ریاض: یمن کے شہر عدن پر صدر ہادی کی فوج نے مکمل کنٹرول حاصل کرلیا ہے۔
اتحادی فوج نے دعویٰ کیا ہے کہ یمن کے شہر عدن سےحوثی باغیوں کو مار بھگایا ہے۔
سعودی فوج کے ترجمان بریگیڈیئر جنرل احمد عصیری نے ریاض میں میڈیا بریفنگ میں بتایا کہ اتحادی افواج کی معاونت سے شہر عدن میں ایوان صد، ایئرپورٹ اور بندرگاہ پریمنی صدر ہادی کی فوج اورحامی قبائلی جنگجوؤں کا مکمل کنٹرول ہوگیا ہے۔
اتحادی فوج کے طیارے صدر منصور ہادی کے حامی قبائل کو اسلحہ فراہم کررہے ہیں اور جلد ہی صورت حال تبدیل ہوجائے گی۔
یمن: حوثی باغیوں کے خلاف سعودی عرب اور اتحادی ملکوں کے فضائی حملے پانچویں دن بھی جاری ہیں، حملوں میں چالیس افراد کی ہلاکت کی اطلاعات ہیں۔
یمن میں حوثی باغیوں کے خلاف عرب اتحاد کے حملے جاری ہیں، سعودی فوجی قافلوں کو یمن کی سرحد کے ساتھ علاقوں میں پیش قدمی کرتے ہوئے دیکھا گیا تاہم سعودی عرب کا کہنا ہے کہ حوثی باغیوں کے خلاف زمینی کارروائی کا فی الحال کوئی فیصلہ نہیں کیا گیا۔
سعودی فوجی ترجمان کا کہنا ہے کہ باغیوں کے میزائل ذخیرے کو تباہ کردیا گیا ہے اور یمن میں حوثیوں کے محفوظ ٹھکانوں کو تباہ کرنے کا مشن جاری ہے۔
دوسری جانب یمن میں حکومت کے حامیوں اورباغیوں کے درمیان جھڑپ میں باغیوں سمیت اڑتیس افراد ہلاک ہوگئے۔
یمن کے صوبے شبوہ میں حکومت کے حامیوں اور باغیوں کے درمیان جھڑپ ہوئی، حکومتی حامیوں نے اوسیلان میں باغیوں کے ٹھکانے پر حملہ کیا، شدید جھڑپ کے نتیجے میں تیس باغی مارے گئے جبکہ آٹھ اہلکار بھی ہلاک ہوگئے۔
یمن کی وزارت صحت نے فضائی حملوں نے پجہتر شہریوں کی ہلاکت اور چار سو پچاس سے زائد افراد کے زخمی ہونے کی تصدیق کی ہے۔
دوسری طرف حوثی باغیوں نے عدن شہر کے ہوائی اڈے پر دوبارہ قبضہ کرلیا۔