لاس اینجلس : شائقین فلم کا طویل انتظار ختم ہوگیا، ایکشن اور تھرل سے بھرپور فلم ‘ فاسٹ اینڈ فیوریس 9’ ریلیز کردی گئی۔
مذکورہ فلم کی ریلیز کورونا وائرس کی وجہ سے کئی بار ملتوی کی جا چکی تھی تاہم اب اسے روس اور مشرق وسطیٰ کے ممالک کے سنیما گھروں میں نمائش کیلئے پیش کردیا گیا۔
غیرملکی میڈیا رپورٹس کے مطابق فاسٹ اینڈ فیوریس9 روس اور مشرق وسطیٰ میں ریلیز کردی گئی جبکہ برطانیہ اور امریکا میں فلم 24 اور25 جون کو ریلیز کی جائے گی۔
دوسری جانب فاسٹ اینڈ فیوریس9 کی اداکارہ چارلیز تھیرون نے کہا ہے کہ فلم جنوبی کوریا میں ریلیز ہوگئی ہے۔انہوں نے مداحوں سے فلم دیکھنے کا بھی کہا۔
خطرناک ایکشن مناظر اور تھرل سے بھرپور فلم کو دیکھنے والے شائقین کی جانب سے ملے جلے ردعمل سامنے آرہے ہیں۔
واضح رہے "فاسٹ اینڈ فیوریس 9” کو اس پہلے بھی تاخیر کا سامنا کرنا پڑا تھا، کورونا وائرس کی وجہ سے گزشتہ سال بھی فلم کی ریلیز کو ملتوی کیا گیا تھا۔
