Tag: Actor Shehryar Munawar’

بالی ووڈ اداکارہ پریانکا چوپڑا کی والدہ اداکار شہریار منور کی مداح کیوں ہوئی تھیں؟ پاکستان اداکار نے اس کہانی سے پردہ اٹھادیا ہے۔

شہریار منور حال ہی میں ایک ویب شو میں جلوہ گر ہوئے، جہاں انہوں نے اپنے ماضی کے تجربات سمیت کئی اہم باتیں مداحوں سے شیئر کیں، ویب شو میں اداکار نے اپنی جدوجہد کا ذکر کرتے ہوئے بتایا کہ ایک ایسا وقت بھی تھا جب میں ماڈلز پر بلون (blown) بھی مارا کرتا تھا، میں نے بلون سے لے کر اشتہار ڈائریکٹ کرنے سمیت تمام کام کئے۔

شہریار نے پریانکا چوپڑا کے ساتھ ایک اشتہار میں بطور اسسٹنٹ ڈائریکٹر کام کا تجربہ مداحوں سے شیئر کرتے ہوئے بتایا کہ موبائل فون کا ایک اشتہار تھا جس کے لیے میں نے پریانکا کو بلون مارا، بلون کے دوران پریانکا نے میرا نام لے کر مجھے مخاطب کیا جس نے لمحے بھر کے لیے مجھے سکتے میں ڈال دیا اور میں وہیں دل پکڑ کر بیٹھ گیا کہ پریانکا کو میرا نام پتا ہے، اس کے بعد بالی وڈ اداکارہ نے مجھے کہا کہ میری والدہ آپ کی فین ہیں اور وہ اس وقت میری وینیٹی میں موجود ہیں کیا آپ ہمیں جوائن کریں گے۔

شہریار منور کا کہنا تھا کہ اس کے بعد میں نے پریانکا اور ان کی والدہ سے ملاقات کی جو بہت اچھی رہی، ان کی والدہ نے میرے ساتھ تصاویر بھی لیں،انہوں نے کہا کہ یہ وہ وقت تھا کہ جب بھارتی چینلز پر پاکستانی ڈرامے نشر کئے جارہے تھے اور پریانکا کی والدہ میرے ایک ڈرامے کو دیکھ کر ہی میری مداح ہوئی تھیں۔ویب شو میں شہریار منور نے مداحوں کو بتایا کہ یہ وہ وقت تھا جب میں اشتہار کی شوٹنگ کے دوران سیٹ پر پانی کی بوتلیں لاکر رکھتا تھا اور جھاڑو مارتا تھا۔

معروف اداکارکا کہنا تھا کہ میں ماضی میں اداکارہ سونم کپور کو بھی بلون مار چکا ہوں جب کہ انیل کپور نے خود مجھے ایک بالی ووڈ فلم کی پیشکش کی لیکن میں نے نکار کردیا کیوں کہ فلم کا کردار کافی بولڈ تھا جو میں نہیں کرسکتا تھا۔