Tag: accident

لاہورمیں کرنٹ لگنے سے تین مزدور جاں بحق

لاہور: زیرِتعمیرعمارت میں کرنٹ لگنے سے تین مزدور جاں بحق ہوگئے، حادثہ حفاظتی تدابیراختیارنہ کرنے کے سبب پیش آیا۔

تفصیلات کے مطابق اتوار کی صبح لاہور کے علاقے شالیمار کے ہٹلرچوک پرواقع زیرِ تعمیر عمارت میں تین مزدور کرنٹ لگنے کے سبب جاں بحق ہوگئے۔

ریسکیو ذرائع کے مطابق تینوں مزدورعمارت میں شٹرنگ کا کام انجام دے رہے تھےکہ ایک ہائی ٹینشن لائن سے سریہ ٹکرانے کے سبب حادثے کا شکار ہوگئے۔

اسپتال ذرائع کے مطابق جاں بحق مزدوروں کے نام بشیر، نصیر اوراحمد نواز ہیں اورتینوں آپس میں رشتے دار ہیں۔

تینوں مزدوروں کی میتیں ان کے گھروں پر پہنچادی گئی ہیں۔ میتیوں کے پہنچتے ہی علاقے میں کہرام برپا ہوگیا اہلِ محلہ کثیرتعداد میں مقتولین کے گھر پر جمع ہوگئے۔

ریسکیو ذرائع کے مطابق یہ سانحہ حفاظتی انتظامات اختیار نہ کرنے اور مزدوروں کی ضروری تربیت نہ ہونے کے سبب پیش آیا۔

مئی 31, 2015
ٹریفک حادثات: دو خواتین سمیت آٹھ افراد جاں بحق

کراچی : شہر قائد میں آج مختلف علاقوں میں ٹریفک حادثات میں آ ٹھ افراد جاں بحق ہوگئے ۔ کراچی کے علاقے لیاقت آباد میں بے قابو بس کی ٹکر سے دو خواتین سمیت چار افراد جاں بحق اورسات افراد زخمی ہوگئے۔

پولیس حکام کے مطابق حیدرآباد سے کراچی آنے والی بس لیاقت آباد پل کے قریب مبینہ طور پر ڈرائیور کی تیز رفتاری کے گاڑی باعث بے قابو فٹ پاتھ پر کھڑی گاڑیوں اور پتھاروں پر چڑھ گئی۔

جس کے نتیجے میں ایک شخص نے موقع پر دم توڑ دیا، جبکہ آٹھ زخمی افراد کو اسپتال منتقل کیا گیا ، جہاں خواتین سمیت مزید تین افراد نے زخموں کے تاب نہ لاتے ہوئے دم توڑ دیا۔

واقعے کے بعد مشتعل افراد نے بس کو آگ لگادی اور ڈرائیور کو پکڑ کر تشدد کا نشانہ بنانے کے بعد پولیس کے حوالے کردیا۔ بلدیہ خیبرچوک کے قریب ٹریفک حادثے میں ایک بچہ جاں بحق ہوگیا۔

کھوکھرا پار ٹریفک حادثے ایک شخص جاں بحق جبکہ پرانی سبزی منڈی کے قریب بھی ٹریفک حادثے میں ایک شخص جاں بحق ہوا۔

مئی 5, 2015
بلدیہ ٹاؤن میں خوفناک حادثہ، ڈمپر نے نو افراد کو کچل ڈالا

کراچی : بلدیہ ٹاؤن میں خونی ڈمپر کی ٹکر سے ہائی روف میں سوار نو افراد جاں بحق اور متعدد زخمی ہوگئے، حادثہ نادرن بائی پاس کے قریب تیز رفتاری کے باعث پیش آیا۔

تفصیلات کے مطابق کراچی کے علاقے بلدیہ ٹاؤن نادرن بائی پاس کے قریب تیز رفتار ڈمپرنے ہائی روف کو کچل ڈالا، حادثے میں گاڑی میں سوار نو افراد جاں بحق اور متعدد زخمی ہوگئے۔

ہلاک شدگان میں خواتین اور بچے بھی شامل ہیں، واقعے کے بعد ریسکیو اداروں نے ایمبولینسوں کے ذریعے ہلاک اور زخمی افراد کو سول اسپتال پہنچایا،جہاں زخمیوں کو طبی امداد دی جا رہی ہے۔

ذرائع کے مطابق مذکورہ افراد پکنک منا کر واپس آرہے تھے، ہلاک شدگان اور زخمیوں میں زیادہ تر نوجوان شامل ہیں۔

علاوہ ازیں ایم کیوا یم کے قائد الطاف حسین نے کراچی کے علاقے بلدیہ ٹاؤن میں ٹریفک حادثے کے نتیجے میں نوافراد کے جاں بحق اور متعدد کے زخمی ہونے کے واقعہ پر گہرے دکھ اور افسوس کا اظہار کیا ہے۔

ایک بیان میں الطاف حسین نے واقعہ کے نتیجے میں جاں بحق اور زخمی ہونیوالے افراد کے لواحقین سے دلی ہمدردی اور تعزیت کا اظہار کرتے ہوئے دعا کی کہ اللہ تعالیٰ اس واقعہ میں جاں بحق ہونیوالے تمام افراد کو جنت الفردوس میں اعلیٰ مقام عطا فرمائے اور زخمیوں کو جلد و مکمل صحتیابی عطا فرمائے۔

اپریل 20, 2015
راجن پوراورحافظ آباد میں ٹریفک حادثات،10مسافرجاں بحق متعدد زخمی

کراچی: راجن پور اور حافظ آباد میں دو مختلف ٹریفک حادثات کے دوران دس افرادزندگی کی بازی ہارگئے۔

ریسکیو ذرائع کا کہناہےکہ روجھان انڈس ہائی وےپرمُسافرکوچ ٹرک سے ٹکرا گئی، خُونی حادثے میں چھ مسافرزندگی سےہاتھ دھو بیٹھےاور اکیس زخمی ہوگئے۔

کراچی سے روانہ ہونےوالی مسافر کوچ کی منزل سوات تھی، تاہم تیز رفتاری کے باعث بد قسمت مسافرمنزل پر نہ پہنچ سکے اور سفر ِآخرت پر روانہ ہوگئے۔

دوسرا ٹریفک حادثہ شہر حافظ آباد میں گوجرانوالہ روڈ پر پیش آیا۔ جہاں مسافر وین ڈمپر کی زد میں آگئی۔

حادثے کے نتیجے میں چار افراد جاں بحق جبکہ متعددزخمی ہوئے۔ واقع کی اطلاع ملتے ہی ریسکیو اہلکاروں نےوین سے زخمیوں اور لاشوں کو نکال کر ڈی ایچ کیو اسپتال منتقل کیا۔

اپریل 12, 2015
مسافر وین اور ٹرالر میں تصادم: خاتون سمیت چار افراد جاں بحق

کلر کہار : موٹر وے پر خوفناک ٹریفک حادثہ،چار افراد لقمہ اجل بن گئے، تفصیلات کے مطابق پنجاب کے شہر کلر کہار کے قریب موٹر وے پر تیز رفتار مسافر وین اور ٹرالر کےتصادم میں چار افرادجاں بحق ہوگئے،

تیزرفتاری نےزندگی رفتارروک دی۔ گھرجانےکاسفرآخری سفربن گیا۔ چکوال سے سرگودھا جانےوالی تیزرفتاروین مسافروین ٹرالرسےٹکراگئی۔

خوفناک تصادم کےنتیجہ میں خاتون سمیت چارافرادموقع پر ہی جاں بحق ہوگئے۔حادثےکی اطلاع ملتےہیں امدادی ٹیم جائے حادثہ پر پہنچی۔

ریسکیو رضاکاروں نےحادثےمیں جاں بحق اورزخمی ہونےافراد کو ڈسٹرکٹ ہیڈکوارٹرزاسپتال چکوال منتقل کر دیا گیا۔

اسپتال ذرائع کے مطابق تین زخمیوں کی حالت تشویشناک ہے۔حادثے میں جاں بحق اور زخمی افرادکے لواحقین بڑی تعدادمیں پیاروں کی تلاش میں اسپتال پہنچ گئے۔

اپریل 7, 2015
جامشورو،مسافر کوچ اور رکشے میں تصادم،4 جاں بحق،2 زخمی

جامشورو/ سکھر: انڈس ہائی وے پر مسافر کوچ اور رکشے ٹکرا گئے، چار افراد جاں بحق دو زخمی ہوگئے۔ ادھر سکھر ٹول پلازہ پر وین کا گیس سلینڈر پھٹ گیا تاہم مسافر محفوظ رہے۔

تفصیلات کے مطابق جامشورو انڈس ہائی وے مہران یونیورسٹی کے سامنے مسافرکوچ اوررکشہ کے تصادم نےچارافراد کی جان لے لی۔

پولیس کے مطابق رکشہ رونگ سائیڈ سے جاتے ہوئے حادثے کا شکار ہوگیا۔ مرنے والوں میں دو خواتین سمیت رکشہ ڈرائیور شامل ہے جبکہ دوزخمیوں کو مقامی اسپتال منتقل کردیاگیا.

حادثے کے بعد شہریوں نے شدید احتجاج کیا،ٹول پلازہ سکھر پر گھو ٹکی سے شکارپور میلے میں جانے والی مسافروین میں اچانک آگ بھڑک اٹھی اوروین کا گیس سلینڈر دھماکے سے پھٹ گیا تاہم بروقت امدادی کارروائی کرکے تمام مسافروں کو بچالیا گیا۔

مقامی افراد کا کہنا ہے کہ تمام مسافروں کو اپنی مدد آپ اور پولیس کی مدد سے بچایاگیا۔ حادثے کے بعد وین ڈرائیور گاڑی چھوڑ کر فرار ہوگیا۔

مارچ 22, 2015
لاہورمیں خوفناک ٹریفک حادثہ: چارافراد جاں بحق

لاہور: سندر میں ٹریفک حادثے میں چار افراد جاں بحق ہوگئے جن میں تین کمسن بہن بھائی اور ان کی والدہ شامل ہیں جبکہ بچوں کا والد شدید زخمی ہے۔

پولیس کے مطابق بھائی پھیرو کا رہائشی گلزار لاہور میں بھٹے پرمحنت مزدوری کرتا تھا تاہم بارشوں کے سبب بھٹہ بند ہونے کے باعث وہ اپنی فیملی کے ہمراہ واپس اپنے گاؤں جارہا تھا کہ راستے میں بڑے ٹرالر کی ٹکر سے اس کی بیوی اور تین بچے موقع پر ہی جاں بحق ہوگئے گلزار شدید زخمی جبکہ گلزار شدید زخمی ہوگیا۔

جاں بحق ہونے والوں میں دو سالہ مہک ،چار سالہ داؤد ،سات سالہ پروین اور والدہ اللہ رکھی شامل ہیں چاروں افراد کی لاشیں ابتدائی تحقیقات کے بعد آبائی گاؤں پہنچا دی گئی ہیں۔

پولیس نے ٹرالر کے کلینر شیر خان، ہیلپر محمد یونس کو گرفتار کرلیا جبکہ میانوالی کا رہائشی ڈرائیورغلام محمد موقع سے فرار ہوگیا۔

مارچ 8, 2015
تیز رفتار کار نے ماں بیٹی کو کچل ڈالا

گوجرانوالہ : کار کی موٹرسائیکل کو ٹکر ماں بیٹی ہلاک ،دو بچوں سمیت تین افراد زخمی ،زخمیوں کو سول ہسپتال منتقل کردیا گیا۔

تفصیلات کے مطابق وزیرآباد کے قریب جی ٹی روڈ پرتیز رفتار کار کی ٹکر سے موٹرسائیکل پر سوار ماں بیٹی جاں بحق ہوگئیں جبکہ حادثے میں دو بچوں سمیت تین افراد زخمی ہو گئے۔

واجلہ کا رہائشی محمد بشیر اپنی بیوی صفیہ بی بی اور تین بچوں صوبیہ ،رابعہ اور زین کے وزیر آباد جا رہا تھا کہ وزیر آباد کے قریب پیچھے سے آنے والی کار نے موٹرسائیکل کو ٹکر مار دی۔

حادثے میں بشیر کی بیوی صفیہ بی بی اور بیس سالہ بیٹی ثوبیہ موقع پر ہلاک ہو گئیں جبکہ محمد بشیر ،رابعہ اور زین شدید زخمی ہو گئے جن کو ریسکیو1122نے فوری طبی امداد کے لئے سول ہسپتال منتقل کردیا ہے جہاں ان کو طبی امداد دی جا رہی ہے۔

مارچ 1, 2015
کراچی: واٹر ٹینکر کی زد میں آکر 3بچے جاں بحق

کراچی: بلدیہ ٹاون میں واٹر ٹینکر کی زد میں آکر ایک ہی خاندان کے تین بچے جان سے گئے۔

کراچی کے علاقے بلدیہ ٹاون ضیا کالونی میں ایک افسوسناک حادثہ پیش آیا، جہاں واٹرٹینکر کی زد میں آکر تین کم عمر بہن بھائی جان بحق اور تین بچے زخمی ہوگئے، پولیس نے ڈرائیور اور کلیئرکو حراست میں لے لیا ہے، چیخ و پکار سن کر اہل علاقہ جمع ہوگئے۔

جان بحق بچوں میں آٹھ سالہ عثمان اور اسکے چھ سالہ جڑوا بہن بھائی باسط اور مریم بھی شامل ہیں۔

اہلخانہ نے بتایا کہ علاقے میں پانی کی عدم فراہمی کے باعث واٹر ٹینکرز کی آمد ورفت زیادہ ہے، جسکی وجہ سے ٹریفک حادثات میں اضافہ ہورہا ہے، پولیس نے حادثے کا سبب بنے والے ٹینکر کے ڈرائیور کو گرفتار کرکے مقدمہ درج کردیا ہے۔

ڈرائیور کا کہناہے کہ ٹینکر کےبریک فیل ہوگئے تھے، ایس ایس پی اصفر مہیسر کے مطابق ٹینکر کے ڈرائیور اور کلینر کو حراست میں لے لیا گیا ہے اور بچوں کی لاشوں کو اسپتال منتقل کر دیا گیا۔

فروری 12, 2015
حب: تیز رفتاربس الٹنے سے چھ افراد جاں بحق، تیس زخمی

حب : بیلہ سے کراچی آنے والی منی بس وندر کے قریب الٹ گئی جس کے نتیجے میں تین بچوں سمیت چھ افراد جاں بحق اور تیس سے زائد زخمی ہو گئے ہیں۔

تفصیلات کے مطابق بلوچستان کے علاقے بیلہ سے کراچی آنے والی منی بس تیز رفتاری کی باعث وندر کے قریب الٹ گئی جس کے نتیجے میں تین بچوں سمیت چھ افراد جاں بحق اور تیس سے زائد زخمی ہو گئے ہیں ۔

زخمیوں کو ڈسٹرکٹ ہیڈکوارٹر اسپتال اوتھل منتقل کیا گیا ہے جبکہ چھ زخمیوں کی حالت تشویشناک ہے جنہیں کراچی منتقل کیا جا رہا ہے۔

جنوری 11, 2015