کراچی : ٹیلی وژن کی معروف اداکارہ و میزبان نادیہ خان نے کہا ہے کہ انہیں شوبز کی فیلڈ میں آنے کا موقع قسمت سے ملا۔
اپنی خوبصورت مسکراہٹ، شوخ و چنچل انداز اور خوش اخلاقی کے باعث مشہور ٹی وی میزبان اور اداکارہ نادیہ خان کو یہ کامیابی کیسے ملی؟ اور انہوں نے اپنے کیریئر کا آغاز کیسے اور کہاں سے کیا؟ یہ بات انہوں نے اپنی حالیہ گفتگو میں ناظرین کو بتادی۔
اے آر وائی ڈیجیٹل کے پروگرام "شان سحور” میں اداکارہ نادیہ خان نے شرکت کی اور اس دوران انہوں نے اپنی زندگی میں گزرے ہوئے یادگار لمحات اور اس فیلڈ میں آنے کے حوالے سے متعلق ناظرین کو آگاہ کیا۔
انہوں نے بتایا کہ جب میں پہلی بار آڈیشن دینے گئی تو مجھے انکار کردیا گیا، لیکن دوسری بار قسمت نے ساتھ دیا اور ایک کزن کے توسط سے پہلی بار کام ملا جس سے بعد میرے لیے ترقی کے دروازے کھلتے چلے گئے اور مجھے ڈرامہ سیریل "بندھن” میں کام کرنے کا موقع ملا۔
انہوں نے کہا کہ ڈرامہ سیریل "بندھن” میری سب سے یادگار ڈرامہ سیریل تھی جس نے راتوں رات مجھے شہرت کی بلندیوں پر پہنچا دیا ،اس کے بعد نادیہ خان مارننگ شو میں بھی چاہنے والوں نے مجھے بہت پسند کیا گیا۔
دوران گفتگو نادیہ خان نے کہا کہ میں گالف کی کھلاڑی بننا چاہتی تھی مگر قسمت کی دیوی مجھے شوبز کی دنیا میں لے آئی۔
