Tag: ACTION

  • کراچی میں‌ مکان سے مدفون اسلحے کا ذخیرہ برآمد

    کراچی میں‌ مکان سے مدفون اسلحے کا ذخیرہ برآمد

    کراچی: رینجرز نے ناظم آباد کے ایک مکان میں‌ چھاپہ مار کر بڑی تعداد میں دفن شدہ اسلحے کا ذخیرہ برآمد کر کے قبضے میں لے لیا۔

    Rangers unearth huge cache of arms in Nazimabad by arynews

    رینجرز کے اعلامیے کے مطابق گرفتار ملزمان کی نشاندہی پر کراچی کے علاقے میں ناظم آباد میں کارروائی کی گئی، دوران کارروائی زیر زمین اسلحے کی بڑی تعداد برآمد ہوئی۔

    اعلامیے میں کہا گیا ہے کہ ’’زیر زمین دفن اسلحہ 27 باکس برآمد ہوئے جن میں اسلحے اور گولیوں کی بڑی تعداد میں موجود تھی، برآمد کیے گئے اسلحے میں روسی ساختہ 7.62 ایم ایم پستول اور 12 ہزار 600 گولیاں برآمد کی گئی ہیں۔

    پڑھیں :  کراچی : رینجرز نے سرجانی ٹاؤن سے زیر زمین چھپایا اسلحہ برآمد کر لیا

    ترجمان رینجرز نے دعویٰ کیاہے کہ مبینہ طور پر برآمد کیا جانے والا اسلحہ شہر میں بدامنی پھیلانے اور ٹارگٹ کلنگ کے لیے استعمال ہونا تھا۔

    دوسری جانب رینجرز کی جانب سے جاری ایک اور اعلامیے میں بتایا گیا ہے کہ ’’ہیلپ لائن پر شہری کی جانب سے شکایت موصول ہونے کے بعد رینجرز نے لیاقت آباد میں کارروائی کرتے ہوئے فہیم نامی بھتہ خور کو گرفتار کرلیاہے‘‘۔

    رینجرز  اعلامیے میں کہا گیا کہ ’’ملزم کو تمام ثبوتوں کے ساتھ گرفتار کیا گیا ہے اور مزید تفتیش کے لیے پولیس کے حوالے کردیا گیا ہے، رینجرز نے شہری کا شکریہ ادا کرتے ہوئے یقین دہانی بھی کروائی ہے کہ ’’اُس کا نام صیغہ راز میں رکھا جائے گا‘‘۔

    یاد رہے اس سے قبل بھی رینجرز نے کراچی کے مختلف علاقوں کورنگی، لانڈھی، ملیر، لیاقت آباد، سرجانی، ناظم آباد کے علاوہ پاپوش نگر قبرستان، میوہ شاہ اور سخی حسن سمیت دیگر قبرستانوں سے گرفتار ملزمان کی نشاندہی پر مدفون اسلحہ برآمد کیا تھا۔

  • سندھ رینجرز کا ایکشن 8 ملزمان گرفتار اسلحہ برآمد

    سندھ رینجرز کا ایکشن 8 ملزمان گرفتار اسلحہ برآمد

    کراچی: سندھ رینجرز کی مختلف علاقوں میں کارروائیاں سیاسی جماعت کے 3 کارکنان سمیت 8 افراد گرفتار تفتیش کے لیے نامعلوم مقام پر منتقل کردیے گئے۔

    ترجمان رینجرز کی جانب سے جاری کردہ اعلامیہ میں کہا گیا ہے کہ گزشتہ روز کراچی کے مختلف علاقوں شاہ فیصل، کالونی، لانڈھی، بلدیہ ٹاؤن اور لیاقت آباد میں ٹارگٹڈ کارروائیاں کی گئیں، کارروائیوں کے دوران ایم کیو ایم کے عسکری ونگ سے تعلق رکھنے والے 3 کارکنان جب کے 3 کالعدم جماعت کے کارندوں اور 2 بھتہ خوروں کو گرفتار کیا ہے۔

    ترجمان رینجرز کے اعلامیے میں مزید کہا گیا ہے کہ ’’گرفتار ملزمان کے قبضے سے غیر قانونی اسلحہ اور بڑی تعداد گولیاں برآمد کی گئی ہیں جبکہ سیاسی جماعت کے کارکنان کو غیر قانونی اسلحہ رکھنے اور ٹارگٹ کلنگ کے مینہ الزام میں گرفتار کیاگیا ہے۔

    پڑھیں :   رینجرز کو اختیارات دینے کی کبھی مخالفت نہیں کی، فاروق ستار

    یاد رہے ایم کیو ایم کی جانب سے کارکنان کی گرفتاریوں اور جبری گمشدگیوں کے خلاف کراچی پریس کلب پر دو روزہ علامتی بھوک ہڑتال کی گئی تھی جب کہ ایم کیو ایم کی جانب سے آج منعقد کردہ ریلی بارشوں کی پیش نظر مؤخر کرنے کا اعلان کیا گیا ہے۔

     

  • پی سی بی کا حفیظ کے بولنگ ایکشن ٹیسٹ کیلئے آئی سی سی سے رابطہ

    پی سی بی کا حفیظ کے بولنگ ایکشن ٹیسٹ کیلئے آئی سی سی سے رابطہ

    لاہور: پی سی بی نے معطل بولر محمد حفیظ کا بولنگ ایکشن ٹیسٹ پانچ فروری کو کروانے کیلئے آئی سی سی کو درخواست بھیج دی ہے۔

    معطل بولر محمد حفیظ کا آفیشل ٹیسٹ لینے کیلئے بھی پی سی بی نے آئی سی سی سے رابطہ کرلیا ہے۔

     پاکستان کرکٹ بورڈ نے انٹرنیشنل کرکٹ کونسل کو درخواست کی ہے کہ محمد حفیظ کا بولنگ ایکشن ٹیسٹ پانچ فروری کو کروایا جائے، حفیظ کا بولنگ ایکشن نومبر میں غیر قانونی قرار پایا تھا۔

     دوسری جانب سعیداجمل بولنگ ایکشن ٹیسٹ کیلئے کل بھارت کے شہر چنائی روانہ ہونگے، جہاں اجمل جمعہ کو آئی سی سی کی منظور شدہ لیبارٹری میں آفیشل ٹیسٹ دینگے۔

     سعیداجمل اس سے قبل چار مرتبہ غیر سرکاری ٹیسٹ دے چکے ہیں، گذشتہ ہفتے انگلینڈ کی نجی لیبارٹری میں دیئے گئے غیر سرکاری ٹیسٹ میں اجمل کا ایکشن کلیئر قرار دیا گیا تھا۔

    ٹیسٹ کلیئر نہ ہونے کی صورت میںآئی سی سی کی بولنگ ریویو کمیٹی اجمل کو اگلے ٹیسٹ کے لئے وقت دیگی ۔

  • محمد حفیظ کا غیر سرکاری بولنگ ایکشن ٹیسٹ مکمل

    محمد حفیظ کا غیر سرکاری بولنگ ایکشن ٹیسٹ مکمل

    چنائے: آل راؤنڈرمحمد حفیظ کا غیر سرکاری بولنگ ایکشن ٹیسٹ بھارت میں مکمل ہو گیا۔

    پاکستان ٹیم کے لئے محمد حفیظ کا بولنگ ایکشن کلیئر ہونا بہت اہم ہے تاکہ وہ ورلڈ کپ میں بولنگ کرا سکیں، حفیظ کا غیر سرکاری بولنگ ایکشن ٹیسٹ آج چننئی میں ہوا جسکے دوران آئی سی سی کے حکام بھی شریک تھے،اب حفیظ کا سرکاری ٹیسٹ چھ جنوری کو ہوگا جسکے بعد انکے کلیئر ہونے کا حتمی فیصلہ ہو سکے گا، ورلڈ کپ سے قبل پہلے سعید اجمل اور پھر حفیظ کا معطل ہونا پاکستان ٹیم کے لئے دو بڑے دھچکے ہیں۔

  • محمد حفیظ  بولنگ ایکشن ٹیسٹ کیلئے چنائی پہنچ گئے

    محمد حفیظ بولنگ ایکشن ٹیسٹ کیلئے چنائی پہنچ گئے

    چنائی : محمد حفیظ کے بولنگ ایکشن کی غیر سرکاری جانچ آج چنائی کی بائیو میکنیک لیب میں ہونے کا امکان ہے، محمد حفیظ چنائی پہنچ گئے ہیں جہاں آج ان کا بولنگ ایکشن ٹیسٹ متوقع ہے۔

    پی سی بی کے ڈاکٹر سہیل سلیم بھی حفیظ کے ہمراہ ہیں۔ حفیظ کے غیر رسمی جانچ کا نتیجہ مثبت آیا تو آئی سی سی سے باقاعدہ ٹیسٹ کرانے کی درخواست کی جائے گی۔

    نیوزی لینڈ کے خلاف ابوظہبی ٹیسٹ میں حفیظ کا ایکشن رپورٹ ہوا تھا جس کے بعد آف اسپنر پر بین الاقوامی میچز میں بولنگ کرنے پر پابندی عائد کردی گئی تھی۔

    حفیظ کا ایکشن درست کروانے کے لئے ثقلین مشتاق اور اسپن بولنگ کوچ مشتاق احمد نے کام کیا۔ پابندی کے باعث حفیظ صرف بیٹسمین بن کر رہ گئے ہیں۔

  • شعیب ملک کا بولنگ ایکشن بھی مشکوک قرار

    شعیب ملک کا بولنگ ایکشن بھی مشکوک قرار

    دبئی : آئی سی سی کے نئے قوانین کے بعد قومی ٹیم کے اسپنر کی مشکلات میں اضافہ ہوتا جار ہا ہے۔ سعید اجمل اور محمد حفیظ کے بعد سابق کپتان شعیب ملک کا بولنگ ایکشن بھی مشکوک قرار دے دیا گیا۔

    سابق کپتان شعیب ملک کے بولنگ ایکشن پر اعتراض قائد اعظم ٹرافی کے میچ کے دوران کیا گیا۔کراچی ڈولفن کے خلاف میچ میں بولنگ کے دوران امپائرز قیصر وحید اور جمیل کامران نے شعیب ملک کی چند گیندوں پر اعتراض کیا اور مشکوک بولنگ ایکشن کے حوالے سے رپورٹ میچ ریفری انوارخان کو تحریری رپورٹ جمع کرادی۔

    شعیب ملک بولنگ ایکشن اس سے قبل دو ہزار ایک اور دو ہزار چار میں بھی رپورٹ ہوچکا ہے۔ شعیب ملک نے قائد اعظم ٹرافی کے میچ میں کراچی ڈولفن کے پانچ کھلاڑوں کو آؤٹ کیا۔

  • سعید اجمل کا ایکشن درست ہوسکتا ہے، مرلی دھرن

    سعید اجمل کا ایکشن درست ہوسکتا ہے، مرلی دھرن

    کولمبو: سری لنکا کے لیجنڈ آف اسپنر مرلی دھرن کا کہنا ہے کہ اگر ثقلین مشتاق محنت کریں تو سعید اجمل کا ایکشن درست ہوسکتاہے۔ایک انٹرویو میں سری لنکا کے سابق مایہ ناز آف اسپنر مرلی دھرن کا کہنا تھا کہ تمام بولرز کو آئی سی سی کے قوانین کے تحت بولنگ کرنی چاہیئے۔ انہوں نے کبھی پندرہ ڈگری سے زیادہ گیند نہیں کرائی۔

    مرلی نے کہا کہ سعید اجمل ورلڈ کلاس بولر ہیں۔ ان کا ایکشن درست ہوسکتا ہے لیکن اس کے لئے محنت کی ضرورت ہے۔ ثقلین مشتاق سعید اجمل کا ایکشن درست کرسکتے ہیں۔ ایک سوال پرمرلی کا کہنا تھا کہ پاکستان کو اپنی سرزمین پربین الاقوامی کرکٹ نہ ہونے کا نقصان ہورہا ہے۔ آئی سی سی بولنگ ایکشن ٹیسٹ میں ناکام ہونے کے سبب سعید اجمل پرپابندی عائد کی گئی تھی۔ اجمل آسٹریلیا سیریزمیں ٹیم کا حصہ نہیں ہیں۔

  • گارڈینز آف دی گلیکسی۔۔نے نمبر ون پوزیشن حاصل کرلی

    گارڈینز آف دی گلیکسی۔۔نے نمبر ون پوزیشن حاصل کرلی

    ہالی ووڈ باکس آفس پرسپرپاورزچھاگئے،فلم گارڈینزآف دی گیلیکسی نےنمبر ون پوزیشن حاصل کرلی۔

    دنیا پرقبضہ کرنےکا جنون سرچڑھ کربول رہاہے،طاقت ورسپرپاورز نےکرلی ہے تیاری ایک کےبعد ایک حملہ کرنےکی،ایسے میںامریکی پائلٹ پیٹرکا جہازغلطی سےسپر پاورز کی سرزمین پر پہنچ کرتباہ ہوجاتاہے اور یہیں سے شروع ہوجاتی ہےانسانوں اورسپرپاورزکی جنگ۔

    guardians-galaxy-movie-preview

    غیرمعمولی طاقتوں سے بھرپورمخلوق نے دنیا پرتوقبضہ نہ کیا مگر امریکی باکس آفس پر قبضہ جمالیا،فلم گارڈینزآف دی گلیکسی نےاکہترملین ڈالرزکا کھڑکی توڑبزنس کرلیا ہے۔

    باکس آفس پردوسری پوزیشن ہے گلوکارجیمزبراون پربنی فلم گیٹ آن اپ مگر اس فلم نے صرف سترہ اعشاریہ پانچ ملین ڈالرزکا معمولی بزنس کیا،جبکہ جرائم پر بننے والی ایکشن فلم لوسی نے بھی سترہ ملین ڈالرزکا بزنس کرکے تیسری پوزیشن حاصل کرلی ہے ۔