Tag: Actress

  • اداکارہ طاہرہ واسطی کی پانچویں برسی آج منائی جا رہی ہے

    اداکارہ طاہرہ واسطی کی پانچویں برسی آج منائی جا رہی ہے

    کراچی : اپنے پر وقار اور شاہانہ انداز سے ٹیلی ویژن ناظرین کے دلوں پر راج کرنے والی معروف اداکارہ طاہرہ واسطی کو مداحوں سے بچھڑے پانچ برس ہوگئے۔

    ٹی وی ڈراموں کی ملکہ طاہرہ واسطی نے انیس سو اڑسٹھ میں پی ٹی وی سے اداکاری شروع کی ۔ وہ 1944 کو سرگودھا میں پیدا ہوئیں۔ اداکاری کا آغاز 1968 ء میں پاکستان ٹیلی ویژن کی ڈرامہ سیریل جیب کترا سے کیا۔

    ڈرامہ سیریل افشاں میں یہودی تاجر کی بیٹی، آخری چٹان میں چینگیز خان کی ملکہ ازابیل نے لوگوں کو اپنے سحر میں جکڑ لیا تھا۔ طاہرہ واسطی کا جادو سال اسّی ا ور نوے کی دہائی میں پی ٹی وی کے ڈراموں میں چھایا رہا۔

    tahira-post-01

    ورسٹائل فنکارہ طاہرہ واسطی ڈراموں کی ملکہ تھیں، ان کا خلاء پُر ہونا ممکن نہیں، بلیک اینڈ وائٹ ڈراموں کو رنگین بنانے میں ان کے حسین چہرے نے اہم کردار ادا کیا، تاریخی ڈراموں میں ملکہ کا کردار ان کے حسن کی بنا پر ان پر خوب جچتا تھا ۔

     وہ منفرد اسٹائل کی اداکارہ تھیں، ڈرامہ سیریلز غرناطہ، شاہین ،ٹیپو سلطان ،جانگلوس، کشکول، شاہین، شمع، دلدل اور فشار، کون بھول سکتا ہے؟ ہر ڈرامہ سیریز میں طاہرہ واسطی نے منفرد کردار نبھایا۔

    وہ تعلیم یافتہ ،نفیس خاتون اور پروفیشنل آرٹسٹ تھیں، ان کا فن یکسانیت کی تنقید سے ہمیشہ آزاد رہا۔ ناظرین کے دلوں راج کرنے والی ملکہ اداکارہ طاہرہ واسطی ایک عرصہ سے عارضہ قلب میں اور شوگر کے مرض میں مبتلا تھیں۔

    طاہرہ واسطی 68 سال کی عمر میں گیارہ مارچ دوہزار بارہ کو اپنے مداحوں کو اداس چھوڑ کر خالق حقیقی سے جا ملیں۔

  • فواد خان 35 برس کے ہوگئے

    فواد خان 35 برس کے ہوگئے

    بالی ووڈ اور شوبز انڈسٹری میں کامیابیوں کے جھنڈے گاڑنے والے پاکستانی اداکار  فواد خان آج اپنی 35ویں سالگرہ منارہے ہیں، وہ 29 نومبر 1981 کو کراچی میں پیدا ہوئے اور گلوکاری سے اپنے فنی کیریئر کا آغاز کیا۔

    تفصیلات کے مطابق پاکستانی فلم انڈسٹری کے بعد ہالی ووڈ میں اپنی صلاحیتوں کا لوہا منوانے والے پاکستانی اداکار فواد خان آج 29 نومبر 1981 کو کراچی میں پیدا ہوئے وہ آج اپنی 35ویں سالگرہ منارہے ہیں۔

    4

    فواد خان نے اپنے فنی کیریئر کا آغاز گلوکاری سے کیا وہ معروف پاپ میوزیکل بینڈ ’ای پی‘ میں مرکزی گلوکار کی حیثیت سے اپنی صلاحیتوں کا لوہا منوا چکے ہیں، گلوکاری کے بعد فوان خان نے شوبز کے سفر کو جاری رکھنے کے لیے ڈرامہ انڈسٹری میں انٹری دی۔

    5

    فواد نے اپنی اداکاری کا آغاز جٹ اینڈ بانڈ نامی ڈرامے سے کیا بعد ازاں فلم خداکے لیے میں کامیابی سے معاونتی کردار  ادا کیا جس کے بعد وہ مداحوں کے دلوں میں تیزی سے جگہ بناتے گئے، بعد ازاں کئی پاکستانی ڈراموں میں کام کیا جس کے بعد بھارتی فلم سازوں نے رابطہ کر کے فلم میں کام کرنے کی پیش کش کی۔

    3

    کامیابی کا سفر جاری رکھتے ہوئے فواد نے بالی ووڈ انڈسٹری میں فلم خوبصورت سے اپنے کامیاب سفر کا آغاز کیا ، اس فلم میں سونم کپور نے بھی مرکزی کردار ادا کیا۔ فلم میں کامیاب اداکاری پر فواد خان کو ایوارڈ سے بھی نوازا گیا۔

    2

    فلم ‘خوبصورت’ کے بعد فواد خان نے ایک اور بالی وڈ فلم ‘کپور اینڈ سنز’ میں کام کیا، جس میں ان کے مداحوں نے ہم جنس پرست کے کردار کو خوب سراہا مقبولیت میں اضافے کے بعد ہدایت کار کرن جوہر نے اپنی فم ’اے دل ہے مشکل‘ میں فواد کو بطور معاون اداکار شامل کیا جسے مداحوں نے خوب سراہا۔

    1

    بعد ازاں پاک بھارت کشیدگی کے باعث ہندو انتہاء پسندوں کی جانب سے پاکستانی اداکاروں کو سنگین نتائج کی دھمکیاں دینے کا سلسلہ شروع ہوا جس کے باعث فواد سمیت دیگر فنکار ملک واپس آگئے جبکہ بھارتی فلم سازوں نے ہندو انتہاء پسندوں کے آگے گھٹنے ٹیکتے ہوئے آئندہ اپنی فلموں میں پاکستانی فنکاروں کو کام نہ دینا کا بھی اعلان کیا ہے۔

  • اسلام آباد دھرنا عوام کے لیے نادر موقع ہے، حمزہ عباسی

    اسلام آباد دھرنا عوام کے لیے نادر موقع ہے، حمزہ عباسی

    اسلام آباد: معروف اداکار حمزہ علی عباسی نے کہا ہے کہ عوام 2 نومبر کے جلسے میں سیاسی وابستگیوں سے بالا تر ہوکر شرکت کریں اور کرپٹ مافیا کی اجارہ داری ختم کریں۔

    ان خیالات کا اظہار انہوں نے سماجی رابطے کی ویب سائٹ فیس بک پر اپنے ایک پیغام میں کیا۔ حمزہ علی عباسی نے بنی گالہ پہنچنے کا اعلان کرتے ہوئے کہا کہ یہاں پہنچنے کے لیے 2 گھنٹے جنگلوں میں پیدل چلنا پڑا۔

    انہوں نے کہا کہ ’’میں پاکستانی ہوں اور مجھے پاکستان کے اچھے مستقبل کی فکر ہے۔ انہوں نے عوام سے اپیل کی کہ 2 نومبر کو اسلام آباد پہنچیں اور کرپشن کے خلاف کھڑے ہوں‘‘۔

    حمزہ علی عباسی کا کہنا تھا کہ اسلام آباد دھرنا پاکستانی قوم کے پاس دھرنا نادر موقع ہے ، ہمیں کرپٹ مافیا کے خلاف اٹھ کھڑے ہونا چاہیے اور  پہلے نوازشریف پھر عمران خان اور بعد میں تمام افراد کا احتساب ہونا چاہیے۔

    انہوں نے عوام سے دھرنے میں شرکت کی اپیل کرتے ہوئے کہا کہ  2 نومبر کو اسلام آباد پہنچیں اور اداروں کو جگائیں۔

    پڑھیں:  کیرئیر کی پروا نہیں، دھرنے میں ضرور شریک ہوں‌ گا، حمزہ عباسی

     یاد رہے گزشتہ روز حمزہ علی عباسی نے تحریک انصاف کے دھرنے میں شرکت کرنے کے حوالے سے اعلان کیا تھا کہ ’’میں ہرصورت دھرنے میں شرکت کروں گا اس کے لیے چاہیے مجھے اپنے کریئر تک کی قربانی کیوں نہ دینی پڑے۔
    دریں اثنا دھرنے میں اے آر وائی نیوز کی اینکر پرسن ماریہ میمن سے بات کرتے ہوئے انہوں نے کہا کہ عمران خان وہ واحد لیڈر ہیں جو صحیح کو صحیح اور غلط کو غلط کہتے ہیں۔

    پی ٹی آئی کے رہنما فیصل جاوید نے کہا ہے کہ ہمارے کارکنوں کو گرفتار نہیں بلکہ اغوا کیا گیا۔

     

    پی ٹی آئی کے رہنما اسد عمر نے کہا ہے کہ متنازع خبر کے معاملے پر وزیراطلاعات پرویز رشید کی برطرفی ناکافی ہے،حکومت کا یہ پہلا قدم درست تاہم اسے ابھی بہت کچھ کرنا ہے۔

  • بھارتی اداکارہ پوجا بھٹ پاکستان پہنچ گئیں

    بھارتی اداکارہ پوجا بھٹ پاکستان پہنچ گئیں

    کراچی: معروف بالی ووڈ اداکارہ پوجا بھٹ نے کراچی پہنچ کر خوشی کا اظہار کرتے ہوئے کہا ہے کہ ہمیشہ کی طرح اس بار بھی پاکستان آکر بہت اچھا لگا کیونکہ یہاں کے لوگ ہمیشہ پیار کرتے ہیں۔

    ان خیالات کا اظہار انہوں نے کراچی پہنچنے کے بعد ائیرپورٹ پر میڈیا سے گفتگو کرتے ہوئے کیا۔ پوجابھٹ کا کہنا تھا کہ نجی دورے پر پاکستان آئی ہوں ، جب بھارت سے پروازیں پاکستان آرہی ہیں اور راستے کھلے ہیں اداکار بھی آتے ہیں گے۔

     

    پاکستان شوبز انڈسٹری کے قریبی ذرائع کے مطابق پوجابھٹ فیشن ویک میں شرکت کے لیے پاکستان آئی ہیں اور فیسٹیول کے دوسرے روز ریمپ پر واک بھی کریں گی۔

    پڑھیں: پاکستانی فنکاروں پر پابندی اسکول کے بچوں کا مذاق ہے، پوجا بھٹ

     یاد رہے گزشتہ سال پوجا بھٹ نے گلوکار علی عظت کے ساتھ کیٹ واک کی تھی، علاوہ ازیں اداکارہ ایور ریڈی فلم کے چیف ایگزیکٹو ستیش آنند سے بھی ملاقات کریں گی ۔ یہ فلم پاک بھارت امن اور دوستی پر مبنی ہے۔

    واضح رہے بالی ووڈ میں پاکستانی فنکاروں کی پابندی سے متعلق پوجا بھٹ نے حکومتی پابندی کو مذاق قرار دیتے ہوئے کہا تھا کہ ’’اس پابندی کو حب الوطنی قرار دینا مضحکہ خیز ہے یہ اسکول کے بچوں کا مذاق ہے‘‘۔

  • پاکستانی فنکاروں کی حمایت، شیوسینا کی دبنگ خان کو دھمکی

    پاکستانی فنکاروں کی حمایت، شیوسینا کی دبنگ خان کو دھمکی

    ممبئی: ہندو انتہاء پسند تنظیم شیو سینا کے رہنماء سبھاش ڈیسائی نے پاکستانی اداکاروں کی حمایت میں سلمان خان کی طرف جاری کردہ بیان کی مخالفت کرتے ہوئے کہا  ہے کہ بھارتی اداکار نے اپنا نقطہ نظر بیان کیا قوم اُن سے متفق نہیں ہے۔

    Shiv Sena criticizes Salman Khan over pro… by arynews
    تفصیلات کے مطابق گزشتہ روز بالی ووڈ اسٹار سلمان خان نے انڈین موشن پکچرز پروڈیوسرز ایسوسی ایشن کے پاکستانی فنکاروں پر پابندی کے فیصلے پر تبصرہ کرتے ہوئے کہا تھا کہ پاکستانی فنکار دہشت گرد نہیں، دبنگ خان کے اس بیان کے بعد بھارتی ہندو انتہاء پسند تنظیم شیوسینا نے بیان کو مسترد کرتے ہوئے انہیں سنگین نتائج کی دھمکیاں دیں۔
    بھارتی انتہاء پسند تنظیم کے رہنماء نے سلمان خان کے بیان کو مسترد کرتے ہوئے کہا کہ ’’پاکستانی اداکاروں کی حمایت کرنا سلمان خان کی ذاتی رائے ہے تاہم شیو سینا اپنی سرزمین پر دشمن ملک کے کسی بھی فنکار کو برداشت نہیں کرے گی‘‘۔

    انہوں نے کہا کہ سلمان خان کے بیان سے پوری قوم کو تکلیف پہنچی کیونکہ وہ جس ملک کے فنکاروں کی حمایت کررہے ہیں وہ ملک دہشت گردوں کو پشت پناہی فراہم کرتا ہے، انہوں نے سلمان خان کو خبردار کیا کہ پاکستانی فنکاروں کی حمایت سے باز رہیں ورنہ سنگین نتائج کے لیے تیار رہیں۔

    سبھاش ڈیسائی نے کہا کہ ’’سلمان خان نے کبھی پاکستان کے دہشت گردی میں ملوث ہونے کے باوجود اس کے خلاف آواز نہیں اٹھائی بلکہ اُن کے فنکاروں کے لیے میدان میں نکل پڑے، سلمان خان کو یہ سوچنا چاہیے کہ یہ وقت پڑوسی ملک کی حمایت کا نہیں بلکہ اُن کے خلاف کھڑے ہونے کا ہے‘‘۔

    پڑھیں:  پاکستانی فنکار دہشت گرد نہیں، سلمان خان

     شیوسینا کے رہنماء کا مزید کہنا تھا کہ سلمان خان اداکار ہیں جن کی ہم سب عزت کرتے ہیں لیکن وپ اپنے کام سے کام رکھیں اور پاکستانی فنکاروں کی حمایت سے باز آجائیں اور اپنی حب الوطنی پر شکوک و شہبات پیدا نہ کریں ورنہ عوام کی جانب سے ممکنہ ہر ردعمل کے لیے خود کو تیار رکھیں۔

    یاد رہے سرجیکل اسٹرائیک اور اڑی حملے کے بعد بھارتی انتہاء پسندوں کی جانب سے پاکستانی فنکاروں کو دھمکیاں دی گئیں تھیں جس کے بعد فنکار واپس لوٹنے شروع ہوگئے تاہم گزشتہ روز انڈین پروموشن پکچرز پروڈیوسر ایسوسی ایشن کی جانب سے پاکستانی فنکاروں پر پابندی کے حوالے فیصلہ کیا گیا۔

    مزید پڑھیں:  پاکستانی فنکاروں‌ کو 48 گھنٹوں میں بھارت چھوڑنے کی دھمکی

    بالی ووڈ اداکار دبنگ خان نے ایسوسی ایشن کے فیصلے پر سخت تنقید کرتے ہوئے کہا تھاکہ ’’پاکستانی فنکار دہشت گرد نہیں، دہشت گردوں اور اداکاروں میں بہت فرق ہوتا ہے ، بھارتی حکومت ہی پاکستانی آرٹسٹوں کو ویزے فراہم کرتی ہے جس کا مطلب ہے کہ فنکار کسی قسم کی دہشت گردی میں ملوث نہیں ہیں‘‘۔

    سلمان خان نے پاکستانی فنکاروں کی حمایت کا اعلان کرتے ہوئے مودی سرکار کو آڑے ہاتھوں لیتے ہوئے کہاکہ ’’دونوں ممالک کے درمیان پر امن تعلقات کو فروغ دینا چاہیے ، حالیہ سرحدی کشیدگی کے حوالے سے اُن کا کہنا تھا کہ اُس حملے میں دہشت گرد مارے گئے ہیں۔

  • اداکارہ و ماڈل ’’نشا ملک‘‘ نے خودکشی کرلی

    اداکارہ و ماڈل ’’نشا ملک‘‘ نے خودکشی کرلی

    لاہور: پاکستانی فلم انڈسٹری کی ابھرتی ہوئی اداکارہ اور ماڈل نشا ملک نے گھریلو حالات سے تنگ آکر خودکشی کرلی۔

    تفصیلات کے مطابق اداکارہ نشا ملک نے لاہور کے علاقے علامہ اقبال ٹاؤن میں واقع اپنی رہائش گاہ میں مردہ پائی گئی جس کے بعد اہل خانہ نے قریبی تھانے اطلاع دی۔

    Nishat-2

    پولیس حکام نے جائے وقوعہ پہنچ کر لاش اپنی تحویل میں لی اور پوسٹ مارٹم کے لیے میو اسپتال منتقل کردی۔ پولیس حکام نے اس بات کی تصدیق بھی کی کہ ’’اداکارہ نے پنکھے سے لٹک کر خودکشی کی‘‘۔

     

    پولیس نے مزید تفتیش کے لیے اہل خانہ کے بیان قلمبند کرلیے ہیں جس میں یہ بات سامنے آئی کہ ’’اداکارہ نے گھریلو حالات سے تنگ آکر خودکشی کی تاہم وجہ موت پوسٹ مارٹم مکمل ہونے کے بعد ہی سامنے لائی جائے گی۔

    Nishat-3

    نشا ملک نے 8 ماہ قبل شوبز کی دنیا میں قدم رکھا تھا اور اپنی صلاحیتوں کے باعث بہت تیزی سے شہرت حاصل کررہی تھیں جبکہ 2013 میں ریلیز ہونے والی پاکستانی فلم بیسٹ آف لک میں اہم کردار ادا کیا تھا۔

  • اداکارہ متیرا ایک بیٹے کی ماں بن گئی

    اداکارہ متیرا ایک بیٹے کی ماں بن گئی

     کراچی: زمبابوے میں پیدا ہونے والی پاکستانی ماڈل اور اداکارہ نے ہفتے کے روز آغا خان اسپتال میں ایک بیٹے کو جنم دیا ہے۔

    math-tweet

    اداکارہ نے ستمبر کی پہلی تاریخ کو اپنے ٹویٹر اکاوٗنٹ پر اسپتال میں داخل ہونا کی بابت پیغام دیا تھا۔

    اداکارہ کا کہنا ہے کہ ان کے شوہر ایک غیر ملکی ہیں جن کا شوبز انڈسٹری سے کسی قسم کا کوئی تعلق نہیں ہے اور انہوں نے اپنے شوہر کے نام پر سے بھی پردہ اٹھانے سے انکار کردیا ہے۔

    mat 2 math 3

    تفصیلات کے مطابق کچھ دن قبل میڈیا کے توسط سے متھیرا کی شادی کی خبرسامنے آئی  تھی جس کی مزید تصدیق متھیراکے ہاں بیٹے کی پیدائش سے ہوگئی ہے جس پر کچھ لوگوں نے اُنہیں تنقید کا نشانہ بنایا جس پر متھیرا کا کہنا ہے کہ وہ کسی کو جواب دینے کی پابند نہیں ہیں۔