بھارتی فلم انڈسٹری کے ”شہنشاہِ جذبات“ کہلائے جانے والے لیجنڈ اداکار دلیپ کمار کو اس دنیا سے رخصت ہوئے دو سال کا عرصہ بیت گیا۔
بر صغیر پاک و ہند میں یکساں مقبول دلیپ کمار کی اہلیہ سائرہ بانو اپنے شوہر کی دوسری برسی پر بھی اپنے جذبات پر قابو نہ کرسکیں اور انہیں یاد کرکے افسردہ ہوگئیں۔
سماجی رابطے کی ویب سائٹ انسٹاگرام اکاؤنٹ سے انہوں نے ایک پوسٹ شیئر کی جس میں انہوں نے شاعرانہ انداز میں اپنے شوہر کو خراج عقیدت پیش کیا۔انہوں نے لکھا کہ
سکون دل کے لئے کچھ تو اہتمام کروں
ذرا نظر جو ملے پھر انہیں سلام کروں
مجھے تو ہوش نہیں آپ مشورہ دیجئے
کہاں سے چھیڑوں فسانہ کہاں تمام کروں
دلیپ کمار کی دوسری برسی کے موقع پر اہلیہ سائرہ بانو کے جذباتی الفاظ وائرل ہوگئے اور مداحوں نے بھی ان کے ساتھ لیجنڈ اداکار کیلئے دعاؤں اور نیک تمناؤں کا اظہار کیا۔
سائرہ بانو کا کہنا تھا کہ کہ میں اس تحریر کے ذریعے اپنے دوستوں اور خیر خواہوں کا شکریہ ادا کرنا چاہتی ہوں جنہوں نے میرے کوہِ نور کے دنیا سے جانے کے بعد بھی مجھے بہت زیادہ پیار و عزت بخشتی اور پلکوں پر بٹھائے رکھا۔
ان کا مزید یہ بھی کہنا تھا کہ آج ہی کے دن سات جولائی سات بجے میری محبت ایک گہری نیند میں چلی گئی اور میرے لیے وقت رک سا گیا ۔
ان کا یہ بھی کہنا تھا کہ میں آج تک ان کی کمی محسوس کرتی ہوں ، اس سے کوئی فرق نہیں پڑتا، ہم اب بھی زندگی کے راستے پر ایک ساتھ چلیں گے، ہاتھ میں ہاتھ ملا کر،اپنے خیالات میں ایک رہیں گے اور آخری وقت تک ساتھ رہیں گے۔
واضح رہے کہ برصغیر کے عہد ساز اداکار دلیپ کمار 7 جولائی 2021 کو طویل علالت کے بعد ممبئی کے ایک اسپتال میں انتقال کر گئے تھے۔
سائرہ بانو نے اداکار کے مداحوں سے اپیل کرتے ہوئے کہا کہ دلیپ جی کو اپنی دُعاؤں میں یاد رکھیں تاکہ وہ جلد مکمل طور پر صحتیاب ہوسکیں۔