھا،جس کی وجہ سے سفر کا مزا نہیں آیا، ریلو کٹے کی وجہ سے میں جہاز سے چھلانگ نہیں لگا سکتا تھا.

    یاد رہے کہ آج صبح پی آئی اے کی خصوصی پرواز میں عابد شیرعلی،منظور وٹو اور علیم خان ایک ساتھ بیٹھے تھے۔

  • پانامہ کیس کا فیصلہ آنے والا ہے، عمران خان تیسری شادی کی تیاری کرلیں، عابد شیر علی

    پانامہ کیس کا فیصلہ آنے والا ہے، عمران خان تیسری شادی کی تیاری کرلیں، عابد شیر علی

    فیصل آباد : بجلی کے وزیرمملکت عابد شیرعلی نے عمران خان کو مشورہ دیا کہ وہ تیسری شادی کی تیاری کریں اور کہا کہ پانامہ کیس کا فیصلہ آنے والا ہے، جس کے بعد ان کے پاس کوئی کام نہیں ہوگا۔

    تفصیلات کے مطابق فیصل آباد میں میڈیا سے بات کرتے ہوئے وزیرمملکت عابد شیرعلی کا کہنا تھا کہ پانامہ کیس کا فیصلہ آنے والا ہے، فیصلہ شواہد پر ہوگا بنی گالہ کی بھڑکیوں پر نہیں، ہمارا تو دامن صاف تھا اور ہے، عمران خان تیسری شادی کی تیاری کرلیں کیونکہ فیصلے کے بعد انکے پاس کچھ کرنے کو نہیں ہوگا۔

    عابد شیرعلی نے کہا کہ خیبرپختونخوا میں لوڈشیڈنگ وہاں کی حکومت کا قصور ہے، 3 سال سے خیبرپختونخوا حکومت سے گرڈ اسٹیشن کے لئے جگہ مانگ رہے ہیں ، جن علاقوں میں لائن لاسزہ یں وہاں 18سے20 گھنٹے لوڈ شیڈنگ ہوگی،شہروں میں 4گھنٹے، دیہی علاقوں میں 6گھنٹے کی لوڈشیڈنگ ہو رہی ہے،

    وزیر مملکت نے کہا کہ عمومی طور پر مارچ کے مہینےمیں درجہ حرارت اتنا نہیں ہوتا، اچانک گرمی بڑھ جانے کی وجہ سے لوڈ شیڈنگ کرنی پڑی، کراچی میں گزشتہ روز احتجاج کے الیکٹرک کا مسئلہ ہے، جہاں بل کی ادائیگی نہیں ہوتی وہاں لوڈ شیڈنگ کی جاتی ہے۔

    مزید پڑھیں : ماضی کی حکومتوں والے ڈاکو تھے کوئی کام نہیں کیا،عابد شیر علی

    انکا مزید کہنا تھا کہ ٹکٹیں بلیک اور اربوں کی کرپشن کرنے والے پاک دامن بن کر آجاتے ہیں، پیپلزپارٹی کے رہنما شرجیل میمن 3سال تک کہاں تھے وہ تو شراب خانوں میں مار کھاتے رہے، وہ بتائیں کہ کس کے ڈر سے ملک چھوڑ کر فرار ہوئے اور اگر انہوں نے علاج کروایا مجھے اس اسپتال کا نام بتا دیں۔

    آئی جی سندھ اے ڈی خواجہ کو ہٹانے کے حوالے سے وزیرمملکت کا کہنا تھا کہ سندھ میں نیشنل ایکشن پلان پر عملدرآمد جاری ہے، ایپکس کمیٹی میں اے ڈی خواجہ کا جوبھی فیصلہ ہوگا وہی بہتر ہوگا۔