ARYNews.tv | Urdu – Har Lamha Bakhabar

Tag: Abu Dhabi

  • ابوظبی : مسافر کے پیٹ سے لاکھوں درہم کی منشیات برآمد

    ابوظبی : مسافر کے پیٹ سے لاکھوں درہم کی منشیات برآمد

    ابوظبی : زاید انٹرنیشنل ایئرپورٹ پر مسافر کے پیٹ سے لاکھوں مالیت درہم کی منشیات برآمد کرلی گئی۔

    گلف نیوز کی رپورٹ کے مطابق ابوظبی کی جنرل ڈائریکٹوریٹ آف پورٹس نے گزشتہ روز زاید انٹرنیشنل ایئرپورٹ پر بروقت کارروائی کرتے ہوئے منشیات کی اسمگلنگ کی ایک بڑی کوشش ناکام بنا دی۔

    متعلقہ حکام نے ایک مسافر کے پیٹ سے کوکین کے 89 کیپسولز برآمد کیے گئے جن میں تقریباً 1 ہزار 198 گرام کوکین موجود تھی، اس کوکین کی مارکیٹ ویلیو تقریباً 50 لاکھ درہم لگائی گئی ہے۔

    کسٹمز افسران کو ایک مسافر پر شک ہوا جو جنوبی امریکہ کے کسی ملک سے آیا تھا۔ اسے جدید اسکریننگ ٹیکنالوجی کے ذریعے پیٹ کا چیک اپ کیا گیا، جس سے اس کے جسم میں غیرقانونی اشیاء کی موجودگی کا انکشاف ہوا۔

    بعد ازاں اسے متعلقہ حکام کے حوالے کیا گیا، جنہوں نے طبی طریقے سے اس کے پیٹ سے 89 کیپسولز نکال لیے۔

    ابوظبی کی جنرل ڈائریکٹوریٹ آف پورٹس نے کسٹمز افسران کی مستعدی اور قابلیت کی تعریف کی اور یقین دہانی کرائی کہ منشیات کے خطرات سے معاشرے کو بچانے کے لیے معائنے کے نظام کو مزید ترقی دی جائے گی۔

  • سوشل میڈیا انفلوئنسرز کیلئے نئے قانون کا اعلان

    سوشل میڈیا انفلوئنسرز کیلئے نئے قانون کا اعلان

    ابوظہبی میں سوشل میڈیا انفلوئنسرز کیلئے نیا قانون متعارف کرادیا گیا ہے۔

    غیر ملکی ذرائع ابلاغ کے مطابق ابوظہبی ڈیپارٹمنٹ آف اکنامک ڈیولپمنٹ کا اس حوالے سے اعلان کرتے ہوئے کہنا تھا کہ سوشل میڈیا انفلوئنسرز اور سوشل میڈیا مارکیٹنگ کمپنیوں کو مارکیٹنگ کرنے کے لیے لائسنس لینا پڑے گا۔

    نئے قانون کے مطابق سوشل میڈیا انفلوئنسرز کے لیے لائسنس کی فیس بارہ سو پچاس درہم جبکہ سوشل میڈیا مارکیٹنگ کمپنیوں کے لیے لائسنس کی فیس پانچ ہزار درہم ہوگی۔

    حکام کا کہنا ہے لائسنس کے بغیر اشتہاری خدمات فراہم کرنے والے اداروں پر جرمانہ عائد ہوگا جبکہ سوشل میڈیا انفلوئنسرز قانون کی خلاف ورزی پر دس ہزار درہم جرمانہ ہوگا۔

    اس سے قبل ابوظہبی ٹریفک پولیس نے انتباہ جاری کرتے ہوئے کہا ہے کہ ڈرائیور حضرات سڑکوں پر طلبہ کو اتارنے کے لیے جہاں بھی اسکول بسوں کو روکیں گے ان بسوں سے فاصلہ رکھا جائے، جبکہ اس معاملے کی بھرپور نگرانی کی جائے گی۔

    ابوظہبی پولیس کے کیپٹن مرشد علی المرار کا اس حوالے سے کہنا ہے کہ طلبہ بس کی حفاظت کو یقینی بنانے میں تعاون کرنا تمام افراد کا اخلاقی فرض ہے۔

    ابوظہبی پولیس نے سکول بس ڈرائیوروں سے کہا ہے کہ وہ جس جگہ بھی طلبہ کو اتارنے اور سوار کرانے کے لیے رکیں ’سٹاپ‘ لیور کھول دیں تاکہ بس کے پیچھے آنے والی گاڑیوں کے ڈرائیور وں کو آگاہی مل سکے۔

    امریکہ میں روسی اینٹی وائرس سافٹ ویئر کی فروخت پر پابندی

    ابوظہبی پولیس کی جانب سے خبردار کیا گیا کہ سڑک پر جب اسکول بس پر ’سٹاپ‘ کا سگنل لگا کر کھڑی ہو اس سے پانچ میٹر دور ی اختیار کی جائے۔

  • کرپشن کے مقدمے میں نیب کو مطلوب اشتہاری ملزم ابوظہبی سے گرفتار

    کرپشن کے مقدمے میں نیب کو مطلوب اشتہاری ملزم ابوظہبی سے گرفتار

    کراچی: ایف آئی اے انٹرپول نے کرپشن کے مقدمے میں نیب کو مطلوب اشتہاری ملزم کو ابوظہبی سے گرفتار کرلیا۔

    تفصیلات کے مطابق ایف آئی اے انٹرپول نے بڑی کارروائی کرتے ہوئے کرپشن کے مقدمے میں نیب کو مطلوب اشتہاری ملزم کو ابوظہبی سے گرفتار کرلیا، ایف آئی اے نیب انٹرپول پاکستان نے ملزم کی گرفتاری کے لئے ریڈ نوٹس جاری کیا تھا۔

      ایف آئی اے کے مطابق ملزم ذیشان حسین بدعنوانی اور کرپشن میں نیب کراچی کو مطلوب تھا ملزم کے خلاف سال 2019 میں ریفرنس درج ہوا تھا ملزم نے کرپشن کرتے ہوئے قومی خزانے کو بھاری نقصان پہنچایا۔

    ایف آئی اے نے کہا کہ ملزم کو ابو ظہبی سے گرفتار کر کے اسلام آباد ائرپورٹ منتقل کیا گیا ملزم کو بعد ازاں امیگریشن حکام نے نیب کے حوالے کر دیا ملزم کی حوالگی انٹرپول اسلام آباد کی انٹرپول ابوظہبی کے ساتھ قریبی رابطہ کاری کی وجہ سے ممکن ہوئی۔

  • خبردار! گاڑی سے کچرا پھینکا تو 80 ہزار روپے کا جرمانہ ہوگا

    خبردار! گاڑی سے کچرا پھینکا تو 80 ہزار روپے کا جرمانہ ہوگا

    ابوظہبی پولیس نے صفائی کو یقینی بنانے کے لیے چلتی گاڑی سے کوڑا پھیکنے والے افراد پر جرمانہ عائد کرنے کا فیصلہ کیا ہے۔

    رپورٹ کے مطابق ابوظہبی پولیس نے کہا ہے کہ گاڑی چلانے والوں کو اپنی گاڑیوں سے فضلہ پھینکتے ہوئے پکڑا گیا تو اسے 1 ہزار درہم یعنی 80 ہزار روپے کا جرمانہ عائد کیا جائے گا۔

    ابوظہبی پولیس نے مانیٹرنگ اینڈ کنٹرول سینٹر کے تعاون سے یہ اعلان کرتے ہوئے کہا کہ سڑک پر کچرا پھیکنا قانون کی خلاف ورزی ہے، کچرے کو مناسب طریقے سے ٹھکانے لگا کر صحت، حفاظت اور ماحولیات کا خیال رکھنے میں ہمارے ساتھ تعاون کریں۔

    حکام نے ڈرائیوروں اور مسافروں پر زور دیا ہے کہ وہ اپنا کچرا مخصوص جگہوں اور کچرے کے ڈبے میں پھینکیں۔

  • ابوظبی کے حکمران خاندان کے شیخ سعید بن زید النہیان انتقال کر گئے

    ابوظبی کے حکمران خاندان کے شیخ سعید بن زید النہیان انتقال کر گئے

    ابوظبی کے حکمران خاندان کے شیخ سعید بن زید النہیان انتقال کر گئے۔

    تفصیلات کے مطابق ابوظبی کے حکمران خاندان کے شیخ سعید بن زید النہیان 58 برس کی عمر میں انتقال کر گئے، وہ اماراتی صدر شیخ محمد بن زاید النہیان کے بھائی تھے۔

    عرب میڈیا کے مطابق شیخ سعید بن زید النہیان کچھ عرصے سے شدید بیمار تھے، شیخ سعید کو جون 2010 میں ابوظبی کے حکمران کا نمائندہ مقرر کیا گیا تھا۔

    یو اے ای حکومت نے ان کے انتقال پر 3 دن کے سوگ کا اعلان کر دیا ہے، جب کہ قومی پرچم بھی سرنگوں رہے گا۔

  • ابو ظہبی میں گھر میں آگ لگنے سے 6 افراد جاں بحق

    ابو ظہبی میں گھر میں آگ لگنے سے 6 افراد جاں بحق

    ابو ظہبی: متحدہ عرب امارات کے دارالحکومت ابو ظہبی میں رہائشی ولا میں آگ لگنے سے 6 افراد جاں بحق ہوگئے۔

    اردو نیوز کے مطابق ابو ظہبی کے معزز نامی علاقے کے ایک ولا میں آتش زدگی سے 6 افراد جاں بحق جبکہ 7 جھلس کر زخمی ہوگئے ہیں۔

    اتھارٹی کا کہنا ہے کہ فائر بریگیڈ کی ٹیموں نے آتشزدگی کی اطلاع ملتے ہی جائے وقوعہ پر پہنچ کر امدادی کارروائیاں شروع کیں۔

    فائر بریگیڈ نے فوری طور پر مکینوں کو مکان سے نکالنے اور محفوظ مقام پر پہنچانے کے ساتھ زخمیوں کو ابتدائی طبی امداد بھی فراہم کی۔

    بیان میں کہا گیا کہ آتش زدگی میں 6 افراد چل بسے جبکہ سات زخمی ہوگئے جن میں سے 2 کی حالت نازک ہے۔

    سول ڈیفنس اتھارٹی کا کہنا ہے کہ ابھی تک آتشزدگی کے اسباب کا پتہ نہیں چل سکا اور متعلقہ حکام واقعہ کی تحقیقات کر رہے ہیں، مرنے والوں میں ایک کا نام فاطمہ محمد الحوسنی بتایا گیا ہے جو امارات ہلال احمر کی ایک رضا کار ہیں۔

  • گوگل میپ نے حیران کن قدم اٹھا لیا

    گوگل میپ نے حیران کن قدم اٹھا لیا

    ابوظبی: گوگل میپ نے حیران کن قدم اٹھاتے ہوئے اپنی سروس میں اونٹ کو بھی شامل کر لیا ہے۔

    تفصیلات کے مطابق ابوظبی کے لیوا نخلستان کی 360 ڈگری کی تصاویر حاصل کرنے کے لیے گوگل نے غیر معمولی حل تلاش کر لیا۔ لیوا نخلستان میں کار کے ذریعے رسائی ممکن نہیں ہے، جس کی وجہ سے گوگل کو اپنا ٹریکر کیمرہ وہاں لے جانے کے لیے اونٹ کا انتخاب کرنا پڑا۔

    جن مقامات کی تصاویر کھینچنے کے لیے گوگل کی Street View کاریں نہیں پہنچ پاتیں، تو عام طور پر وہاں انسان ہی ٹریکر کیمرے لے کر جاتے ہیں، تاہم لیوا نخلستان میں یہ بھی ممکن نہ تھا، جس پر گوگل نے اونٹ کو استعمال کیا۔

    جس اونٹ سے یہ خدمت لی گئی ہے، اس کا نام رافع بتایا جا رہا ہے، یہ پہلا جانور ہے جو اس طریقے میں استعمال کیا گیا ہے، گوگل کی ترجمان مونیکا باز کا کہنا تھا کہ لیوا نخلستان کی بدلتی ریت کو دستاویز کرنے کے لیے اونٹ کا استعمال سب سے مناسب طریقہ ہے۔

    انٹرویو میں گوگل ترجمان کا کہنا تھا کہ ٹریکر کیمرہ اس طرح بنایا گیا ہے کہ اونٹ اسے لے کر صحرا میں مستند تصاویر کھینچ سکتا ہے۔

    واضح رہے کہ گوگل کی ’اسٹریٹ ویو‘ ٹیکنالوجی نے صارفین کو مشہور لینڈ مارکس، دور دراز مقامات اور یہاں تک کہ سمندروں کی گہرائیوں کو بھی حقیقتاً دریافت کرنے کے قابل بنایا ہے۔

  • ابو ظہبی: معمر افراد کے لیے میڈیکل انشورنس پیکج متعارف

    ابو ظہبی: معمر افراد کے لیے میڈیکل انشورنس پیکج متعارف

    ابو ظہبی: متحدہ عرب امارات کے دارالحکومت ابو ظہبی میں معمر افراد کے لیے میڈیکل انشورنس پیکج متعارف کروا دیا گیا ہے، اس سے قبل نجی کمپنیوں کی انشورنس خاصی مہنگی تھی۔

    اردو نیوز کے مطابق ابو ظہبی کے محکمہ صحت نے معمر افراد کے لیے سالانہ 750 درہم میں میڈیکل انشورنس پیکج متعارف کروا دیا۔

    ابو ظہبی میں مقیم غیر ملکیوں کی جانب سے درخواست کی گئی تھی کہ انشورنس کمپنیاں 60 برس اور اس سے زیادہ عمر کے افراد کے لیے میڈیکل انشورنس پیکج جاری کرنے کے سلسلے میں پریشان کر رہی ہیں۔

    ابو ظہبی میں مقیم غیر ملکیوں نے مطالبہ کیا تھا کہ میڈیکل انشورنس کمپنیوں کو سستے پیکج جاری کرنے پر آمادہ کیا جائے۔ پیکج ایسے ہوں جنہیں معمولی آمدنی والے بھی برداشت کرسکیں یا خاندانوں کی آمدنی سے مطابقت رکھتے ہوں۔

    انشورنس کمپنیوں کے نمائندوں کی جانب سے اپنے مؤقف کی وضاحت کرتے ہوئے کہا گیا کہ میڈیکل انشورنس پیکج میں کئی چیزیں اہم ہوتی ہیں، عمر، مریضوں کا ریکارڈ، صحت سہولیات، میڈیکل نیٹ ورک، علاج کے اخراجات میں شراکت کی شرح اور کوریج کا دائرہ کار وغیرہ۔

    انہوں نے مزید کہا کہ میڈیکل انشورنس پیکج کی طرف سے رقم ماہرین کی جانب سے متعین کی جاتی ہے جو وہ پیشہ ورانہ بنیاد پر رقم متعین کرتے ہیں۔

    ابو ظہبی محکمہ صحت کا کہنا ہے کہ ابو ظہبی میں مقیم معمر افراد کے لیے انشورنس کمپنیاں جو میڈیکل پیکج جاری کر رہی ہیں وہ کئی طرح کے ہیں، چار قسم کے میڈیکل انشورنس پیکج پیش کیے جارہے ہیں۔

    سب سے سستا پیکج 750 درہم کا ہے، اس کا اہتمام حال ہی میں کروایا گیا ہے۔

  • ابو ظہبی: مساجد کے اطراف غلط پارکنگ پر بھاری جرمانہ عائد

    ابو ظہبی: مساجد کے اطراف غلط پارکنگ پر بھاری جرمانہ عائد

    ابو ظہبی: متحدہ عرب امارات کے دارالحکومت ابو ظہبی کی ٹریفک پولیس نے عبادات و تراویح کے لیے آنے والوں کی گاڑی پارکنگ کے حوالے سے ہدایات جاری کی ہیں۔

    اردو نیوز کے مطابق متحدہ عرب امارات میں ابو ظبہی محکمہ ٹریفک نے خبردار کیا ہے کہ مساجد کے اطراف غلط طریقے سے گاڑی پارک کرنے پر 500 درہم جرمانہ ہوگا۔

    دبئی ٹریفک پولیس نے گاڑیوں کے مالکان سے کہا ہے کہ رمضان کے دوران مثبت طرز عمل اپنائیں، ٹریفک کے نظام میں خلل نہ پیدا کریں، پارکنگ کے داخلی راستے بند کرنے سے گریز کریں۔ گاڑیاں منظم شکل میں پارک کی جائیں۔

    پولیس نے کہا کہ تراویح کے لیے مسجد آتے ہوئے گاڑی ایسے پارک کریں کہ پہلے سے پارک گاڑی کو نکلنے میں پریشانی نہ ہو۔

    ٹریفک پولیس کی جانب سے کہا گیا ہے کہ رمضان کے دوران ٹریفک سلامتی کا جامع پلان تیار کیا گیا ہے، ٹریفک اہلکار سمارٹ سسٹم کے ذریعے ٹریفک خلاف ورزیاں کرنے والوں کے حوالے سے قانونی کارروائی کریں گے۔

    ٹریفک پولیس نے مزید کہا کہ فرض نمازوں خصوصاً تراویح کے موقع پر مساجد کے اطراف ٹریفک رش ہے، نماز کے لیے آنے والے فٹ پاتھ اور گاڑیوں کے آگے پیچھے بھی پارکنگ کر دیتے ہیں جس سے پہلے سے پارک گاڑیوں کے مالکان کو نکلنے میں مشکلات کا سامنا ہوتا ہے۔

    رمضان کے دوران ہر سال یہ مناظر دیکھنے میں آتے ہیں، اس سے سب کو پریشانی ہو رہی ہے، ٹریفک اہلکار اسے منظم کرنے کے لیے مہم چلا رہے ہیں۔

  • ابوظبی: گاڑی سے سگریٹ پھینکنے پر کتنا جرمانہ؟

    ابوظبی: گاڑی سے سگریٹ پھینکنے پر کتنا جرمانہ؟

    ابوظبی: گاڑی سے سگریٹ کا ٹکڑا سڑک پر پھینکنے پر ایک ہزار درہم جرمانہ ہوگا۔

    تفصیلات کے مطابق ابوظبی پولیس نے کہا ہے کہ گاڑی سے سڑک پر سگریٹ کے ٹکڑے پھینکنا قابل سزا عمل ہے، اس پر ایک ہزار درہم جرمانہ ہوگا۔

    پولیس کا کہنا تھا کہ جو افراد شاہراہوں سے گزرتے ہوئے یا پبلک پارکنگ میں کھڑکیوں سے سگریٹ کے ٹکڑے، پلاسٹک بیگز، پانی کی خالی بوتلیں اور خالی کپ باہر پھینکیں گے، ان پر جرمانہ عائد کیا جائے گا۔

    الامارات الیوم کے مطابق ڈرائیوروں نے بھی بتایا کہ ان دنوں پولیس ٹریفک اور ماحولیاتی قوانین کی خلاف ورزی کا سخت نوٹس لے رہی ہے، اور ایک ہزار درہم جرمانہ کیا جا رہا ہے۔

    گاڑی کی کھڑکی سے سگریٹ کا ٹکڑا باہر پھینکنے پر 6 ٹریفک پوائنٹ بھی کاٹے جا رہے ہیں۔

    ابوظبی پولیس کا کہنا ہے کہ گزشتہ برسوں کے دوران سیکڑوں ڈرائیوروں نے ڈرائیونگ کے دوران کچرا سڑکوں پر پھینکا، یہ تہذیب کے منافی عمل ہے۔