ARYNews.tv | Urdu – Har Lamha Bakhabar

Tag: Accountability

  • اب کسی کرپٹ اور بددیانت کو این آر او نہیں ملے گا، فیاض چوہان

    اب کسی کرپٹ اور بددیانت کو این آر او نہیں ملے گا، فیاض چوہان

    لاہور : وزیر جیل خانہ جات پنجاب فیاض الحسن چوہان نے کہا ہے کہ وزیر اعظم عمران خان کی قیادت میں احتساب کا بگل بج چکا ہے اور اب کسی کرپٹ، بددیانت کو کسی صورت این آر او نہیں ملے گا۔

    اپنے بیان میں ان کا کہنا ہے کہ اپوزیشن جماعتوں کی ” میٹھا میٹھا ہپ، کڑوا کڑوا تھو” کی پالیسی کے برعکس موجودہ حکومت عدالت عظمیٰ سمیت تمام معزز عدالتوں کے فیصلوں کا احترام کرتی ہے۔

    فیاض الحسن چوہان نے کہا کہ کرپشن کی بارش میں بھگے ہوئے آل زرداری اور آل شریف نے قومی خزانے کو گزند پہنچانے کا کوئی موقع ہاتھ سے جانے نہ دیا۔

    انہوں نے مزید بتایا کہ اسٹیٹ بنک نے الیکشن کمیشن میں ن لیگ اور پیپلز پارٹی کے خفیہ بینک اکانٹس سے متعلق رپورٹ پیش کی ہے جس کے مطابق شریف خاندان نے 12 اور زرداری خاندان نے 7 بینک اکانٹس خفیہ رکھے ہوئے تھے۔

    فیاض الحسن چوہان نے یہ بھی کہا کہ ان دونوں خاندانوں نے اقتدار کو اپنا اوڑھنا بچھونا بنایا اور عوامی فلاح کو نظر انداز کر کے صرف اپنوں کو نوازا۔

    صوبائی وزیر کا کہنا تھا کہ اس سے پہلے بھی شریف برادران نادہندہ ہونے کے باوجود اقتدار میں آئے اور پرویز رشید بھی پنجاب ہاؤس کے لاکھوں روپے کے نادہندہ نکلے۔

    وزیر جیل خانہ جات پنجاب فیاض الحسن چوہان نے مزید کہا کہ وزیر اعظم عمران خان کی قیادت میں احتساب کا بگل بج چکا ہے اور اب کسی کرپٹ، بددیانت کو کسی صورت این آر او نہیں ملے گا۔

  • شفاف اور جواب دہ پاکستان کے لیے شہریوں کی آواز اٹھنا ضروری ہے: حماد اظہر

    شفاف اور جواب دہ پاکستان کے لیے شہریوں کی آواز اٹھنا ضروری ہے: حماد اظہر

    اسلام آباد: وفاقی وزیر برائے اقتصادی امور حماد اظہر کا کہنا ہے کہ شفاف اور جواب دہ پاکستان کے لیے شہریوں کی آواز اٹھنا ضروری ہے۔

    تفصیلات کے مطابق وفاقی وزیر برائے اقتصادی امور حماد اظہر نے تقریب سے خطاب کرتے ہوئے کہا کہ پاکستان میں جمہوریت کے فروغ اور گڈ گورننس کے حل کا حصہ بننے کے لیے ڈیمو کریٹک ایجوکیشن اینڈ اکاؤنٹبلٹی کا شکریہ ادا کرتا ہوں۔

    حماد اظہر کا کہنا تھا کہ شفاف اور جواب دہ پاکستان کے لیے شہریوں کی آواز اٹھنا ضروری ہے، خوشی ہے اس پراجیکٹ نے شہریوں کو آواز بلند کرنے کے لیے بااختیار بنایا۔

    اس سے قبل ایک موقع پر حماد اظہر کا کہنا تھا کہ معیشت کی مکمل بحالی و ترقی کے لیے یکسوئی اور پالیسیوں کا تسلسل ناگزیر ہے۔ آئی ایم ایف کا ریویو معاشی اصلاحات کی کامیابی کی خبر دے رہا ہے۔

    انہوں نے کہا تھا کہ گزشتہ ادوار کی بدترین معاشی مینجمنٹ قوم کے لیے کئی تکالیف کا سبب بنی، موڈیز نے پاکستان کو مستحکم سے نکال کر منفی درجے میں شامل کرلیا، حکومت کی 15 ماہ کی انتھک محنت کے بعد موڈیز نے منفی کا لیبل ہٹا کرمستحکم کیا۔

    حماد اظہر کا مزید کہنا تھا کہ کرنٹ اکاؤنٹ خسارے میں 73 فیصد کمی قوم کے لیے بڑی خوشخبری سے کم نہیں ہے۔ نومبر 2018 میں خسارہ 1166 ملین ڈالرز تھا۔ نومبر 2019 میں خسارہ 319 ملین ڈالرز کی سطح تک کم ہوچکا ہے۔

  • احتساب سب کے لیے کی پالیسی پر عمل کرتے رہیں گے: چیئرمین نیب

    احتساب سب کے لیے کی پالیسی پر عمل کرتے رہیں گے: چیئرمین نیب

    اسلام آباد: قومی ادارہ احتساب (نیب) کے چیئرمین جسٹس (ر) جاوید اقبال کا کہنا تھا کہ کرپٹ عناصر کے خلاف احتساب کے لیے تمام وسائل بروئے کار لا رہے ہیں، احتساب سب کے لیےکی پالیسی پر عمل کرتے رہیں گے۔

    تفصیلات کے مطابق قومی ادارہ احتساب (نیب) کے چیئرمین جسٹس (ر) جاوید اقبال کا کہنا تھا کہ نیب ہر قسم کی بدعنوانی کے خاتمے کے لیے پرعزم ہے، احتساب سب کے لیے کی پالیسی پر عمل کرتے رہیں گے۔

    جاوید اقبال کا کہنا تھا کہ کرپٹ عناصر کے خلاف احتساب کے لیے تمام وسائل بروئے کار لا رہے ہیں، نیب نے آگاہی تدارک اور انفورسمنٹ پر مشتمل پالیسی اختیار کی ہے۔

    انہوں نے کہا کہ پالیسی کے مثبت نتائج سامنے آئے ہیں، نیب نے قیام سے اب تک 326 ارب روپے ریکور کیے ہیں۔ سنہ 2018 میں نیب نے 30 ارب ریکور کیے، گزشتہ 19 ماہ میں نیب نے ریکارڈ کامیابیاں حاصل کی ہیں۔

    چیئرمین نیب کا کہنا تھا کہ نیب نے عدالتوں میں 12 سو 49 بدعنوانی کے مقدمات دائر کیے، نیب کو موصولہ شکایات کی تعداد میں اضافہ نیب پر اعتماد کا اظہار ہے۔

    اس سے قبل ایک اجلاس کی صدارت کرتے ہوئے چیئرمین نیب کا کہنا تھا کہ اگر آپ لوگ محنت کریں گے، تو وہ وقت ضرور آئے گا جب ملک کی باگ ڈور نوجوانوں کے ہاتھ میں ہوگی۔

    انہوں نے کہا تھا کہ حکمرانی میں ریاست مدینہ کا تصور خوش آئند ہے، دعا ہے کہ یہ نظام آئے، کامیاب ہو اور ملک ترقی کرے۔

  • پورے ملک میں احتساب کا عمل جاری رہے گا، قاسم خان سوری

    پورے ملک میں احتساب کا عمل جاری رہے گا، قاسم خان سوری

    کوئٹہ: ڈپٹی اسپیکر قومی اسمبلی قاسم خان سوری کا کہنا ہے کہ جس نے بھی اس ملک کے عوام کے پیسے کھائے ہیں وہ احتساب سے نہیں بچے گا۔

    تفصیلات کے مطابق ڈپٹی اسپیکر قومی اسمبلی قاسم خان سوری نے میڈیا سے گفتگو کرتے ہوئے کہا کہ کوئٹہ کے عوام کو ٹینکرز مافیا کے رحم و کرم پر نہیں چھوڑ سکتے پینے کی صاف پانی کی فراہمی کے لئے اقدامات اٹھا رہے ہیں۔

    قاسم خان سوری نے کہا کہ کوئٹہ شہر کے لیے ایک نیا ماسٹر پلان تیار کررہے ہیں جس سے شہر میں پانی کی فراہمی میں مدد ملے گی۔

    انہوں نے کہا کہ پورے ملک میں احتساب کا عمل جاری رہے گا جس نے بھی اس ملک کے غریب عوام کے پیسے کھائے ہیں وہ احتساب سے نہیں بچے گا اور یہ عمل بلا تفریق جاری رہے گا۔

    ڈپٹی اسپیکر قومی اسمبلی نے کہا کہ نیب ایک خود مختار ادارہ ہے اس پر حکومت کا کوئی کنٹرول نہیں اس لئے کہ ہماری پارٹی کے کچھ ممبران کے خلاف بھی احتساب کا عمل جاری ہے اور وہ ممبران وزارت چھوڑ کر نیب میں پیش ہو رہے ہیں۔

    قاسم خان سوری نے کہا کہ ہماری حکومت نے بلوچستان کی محرومی دور کرنے کے لئے موجودہ بجٹ میں ترقیاتی اسکیموں کے لیے خطیر رقم رکھی ہے اور یہ رقم عوام کی بہتری کے لئے خرچ کریں گے۔

    انہوں نے مزید کہا کہ سابقہ حکومتوں نے عوام کے لیے کچھ نہیں کیا صرف اپنے جیبوں پر پیسے خرچ ہوئے وہ حکومتیں کچھ کرتی تو آج ہمارے لئے اتنے زیادہ مسائل کھڑے نہ ہوتے اور ملک 31 ہزار ارب ڈالر کا مقروض نہ ہوتا۔

  • سیاست میدان جنگ کا نقشہ پیش کررہی ہے،احتساب بلا تفریق کیا جائے، چوہدری نثار

    سیاست میدان جنگ کا نقشہ پیش کررہی ہے،احتساب بلا تفریق کیا جائے، چوہدری نثار

    اسلام آباد : سابق وزیر داخلہ چوہدری نثار علی خان  نے کہا ہے کہ پاکستان کی سیاست ایک میدان جنگ کا نقشہ پیش کررہی ہے، حکومت اور اپوزیشن ایک دوسرے کے ساتھ تعاون کریں۔

     یہ بات انہوں نے اسلام آباد میں میڈیا سے گفتگو کرتے ہوئے کیا، انہوں نے کہا کہ پاکستان کی سیاست ایک میدان جنگ کا نقشہ پیش کررہی ہے، موجودہ سیاسی حالات کی صورتحال ملک کی ترقی، استحکام اور مستقبل کے لیے زہر قاتل ہے۔

    اپوزیشن کو چاہئے کہ حکومت کو کارکردگی دکھانے کا موقع دے اور حکومت کا یہ فرض ہے کہ وہ اپوزیشن کو سانس لینے دے، چوہدری نثار کا مزید کہنا تھا کہ نام نہاد احتساب کے ذریعے سیاسی جماعتوں کو ختم نہیں کیا جاسکتا۔

    احتساب کی اہمیت اور ساکھ تب بحال ہو سکتی ہے جب بلاتفریق اور بلاامتیاز ہو، ایک سوال کے جواب میں سابق وزیر داخلہ نے کہا کہ امریکا اور طالبان کے درمیان مذاکرات ایک مثبت پیش رفت ہے تاہم حکومت کو مذاکرات پر بلاجواز کریڈٹ لینے گریز کرنا چاہیے کیونکہ کل اگر خدانخواستہ معاملات آگے نہ بڑھے تو اس کا سارا الزام پاکستان پر ڈال دیا جائے گا۔

    بھارت سے تعلقات پر گفتگو کرتے ہوئے ان کا کہنا تھا کہ ہمیں یہ اچھی طرح جان لینا چاہیے کہ پاکستان سے دوستی مودی حکومت کے خمیر میں ہی نہیں ہے۔

  • مخالفین چاہے جتنا روئیں یا پیٹیں احتساب کا عمل اب نہیں رکے گا، فواد چوہدری

    مخالفین چاہے جتنا روئیں یا پیٹیں احتساب کا عمل اب نہیں رکے گا، فواد چوہدری

    اسلام آباد : وفاقی وزیر اطلاعات فواد چوہدری نے کہا ہے کہ جب ہم چوروں اور ڈاکوؤں کے احتساب کی بات کرتے ہیں تو مخالفین کا گلا خشک ہوجاتا ہے، آپ نے جتنا رونا ہے روئیں، احتساب کا عمل اب نہیں رکے گا،  شہبازشریف کو حکومت نے نہیں نیب نے پکڑا ہے۔

    ان خیالات کا اظہار انہوں نے قومی اسمبلی کے اجلاس کے موقع پر خطاب  اور بعد ازاں میڈیا سے گفتگو کرتے ہوئے کیا، وفاقی وزیر اطلاعات نے اپنے خطاب میں اپوزیشن اراکین پر تابڑ توڑ باؤنسرز کرتے ہوئے انہیں شدید تنقید کا نشانہ بنایا۔

    انہوں نے کہا کہ جب ہم چوروں اور ڈاکوؤں کے احتساب کی بات کرتے ہیں تو ان کے چہرے فق ہوجاتے ہیں اور ان کا گلا خشک ہوجاتا ہے، اپوزیشن اراکین بہانوں بہانوں سے واک آؤٹ کریں گے، ان کا رویہ جمہوری نہیں ہے، ملک آگے نہیں بڑھ سکتا جب تک چوروں، ڈاکوؤں کو نہیں پکڑیں گے۔

    فواد چوہدری نے کہا کہ شہبازشریف کو حکومت نے نہیں نیب نے پکڑا ہے، وہ جانیں یا نیب جانے۔ وزیراعظم نے شہبازشریف کا کبھی نام نہیں لیا،
    وزیراطلاعات نے کہا کہ شہبازشریف کی گرفتاری سے حکومت کا کوئی تعلق نہیں، نوازشریف کی حکومت میں شہباز شریف کیخلاف مقدمہ بنا تھا، ان کیخلاف انکوائری ہوئی اور اب تفتیش میں گرفتار ہوئی ہے۔

    ن لیگ والے شہید فوجیوں کو تنقید کانشانہ بناتے ہیں تو ہمارادل دکھتا ہے، ایک سینیٹر شہید صوبیدار، حوالداراور فوج کی تضحیک کرتے ہیں، ہم یہاں اسمبلی میں اپنے شہدا کی تضحیک سننے کیلئے نہیں آئے۔

    سرحد پر شہداء پاکستان کیلئے اپنی جانوں کا نذرانے دے رہےہیں، چند سینیٹرز کا سپاہی، حوالدار، جرنیل کی تضحیک کارویہ ناقابل قبول ہے، اداروں پر تضحیک سے آگے نہیں بڑھاجاسکتا۔

    فواد چوہدری کا مزید کہنا تھا کہ ماضی میں ججز کو فون کرکے سزائیں تجویز کی جاتی تھیں، پی آئی اے، پاکستان اسٹیل سمیت کوئی ادارہ ایسا نہیں جو ٹھیک ہو، پی ٹی آئی کو ووٹ برابری کی بنیاد پر اور لٹیروں کے احتساب کیلئے ووٹ ملا ہے، آپ نے جتنا رونا ہے روئیں، احتساب کا عمل اب نہیں رکے گا، پاکستان میں موسم بدل رہے ہیں،اچھے موسم آرہے ہیں، جمہوریت ذمہ دار حکومت کا نام ہے۔

    فواد چوہدری نے اپوزیشن کی تنقید کا کرارا جواب دیتے ہوئے کہا کہ ہمیں کہا جاتا ہے کہ کنٹینر سے نیچے اتر آئیں، ہم کینٹینر سے کبھی نہیں اتریں گے کیونکہ پی ٹی آئی انقلابی پارٹی ہے اور رہے گی ،کنٹینر پر وقت گزارنے کیلئے کردار اور عوام کا ساتھ چاہئے جو آپ کے پاس نہیں ہے،

  • موجودہ دور حکومت میں سب کا احتساب ہوتا نظر آئے گا، فیصل جاوید

    موجودہ دور حکومت میں سب کا احتساب ہوتا نظر آئے گا، فیصل جاوید

    اسلام آباد : پی ٹی آئی کے سینیٹر فیصل جاوید نے کہا ہے کہ گڈ گورننس کے لئے اچھی اپوزیشن کا موجود ہونا ضروری ہے، عمران خان نے احتساب کے لئے اپنی کابینہ کو بھی پیش کیا ہے۔

    تفصیلات کے مطابق پاکستان تحریک انصاف کے رہنما سینیٹر فیصل جاوید نے کہا ہے کہ تاریخ گواہ ہے کہ ماضی میں حکمران این آر او لیتے رہے ہیں لیکن اس مرتبہ حکومت کسی این آر او کے لئے ساتھ نہیں دے گی۔

    سینیٹر فیصل جاوید نے کہا ہے کہ عمران خان نے بھی اسمبلی کہا کسی قسم کا این آر او نہیں دیں گے، گڈ گورننس کے لئے اچھی اپوزیشن کا موجود ہونا ضروری ہے۔

    پی ٹی آئی رہنما کا کہنا ہے کہ اصغرخان کیس پر ایف آئی اے کو سپریم کورٹ نے تحقیقات کا کہا تھا، دونوں جماعتوں میں چارٹر آف ڈیمو کریسی کا اصل مقصد مک مکا تھا، پچھلے5 سال میں کے پی دور حکومت میں ایک سیاسی کیس بتادیں۔

    ان کا کہنا تھا کہ عمران خان نے احتساب کا عمل خود سے شروع کیا ہے، عمران خان نے احتساب کے لئے اپنی کابینہ کو بھی پیش کیا ہے، موجودہ دور حکومت میں اصل احتساب سب کا ہوتا نظر آئے گا۔

    سینیٹر فیصل جاوید کا کہنا ہے کہ فیاض الحسن چوہان سے جو غلطی ہوئی اسے مانتے ہیں، حکومت میں آکر تحمل کیساتھ لوگوں کی باتوں کو بھی سننا پڑتا ہے۔

  • سانحہ ماڈل ٹاؤن: چیف جسٹس کا آئی جی پنجاب کو مکمل تفصیلات پیش کرنے کا حکم

    سانحہ ماڈل ٹاؤن: چیف جسٹس کا آئی جی پنجاب کو مکمل تفصیلات پیش کرنے کا حکم

    لاہور: چیف جسٹس آف پاکستان ثاقب نثارنے سپریم کورٹ رجسٹری لاہورمیں سانحہ ماڈل ٹاؤن کےمتاثرین کوانصاف نہ ملنے پرنوٹس لیتے ہوئےآئی جی پنجاب کوحکم دیا ہےکہ تاخیرکی وجوہات اورتفصیلات عدالت میں پیش کریں۔

    تفصیلات کے مطابق آج بروزاتوارسپریم کورٹ رجسٹری لاہورمیں چیف جسٹس ثاقب نثار نے سانحہ ماڈل کے متاثرین کوانصاف میں تاخیرکا نوٹس لیتے ہوئے پنجاب حکومت سے تاخیر کی وجوہات اورتفصیلات طلب کرلی۔ چیف جسٹس ثاقب نثارسے سانحہ ماڈل ٹاؤن میں شہید ہونے والی خاتون کی بیٹی سے ملاقات  بھی کی، اس دوران شہید خاتون کی بیٹی نے چیف جسٹس نےدرخواست کی کہ 4 سال گزرنےکےبعد بھی انصاف نہیں ملا۔

    جسٹس ثاقب نثارنے متاثرہ خاتون کو تسلی دیتے ہوئے کہا میرے ہوتے ڈرنے کی ضرورت نہیں ہے انصاف ضرورملے گا، انہوں نے آئی جی پنجاب سے تاخیرکی وجوہات اورتفصیلات جلد ازجلد رپورٹ کی صورت عدالت میں پیش کرنے کا حکم دے دیا۔

    صاف پانی پراجیکٹ

    چیف جسٹس نے صاف پانی کےحوالے سے لیے گئے ازخودنوٹس کی سماعت بھی کی۔ چیف جسٹس آف پاکستان نےصاف پانی کےسی ای او کی رپورٹ مسترد کرتے ہوئے کہا کہ سب کا احتساب ہوگا اورقوم کی ایک ایک پائی وصول کروں گا۔

    نوٹس کی سماعت کے دوران چیف سیکرٹری پنجاب بھی عدالت میں پیش ہوئے۔ انہوں نے عدالت کو صاف پانی کی فراہمی کے لیے کیے گئے اقدامات کی تفصیل بتاتے ہوئے پنجاب کی صاف پانی کمپنی میں4 ارب روپے کے اخراجات کا اعتراف کیا۔

    چیف سیکریٹری نےعدالت کے سامنے مؤقف اختیار کیا کہ منصوبے پر 4 ارب روپے لاگت آنے کے باوجود عوام کو پینے کے لیے پانی کا ایک قطرہ بھی مسیر نہیں آیا، مذکورہ کمپنی کے معاملات بہتر ہونے کے بجائے مزید نیچے آتے جارہے ہیں۔

    جسٹس ثاقب نثار کا کہنا تھا کہ کمپنیوں میں تقرریاں کرنے والوں سے پیسے وصول کیے جایئں گے اور تمام کمپنیوں کے سی ای اوز کو سرکاری ملازمت کے برابر تنخواہ دی جائے گی۔

    ان کا کہنا تھا کہ زعیم قادری کے بھائی اور ان کی بیگم کو کس اہلیت کی بنیاد پر بورڈ آف ڈائریکٹرز میں رکھا گیا ہے، جب تک عدلیہ موجود ہے کوئی سفارش یا رشوت نہیں چلے گی۔ انہوں نے کہا کہ اتنے اخراجات اشتہاری مہم پر خرچ کیے گئے لیکن منصوبے کی تکمیل نہ ہوسکی، 14 لاکھ دے کر سرکاری ملازم کو نوازا جارہا ہے تاکہ کام کروایا جاسکے۔

    لاہور میں آرسینک ملا پانی‘ چیف جسٹس ثاقب نثار برہم

    سپریم کورٹ میں صاف پانی کے سابق سی ای اوکا کہا ہے کہ پانی کے ماہرین کو بیرون ملک سے بلانے کے لیے وزیراعلیٰ پنجاب نےاختیارات نہ ہونے کے باوجود احکامات دیئے تھے۔ ہم نے وزیراعلیٰ کے احکامات پرعمل درآمد کیا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • شریف برادران احتساب سے فرارکی کوششیں کررہا ہے، پی ٹی آئی اجلاس کا اعلامیہ

    شریف برادران احتساب سے فرارکی کوششیں کررہا ہے، پی ٹی آئی اجلاس کا اعلامیہ

    اسلام آباد : پی ٹی آئی ترجمان نے کہا ہے کہ شریف برادران احتساب سے فرار کی کوششیں کررہا ہے، امریکا ہو یا سعودی عرب کہیں سے این آر او نہیں ملے گا۔

    تفصیلات کے مطابق اسلام آباد میں پاکستان تحریک انصاف کے زیر اہتمام ہونے والے اجلاس کا اعلامیہ جاری کردیا گیا، اسلام آباد میں عمران خان کی زیرصدارت ہونے والے پی ٹی آئی کے اجلاس میں شریف برادران کی سعودی عرب روانگی کے محرکات پرغور کیا گیا.

    اعلامیے میں کہا گیا ہے کہ شریف برادران احتساب سے فرار کی کوششیں کررہا ہے، امریکا ہو یا سعودی عرب شریف برادران کو کہیں سے این آر او نہیں ملے گا، قوم کی لوٹی دولت واپس کرنے کےسوا شریفوں کے پاس کوئی راستہ نہیں۔

    اس کے علاوہ اجلاس میں اسحاق ڈارکی کرپشن اور منی لانڈرنگ کا معاملہ بھی زیربحث آیا، اعلامیہ میں مزید کہا گیا ہے کہ سابق وزیر خزانہ اسحاق ڈار شریفوں کی کرپشن کی ایکسٹینشن ہیں، بطور فرنٹ مین اسحاق ڈار نے ہر مالی جرم میںشریفوں کی معاونت کی۔

    اجلاس میں پی اے ٹی کی اے پی سی اور تحریک قصاص کی حمایت کا اعادہ کیا گیا، دریں اثناء اجلاس میں ملکی معاشی صورتحال پر بھی انتہائی تشویش کا اظہار کیا گیا۔

    شرکاء کا کہنا تھا کہ قوم کے نام پر قرض لے کر اسے چوری کرنے کا سلسلہ مزید نہیں چل سکتا۔ اس کے علاوہ اجلاس میں فاٹا کے پختونخوا میں انضمام کامعاملہ بھی زیر بحث رہا۔

    مزید پڑھیں: فاٹا انضمام میں‌ تاخیر، پی ٹی آئی کا تحریک چلانے کا اعلان

    انضمام کاعمل التواء میں ڈالنے کی کوششوں کی متبادل حکمت عملی پر مشاورت بھی کی گئی، فاٹا کے انضمام کی تحریک کے مجوزہ خدوخال پر بھی گفتگو کی گئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • نیب کے کام میں تبدیلی اوراحتساب ہوتا نظرآئے گا، جسٹس (ر) جاوید اقبال

    نیب کے کام میں تبدیلی اوراحتساب ہوتا نظرآئے گا، جسٹس (ر) جاوید اقبال

    اسلام آباد : چیئرمین نیب جسٹس (ر) جاوید اقبال نے کہا ہے کہ نیب کے کام میں تبدیلی اور احتساب اب ہوتا نظر آئے گا، قوم کی توقعات پر پورا اتریں گے، نیب ہیڈ کوارٹر بلڈنگ کے تعمیری بجٹ کی انکوائری کرائی جائے گی۔

    تفصیلات کے مطابق نئے چئیرمین نیب جسٹس (ر) جاوید اقبال پاکستان سے کرپشن صاف کرنے کے لیے پرعزم ہیں، انہوں نے صفائی کا آغاز نیب ہیڈ کوارٹر سے کرانے کا اعلان کردیا۔

    چیئرمین نیب جسٹس ریٹائرڈ جاوید اقبال کی زیر صدارت نیب ہیڈ کوارٹر میں اجلاس ہوا جس میں اہم اور بڑے فیصلے کیے گئے۔

    اجلاس سے خطاب کرتے ہوئے چیئرمین نیب کا کہنا تھا کہ نیب ہیڈ کوارٹرز بلڈنگ کی تعمیر کے لیے پانچ سو ملین روپے مختص کیے گئے ہیں ،بلڈنگ آٹھ سو ستر ملین روپے میں مکمل ہوئی۔

    مزید پڑھیں: نیب میں کوئی سفارش یا دباؤ قبول نہیں کیا جائیگا، جسٹس (ر) جاوید اقبال

    انہوں نے بتایا کہ بلڈنگ کی تعمیر کے معاملے کی انکوائری کرائی جائے گی، اجلاس میں بتایا گیا کہ پاناما پیپرز میں شامل تمام آف شور کمپنیوں کا جائزہ لیا جارہا ہے۔

     مزید پڑھیں: میٹرواور پی آئی اے طیارے کی فروخت کی تحقیقات کا حکم

     ان کا کہنا تھا کہ ہر شہری بدعنوانی کے خاتمے کے لیے نیب کی طرف دیکھ رہا ہے، ہم قوم کی توقعات پر پورا اتریں گے، نیب کے کام میں تبدیلی اور احتساب اب ہوتا نظر آئے گا۔