ایبٹ آباد: صوبہ خیبرپختونخواہ کے اسکول میں ساتھی کی فائرنگ سے نویں جماعت کا طالب علم جاں بحق ہوگیا۔
تفصیلات کے مطابق خیبرپختونخواہ کے شہر ایبٹ آباد میں قائم ایک اسکول میں ساتھی کی فائرنگ سے نویں جماعت کا طالب علم عثمان شبیر جاں بحق ہوگیا۔
پولیس کا کہنا ہے کہ کلاس روم میں معمولی تکرار پر گولی چلا دی گئی، ملزم حیدر علی کو گرفتار کرلیا گیا ہے۔
ایبٹ آباد، نجی اسکول میں ایڈمن افسر نے احتجاجی طلباء پر فائرنگ کردی
پولیس حکام کے مطابق طالب علم کی لاش پوسٹ مارٹم کے لیے اسپتال منتقل کر دی گئی ہے، جبکہ ناقص سکیورٹی پر اسکول انتظامیہ کو بھی شامل تفتیش کرلیا گیا۔
خیال رہے کہ گذشتہ سال اپریل میں لاہور کے اسکول میں فائرنگ سے طالب علم جاں بحق ہوگیا تھا۔
واضح رہے کہ لاہور کے علاقے بہار کالونی میں نجی اسکول کے باہر نامعلوم افراد نے فائرنگ کردی تھی، جس کے نتیجے میں ایک طالبعلم جاں بحق جبکہ سکیورٹی گارڈ زخمی ہوگیا تھا۔
