ARYNews.tv | Urdu – Har Lamha Bakhabar

Tag: Abid Sher Ali

  • عابد شیر علی کی عمران خان اور طاہرالقادری کے خلاف ہرزہ سرائی

    عابد شیر علی کی عمران خان اور طاہرالقادری کے خلاف ہرزہ سرائی

    لاہور: وفاقی وزیر برائے بجلی اور پاکستان مسلم لیگ ن یوتھ ونگ کے صدر عابد شیر علی نے چیئرمین تحریک انصاف عمران خان اور پاکستان عوامی تحریک کے قائد ڈاکٹر علامہ طاہر القادری کے خلاف نازیبا الفاظ استعمال کیے ہیں۔

    تفصیلات کے مطابق عابد شیر علی نے سماجی رابطے کی ویب سائٹ پر ایک ٹوئیٹ کیا جس میں انہوں نے چیئر مین تحریک انصاف اور عوامی تحریک کے قائد کے خلاف نازیبا زبان استعمال کی جس کے بعد سماجی رابطے کی ویب سائٹ پر اُن کے اس عمل کے خلاف سوشل میڈٰیا کے صارفین سراپا احتجاج بن گئے۔

      عوام کی جانب سے وفاقی وزیر کے اس رویے اور غلط زبان کے خلاف شدید احتجاج کیا گیا اور انہیں شدید تنقید کا نشانہ بناتے ہوئے سائبر کرائم بل کی یادہانی کروائی گئی.


    یاد رہے کہ حکمران جماعت کی جانب سے 10 روز قبل سائبر کرائم کے حوالے سے ایک بل سینیٹ سے منظور کیا ہے تاہم اُن کے ہی اپنے وزیر نے اس بل کی پرواہ کیے بغیر غلیظ زبان استعمال کی۔

    پڑھیں:  سائبر کرائم بل سینیٹ میں متفقہ طور پر منظور

    دوسری جانب پاناما لیکس کے انکشاف کے بعد تحریک انصاف کی جانب سے ’’تحریک احتساب‘‘ سے گورنمنٹ کے خلاف تحریک کا آغاز کردیا گیاہے، جبکہ علامہ طاہر القادری کی جماعت منہاج القرآن بھی اس وقت سڑکوں پر موجود ہے اور آج انہوں نے سانحہ ماڈل ٹاؤن میں قتل عام کے حوالے سے چلائی جانے والی تحریک قصاص کے سلسلے میں پنجاب کےمختلف اضلاع میں اپنے کارکنان سے بذریعہ ویڈیو لنک خطاب کیا تھا۔

     

  • سندھ کے وزیرکھیل کا چیلنج عابد شیرعلی اورطلال چوہدری نے قبول کرلیا

    سندھ کے وزیرکھیل کا چیلنج عابد شیرعلی اورطلال چوہدری نے قبول کرلیا

    لاہور/ کراچی: سندھ کے وزیر کھیل محمد بخش مہر کی جانب سے پنجاب کے وزیروں کی فٹنس کو چیلنج کرنے پر وزیر مملکت عابد شیر علی اور پاکستان مسلم لیگ ن کے رکن قومی اسمبلی طلال چوہدری میدان میں آگئے جبکہ رانا ثناءاللہ نے کہا کہ فٹنس کا یہی معیار ہے تو وزیر اعلیٰ سندھ 500 پُش اپس لگائیں۔

    It is not good to blackjack with federal… by arynews

    تفصیلات کے مطابق سندھ کے وزیر کھیل محمد بخش مہر کے پچاس پش اپس کا چیلنج عابد شیرعلی اور رکن قومی اسمبلی طلال چوہدری نے قبول کرلیا۔ وزیر مملکت برائے بجلی نے کچھ روز قبل پش اپس لگائے تھے لیکن چار پانچ سے زیادہ نہیں لگا پائے تھے۔

    عابد شیر علی کی جم میں ایکسر سائز اور پُش اپس کی ویڈیوز سامنے آچکی ہیں۔ اب دیکھنا یہ ہے کہ پچاس پش اپس کی ویڈیو کب سامنے آتی ہے۔

    طلال چوہدری کا کہنا ہے کہ سیاست دانوں کو ذاتی مقابلے زیب نہیں دیتے بلکہ انہیں عوامی خدمت میں مقابلہ کرنا چاہئیے۔ سندھ کے وزیر کھیل یہ دیکھیں کہ نوجوانوں کوکھیلوں کی سہولتیں کہاں پر میسر ہیں، لاہور کی سڑکیں صاف اور کراچی میں کچرا پڑا ہے۔ اصل مقابلہ یہ ہے لیکن میں ان کے پش اپس کا بھی مقابلہ کرنے کو تیار ہوں۔

    مزید پڑھیں : سندھ کے وزیرکھیل نے پنجاب کے وزراء کو 50 پش اپ لگانے کا چیلینج دے دیا

    دوسری جانب پنجاب کے وزیرقانون رانا ثناءاللہ نے کہا ہے کہ سیاست میں جسمانی فٹنس سے زیادہ ذہنی فٹنس کی ضرورت ہوتی ہے اگر فٹنس کا یہی معیار ہے تو اس حساب سے وزیراعلیٰ سندھ کو پانچ سو پُش اپس لگانا چاہیئں۔

    رانا ثناءاللہ نے سندھ کے وزیر کھیل کو ذہنی طور پر ان فٹ قرار دیا ۔ اب دیکھنا یہ ہے کہ کیا رانا ثناءاللہ چیلنج قبول کرنے والے عابد شیر علی کو بھی یہی سمجھتے ہیں۔

    علاوہ ازیں سندھ کے وزیر کھیل سردار محمد بخش مہر نے کہا ہے کہ طلال چوہدری خود ہی مقابلے کے لیے میرے پاس تشریف لے آئیں میں ان کا چیلنج قبول کرتا ہوں۔ ان کا کہنا تھا کہ پش اپس کا چیلنج صحت مندانہ سرگرمیوں کے فروغ کے لیے دیا تھا۔


    Sindh minister throws ‘push-ups’ challenge to… by arynews

    دریں اثناء وزیر اعلیٰ سندھ سید مراد علی شاہ نے کہا ہے کہ جسمانی فٹنس اچھی بات ہے لیکن پچاس پُش اپس سے میں خوش نہیں ہوں گا، وزراء کو اپنی کارکردگی اچھی بنا کر دکھانا ہوگی۔

    اے آر وائی نیوز سے خصوصی گفتگو کرتے ہوئے ان کا کہنا تھا کہ میں خوشی تب ہوگی جب وزیر کھیل اپنی کارکردگی دکھاتے ہوئے نوجوانوں کےلیے اچھی سرگرمیاں سامنے لائیں گے۔

    سندھ اور پنجاب میں اب پُش اپس کی سیاست شروع ہوگئی ہے دیکھتے ہیں کب تک چلتی ہے

  • وزراء کی عدم موجودگی پرچیئرمین سینیٹ کا اظہار برہمی

    وزراء کی عدم موجودگی پرچیئرمین سینیٹ کا اظہار برہمی

    اسلام آباد : سینیٹ میں وزراء کی عدم موجودگی پر چیئرمین سینیٹ میاں رضاربانی برہم ہوگئے، وفاقی وزیر پانی وبجلی خواجہ آصف کی جگہ وزیر مملکت عابد شیرعلی کو ایوان میں جواب دینے سے روک دیا۔

    تفصیلات کے مطابق سینیٹ کا اجلاس چیئرمین میاں رضا ربانی کی زیر صدارت شروع ہوا تو ایوان میں وزراء کی کم شرکت پرچیئرمین نے برہمی کا اظہار کیا.

    سینیٹ میں کالا باغ ڈیم  سے متعلق الیاس بلور اورعاجز دھامرہ کےتوجہ دلاؤ نوٹس پر وزیر مملکت پانی و بجلی عابد شیرعلی نے جواب دینے کی کوشش کی تو چیئرمین سینیٹ نے کہا کہ یہ اہم معاملہ ہے وفاقی وزیر خواجہ آصف خود ایوان میں آ کر جواب دیں۔

    ان کا کہنا تھا کہ خواجہ آصف کی ایسی کیا مصروفیات ہیں کہ سینیٹ میں نہیں آسکتے۔ جس کے جواب میں عابد شیر علی نے کہا کہ خواجہ آصف دفاع  کے بھی وزیر ہیں انہیں اس سلسلے میں سارا دن مختلف وفود سے ملنا ہوتا ہے۔

    چیئرمین میاں رضا ربانی نے کہا کہ اگر وزیر دفاع خواجہ آصف دو وزارتیں نہیں سنبھال سکتے تو وزیر اعظم کو بتا دیں۔  بعد ازاں سینیٹ کا اجلاس بدھ سہ پہر تین بجے تک کیلئے ملتوی کردیا گیا۔

     

  • حمزہ ٹاؤن واقعے کے ذمہ داران کیخلاف سخت کارروائی ہوگی ، عابد شیرعلی

    حمزہ ٹاؤن واقعے کے ذمہ داران کیخلاف سخت کارروائی ہوگی ، عابد شیرعلی

    لاہور: وزیر مملکت پانی و بجلی عابد شیر علی نے کہا ہے کہ پنجاب کے محکمہ بلڈنگ میں غلط نقشے کیسے پاس کئے جاتے ہیں؟ غلط نقشے پاس کرنے والوں پر ہاتھ ڈالنا پڑے گا، حمزہ ٹاؤن واقعے کے ذمہ داران کیخلاف سخت کارروائی کی جائے گی۔

    یہ بات انہوں نے جنرل اسپتال میں گزشتہ روزحمزہ ٹاؤن میں بجلی کا تار گرنے سے زخمی ہونے والے شخص کی عیادت کے موقع پر میڈیا سے گفتگو کرتے ہوئے کہی۔

    وزیر مملکت نے کہا کہ افسوسناک واقعے کی انکوائری مکمل کر کے حادثے کے ذمہ داران کیخلاف سخت قانونی کارروائی کی جائے گی۔

    اس موقع پر انہوں نے حادثے میں جاں بحق دونوں افراد کے ورثاء کیلئے دس دس لاکھ روپے فی کس معاوضہ دینے کا اعلان کیا۔

    مزید پڑھیں: لاہور: بجلی کا تار گرنے سے خاتون سمیت 2شہری جاں بحق

     

    عابد شیرعلی کا کہنا تھا کہ بجلی کا سارا نظام زیر زمین کرنا تو ممکن نہیں مگر کوشش ہے کہ انسولیٹر کنکٹرز لگا کر ایسے حادثات سے بچا جا سکے تاہم یہ بھی ضروری ہے کہ ٹاؤن پلاننگ بھی بہتر کی جائے۔

    یاد رہے کہ گزشتہ روز لاہور کے علاقے حمزہ ٹاؤن میں بارش کے پانی میں بجلی کا تار ٹوٹنے کی وجہ سے ایک خاتون سمیت موٹر سائیکل سوار ایک شخص کرنٹ لگنے سے موقع پر جاں بحق ہوگئے تھے۔

     

  • قومی اسمبلی میں ٹریکٹر ٹرالی کا ذکر، عابد شیر علی نے معافی مانگ لی

    قومی اسمبلی میں ٹریکٹر ٹرالی کا ذکر، عابد شیر علی نے معافی مانگ لی

    اسلام آباد : قومی اسمبلی عابد شیرعلی کے ٹریکٹر ٹرالی والے ریمارکس پراپوزیشن کا شدید احتجاج، عابد شیر علی نے معافی مانگ لی۔

    تفصیلات کے مطابق قومی اسمبلی کے اجلاس میں وزیر مملکت برائے وزیر پانی و بجلی عابد شیر علی کے ٹریکٹر ٹرالی والے ریمارکس پر اپوزیشن سیخ پا ہو گئی۔

    عابد شیر علی نے ایک بار پھر ٹریکٹر ٹرالی کا قصہ چھیڑ دیا ۔ قومی اسمبلی کے اجلاس میں پی ٹی آئی کے رکن محمد علی نے استفسار کیا کہ خواجہ آصف آج ایوان میں نہیں آئے جس پر عابد شیر علی نے جواب دیا کہ خواجہ آصف ٹرانسفارمر لانے کے لیے ٹریکٹر ٹرالی لینے گئے ہیں۔

    اپوزیشن لیڈر خورشید شاہ نے وارننگ دیتے ہوئے کہا کہ ایوان کا ماحول خراب کیا جارہا ہے، انہوں نے کہا کہ عابد شیرعلی نے معافی نہ مانگی تو حکومت کیلئے مشکل کھڑی کردینگے۔

    انہوں نے دھمکی دی کہ نہ اسمبلی چلنے دیں گے اورنہ حکومت کو چلنے دیں گے اور وزیر خزانہ کل فنانس بل بھی پاس نہیں کرا سکیں گے۔

    عابد شیر علی کے ریمارکس پر وفاقی وزیر عبدالقادربلوچ نے بھی تنقید کی۔ انہوں نے کہا کہ عابد شیرعلی نے اپنی تقریرکا آغاز غلط انداز سے کیا، عابد شیرعلی ایوان سے معافی مانگیں۔

    اتنی تنقید اور مخالفت کے بعد اسپیکرقومی اسمبلی کی ہدایت پر عابد شیرعلی نے ایوان سے معافی مانگ لی۔ عابد شیر علی کا کہنا تھا کہ میں نے کسی پر ذاتی تنقید نہیں کی ،میں نے محکمانہ زبان استعمال کی، اگر کسی کی دل آزاری ہوئی تو معافی چاہتا ہوں۔

     

  • دھوپ لگنے سے عمران خان کا دماغی توازن مزید خراب ہو چکا ہے، عابد شیرعلی

    دھوپ لگنے سے عمران خان کا دماغی توازن مزید خراب ہو چکا ہے، عابد شیرعلی

    فیصل آباد : وزیر مملکت عابد شیرعلی کا کہنا ہے ٹریکٹر ٹرالی بے حد مفید چیز ہے، کسان باربرداری کے ساتھ ساتھ سفر کے لئے بھی استعمال کرتے ہیں، دھوپ لگنے سے عمران خان کا دماغی توازن مزید خراب ہو چکا ہے۔

    فیصل آباد کے تھانہ کوتوالی میں قائم فرنٹ ڈیسک کے معائنے کے موقع پر میڈیا سے گفتگو کرتے ہوئے عابد شیرعلی کا کہنا تھا میں صرف مفید چیزوں کی بات کرتا ہوں اور صرف کسان ہی جانتا ہے کہ ٹریکٹر ٹرالی کتنی مفید چیز ہے، انہوں نے کہا کہ عمران خان انتشار کی سیاست کرتے ہیں ۔

    انہوں نے پہلے بھی کنٹینر اپنا شوق پورا کیا تھا لیکن اب عوام نے دھرنے کی کال مسترد کردی ہے،خیبر پختونخوا میں چوہوں کے بعد خواجہ سراؤں کی بھی شامت آگئی ہے ۔

    عابد شیرعلی کا کہنا تھا کے پی کے میں چوہے مارنے کا بل لایا جا رہا ہے جو اللہ کا عذاب ہے، وزیر مملکت نے کہا کہ ٹی او آرز کے ذریعے الزامات کی سیاست ختم ہونی چاہئے ۔

  • وزیراعظم نواز شریف عیدالفطر پاکستان میں منائیں گے، عا بد شیرعلی

    وزیراعظم نواز شریف عیدالفطر پاکستان میں منائیں گے، عا بد شیرعلی

    فیصل آباد : پانی و بجلی کے وزیر مملکت عا بد شیرعلی کا کہنا ہے وزیراعظم نواز شریف عیدالفطر پاکستان میں منائیں گے، ٹریکٹر ٹریکٹر ہوتا ہے ، ٹرالی ٹرالی ہوتی ہے،خواجہ آصف نے شیریں مزاری کا نام نہیں لیا تھا۔

    فیصل آباد میں فیسکو ہیڈکوارٹرز میں پریس کانفرنس کرتے ہوئے عابد شیر علی کا کہنا تھا وزیراعظم نواز شریف تیزی سے صحت یاب ہو رہے ہیں اور وہ عید تک وطن واپس آ جائیں گے ۔

    انہوں نے کہا کہ وزیراعظم کا نام پا نا مہ لیکس میں شامل نہیں ہے لیکن اس کے باوجود وہ صفا ئی دینے کے لئے تیار ہیں، اسی طرح ٹی او آرز پر بھی ہماری نیت صاف ہے ۔

    انہوں نے کہا کہ خواجہ آصف نے شیریں مزاری کا نا م لئے بغیر ٹر یکٹر ٹرالی کہا اور پھر بھی معا فی ما نگی حالانکہ ٹریکٹر ٹریکٹر ہو تا ہے اور ٹرا لی ٹرالی ہو تی ہے ۔

    عابد شیرعلی کا کہنا تھا پاکستان نے ثا بت کیا ہے کہ پٹھان کوٹ حملوں میں اس کا کوئی ہاتھ نہیں اور پا کستان اپنے تمام ہمسایہ ممالک سے دوستی کا خواہاں ہے ۔

    وزیر مملکت کا کہنا تھا لوڈ شیڈنگ پر قابو پانے کی کوشش کی جا رہی ہے، ماہ رمضان کے آخری عشرے میں اعتکاف پر بیٹھنے والوں کے لئے خصوصی پیکج دیا جائے گا ۔

  • عمران خان رائیونڈ آئے تو بنی گالہ بھی محفوظ نہیں رہے گا، عابد شیرعلی

    عمران خان رائیونڈ آئے تو بنی گالہ بھی محفوظ نہیں رہے گا، عابد شیرعلی

    فیصل آباد : مسلم لیگ ن کے رہنما اور وزیر مملکت پانی و بجلی عابد شیرعلی نے دھمکی دی ہے کہ اگر عمران خان رائے ونڈ کی جانب آئیں گے تو نہ بنی گالہ رہے گا نہ زمان پارک کا گھر رہے گا۔

    ان خیالات کا اظہار انہوں نے فیصل آباد میں صحافیوں سےبات چیت کرتے ہوئے کیا، عابد شیرعلی کا کہنا تھا کہ اگر ہمارے لیڈر کے گھر کا محاصرہ کیا گیا تو ہم بھی اپنے کارکنوں کو نہیں روکیں گے۔

    انہوں نے خبردار کیا کہ بنی گالہ اور لال حویلی ہمارے کارکنوں سے دور نہیں، رائیونڈ کا رخ کیا گیا تو پی ٹی آئی کے کسی لیڈر کا گھر محفوظ نہیں رہے گا۔

    انہوں نے کہا کہ اب مسلم لیگ کے کارکن عمران خان کی گالیوں کو برداشت نہیں کریںگے اورگالی کا جواب اسی زبان میں دیا جائے گا۔

    عابد شیرعلی نے پیپلز پارٹی پر بھی تیر برسا تے ہوئے کہا کہ ایان علی کو کس نے پیسے دئیے اور اس کا وکیل کون تھا۔ سب جانتے ہیں کہ سابق گورنر پنجاب نے ایان علی کا مقدمہ لڑا۔

    انہوں نے کہا کہ عمران خان کو اللہ کے عذاب سے ڈرنا چاہیئے، عمران خان کا کے پی کے کو ماڈرن صوبہ بنانے کاپول کھل چکا ہے، ایک سوال کے جواب میں ان کا کہنا تھا کہ حکومت اور قوم کو پاک فوج پر فخر ہے۔

     

  • عمران خان دہشتگرد اور ٹیکس چوروں کا وحید مراد ہے، عابد شیرعلی

    عمران خان دہشتگرد اور ٹیکس چوروں کا وحید مراد ہے، عابد شیرعلی

    فیصل آباد : وزیرمملکت عابد شیرعلی نے کہا ہے کہ عمران خان ملک کا سب سے بڑا دہشت گرد اور ٹیکس چوروں کا وحید مراد ہے۔ اس کے جلسوں سے کوئی فرق نہیں پڑتا۔

    ان خیالات کا اظہارانہوں نے فیصل آباد میں آرٹ گیلری کے افتتاح کے موقع پر میڈیا سے گفتگو کرتے ہوئے کیا۔

    عابد شیرعلی نے کہا کہ پانامہ لیکس کے حوالے سے بننے والے تحقیقاتی کمیشن کے ٹی او آرز پر صرف وہ چور اعتراض کر رہے ہیں، جن کا اپنا کالا دھن ملک سے باہر ہے۔

    انہوں نے کہا کہ عمران خان کے انویسٹرز اس کی اے ٹی ایم مشینیں ہیں جنہیں وہ بچانے باہر آئے گا۔ عمران کو اگر اعتراضات ہیں تو وہ بنی گالہ میں اپنی اے ٹی ایم مشینوں سے ہی فیصلہ لے لیا کرے۔

    عابد شیرعلی نے عمران خان کو چوہا قرار دیتے ہوئے کہا کہ وہ رات والی خوراک کی مقدار کم کریں اور اداکارہ میرا کی طرح رونا بند کرے۔

    ایک سوال کے جواب میں ان کا کہنا تھا کہ بلاول بھٹو زرداری ابھی بچہ ہے وہ ہمیں کیسے اخلاقیات کا درس دے رہا ہے۔ انہوں نے کہا کہ جب بلاول بھٹو میچور ہو جائے گا تو پھر اس کی باتوں کا جواب دوں گا۔

     

  • عابد شیرعلی کی مرسیڈیزکارکی مرمت، خرچہ فیسکواُٹھائے گی

    عابد شیرعلی کی مرسیڈیزکارکی مرمت، خرچہ فیسکواُٹھائے گی

    فیصل آباد : وزیرمملکت برائے پانی و بجلی عابد شیرعلی کی مرسیڈیز کارکی مرمت کا خرچہ فیسکو پر ڈال دیا گیا۔ اے آر وائی نیوزنے فیسکو کو لکھے گئے خط کی کاپی حاصل کرلی۔

    تفصیلات کے مطابق حکومتی وزراء کے شاہانہ ٹھاٹھ باٹھ اور شاہ خرچیوں کا ایک اور انکشاف سامنے آیا ہے، وزیر مملکت برائے پانی و بجلی عابد شیر علی کی مرسیڈیز گاڑی کی مرمت کا خرچہ فیسکو پر ڈال دیا گیا۔

    ذرائع کا کہنا ہے کہ وزیر مملکت کی کار کی مرمت کا خطیر بل ادا کرنے کے لئے فیسکو پر دباؤ ڈالا گیا۔

    اے آر وائی نیوز نے کار کی مرمت کیلئے فیسکو کو لکھے گئے خط کی کاپی حاصل کرلی ہے، جس میں کہا گیا ہے کہ مذکورہ گاڑی وی آئی پی پروٹوکول کے دوران حادثے کا شکار ہوئی کیا.

    سوال یہ پیدا ہوتا ہے کہ کیا وی آئی پی پروٹوکول میں بھی بلٹ پروف مرسیڈیز کار حادثے کا شکار ہوئی؟حادثہ کب اور کہاں ہوا یہ تو معلوم نہیں لیکن کارکی مرمت کا خرچہ دس لاکھ پندرہ ہزار روپے ہے.

    عابد شیر علی کی کار اسلام آباد کے ایک نجی آٹو ورکشاپ میں مرمت کیلئے بھجوائی گئی ہے، جہاں مرمت کا کام خفیہ رکھا جاتا ہے لیکن فیسکو ذرائع کا کہنا ہے کہ مرمت کی نگرانی کروائیں گے۔