Tag: ACTION

کراچی: شہرقائد کے مختلف علاقوں میں پولیس نے کارروائیاں کرتے ہوئے 10 ملزمان کو گرفتار کرکے اسلحہ برآمد کرلیا۔

تفصیلات کے مطابق گلشن اقبال پولیس نے ایک خاتون سمیت چھ ملزمان کو گرفتار کیئے، ملزمان گھروں میں ڈکتیاں کیا کرتے تھے، ملزمان سے سونے، چاندی کے زیورات، لاکھوں کیش، ایک موٹر سائیکل، دو عدد بغیر لائسنس ٹی ٹی پسٹول مع سیون راؤنڈز اور دیگر مسروقہ سامان بھی برآمد ہوا۔

بلدیہ پولیس نے کارروائی کرکے ایک اسٹریٹ کرائم میں ملوث ملزم کو گرفتار کرلیا، ملزم سے ایک رائفل سیون ایم ایم، ریپیٹر بارہ بور بغیر نمبر مع ٹو راؤنڈز، دو عدد کارتوس برآمد کیئے۔

کراچی: رینجرز کی مختلف علاقوں میں کارروائیاں، 16 ملزمان گرفتار

دوسری جانب ابراہیم حیدری پولیس نے چھاپہ مار کر ایک منشیات فروش ملزم گرفتار کر لیا، ملزم کے قبضے سے ایک کلو سے زائد چرس برآمد ہوئی۔

علاوہ ازیں ملیر سٹی پولیس نے منشیات فروش ملزمان گرفتار کر لیے، پولیس نے دو ملزمان کو گرفتار کر کے منشیات برآمد کر لی۔

خیال رہے کہ گذشتہ روز شہر قائد کے علاقے نیوکراچی میں پولیس نے کارروائی کے دوران ایم کیوایم لندن کے 2 ٹارگٹ کلرز گرفتار کیے تھے۔

یاد رہے کہ 2 دسمبر کو کراچی کے علاقے گلشن اقبال میں ڈسکو بیکری کے قریب رینجرز نے کارروائی کرتے ہوئے ایم کیوایم لندن سے تعلق رکھنے والے ٹارگٹ کلر فاروق کو گرفتارکیا تھا۔

کراچی: شہرقائد کے مختلف علاقوں میں پولیس نے کارروائیاں کرتے ہوئے 8 ملزمان کو گرفتار کرلیا، جن کے قبضے سے اسلحہ سمیت مسروقہ سامان برآمد ہوا۔

تفصیلات کے مطابق چاکیواڑہ پولیس کے ہاتھوں دوران اسنیپ چیکنگ متعدد جرائم کی وارداتوں میں ملوث انتہائی مطلوب ڈکیت ہتھے چڑھ گیا۔

پولیس حکام کا کہنا ہے کہ اسنیپ چیکنگ کے دوران جرائم پیشہ عناصر کو دبوچا گیا، ملزم کے قبضے سے غیر قانونی اسلحہ بمعہ لوڈ میگزینز برآمد کیا۔

لنک روڈ کورنگی پر دوران اسنیپ چیکنگ پولیس کی کارروائی کے دوران اسلحہ، موٹر سائیکل سمیت ملزم گرفتار ہوا۔

کراچی: پولیس کی مختلف علاقوں میں کارروائیاں، 25 ملزمان گرفتار، اسلحہ برآمد

دسری جانب موٹر سائیکل چوری کرنے والا بچوں کا چھ رکنی گروہ سرسید پولیس کے ہاتھوں گرفتار ہوگیا، ملزمان نے دوران تفتیش درجنوں وارداتوں کا اعتراف کرلیا، نشاندہی پر نو موٹرسائیکل اور دو پستول بھی برآمد ہوئے۔

خیال رہے کہ دو روز قبل شہر قائد کے مختلف علاقوں میں پولیس نے کارروائیاں کرکے بائیس ملزمان گرفتار کیے تھے، ملزمان سے اسلحہ اور مسروقہ سامان بھی برآمد ہوا تھا۔

واضح رہے کہ پولیس نے گذشتہ ہفتے بھی شہر میں اہم کارروائیاں کی تھیں جس کے باعث 25 ملزمان دھر لیے گئے تھے۔

کراچی: شہر قائد کے مختلف علاقوں میں پولیس نے کارروائیاں کرکے بائیس ملزمان گرفتار کرلیے، ملزمان سے اسلحہ اور مسروقہ سامان بھی برآمد ہوا۔

تفصیلات کے مطابق ابرہیم حیدری پولیس نے ڈکیتی ناکام بنا دی، دو ڈاکوؤں کو گرفتار کرکے دو پستول اور شہری سے لوٹا ہوا سامان برآمد کرلیا۔

پولیس نے گلشن اقبال میں کارروائی کے دوران دو ڈاکو دھرلیے، ملزمان سے اسلحہ، میگزین اور نقدی بھی برآمد کی، پولیس نے کورنگی صنعتی ایریا سے آٹھ ملزمان گرفتار کیئے، ملزمان سے اسلحہ، کیش، شراب اور بھاری مقدار میں گٹکا برآمد ہوا۔

عزیز آباد سے تین اسٹریٹ کرمنلز کو حراست میں لیا گیا، ملزمان سے اسلحہ اور چوری شدہ موٹر سائیکل برآمد ہوئی، ملیر مبینہ ٹاؤن میں پولیس کی کارروائی کے دوران تین ملزمان پر مشتمل گروہ منشیات فروش گرفتار ہوئے۔

پولیس کے مطابق ملزمان کے قبضے سے چرس اور مسروقہ موٹر سائیکل برآمد کی گئی ہے، جبکہ گلشن معمار سے منشیات فروش گرفتار ہوا، ایک کلو منشیات بھی برآمد ہوئی۔

علاوہ ازیں بلوچ کالونی پولیس نے کارروائی کے دوران منشیات فروش گرفتار کیا، جن کے قبضے سے دو کلو چرس برآمد کرلی گئی۔

گلبرگ پولیس نے کارروائی کے دوران دو ڈکیت گرفتار کرلیئے جن سے ایک نائن ایم ایم ، ایک ٹی ٹی پستول اور موٹر سائیکل برآمد کی۔