ARYNews.tv | Urdu – Har Lamha Bakhabar

Tag: Actor

  • لیجنڈ اداکار محمد علی کو اپنے مداحوں سے بچھڑے تیرہ برس بیت گئے

    لیجنڈ اداکار محمد علی کو اپنے مداحوں سے بچھڑے تیرہ برس بیت گئے

    لاہور: مفرد انداز اور مخصوص لب ولہجے کے مالک اداکار محمد علی کی 13ویں برسی آج منائی جارہی ہے۔

    محمد علی نے اپنے فنی سفر کا آغاز ریڈیو پاکستان حیدرآباد سے کیا، محمدعلی کو فلمساز فضل احمد کریم فضلی نے اپنی فلم چراغ جلتا رہا میں بطور ہیرو کاسٹ کیا، اس زمانہ میں لالہ سدھیر، سنتوش کمار، درپن اور رحمٰن کے ستارے عروج پر تھے۔

    فلم بینوں کی اکثریت نے محمدعلی کو پہلی ہی فلم میں بطور ہیرومقبولیت کی سند بخشی، محمدعلی کے ساتھ زیبا بطورہیروئن آئیں تو یہ جوڑی نہ صرف فلمی برانڈبن گئی بلکہ فلم کی کامیابی کی ضمانت بھی بنی۔

    اداکارمحمد علی 10 نومبر 1938ء کو ہندوستان کے شہر رامپور کے مذہبی گھرانے میں پیدا ہوئے۔ محمد علی نے اپنے کیریئر کا آغاز ریڈیو پاکستان حیدر آباد سے کیا اور 1962ء میں ان کی پہلی فلم ‘چراغ جلتارہا’ ریلیز کی گئی جبکہ محمد علی کی اور مقبول فلم ‘شرارت’ 1964ء میں ریلیز ہوئی۔

    انہوں نے چار دہائیوں تک سلوراسکرین پر حکمرانی کرکے کروڑوں فلم بینوں کے دلوں پر راج کیا، محمد علی نے 300 سے زائد فلموں میں اداکاری کے جوہر دکھائے جن میں پنجابی فلمیں بھی شامل ہیں۔ منفرد انداز، آواز کے اتار چڑھاؤ پر مکمل دسترس اور حقیقت سے قریب تر اداکاری نے محمد علی کو شہرت کی بلندیوں پر پہنچا دیا۔

    محمد علی کی مشہور فلموں میں جاگ اٹھا انسان‘خاموش رہو‘ ٹیپو سلطان‘ جیسے جانتے نہیں‘آ گ‘ گھرانہ‘ میرا گھر میری جنت‘ بہاریں پھر بھی آئیں گی‘ محبت‘ تم ملے پیار ملا اور دیگر بہت سی فلمیں شامل ہیں۔

    محمد علی نے جس اداکارہ کے ساتھ بھی کام کیا ان کی جوڑی خوب سجی، محمد علی کا شمار ورسٹائل اداکاروں میں ہوتا تھا۔ انہوں نے کئی کریکٹر رول اور منفی رول بھی بڑی کامیابی سے پرفارم کئے۔

    انیس مارچ سنہ دوہزارچھ کو محمدعلی لاہور میں وفات پاگئے، محمدعلی نے پاکستان کی فلم انڈسٹری پر اپنی اداکاری کے گہرے نقوش چھوڑے۔

  • پاکستانی اداکارہ نے خاموشی سے شادی کرلی

    پاکستانی اداکارہ نے خاموشی سے شادی کرلی

    برلن: پاکستانی ماڈل اور اداکارہ صوفیا خان نے ترکش نژاد جرمن شہری سے شادی کرلی۔

    تفصیلات کے مطابق اداکارہ صوفیا انڈسٹری میں فیا کے نام سے مشہور ہیں، وہ گزشتہ روز جرمنی کے شہر برلن میں اپنے منگیتر ’تولگا ریکن‘ کے ساتھ ازدواجی بندھن میں بندھ گئیں۔

    View this post on Instagram

    I’m Yours @tolga.erken_ ❤️♾

    A post shared by (@fia_sofiakhan) on

    شادی کی تقریب برلن کے مقامی ہوٹل میں منعقد ہوئی جس میں دونوں کے اہل خانہ نے شرکت کی جبکہ فیا نے اپنے انسٹاگرام پرتقریب کی ویڈیوز بھی شیئر کیں اور شادی کا اعلان بھی کیا۔

    مزید پڑھیں: پاکستانی گلوکارہ زوئی ویکاجی ازدواجی بندھن میں بندھ گئیں

    صوفیا نے اپنے انسٹاگرام پر تصویر شیئر کرتے ہوئے لکھا کہ ’تولگاریکن اب میں تمھاری ہوں‘۔

    شادی کے موقع پر فیا نے سنہرے رنگ کا عروسی جوڑا جبکہ تولگا نے سیاہ رنگ کی شیروانی زیب تن کی تھی، اداکارہ نے منگنی اگست 2017 میں کی تھی۔

    گزشتہ برس صوفیا نے اپنے انسٹاگرام پر ایک پوسٹ شیئر کی تھی جس میں انہوں نے پہلی شادی کی ناکامی کے بعد دوسری بار کسی کی محبت میں گرفتار ہونے کا انکشاف بھی کیا تھا۔

    ماڈل نے اپنی منگنی کا اعلان کرتے ہوئے کہا تھا کہ ’میں جب تولگا ریکن کے ساتھ ہوتی ہوں تو بہت محفوظ محسوس ہوتا ہے، یہ میرے ساتھ بچوں کی طرح ہنستا ہے، مجھے سمجھتا ہے، ان ساری باتوں اور ماضی کو بھلا کر نیا روشن مستقبل دینے والے تولگا کا شکریہ‘۔

  • کینسر سے لڑتے عرفان خان اپنی زندگی سے مایوس ہوگئے

    کینسر سے لڑتے عرفان خان اپنی زندگی سے مایوس ہوگئے

    ممبئی: کینسر کے مرض میں مبتلا بالی ووڈ کے معروف اداکار عرفان خان نے مایوسی کا اظہار کرتے ہوئے کہا ہے کہ کبھی کبھی سوچتا ہوں لوگوں کو بتاؤں کہ میں اپنی بیماری سے کچھ ماہ میں مرسکتا ہوں۔

    تفصیلات کے مطابق بھارتی فلم انڈسٹری کے باصلاحیت اداکار عرفان خان کینسر کے موذی مرض میں مبتلا ہونے کے بعد سے لندن میں علاج کے لیے موجود ہیں، تاہم انہوں نے ایک نجی ٹی وی کو انٹرویو دیا جس میں وہ انتہائی مایوس نظر آئے۔

    انہوں نے کہا کہ انسان کی زندگی کی کوئی گارنٹی نہیں ہے، کبھی کبھی سوچتا ہوں کہ گلے میں چِپ لگا لوں اور لوگوں کو بتاؤں کہ مجھے یہ بیماری ہے اور میں کچھ وقت میں مر سکتا ہوں۔

    کینسر سے لڑنے والے اداکارعرفان خان کس حال میں ہیں؟ تصویر سامنے آگئی

    عرفان خان کا کہنا تھا کہ میری کیمو تھراپی کے چھ سیشن ہیں جس میں سے چار سیشن مکمل ہوچکے ہیں جبکہ چھاٹا سیشن مکمل ہونے کے بعد اس کا نتیجہ دیکھیں گے کہ یہ مجھ سے متعلق کیا فیصلہ کرتا ہے۔

    قبل ازیں زندگی کی جنگ لڑتے بالی ووڈ اداکار عرفان خان نے مداحوں کے نام کھلا خط لکھا تھا، خط میں عرفان خان نے بیماری اور خوف کا ذکر کرتے ہوئے کہا تھا کہ ابھی نہیں اتنی جلدی سفر ختم نہیں ہوسکتا۔

    یاد رہے کہ بالی ووڈ کے ورسٹائل اداکارعرفان خان نے 16 مارچ کو مداحوں کو باخبر کیا تھا کہ ان میں نیورو اینڈوکرائن ٹیومر نامی مرض ( دماغ کے کینسر) کی تشخیص ہوئی ہے، وہ ان دنوں علاج کیلئےلندن میں موجود ہیں اور کینسر سے جنگ لڑرہے ہیں۔

  • ہالی ووڈ کے ہردل عزیز اداکار اب اس دنیا میں‌ نہیں رہے

    ہالی ووڈ کے ہردل عزیز اداکار اب اس دنیا میں‌ نہیں رہے

    واشنگٹن : عالمی شہرت یافتہ اداکار اور آسٹن پاور کی فلم میں مرکزی کردار ادا کرنے والے ورنی ٹرویر 49 برس کی عمر میں انتقال کر گئے۔

    تفصیلات کے مطابق ہالی ووڈ فلم ہیری پورٹر میں گریپ ہوک کے نام سے شہرت پانے والے امریکی اداکار ورنی ٹرویر رواں کے آغاز سے ہی بہت زیادہ شراب پینے کی وجہ سے لاس انجیلس کے اسپتال میں داخل تھے۔

    اہل خانہ اور دوستوں نے امریکی اداکار کی موت کی تصدیق کردی ہے، اداکار کے فیس بک پیج پر لکھا کہ ’بہت ہی افسوس اور بھاری دل کے ساتھ مداحوں کو مطلع کررہے ہیں کہ ورنی ٹرویر اب ہمارے درمیان نہیں رہے‘۔

    غیر ملکی خبررساں ادارے کے مطابق ورنی ٹرویر بے تحاشہ شراب نوشی کی وجہ سے انتقال کرگئے۔

    ورنی ٹرویر دنیا کے پست قامت ترین انسان تھے جن کا قد صرف 2 فٹ 8 انچ تھا، انہوں نے ہیری پورٹر کی پہلی فلم میں گریپ ہوک کا کردار ادا کیا تھا۔

    ورنی ٹرویر سنہ 2009 میں برطانیہ کے ریلیٹی شو میں بگ برادر کے ہمراہ اسکرین پر نظر آئے۔ بعد ازاں سلیبریٹی جوس میں نظر آئے اور کیتھ لیمن کی لینتھ فلم میں بھی اہم کردار ادا کیا۔

    ہالی ووڈ اداکار ورنی نے پہلا کردار سنہ 1994 میں بننے والی فلم بےبی ڈے آؤٹ میں نو ماہ کے شیر خوار بچے کا دوہرہ کردار ادا کیا تھا۔

    ورنی ٹرویر نے اوسٹن پاور کے بینر تلے بننے والی دو فلمیں ڈی کلون اور سائیڈ کک میں مائیک میئر کے ہمراہ مینی می کا کردار نبھایا ہے۔

    معروف ہالی ووڈ اداکار مائیک میئر اپنے بیان میں کہتے ہیں کہ’ ورنی ایک پر عزم، باصلاحیت اور پیشہ ور اداکار تھے، ورنی ٹرویر کے ساتھ کام کرنا میرے لیے فخر کی بات تھی، یہ دن بہت افسوس ناک ہے لیکن مجھے امید ہے کہ اب وہ بہت اچھی جگہ ہے‘۔

    سنہ 2012 میں شمالی آئرلینڈ میں معذور بچوں کے خیراتی ادارے میں چوری کے بعد ورنی ٹرویر نے خیراتی ادارے میں بھاری رقم عطیہ کی تھی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • دبئی: اداکار نے ٹی وی پروگرام کے دوران خاتون اینکر کو شادی کی پیش کش کر دی

    دبئی: اداکار نے ٹی وی پروگرام کے دوران خاتون اینکر کو شادی کی پیش کش کر دی

    دبئی: متحدہ عرب امارات میں پیش آیا اپنی نوعیت کا ایک انوکھا واقعہ جہاں اداکار نے ٹی وی پروگرام کے دوران خاتون اینکر کو شادی کی پیش کش کر کے دیکھنے والوں کو حیران کر دیا۔

    تفصیلات کے مطابق اداکار ’احمد خمیس علی‘ خاتون اینکر ’مشاعل شحی‘ کو پسند کرتے اور انہیں اپنا شریک حیات بنانا چاہتے تھے تاہم ادکار نے فیصلہ کیا کہ وہ سب کے سامنے انہیں شادی کی پیش کش کریں گے جس کے بعد یہ حیران انگیز مناظر دیکھنے میں آئیں۔

    مقامی میڈیا کے مطابق احمد خمیس اور خاتون اینکر ’مشاعل شحی‘ ایک ساتھ مقامی چینل پر پروگرام کی میزبانی کرتے ہیں جہاں سے ان دنوں کے درمیان محبت کی داستان شروع ہوئی اور آخر کار اداکار نے ایک دلچسپ انداز میں پروگرام کے دوران ہی پرپوز کر دیا۔

    انوکھے عاشق کی اپنی گرل فرینڈ کو خوفناک طوفان کے سامنے شادی کی پیشکش

    پروگرام کے دوران اداکار نے اسٹیج پر اپنی ساتھی اینکر مشاعل کو منگی کی انگھوٹی اور پھولوں کا گلدستہ پیش کیا، اس غیر معمولی اقدام کو دیکھتے ہوئے پروگرام میں موجود سیکڑوں حاضرین نے تالیاں بجا کر خوب حوصلہ افزائی کی، جس پر دونوں جذباتی بھی ہوگئے۔

    اس موقع پر احمد خمیس کا کہنا تھا کہ اس نے پہلے مشاعل کے گھر والوں سے رشتہ مانگا جس پر اس کے والدین رضا مند ہوگئے تاہم اس نے فیصلہ کیا کہ وہ حاضرین کے سامنے اسٹیج پر خاتون اینکر کو منگنی کی انگھوٹی پیش کر کے سب کو حیران کر دے گا۔

    بہاولنگر: 3فٹ کے نوجوان کی ماڈل ایان علی کو شادی کی پیشکش

    خیال رہے کہ ایک جانب سماجی رابطے کی مختلف ویب سائٹس پر دونوں کو مبارک باد پیش کی جارہی ہے تو دوسری جانب مغریبی تہذیب کی تقلید کا کہہ کر ان پر تنقید بھی کی جارہی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بھارتی اداکار آر مادھون روہیت شیٹھی اور رنویر سنگھ کی فلم ’سامبا‘ سے آوٹ

    بھارتی اداکار آر مادھون روہیت شیٹھی اور رنویر سنگھ کی فلم ’سامبا‘ سے آوٹ

    ممبئی: بالی ووڈ کے معروف اداکار آر مادھون نے کاندھے میں انجری کے باعث اپنی نئی فلم ’سامبا‘ میں مزید کام کرنے سے معذرت کر لی ہے۔

    تفصیلات کے مطابق بھارتی فلم انڈسٹری کے اداکار آر مادھون نے گذشتہ دنوں معروف ہدایت کار روہیت شیٹھی کی ہدایت کاری میں بننے والی فلم ’سامبا‘ میں مزید کام نہ کرنے کا علان کیا ہے، فلم میں رنویر کپور مرکزی کردار نبھا رہے ہیں جبکہ آر مادھون کو ولن کا رول دیا گیا تھا۔

    آر مادھون نے گذشتہ ماہ کاندھے کی سرجری کرائی تھی تاہم صحت یاب نہ ہونے کے باعث انہوں نے ایک اور پروجیکٹ میں بھی کام نہ کرنے کا فیصلہ کیا ہے جس میں بالی ووڈ کے مشہور اداکار سیف علیٰ خان ان کے ساتھی اداکار کے طور پر کام کر رہے تھے۔

    سپراسٹاررنویر سنگھ کا روہت شیٹھی کی فلم میں انوکھا روپ

    سماجی رابطے کی ویب سائٹ ٹوئٹر پر جاری اپنے بیان میں آر مادھون نے کہا کہ میں روہیت شیٹھی کی فلم سامبا میں کاسٹ کیے جانے پر بہت خوش تھا، لیکن انجری کے باعث کام نہ کرنے پر مجبور ہوں۔

    انہوں نے کہا کہ اس قابل نہیں کہ فلم میں کام کر سکوں جس پر مجھے بے حد دکھ اور افسوس ہے، جلد صحت یاب ہورہا ہوں لیکن فلم کو خیرباد کہنے پر میرا اور روہیت شیٹھی دونوں کا دل ٹوٹ چکا ہے۔

    فلم پدماوتی کے ہیرو اپنے کردار کی وجہ سے ذہنی مریض بن گئے

    خیال رہے کہ اداکار آر مادھون انجری سے پہلے اپنی آخری فلم ’بریتھ‘ میں نظر آئیں تھے جہاں انہوں نے چھ سالہ بچے کے باپ بننے کا کردار نبھایا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • امیتابھ بچن کا ہم شکل پاکستانی نکلا، تصویر وائرل

    امیتابھ بچن کا ہم شکل پاکستانی نکلا، تصویر وائرل

    ممبئی: بالی ووڈ کے بے تاج بادشاہ امیتابھ بچن کا ہم شکل پاکستانی نکلا جس کی تصویر سوشل میڈیا پر وائرل ہوگئی، اداکار کے مداح حیران رہ گئے۔

    تفصیلات کے مطابق چند روز قبل لیجنڈری اداکار امیتابھ بچن کی ایک تصویر وائرل ہوئی تھی جس میں امیتابھ عمر رسیدہ اور بوڑھے نظر آرہے تھےجسے دیکھ کر ان کے مداحوں نے خیال ظاہر کیا کہ یہ فلم ’ٹھگز آف ہندوستان‘ میں بگ بی کی پہلی جھلک ہے۔

    لوگوں کی جانب سے یہ رائے بھی قائم کی جانے لگی تھی کہ یہ امیتابھ پچن ہی ہیں جو ایک نئے کردار کے روپ میں نظر آرہے ہیں، جس میں انہیں کافی بوڑھا اور کمزور دکھایا گیا ہے تاہم فلمی مداح اس وقت حیرت میں مبتلا ہوگئے جب انہیں پتا چلا کہ یہ تصویر بچن کی نہیں بلکہ ان کے ہم شکل کی ہے جو پاکستان میں موجود ہے۔

    امیتابھ بچن نے دپیکا پڈون کو اپنی ’’ سی وی ‘‘ پیش کردی

    خیال رہے کہ گذشتہ دنوں معروف فوٹو گرافر ’سٹیون میکلی‘ نے پاکستان میں ایک افغان پناہ گزین (شہباز) کی تصویر کھینچی تھی جس کی شکل بھارتی ادکار امیتابھ بچن سے ملتی ہے، تاہم انہوں نے جب یہ تصویر سوشل میڈیا پر اپ لوڈ کی تو لوگوں کو امیتابھ بچن کا یہ نیا لک لگا تھا۔

    بھارتی میڈیا کی تصدیق کے بعد تصویر سے متعلق ہونے والے تمام تر قیاس آرائیاں دم توڑ گئیں جس میں یہ کہا جارہا تھا کہ یہ  امیتابھ بچن کی نئی فلم ٹھگز آف ہندوستان کا ایک کردار ہے۔

    راہول گاندھی نے نریندرمودی کو امیتابھ بچن سے بڑا اداکار قرار دے دیا

    یاد رہے کہ امیتابھ بچن ان دنوں عامر خان کی فلم ’ٹھگز آف ہندوستان‘ کی شوٹنگ کے سلسلے میں جود پور میں موجود ہیں، فلم میں ان کے ہمراہ کترینہ کیف اور فاطمہ ثنا شیخ بھی اداکاری کے جوہر دکھاتے ہوئے نظر آئیں گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیےسوشل میڈیا پرشیئر کریں۔

  • بالی ووڈ اداکار شوٹنگ کے دوران شدید زخمی

    بالی ووڈ اداکار شوٹنگ کے دوران شدید زخمی

    ممبئی: بالی ووڈ اداکار ودیوت جموال اپنی نئی آنے والی فلم کی شوٹنگ کے دوران بلندی سے گر کر شدید زخمی ہوگئے۔

    بھارتی میڈیا کے مطابق بالی ووڈ اداکار اپنی نئی آنے والی فلم ’جنگلی‘ کا ایک منظر عکس بند کروانے کے دوران بلندی سے زمین پر گر کر شدید زخمی ہوئے جس کی وجہ سے اُن کے سر پر شدید چوٹ آئی۔

    ودیوت  جموال فلم ڈائریکٹر کی ہدایت پر فضاء میں خطرناک اسٹنٹ کررہے تھے کہ اچانک تار(رسی) ٹوٹ گیا جس کے بعد وہ تقریبا 3 فٹ کی بلندی سے زمین پر آگرے اور اُن کا سر فرش پر لگا۔

    ٹیم نے ہیرو کے زخمی ہونے کے بعد فوری طور پر شوٹنگ روکی اور انہیں زخمی حالت میں اسپتال پہنچایا جہاں اُن کی مرہم پٹی کی گئی، اسپتال ذرائع کے مطابق ودیوت کے سر میں 4 ٹانکے  آئے ہیں۔

    اسپتال سے فارغ ہونے کے بعد اداکارہ نے میڈیا سے گفتگو کرتے ہوئے کہا کہ ’کسی بھی فلم کی شوٹنگ کے دوران ایکشن کرنے کے دوران چوٹ آنا کوئی بڑی بات نہیں، میں خطرات سے کھیلنے کا عادی ہوں‘۔

    بعد ازاں ودیوت جموال نے سماجی رابطے کی ویب سائٹ پر بذریعہ ٹویٹ مداحوں کا شکریہ ادا کیا اور انہیں اپنی خیریت سے آگاہ کرتے ہوئے بتایا کہ میں اب بہتر ہوں اور شوٹنگ کا دوبارہ آغاز ہوگیا۔

    واضح رہے کہ ہالی ووڈ ڈائریکٹر کی ہدایت کاری میں بننے والی فلم ’جنگل‘ انسان اور ہاتھی کی دوستی پر مبنی ہے جس کی شوٹنگ اس وقت تھائی لینڈ میں جاری ہے اور ودیوت اس فلم میں ہاتھی کو تربیت دینے والے شخص کا کردار ادا کررہے ہیں۔

    فلم رواں سال 19 اکتوبر کو سینما گھروں میں ریلیز کی جائے گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • بالی وڈ اداکار قادر خان چلنے پھرنے سے قاصر، وہیل چیئر استعمال کرنے لگے

    بالی وڈ اداکار قادر خان چلنے پھرنے سے قاصر، وہیل چیئر استعمال کرنے لگے

    ممبئی: بالی وڈ کے لیجنڈ اداکار قادر خان بڑھتی ہوئی عمر کے باعث چلنے پھرنے سے قاصر ہوگئے اور وہیل چیئر استعمال کرنے لگے۔

    تفصیلات کے مطابق دو دہائیوں سے بالی ووڈ میں اپنی اداکاری کے جوہر دکھانے والے اداکار قادر خان بڑھتی عمر کے سبب چلنے پھرنے سے قاصر ہوگئے اور وہیل چیئر استعمال کرنے لگے۔

    بھارتی میڈیا کے مطابق قادر خان کو بولنے میں بھی دشواری کا سامنا کرنا پڑرہا ہے، سوشل میڈیا پر قادر خان کی بیٹے کے ساتھ تصویر سامنے آئی ہے جس میں وہ وہیل چیئر پر بیٹھے دکھائی دے رہے ہیں۔

    قادر خان ان دنوں اپنے بیٹے اور بہو کے ساتھ کینیڈا میں رہائش پذیر ہیں، بڑھتی ہوئی عمر کے باعث ان کو صحت کے مختلف مسائل کا سامنا ہے۔

    قادر خان کے بیٹے سرفراز کا کہنا ہے کہ والد کو سہارا دے کر چلانے کی کوشش کرتے ہیں لیکن چند قدم ہی چل پاتے ہیں اور کہتے ہیں کہ انہیں وہیل چیئر پر واپس بٹھا دیا جائے۔

    سرفراز کے مطابق چند سال قبل والد قادر خان کے گھٹنوں کی سرجری ہوئی تھی جس کے بعد ڈاکٹرز نے کہا تھا کہ انہیں چلنے کی پریکٹس کرنی ہوگی لیکن انہوں نے چلنے سے انکار کردیا۔

    جب سرفراز سے یہ سوال کیا گیا کہ وہ اپنے پرانے بالی وڈ اداکار دوستوں گووندا، شکتی کپور، امیتابھ بچن وغیرہ کو پہچانتے ہیں تو انہوں نے کہا کہ جی ہاں والد صاحب سب کو پہچانتے ہیں اور انہیں سب کچھ یاد ہے۔

    یہ پڑھیں: دلیپ کمار روبہ صحت، اسپتال سے گھر منتقل، مداحوں کا والہانہ استقبال

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پی ٹی آئی کی حمایت: اداکار کاشف محمود کی گرفتاری و رہائی

    پی ٹی آئی کی حمایت: اداکار کاشف محمود کی گرفتاری و رہائی

    لاہور: پولیس نے پاکستان تحریک انصاف کی حمایت کرنے والے اداکار کاشف محمود کو ان کے گھر پر چھاپہ مار کر گرفتار کرلیا بعدازاں انہیں رہا کردیا گیا۔

    لاہور پولیس نے ویلنشیاء ٹاؤن میں ٹی وی اداکار اور پی ٹی آئی رہنماء کاشف محمود کے گھر پر چھاپہ مارا اور انہیں گرفتار کرکے لے گئی، اداکار کے بھائی رحمن محمود نے کہا ہے کہ پولیس سیڑھی لگا کر گھر میں داخل ہوئی ،اہل خانہ کو بھی تشدد کا نشانہ بنایا اور بھائی کو گرفتار کرکے اپنے ہمراہ لے گئی۔

    بعدازاں کچھ دیر بعد کاشف محمود کو رہا کردیا گیا۔

    اے آر وائی نیوز سے بات کرتے ہوئے اداکار کاشف محمود کا کہنا تھا کہ پتا نہیں مجھے اور میرے گھر والوں کو کس جرم کی سزا دی گئی، پولیس نے میرے گھر ایسے دھاوا بولا جیسے ہم بہت بڑے مجرم ہیں، مجھے رہا تو کردیا گیا لیکن مجھے جو تکلیف پہنچ گئی وہ واپس نہیں آسکتی۔

    انہوں نے کہا کہ لوگوں میں برداشت ختم ہوتی جارہی ہے، ہم سب کو برداشت کا مظاہرہ کرنا چاہیے، بالخصوص حکومت کو، اگر عمران خان کو ووٹ دینا اور انہیں سپورٹ کرنا جرم ہے تو میں یہ جرم بار بار کرتا رہوں گا۔

    انہوں نے کہا کہ کسی کو ووٹ دینا یا سپورٹ کرنا ہمارا حق ہے، ایک اداکار کو ایسے پکڑا گیا بلکہ کارکنوں کو بھی ایسے گرفتار کرنا غلط ہے، مجھے جو تکلیف دی گئی میں اسے زندگی بھر نہیں بھولوں گا اور اتنا ہی کہوں گا کہ اختلافات اپنی جگہ لیکن برداشت پیدا کی جائے۔