Tag: Accession Day

سرینگر: کشمیری حریت رہنما میر واعظ عمر فاروق کا کہنا ہے کہ الحاق پاکستان کا فیصلہ اس بات کا ثبوت ہے کہ کشمیری اپنا مستقبل پاکستان کے ساتھ دیکھتے ہیں۔

تفصیلات کے مطابق یوم الحاق پاکستان پر حریت رہنما میر واعظ عمر فاروق نے اپنے پیغام میں کہا ہے کہ 19 جولائی کا دن کشمیر کی تاریخ میں خاص اہمیت رکھتا ہے، آج پاکستان میں شامل ہونے کی تاریخی قرارداد منظور کی گئی تھی۔

میر واعظ عمر فاروق کا کہنا تھا کہ قرارداد مذہبی، ثقافتی، جغرافیائی اور معاشی حقوق کے تحفظ کے لیے تھی، یہ فیصلہ اس بات کا ثبوت ہے کہ کشمیری اپنا مستقبل پاکستان کے ساتھ دیکھتے ہیں۔

خیال رہے کہ یوم الحاق پاکستان پر وزیر اعظم عمران خان کا کہنا تھا کہ کشمیریوں کی جدوجہد حق خود ارادیت کے عزم کا اعادہ کرتے ہیں، ہم کشمیریوں کے حق کے لیے جنگ لڑتے رہیں گے۔

ان کا کہنا تھا کہ سلامتی کونسل بھی کشمیریوں کا حق خود ارادیت تسلیم کرتی ہے، کشمیریوں کو انصاف فراہم کروانے کے لیے جنگ لڑتے رہیں گے، میں جانتا ہوں ایک دن انصاف کا بول بالا ہوگا۔