ابو ظہبی : پاکستان ٹیم کے کپتان سرفراز احمد نے کہا ہے کہ سری لنکا ٹیم کو پاکستان آکر کھیلناچاہیے، ورلڈ الیون بھی پاکستان کا کامیاب دورہ کرکے واپس گئی، امید کرتا ہوں سری لنکن ٹیم بھی پاکستان آئےگی۔
ان خیالات کا اظہار انہوں نے ابوظہبی میں میڈیا سے گفتگو کرتے ہوئے کیا، انہوں نے کہا کہ سری لنکا کیخلاف دوسرے ون ڈے میچ میں کوئی تبدیلی نہیں ہوگی، ورلڈ کپ2019کیلئے کومبی نیشن بنارہے ہیں۔
ان کا کہنا تھا کہ سنیئرکھلاڑیوں کےآنے سے ٹیم کی کارکردگی پر فرق پڑا ہے کوشش کررہے ہیں کہ یہی کھلاڑی برقرار رکھیں، ٹیم مینجمنٹ اورسلیکشن کمیٹی کھلاڑیوں کو بھرپور سپورٹ کررہی ہے۔
انہوں نے مزید کہا کہ امید ہے سری لنکا ٹیم تیسرا ٹی20کھیلنے لاہور آئےگی، ورلڈ الیون نے پاکستان کا کامیاب دورہ کیا، ورلڈ الیون کی ٹیم میں سری لنکا کے تھسارا پریرا بھی شامل تھے۔
ایک سوال کے جواب میں قومی ٹیم کے کپتان کا کہنا تھا کہ ٹیم کی ضرورت کے مطابق بیٹنگ کرتاہوں۔
مزید پڑھیں: سری لنکن کھلاڑیوں کا لاہور میں میچ کھیلنے سے انکار
واضح رہے کہ پاکستان کے ساتھ پانچ ایک روزہ میچوں کی سیریز کھیلنے والی سری لنکن ٹیم کے زیادہ تر کھلاڑیوں نے سیکیورٹی خدشات کی بناء پر ٹی ٹوئنٹی سیریز کا آخری میچ لاہور میں کھیلنے سے معذرت کی ہے۔
کھلاڑیوں نے اپنے تحفظات کا اظہار کرتے ہوئے سری لنکن بورڈ سے تیسرا ٹی ٹوئنٹی میچ بھی نیوٹرل مقام پر کرانے کی درخواست کی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
