ARYNews.tv | Urdu – Har Lamha Bakhabar

Tag: ACTION

  • فیفا کا نجی نشریاتی ادارے کے خلاف قانونی چارہ جوئی کا فیصلہ، سعودیہ کا خیر مقدم

    فیفا کا نجی نشریاتی ادارے کے خلاف قانونی چارہ جوئی کا فیصلہ، سعودیہ کا خیر مقدم

    ریاض: سعودی عرب نے فیفا کی جانب سے فٹبال ورلڈ کپ کے میچز دکھانے کے جرم میں نجی ٹی وی چینل کے خلاف قانونی چارہ جوئی کرنے کے فیصلے کا خیر مقدم کیا ہے۔

    تفصیلات کے مطابق فٹبال کی عالمی فیڈریشن (فیفا) کی جانب سے بی آؤٹ کیو نامی نجی ٹی وی چینل کے خلاف روس میں منعقدہ فٹبال میچز کو غیر قانونی طور پر نشر کرنے کے جرم میں قانونی کارروائی کرنے کا فیصلہ کیا ہے، جس کا سعودی حکومت نے خیر مقدم کیا ہے۔

    سعودی عرب کی وزارت میڈیا امور کے ترجمان کا کہنا تھا کہ فٹبال کی عالمی فیڈریشن کے نجی ٹی وی چینل کے خلاف کارروائی کرنے سے سعودی عرب کو بی آؤٹ اور بی ان کی غیر قانونی نشریات پر پابندی لگانے میں مزید تقویت ملے گی۔

    غیر ملکی خبر رساں ادارے کے مطابق سعودی عرب کے حکام اپنی سرحدوں کے اندر انٹلیکچوئل پراپرٹی رائٹس ک حفاظت کے لیے کوشاں ہے۔

    غیر ملکی خبر رساں ادارے کے مطابق سعودی عرب کا حکام کا کہنا ہے کہ بی ان ٹی وی چینل الجزیرہ میڈیا گروپ کا ذیلی ادارہ ہے، جسے فیفا کی جانب سے میچ دکھانے کا لائسنس دیا گیا ہے تاہم مذکورہ قطری چینل نے مملکت کے خلاف مہم شروع کی ہوئی ہے۔

    غیر ملکی خبر رساں ادارے کا کہنا تھا کہ سعودی حکام نے الجزیرہ ٹی وی چینل پر دہشت گردوں اور دہشت گرد گروپس کی حمایت اور معاونت کرنے کے جرم میں سعودی عرب میں چینل کی نشریات پر پابندی عائد کی ہوئی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • کیپٹن (ر) صفدر کی گرفتاری، نیب کا رکاوٹ ڈالنے والوں کی عدم گرفتاری پر اظہار برہمی

    کیپٹن (ر) صفدر کی گرفتاری، نیب کا رکاوٹ ڈالنے والوں کی عدم گرفتاری پر اظہار برہمی

    اسلام آباد: کیپٹن ریٹائرڈ صفدر کی گرفتاری کے دوران رکاوٹ ڈالنے والوں کی عدم گرفتار پر نیب نے شدید برہمی کا اظہار کیا ہے۔

    تفصیلات کے مطابق گذشتہ روز ایوان فیلڈ ریفرنس میں سزا پانے والے سابق وزیر اعظم نواز شریف کے داماد کیپٹن (ر) صفدر کو گرفتار کر کے اڈیالہ جیل منتقل کیا گیا تھا تاہم ان کی گرفتاری میں نیب کو رکاوٹوں کا سامنا کرنا پڑا تھا۔

    نیب کی جانب سے جاری کردہ اعلامیے کے مطابق چیئرمین نیب نے رکاوٹ ڈالنے والوں کی عدم گرفتاری پر اظہار برہمی کرتے ہوئے ڈی جی نیب راولپنڈی کو فوری انکوائری کا حکم دیا ہے۔

    نیب نے مجرم کیپٹن (ر) صفدر کو پناہ دینے والوں کا پتا لگالیا

    اعلامیے میں کہا گیا ہے کہ راولپنڈی پولیس کا رویہ انتہائی غیر سنجیدہ ہے، نیب راولپنڈی مقدمے کے بعد کی صورت حال مانیٹر کررہی ہے۔

    اعلامیے کے مطابق تمام صورت حال سے چیئرمین نیب کو آگاہ رکھا جارہا ہے، جبکہ گرفتاریاں نہ ہوئیں تو احتساب عدالت کے نوٹس میں لایا جائے گا۔

    کیپٹن ریٹائرڈ صفدر کے لیے جیل میں بھی شاہانہ لوازمات

    چیئرمین نیب کی جانب سے مجرم کیپٹن صفدر کو تحفظ دینے والوں کے خلاف نوٹس کے بعد نیب نے مجرم کیپٹن (ر)صفدر کو پناہ دینے والوں کا پتہ بھی لگالیا ہے۔

    نیب ذرائع کا کہنا تھا کہ شکیل اعوان، چوہدری تنویر، ملک ابرار و دیگر نے کیپٹن(ر)صفدر کو پناہ دی جبکہ لیگی رہنماؤں نے مجرم کی گرفتاری میں بھی رکاوٹ ڈالی، گرفتاری میں رکاوٹ ڈالنے والے تمام افراد کے خلاف کارروائی ہوگی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • نیب کا ایڈیشنل ڈپٹی ڈی جی سندھ بلڈنگز کنٹرول اتھارٹی عادل عمر کے گھر پر چھاپہ

    نیب کا ایڈیشنل ڈپٹی ڈی جی سندھ بلڈنگز کنٹرول اتھارٹی عادل عمر کے گھر پر چھاپہ

    کراچی: شہر قائد میں نیب نے ایڈیشنل ڈپٹی ڈی جی سندھ بلڈنگز کنٹرول اتھارٹی (ایس بی سی اے) عادل عمر کے گھر پر چھاپہ مار کر نقدی، زیورات، تین گاڑیاں اور اراضی سے متعلق دستاویزات تحویل میں لے لیں۔

    تفصیلات کے مطابق کراچی میں نیب کی جانب سے اہم کارروائی کی گئی، ایڈیشنل ڈپٹی ڈی جی ایس بی سی اے عادل عمر کے گھر پر چھاپہ مار کر مسلسل پانچ گھنٹے تک گھر کی تلاشی لی گئی۔

    ذرائع کا کہنا ہے کہ نیب کی اس بڑی کارروائی میں اہم دستاویرات تحویل میں لی گئی ہیں، جبکہ نقدی، زیورات سمیت تین گاڑیاں بھی قبضے میں لی گئی ہیں، عادل عمر سندھ ہائیکورٹ سے ضمانت پر ہیں۔

    نیب کی کارروائیاں کوئی نہیں روک سکتا، چیئرمین نیب

    خیال رہے کہ نیب نے کرپشن کے الزام میں سندھ بلڈنگز کنٹرول اتھارٹی ( ایس بی سی اے ) کے ڈائریکٹر جنرل کے خلاف وسیع پیمانے پر انکوائری شروع کردی ہے۔

    یاد رہے کہ اس سے قبل ایس بی سی اے کے سابق و مفرور ڈائریکٹر جنرل منظور قادر عرف کاکا نیب کی تحقیقات شروع ہوتے ہی ملک سے فرار ہوچکے ہیں۔

    نیب کی کارروائیاں، سیکریٹری بلدیات نے دفتری امور احتجاجاً بند کردیے

    ذرائع کا کہنا ہے کہ وہ اور ان کے ماتحت بعض افسران مبینہ طور پر پی سی ایچ سوسائٹی کے بلاک 6 کے نصف درجن سے زائد پلاٹوں پر غیر قانونی تعمیرات میں ملوث ہیں۔

    ذرائع کا کہنا تھا کہ ان مبینہ کرپٹ افسران نے غیر قانونی تعمیرات کے لیے بطور رقم بھاری رشوت لی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • اسرائیلی فوجی آپریشنز کے دوران ویڈیوز اور تصاویر بنانے والے کو سزا دینے کا بل منظور

    اسرائیلی فوجی آپریشنز کے دوران ویڈیوز اور تصاویر بنانے والے کو سزا دینے کا بل منظور

    تل ابیب : اسرائیلی پارلیمنٹ نے حکومت کی جانب سے آپریشن کے دوران اسرائیلی فوجیوں کی فلم یا تصویر بنانے والوں کو سزا دینے کا بل منظور کرلیا ہے۔

    تفصیلات کے مطابق اسرائیلی حکومت نے نیا قانون نافذ کیا ہے جس کے بعد اسرائیلی فوجیوں کی فلسطینیوں کے خلاف آپریشن کرتے ہوئے ویڈیو، یا تصاویر بنانا جرم شمار کیا جائے گا۔

    اسرائیلی خبر رساں ادارے کے مطابق اتوار کے روز اسرائیلی حکومت کی جانب سے پیش کردہ تجویز کو اسرائیلی پارلیمنٹ نے منظور کرلیا ہے, جس کے بعد صیہونی فوجیوں کی دوران آپریشن ویڈیو یا تصاویر بنانے والوں کو سزا دی جائے۔

    اسرائیلی وزیر اعظم کے ترجمان کا کہنا تھا کہ فلسطینیوں کے خلاف آپریشنز کے دوران بنائی جانے والی ویڈیوز اور تصاویر صیہونی فوجیوں کی روح کو نقصان پہنچاتی ہیں اور ملکی سلامتی کے لیے بھی خطرہ ہیں۔

    اسرائیلی وزیر اعظم بنیامن نیتن یاہو کے ترجمان کا کہنا تھا کہ اگر کوئی شخص اسرائیلی فوجیوں کی ویڈیو بناتا ہوا پکڑا گیا تو اسے 5 سے 10 برس قید کی سزا سامنا کرنا ہوگا۔

    غیر ملکی خبر رساں ادارے کا کہنا تھا کہ اسرائیلی حکومت کی جانب سے مذکورہ بل سوشل میڈیا پر وائرل ہونے والی اسرائیلی فوجیوں کی ویڈیوز اور تصاویر کے بعد منظور کیا گیا ہے، جس میں اسرائیلی فوجیوں کو فلسطینیوں کے ساتھ بد سلوکی کرتے ہوئے اور انہیں قتل کرتے ہوئے دیکھا گیا ہے۔

    غیر ملکی میڈیا کا کہنا تھا کہ سوشل میڈیا پر ایک ویڈیو وائرل ہوئی تھی جس میں صیہونی فوجی نے ایک نہتے فلسطینی شہری کو گولی مار قتل کیا تھا، اسرائیلی ملٹری کورٹ نے ویڈیو میں صیہونی فوجی کے واضح طور پر نظر آنے پر 9 ماہ قید کی سزا سناتے ہوئے جیل منتقل کردیا تھا۔ جو گذشتہ ماہ جیل سے رہا ہوا ہے۔

    خیال رہے کہ اسرائیلی سپاہی ایلور آزاریا کی ویڈیو انسانی حقوق کی ’بی تسلیم‘ نامی تنظیم کے ایگزیکیٹو ڈائریکٹر ہگائی ایل ایڈ نے مذکورہ فجوی کے خلاف ثبوت کے طور پر بنائی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سعودی اتحادی افواج کی یمن میں کارروائی، اقوام متحدہ کا اظہار تشویش

    سعودی اتحادی افواج کی یمن میں کارروائی، اقوام متحدہ کا اظہار تشویش

    صنعا: سعودی اتحادی افواج کی جانب سے یمن میں بڑی کارروائی کے آغاز پر اقوام متحدہ نے شدید تشویش کا اظہار کر دیا۔

    تفصیلات کے مطابق ایرانی حمایت یافتہ حوثی جنگجؤوں کو اتحادی افواج کی جانب سے انخلا کے لیے دی گئی مہلت ختم ہونے پر سعودی اتحادی افواج نے یمن کی انتہائی اہم بندر گاہ الحدیدہ پر حملہ کردیا ہے جس پر اقوام متحدہ کو بڑے پیمانے پر نقصان کا اندیشہ ہے۔

    اقوام متحدہ کے ادارہ برائے مہاجرین کے سربراہ فیلیپو گرانڈی نے جاری کردہ اپنے بیان میں کہا ہے کہ سعودی اتحادی افواج کو اور حاثی باغیوں کو مذکرات سے معاملہ حل کرنا چاہیے بصورت دیگر حالات مزید سنگین ہوجائیں گے۔

    بیان کے مطابق سعودی اتحادی فوج نے جو کارروائی یمن میں شروع کی ہے اس سے بڑے پیمانے پر نقصان ہوگا، ہزاروں افراد کی زندگیاں خطرے میں پڑسکتی ہیں، مہاجرین میں اضافے کا سبب بھی بن سکتی ہے۔

    سعودی اتحادی افواج کی حوثی باغیوں کے خلاف کارروائی

    بیان میں مزید کہا گیا تھا کہ لڑائی سے مسئلے کا حل نہیں نکل سکتا، ضروری ہے کہ دونوں فریقین مذاکرات کی ٹیبل پر بیٹھیں اور ایک دوسرے کے مفاد کو مدنظر رکھتے ہوئے مسئلہ حل کریں۔

    خیال رہے کہ سعودی اتحادی افواج نے حوثی باغیوں کے خلاف زمینی کارروائیوں کا دائرہ بڑھاتے ہوئے فوجی آپریشن میں فضائی اور سمندری افواج کی مدد بھی حاصل کرلی ہے، جس کے بعد فضا اور سمندر سے بھی حوثیوں کے ٹھکانوں کو نشانہ بنایا جارہا ہے۔

    دوسری جانب یمن میں امدادی سرگرمیاں انجام دینے والی ایجنسیوں نے شہر پر حملے کی صورت میں ڈھائی لاکھ افراد کی زندگی ضائع ہونے کا خدشہ ظاہر کیا ہے، امدادی ٹیموں نے کہا ہے کہ سعودی افواج کی شہر پر کارروائی بڑی تباہی کا باعث بن سکتی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • بنگلہ دیش: اقوام متحدہ کا منشیات فروشوں کے خلاف آپریشن روکنے کا مطالبہ

    بنگلہ دیش: اقوام متحدہ کا منشیات فروشوں کے خلاف آپریشن روکنے کا مطالبہ

    ڈھاکا: اقوام متحدہ نے بنگلہ دیش حکام پر زور دیتے ہوئے مطالبہ کیا ہے کہ وہ فوری طور پر ملک میں جاری منشیات فروشوں کے خلاف آپریشن بند کرے۔

    تفصیلات کے مطابق بنگلہ دیش کی وزیر اعظم شیخ حسینہ کی جانب سے منشیات فروشوں اور ڈیلرز کے خلاف آپریشن شروع کیا گیا ہے جس میں اب تک سینکڑوں منشیات ڈیلرز ہلاک ہوچکے ہیں۔

    عالمی خبر رساں ادارے کے مطابق اقوام متحدہ کا ادارہ برائے انسانی حقوق نے ڈھاکا حکومت کے اس اقدام پر تشویش کا اظہار کرتے ہوئےکہا کہ بلاشبہ منشیات فروشی یا منشیات کا استعمال ایک غیر قانونی عمل ہے لیکن آپریشن کی آڑ میں سینکڑوں لوگوں کی ہلاکت کسی صورت قبول نہیں کی جائے گی۔

    بنگلہ دیش: منشیات فروشوں کے خلاف آپریشن، 103 افراد ہلاک، 9 ہزار سے زائد گرفتار

    ادارہ برائے انسانی حقوق نے بنگلہ دیش سے مطالبہ کیا ہے کہ وہ منشیات کے مشتبہ مجرموں کی ہلاکتوں کا سلسلہ بند کرے، سکیورٹی اہلکار منشیات فروشی میں ملوث ہونے کی بنیاد پر گزشتہ تین ہفتوں میں ایک سو تیس مشتبہ افراد کو ہلاک اور تیرہ ہزار کو گرفتار کر چکے ہیں۔

    خیال رہے کہ بنگلہ دیش میں حالیہ مہینوں کے دوران نشے کے لیے میتھ ایمفیٹامین نامی گولیوں کا استعمال بہت بڑھ چکا ہے جو کئی دیگر منشیات کے ساتھ اس ملک میں ہمسایہ ریاست میانمار سے اسمگل کی جاتی ہیں۔

    واضح رہے کہ بنگلہ دیش میں انسداد منشیات کی اس ملک گیر مہم میں مرکزی کردار جرائم کی روک تھام کے لیے سرگرم ریپڈ ایکشن بٹالین یا آر اے بی نامی اسپیشل پولیس کے دستے ادا کر رہے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • برطانیہ: حکمران جماعت میں موجود مذہبی امتیاز رکھنے والوں کے خلاف انکوائری کا مطالبہ

    برطانیہ: حکمران جماعت میں موجود مذہبی امتیاز رکھنے والوں کے خلاف انکوائری کا مطالبہ

    لندن: برطانیہ میں موجود مسلم تنظیم کی جانب سے مطالبہ کیا گیا ہے کہ موجودہ حکومت اپنی جماعت میں ایسے افراد کے خلاف انکوائری کرے جو مذہبی اور نسلی امتیاز رکھتے ہیں۔

    تفصیلات کے مطابق مسلم تنظیم کے سربراہ کی جانب سے برطانوی وزیر اعظم ’تھریسا مے‘ کو خط لکھا گیا ہے جس میں مطالبہ کیا گیا ہے کہ حکمران جماعت ’کنزرویٹو پارٹی‘ میں موجود نسلی اور مذہبی امتیاز رکھنے والے اراکین کے خلاف فوری انکوائری کی جائے۔

    غیر ملکی خبر رساں ادارے کے مطابق خط میں کہا گیا ہے کہ حکمران جماعت میں ایسے اراکین موجود ہیں جو مسلمانوں کے خلاف سخت رویہ رکھتے ہیں، اور ان کے حالیہ اور ماضی میں دیے گئے مسلمانوں سے متعلق بیانات کو مدنظر رکھتے ہوئے انکوائری کروائی جائے۔

    مذہبی منافرت پرمبنی مہم، لندن کے نومنتخب میئر نے ڈیوڈ کیمرون کو آڑے ہاتھوں لے لیا

    خط میں آزادانہ انکوائری کا مطالبہ کرتے ہوئے کہا گیا ہے کہ اس کا تعین ضروری ہے کہ برطانیہ میں تمام سیاسی جماعتیں اس عزم پر قائم رہیں کہ نسلی تعصب اور ہر قسم کی مذہبی انتہا پسندی کی کوئی گنجائش نہیں ہونی چاہیے، اور جو کوئی ایسا رویہ رکھتا ہے تو یہ نامناسب تصور کیا جائے گا۔

    خط کے مطابق سیاسی پارٹیوں کو ایسے اقدامات کی حوصلہ شکنی کرنی چاہیے جن سے اقلیتی حلقوں کو مجموعی معاشرتی دھارے سے علیحدہ اور تنہا کرنے کی کوشش کی جاتی ہے، اگر یہ سلسلہ جاری رہا تو آگے معاملات خراب ہوسکتے ہیں۔

    امریکہ میں ایک اور مسلم خاتون مذہبی نفرت کا نشانہ بن گئی

    دوسری جانب اس خط کے حوالے سے حکمران کنزرویٹو پارٹی کے ترجمان کی جانب سے کہا گیا ہے کہ اُن کی سیاسی جماعت اسلاموفوبیا اور نسلی امتیاز کے تمام واقعات کا سنجیدگی سے نوٹس لینے کا سلسلہ جاری رکھے ہوئے ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • بنگلہ دیش: منشیات فروشوں کے خلاف آپریشن، 103 افراد ہلاک، 9 ہزار سے زائد گرفتار

    بنگلہ دیش: منشیات فروشوں کے خلاف آپریشن، 103 افراد ہلاک، 9 ہزار سے زائد گرفتار

    ڈھاکہ: بنگلہ دیشں میں جاری منشیات فروشوں کے خلاف آپریشن میں اب تک 103 افراد ہلاک جبکہ 9 ہزار سے زائد افراد کو گرفتار کر لیا گیا ہے۔

    تفصیلات کے مطابق بنگلہ دیش میں انسداد منشیات کی ملک گیر مہم شروع کی جاچکی ہے جس کے تحت ملک کے مختلف علاقوں میں منشیات فروشوں کے خلاف پولیس کا آپریشن جاری ہے اور اس دوران اب تک متعدد ڈرگ ڈیلرز ہلاک ہوچکے ہیں۔

    مقامی میڈیا کا کہنا ہے کہ یہ آپریشن رواں سال  3 مئی سے وزیر اعظم بنگلہ دیش شیخ حسینہ کے حکم پر شروع کیا گیا ہے، ان کی جانب سے جاری کردہ حکم میں کہا گیا تھا کہ منشیات فروشوں کے خلاف سخت کارروائی کی جائے اور ملزمان کو کیفر کردار تک پہنچایا جائے۔

    دبئی: منشیات اسمگلنگ کیس، بھارتی سیاح کو 10 برس قید کی سزا

    پولیس حکام کی جانب سے جاری کردہ بیان میں کہا گیا ہے کہ انسداد منیشات نے ملک کے سات ضلع میں ڈرگ ڈیلرز کے خلاف کارروائی کی اس دوران انہیں مزاحمت کا سامنا کرنا پڑا جبکہ منشیات فروشوں کی جانب سے پولیس پر فائرنگ بھی کی گئی، پولیس کی جوابی فائرنگ میں ہلاکتیں ہوئیں۔

    خیال رہے کہ بنگلہ دیش میں حالیہ مہینوں کے دوران نشے کے لیے میتھ ایمفیٹامین نامی گولیوں کا استعمال بہت بڑھ چکا ہے جو کئی دیگر منشیات کے ساتھ اس ملک میں ہمسایہ ریاست میانمار سے اسمگل کی جاتی ہیں۔

    دبئی : منشیات فروش گروہ گرفتار، بڑی مقدار میں منشیات اور جعلی نوٹ برآمد

    واضح رہے کہ بنگلہ دیش میں انسداد منشیات کی اس ملک گیر مہم میں مرکزی کردار جرائم کی روک تھام کے لیے سرگرم ریپڈ ایکشن بٹالین یا آر اے بی نامی اسپیشل پولیس کے دستے ادا کر رہے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سی ٹی ڈی کی پنجاب میں کارروائی، 6 دہشت گرد ہلاک

    سی ٹی ڈی کی پنجاب میں کارروائی، 6 دہشت گرد ہلاک

    لاہور: محکمہ انسداد دہشت گردی (سی ٹی ڈی) نے پنجاب میں کارروائی کی اس دوران دہشت گردوں نے اہلکاروں پر فائرنگ کردی جبکہ جوابی فائرنگ میں 6 دہشت گرد مارے گئے۔

    تفصیلات کے مطابق انسداد دہشت گردی کی جانب سے پنجاب کے شہر گجرات میں کارروائی کی گئی، کارروائی کے دوران انتہائی مطلوب دہشت گرد صحیب بھی مارا گیا۔

    ترجمان سی ٹی ڈی کا کہنا ہے کہ ہلاک شدگان میں انتہائی مطلوب دہشت گرد صحیب بھی شامل ہے، مارے گئے دہشت گرد صحیب کا نام ریڈ بک میں شامل ہے، کارروائی کے دوران خودکش جیکٹس، بڑی تعداد میں اسلحہ اور دستی بم برآمد کرلیا گیا ہے۔

    ترجمان کے مطابق کارروائی کے دوران الیکٹرونک ڈیوائسز بھی برآمد ہوئی ہے، سی ٹی ڈی نے گجرات کے علاقے میں ناکہ بندی کررکھی تھی جبکہ دہشت گردوں نے ناکے پر موجود اہلکاروں پر فائرنگ کی، جوابی فائرنگ میں 6 دہشت گرد مارے گئے۔

    سی ٹی ڈی کی حیدرآباد میں کارروائی‘ چینی باشندے کےقتل میں ملوث 2 ملزمان گرفتار

    سی ٹی ڈی ترجمان کا مزید کہنا تھا کہ ہلاک دہشت گرد لاہور میں بیدیاں، فیروز پور روڈد ھماکوں میں ملوث تھے علاوہ ازیں دہشت گرد سرگودھا میں بریگیڈیئر ظہور کے قتل میں بھی ملوث تھے۔

    یاد رہے کہ 18 فروری کو خیبرپختونخواہ کے شہر ڈیرہ اسماعیل خان میں سی ٹی ڈی نے خفیہ اطلاع پر کارروائی کرتے ہوئے 2 دہشت گردوں کو گرفتار کرکے اسلحہ برآمد کیا تھا۔

    کراچی میں سی ٹی ڈی کی کارروائی‘ 4 دہشت گرد گرفتار

    واضح رہے کہ رواں سال 6 جنوری کو ملتان میں انسداد دہشت گردی فورس نے خفیہ اطلاع پر کارروائی کرکے کالعدم تنظیم کے دو دہشت گرد گرفتار کرکے ان کے قبضے سے دستی بم اور بارودی مواد برآمد کیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • یوگنڈا میں بس حادثہ، 48 افراد ہلاک، درجنوں زخمی

    یوگنڈا میں بس حادثہ، 48 افراد ہلاک، درجنوں زخمی

    کمپالا: افریقی ملک یوگنڈا میں پیش آیا بس حادثہ جس کے نتیجے میں 48 افراد ہلاک اور متعدد زخمی ہوگئے جن میں کئی کی حالت تشویش ناک ہے۔

    تفصیلات کے مطابق یہ حادثہ یوگنڈا کے دار الحکومت کمپالا سے 220 کلو میٹر دور ایک ضلع میں پیش آیا جس کے باعث اڑتالیس افراد ہلاک اور درجنوں زخمی ہوگئے جبکہ ہلاکتوں میں اضافے کا خدشہ ظاہر کیا جارہا ہے۔

    مقامی میڈیا کا کہنا ہے کہ یہ حادثہ اس وقت پیش آیا کہ جب ایک بغیر ہیڈ لائٹس والا ٹریکٹر اچانک مسافر بس سے ٹکرا گیا، تاہم امدادی ٹیموں نے جائے وقوعہ پر پہنچ کر فوری طور پر لوگوں کو ریسکیو کیا جبکہ زخمیوں کو اسپتال میں طبی امداد فراہم کی جارہی ہے۔

    یوگنڈا:کشتی ڈوبنے سے 22 افراد ہلاک

    پولیس حکام کا کہنا تھا کہ ٹریکٹر نے بس کو آگے سے ٹکر ماری جس کے بعد مسافر بس بے قابو ہوگئی اور فٹ پاتھ سے جاٹکرائی جس کے نتیجے میں متعدد ہلاکتیں ہوئیں، حادثے کا ذمہ دار ٹریکٹر درائیور ہے جو بغیر ہیڈ لائٹ کے تیز رفتار گاڑی چلارہا تھا۔

    خیال رہے کہ افریکی ملک یوگنڈا دنیا کے خستہ حال اور بدترین سڑک والے ممالک میں شمار کیا جاتا ہے، سرکاری اعداد وشمار کے مطابق 2015 سے 2017 کے درمیان مختلف ٹریفک حادثات کے باعث 9500 افراد اپنی زندگی کی بازی ہار چکے ہیں۔

    یاد رہے کہ 2016 میں افریقی ملک گھانا میں ہونے والے ایک بس حادثے میں کم از کم 53 افراد ہلاک اور درجنوں زخمی ہوگئے تھے، مقامی میڈیا کے مطابق یہ حادثہ ملک کے شمالی حصے میں اس وقت پیش آیا تھا کہ جب ایک مسافر بس ایک سامان بردار ٹرک سے ٹکرا گئی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔