کراچی: شہرقائد کے دو مختلف علاقوں میں ہونے والے پولیس مقابلوں کے نتیجے میں 2 ملزمان ہلاک اور ایک زخمی ہوگیا۔
تفصیلات کے مطابق کراچی کے علاقے حیدری اور لیاری میں پولیس مقابلے ہوئے، جس کے باعث دو ملزمان کی ہلاکت ہوئی جبکہ اور زخمی حالت میں گرفتار ہوا۔
پولیس حکام کا کہنا ہے کہ حیدری میں مبینہ پولیس مقابلے میں 2 ڈاکو مارے گئے، ڈاکو سمن آباد سے موٹر سائیکل چھین کر فرار ہوئے تھے۔
پولیس کے مطابق ڈاکوؤں سے 7 موبائل فونز اور 2 پستول برآمد ہوئے ہیں، ڈاکوؤں کی ہلاکت کے بعد مزید قانونی کارروائی کر رہے ہیں۔
دوسری جانب کراچی کے علاقے لیاری میں کلری کے مقام پر مبینہ پولیس مقابلہ ہوا، فائرنگ کے تبادلے کے بعد ایک ملزم کو زخمی حالت میں پولیس نے گرفتار کرلیا۔
کراچی میں رینجرز کی پیٹرولنگ اور اسنیپ چیکنگ، 16 ملزمان گرفتار
پولیس کا کہنا تھا کہ ملزم ظہیر اسٹریٹ کرائم کی 50 سے زائد وارداتوں میں ملوث ہے، ملزم کے قبضے سے نائن ایم ایم پستول اور موٹرسائیکل برآمد ہوئی۔
علاوہ ازیں شہر قائد میں رینجرز کی پیٹرولنگ اور اسنیپ چیکنگ میں تیزی آ گئی، مختلف علاقوں میں زبردست کارروائیوں کے دوران 16 ملزمان کو حراست میں لے لیا گیا۔
خیال رہے کہ رینجرز کے ہاتھوں گرفتار ملزمان میں گینگ وار، اسٹریٹ کرمنل، ڈکیت اور منشیات فروش شامل ہیں۔
