ARYNews.tv | Urdu – Har Lamha Bakhabar

Tag: Abid Sher Ali

  • پی ٹی آئی کارکن کی ہلاکت: جے آئی ٹی نے رانا ثناء اللہ ، دیگرکو بے گناہ قراردے دیا

    پی ٹی آئی کارکن کی ہلاکت: جے آئی ٹی نے رانا ثناء اللہ ، دیگرکو بے گناہ قراردے دیا

    لاہور: فیصل آباد میں تحریک انصاف کی کارکن کی ہلاکت کے الزام سے رانا ثناء اللہ اورانکے ساتھیوں کو جائے وقوعہ پرعدم مجودگی کی بنا پر بے گناہ قراردے دیا۔

    تفصیلات کے مطابق پولیس کی جوائنٹ انوسٹی گیشن ٹیم کی تحقیقاتی رپورٹ منظرعام پرآگئی ہے جس میں سابق وزیرِقانون پنجاب رانا ثناءاور ان کے داماد شہریار، وزیر مملکت برائے بجلی و پانی عابد شیر علی، ڈی سی اوفیصل آباد نورالامین مینگل کو واقعے سے بری الذمہ قراردیا گیا ہے۔

    رپورٹ میں تصاویرمیں فائرنگ کرتے ہوئے افراد الیاس، حافظ، عمران اورعثمان کو ملزم قراردیا گیا ہے۔

    رپورٹ میں موقف اختیارکیا گیا ہے کہ اول الذکر افراد کی جائے وقوعہ سے غیر موجودگی کے واضح ثبوت ہیں لہذا انہیں ملزم قرار نہیں دیا جاسکتا۔

    مقدمے کا چالان کل عدالت میں پیش کیا جائے گا۔

    کارکن کی ہلاکت، تحریک ِانصاف کا شہرشہراحتجاج

    پاکستان تحریک انصاف سے تعلق رکھنے والا کارکن حق نواز 08 دسمبر 2014 کو فیصل آباد کے ناولٹی پل پر فائرنگ کے واقعے میں جاں بحق ہوا تھا۔

    فائرنگ کرنے والے شخص کی تصاویر براہ راست نشر کی گئی تھیں اور مبینہ طور پر اسے رانا ثناء اللہ کے داماد شہریارکا سیکیورٹی قرار دیا جارہا تھا۔

  • عابدشیرعلی نےبجلی کا بل جمع کرانے کا کریڈٹ ریحام کودیدیا

    عابدشیرعلی نےبجلی کا بل جمع کرانے کا کریڈٹ ریحام کودیدیا

    اسلام آباد : وزیرمملکت برائے پانی وبجلی عابدشیرعلی نے پاکستان تحریک انصاف کے سربراہ عمران خان کی جانب سے ان کی رہائش گاہ  بنی گالہ کا بجلی کا بل جمع کرانے کا کریڈٹ ریحام خان کودیدیا۔

    عمران خان کی شادی کسی کو فائدہ ہواہویا نہ ہوا ہومگر وفاقی وزیربجلی و پانی کو فائدہ ہوا کیونکہ شادی کے بعد خان صاحب نے اپنے گھر کا لاکھوں روپے کابل جمع کروادیا۔

    کہتے ہیں شادی زندگی بدل دیتی ہے۔پر کبھی کبھی انسان کو بھی بدل دیتی ہے۔یہ  بات وفاقی وزیر بجلی و پانی عابد شیر علی نے اسلام آباد میں میڈیا سے گفتگو کرتے ہوئے کہی ۔

    اس موقع پرانہوں نے عمران خان کو شادی کی مبارکباد بھی دی اور لگے ہاتھوں بجلی کا بل جمع کروانے پر ان کاشکریہ بھی ادا کردیا۔

    شادی ہوتے ہی کپتان نے سول نافرمانی کی تحریک ختم کردی جس پر کہاجارہاہے کہ ریحام خان نے وہ کام کردکھایا جو حکومت اوراتحادی جماعتیں نہیں کرسکیں۔

  • عمران خان سترہ جنوری کا احتجاج ملتوی کردیں، عابد شیرعلی

    عمران خان سترہ جنوری کا احتجاج ملتوی کردیں، عابد شیرعلی

    لاہور: عابد شیر علی نے کہا ہے کہ پانچ ارب روپے کی وصولی کیلئے ایوان وزیر اعظم کو چھوٹ ملے گی نہ پارلیمنٹ ہائوس کو چھوٹ ملے گی، عمران خان سترہ جنوری کا احتجاج ملتوی کردیں۔

    نئے سال کے پہلے دن عابد شیر علی نے لاہور میں میڈیا سے گفتگو میں کہا کہ بجلی کا بل ادا نہ کرنے والے سرکاری اداروں کی بجلی کاٹ دی جائے، انہوں نے کہا کہ پارلمنٹ ہائوس ہو یا ایوان وزیر اعظم کسی کو چھوٹ نہیں ملے گی ،انہوں نے دوران ڈیوٹی قتل کر دئے جانے والے ایس ڈی او کے لوحقین کو پچیس لاکھ روپے اور ا نکے بچوں کے تعلیمی اخراجات دینے کا اعلان کیا۔

    عابد شیر علی نے عمران خان کو مشورہ دیا کہ وہ سترہ جنوری کا احتجاج ملتوی کر دیں اور معاملا ت مذاکرات کے ذریعے حل کریں،انہوں نے کہا کہ تمام سرکاری اداروں کو بقایاجات کی ادئیگی کیلئے نوٹس جاری کئے جا چکے ہیں، نادہندہ ادارے بلوں کی ادائیگی کا فوری بندو بست کریں ۔

  • فیصل آباد: پی ٹی آئی ورکر قتل کیس، پولیس نے مرکزی ملزم سمیت15ملزمان کو گرفتار کرلیا

    فیصل آباد: پی ٹی آئی ورکر قتل کیس، پولیس نے مرکزی ملزم سمیت15ملزمان کو گرفتار کرلیا

    فیصل آباد: پنجاب پولیس نے پی ٹی آئی ورکر قتل کیس میں فائرنگ کرنے والے مرکزی ملزم سمیت پندرہ ملزمان کو گرفتار کر لیا ہے اور وزیر مملکت عابد شیر علی نے بھی تھانے میں اپنا بیان قلم بند کروا دیا ہے۔

    فیصل آباد کے ناولٹی پل پر فائرنگ سے پی ٹی آئی کارکن ہلاک ہواتھا۔ مقدمے میں پانچ نامزد ملزمان سمیت پندرہ افراد پولیس کے زیرحراست ہیں۔ گرفتار ملزمان میں ندیم مغل، امتیاز سراج، اس کا بھائی افتخار عرف اِتا پہلوان، زاہد ملک، پرویز جٹ بھی شامل ہیں۔

    ملزمان کی گرفتاری فوٹیجز شناخت ہونے پر عمل میں آئی ہے۔ مقدمے میں نامزد وزیر مملکت عابد شیر علی نے گزشتہ روز تھانہ سمن آباد میں ایس ایچ او کوبیان قلم بند کروایا ہے۔

    عابد شیر علی کے بیان کے مطابق سانحہ فیصل آباد سے ان کا کوئی لینا دینا نہیں ہے۔ پولیس جب بھی تفتیش کے لئے طلب کرے گی وہ پہنچ جائیں گے۔

    ایس ایچ او کے مطابق تحقیقات کے لئے جوائنٹ ایویسٹی گیشن ٹیم تشکیل دے دی گئی ہے۔

  • عمران خان کو محنت کش کی روزی پر لات نہیں مارنےدیں گے، عابد شیرعلی

    عمران خان کو محنت کش کی روزی پر لات نہیں مارنےدیں گے، عابد شیرعلی

    اسلام آباد: وزیر مملکت برائے پانی و بجلی عابد شیر علی کہتے ہیں کہ ہم عمران خان کو پاکستان کے غریب محنت کش کی روزی پر لات نہیں مارنے دیں گے۔

    اسلام آباد میں نیوز کانفرنس سے خطاب میں ان کاکہناتھاکہ حکومت پاکستان تحریک انصاف کے ساتھ بات چیت کیلئے تیار ہے تاہم جلاؤ گھراؤ کو ترک کیا جائے اور بات چیت کیلئے ساز گار ماحول بنایا جائے،انھوں نے مطالبہ کیا کہ بات چیت شروع کر نے سے قبل پرتشدد کارروائیوں کی کال واپس لی جائے۔

    عابد شیر علی کاکہناتھاکہ فیصل آباد میں گولی چلانے والے شخص کو ہر صورت پکڑا جائے گا اور قوم کے سامنے لایا جائے گا اور اس کیلئے نادرا سے مدد حاصل کر لی گئی ہے،انھوں نے کہاکہ حکومت نے امن و امان برقرار رکھنے کیلئے پولیس سے اسلحہ بھی واپس لے لیا تھا مگر اس کے باوجو کسی تیسری قوت کے فائر سے ایک کارکن جاں بحق ہوا۔

    عابد شیر علی کاکہناتھاکہ پاکستان تحریک انصاف نے ایک ماسی مصیبتے رکھی ہوئی ہے جو لال حویلی سے باہر نہین نکلتی پہلے وہ شخصیت پرویز مشرف کے ساتھ تھی اور اب عمران خان کا بیڑا غرق کر رہی ہے،انھوں نے کہاکہ پرامن رہنے کا دعوی کرنے والوں نے ڈنڈوں ، ٹائروں اور پیٹرول کے ساتھ فیصل آباد پر دھاوا بولا،جو معیشت کی تباہی کا ایجنڈا ہے، بظاہر ایسا لگتا ہے کہ عمران خان نے پاکستان کی ترقی کا راستہ روکنے کا ایجنڈا بنا رکھا ہے۔

    عابد شیر علی کاکہناتھاکہ وہ جمعہ کے روز خود پر درج ہونے والی ایف آئی آر پر تھانہ ثمن آباد میں پیش ہوکر گرفتاری دینگے یا خود کو بے گناہ ثابت کرینگے۔

  • فیصل آباد تصادم: رانا ثنااللہ ،عابد شیرعلی سمیت تین سوافراد پر مقدمہ درج

    فیصل آباد تصادم: رانا ثنااللہ ،عابد شیرعلی سمیت تین سوافراد پر مقدمہ درج

    فیصل آباد: تحریک انصاف کے کارکن کے قتل کا مقدمہ فیصل آباد کے سمن آباد تھانے میں درج کرادیا گیا، مقدمے میں عابد شیر علی ،رانا ثنااللہ اور داماد شہریار سمیت تین سو افراد نامزد کیے گئے ہیں۔

    تحریک انصاف کے کارکن حق نواز کے قتل کا مقدمہ مقتول کے بھائی کی مدعیت میں تھانہ سمن آباد میں درج کیا،جس میں سابق وزیر قانون پنجاب رانا ثنااللہ، ان کے داماد شہریار، گارڈ اور وفاقی وزیر مملکت پانی وبجلی عابد شیر علی سمیت سات افراد کو نامزد کیا گیا ہے۔

    اس کے علاوہ دیگر تین سو افراد کو بھی ایف آئی آر میں نامزد کیا گیا ہے۔مقدمہ قتل، اقدام قتل اور انسداد دہشتگردی کی دفعات کے تحت درج کیا گیا،اس سے قبل سی پی او نے رانا ثنااللہ اور ڈی سی او کا نام ایف آئی آر سے نکالنے کا مطالبہ کرتے ہوئے مقدمہ درج کرنے سے انکار کردیا تھا، جس پر مقتول کے اہل خانہ نے میت سمندری روڈ پر رکھ کر احتجاج شروع کردیا تھا، پھر حکام کی مداخلت کے بعد یہ مقدمہ درج کرلیا گیا۔

  • عابد شیرعلی کو لوگوں نے گھیرلیا، گو نواز گوکے نعرے

    عابد شیرعلی کو لوگوں نے گھیرلیا، گو نواز گوکے نعرے

    جڑانوالہ : وفاقی وزیر مملکت پانی و بجلی چوہدری عابد شیر علی کے لنڈیانوالہ گرڈ اسٹیشن کے افتتاح پر اہل دیہہ نے گو نواز گو کے نعرے لگا دیئے۔

    ۔تفصیلات کے مطابق وزیر مملکت پانی و بجلی چوہدری عابد شیر علی ،وفاقی پارلیمانی سیکرٹری طلال چوہدری و اراکین اسمبلی اور فیسکو چیف فیصل آباد کے ہمراہ لنڈیانوالہ گرڈ اسٹیشن کے افتتاح کے بعد واپس جانے لگے تو اہل دیہہ کے چند افرادنے گو نوازگوکے نعرے لگانے شروع کردیئے۔

    جس پر پنجاب پولیس اور ،مسلم لیگ (ن) کے کارکنوں نے وفاقی وزیر مملکت سمیت اراکین اسمبلی کو روانہ کردیا اور پولیس اہلکار نعرے لگانے والوں کی منت سماج کرتے رہے ۔قبل ازیں انہوں نے انیس کروڑ کی لاگت سے سات ماہ کی مدت میں قائم ہونے والے گرڈ اسٹیشن کا افتتاح کیا۔

  • ذوالفقارکھوسہ نے نوازلیگ کی پیٹھ میں چُھرا گھونپا،عابد شیرعلی

    ذوالفقارکھوسہ نے نوازلیگ کی پیٹھ میں چُھرا گھونپا،عابد شیرعلی

    اسلام آباد: عابد شیرعلی کا کہنا ہے کہ ذوالفقارکھوسہ پرپارٹی اور میاں نواز شریف کے بہت احسانات ہیں ۔یہ بات وزیر مملکت برائے پانی وبجلی کے وزیر عابد شیر علی نے میڈیا سے گفتگو کرتے ہوئے کہی۔

    ان کاکہنا تھا کہ ذوالفقار کھوسہ پر پارٹی اور وزیراعظم میاں نواز شریف کے بہت احسانات جن کو کسی بھی صورت فراموش نہیں جاسکتا،لیکن اب وہ احسان فراموش ہوگئے ہیں اورانہوں نے مسلم لیگ ن کی پیٹھ پر چھرا گھونپا ہے ۔

    عمران خان پر سخت تنقید کرتے ہوئے کہنا تھا کہ عمران خان دھرنا دیں یا دھرنی دیں اس سے کوئی فرق نہیں پڑتا ہم نے عوام کی بھلائی کیلئے جومنصوبے شروع کئے ہیں وہ جاری رہیں گے۔

    عمران خان نے کے پی کے میں حکومتی نااہلی کو چھپانے کیلئے دھرنے شروع کئے جس کے باعث ملک کی ترقی کو داوٴ پر لگا دیا گیا۔

  • کسی نادہندہ ادارے کوبجلی نہیں ملے گی،عابد شیرعلی

    کسی نادہندہ ادارے کوبجلی نہیں ملے گی،عابد شیرعلی

    اسلام آباد : وزیر مملکت عابد شیرعلی نے کہا ہے کہ بل ادا نہ کرنے والے کسی ادارے کوبجلی نہیں دیں گے، وزیر مملکت عابد شیرعلی نے انکشاف کیا کہ ماضی میں لوڈشیڈنگ کی وجہ سے بل کم آتے تھے۔

    پہلے اٹھارہ گھنٹے کی لوڈشیڈنگ کی جاتی تھی، نون لیگ کی حکومت نے لوڈشیڈنگ میں کمی کی ہے۔ان کا کہنا تھا کہ بجلی سے متعلق منصوبوں پر چوبیس گھنٹے کام کیاجارہا ہے، جن کے اضافی بلز آئے انہیں وزیر اعظم کی ہدایت پرتین اقساط میں بل ادا کر نے کی ہدایت کردی گئی ہے۔

    انہوں  نے کہا کہ بل ادا نہ کرنے والے کسی ادارے کوبجلی نہیں دیں گے،ہرڈسٹرکٹ میں میڑچیک کئے جائیں گے،جن فیڈرز میں نقصانات زیادہ ہے ان کو نجی شعبہ کے حوالے کردیا جائے ۔

    عابد شیر علی نے کہا کہ عمران خان پر ایک لاکھ اڑتیس ہزار روپے واجب الادا ہے۔دھر نے کی سیاست کرنے والے ملک میں نواز شریف کےترقیاتی کاموں میں خلل ڈالنا چاہتے ہے۔

  • عمران خان جھوٹے، گورنرپنجاب سرمایہ ہیں،عابد شیرعلی

    عمران خان جھوٹے، گورنرپنجاب سرمایہ ہیں،عابد شیرعلی

    فیصل آباد : وزیر مملکت پانی و بجلی عابد شیر علی کا کہنا ہے کہ بھارت مریخ پرپہنچ گیا اورہم دھرنوں میں پھنسے ہوئے ہیں ۔ عید سے پہلے قربانی کی باتیں کرنے والوں کی اپنی قربانی ہو گئی ۔

    فیصل آباد میں فیسکو ہیڈ کوارٹرز میں میڈیا سے گفتگو کر تے ہوئے عابد شیرعلی نے کہا کہ دھرنے والے بتائیں ان کے پاس اربوں روپے کہاں سے آرہے ہیں ۔

    عابد شیر علی کا کہنا تھا کہ چند افراد کو ہمارے پروگرام خراب کرنے کے لئے بھیج دیا جاتا ہے ۔ اس طرح خون خرابے کو دعوت دی جا رہی ہے ۔ اس طرح کی حرکات سے ہمارے کارکنان کے صبر کا پیمانہ لبریز ہوجائے گا ۔

    وزیرِمملکت کا کہنا تھاکہ لانگ مارچ اوردھرنے دینے والوں کا مقصد ملکی معیشت اورکلچرکو تباہ کر نا ہے۔ عمران خان کو جھوٹ بولنے میں پی ایچ ڈی کی ڈگری دینی چاہئے ۔

    عمران جھوٹو ں کے بے تاج بادشاہ ہیں ۔ گورنر پنجاب کی تبدیلی کے حوالے سے ایک سوال پرعابد شیرعلی کا کہنا تھا گورنر پنجاب ہمارا سرمایہ ہیں ان کی تبدیلی کی باتیں بے بنیاد ہیں۔