لاہور : آسٹریلوی لیگ اسپنر ایڈم زمپا نے قومی ٹیم کے کپتان بابراعظم کی جارحانہ بلے بازی کی انوکھے انداز میں تعریف کی ہے۔
ان کا کہنا ہے کہ پاکستان کرکٹ ٹیم کے کپتان بابر اعظم زبردست کھلاڑی ہیں، مجھے خوشی ہے کہ ہمیں بابراعظم کو کچھ دیر کے لیے باؤلنگ نہیں کرانی پڑے گی۔
سماجی رابطے کی ویب سائٹ ٹوئٹر پر اپنے پیغام میں ان کا کہنا ہے کہ بابراعظم کو آؤٹ کرنے کے لیے آپ کے پاس خاص پلان ہونا بہت ضروری ہے، بابر اعظم شائقین کرکٹ کے لیے ایک بہترین کھلاڑی ہیں۔
I am glad we don't have to bowl to Babar Azam anymore for a while 😁🙏
Because you must have very very special plans to get Babar Azam out.A player to watch in cricket simply outstanding @babarazam258 @TheRealPCB#PAKvAUS— Adam Zampa (@AdamZampa88) April 5, 2022
یاد رہے کہ چند روز قبل پریس کانفرنس میں ایڈم زمپا نے کہا تھا کہ پاکستان کرکٹ ٹیم کے کپتان بابر اعظم ون ڈے فارمیٹ کے گریٹ پلیئر ہیں، ان کو آؤٹ کرنا بہت اہم تھا، بھارت کے ویرات کوہلی بھی ایسے ہیں۔
ایڈم زمپا کا کہنا تھا کہ میں نے پاکستان ٹیم کی سب سے بڑی وکٹ حاصل کی، میچ سے قبل ہمارے 2 کھلاڑی ایشٹن ایگر اور جوش انگلس کوویڈ کا شکار ہوئے تھے ، ہم نے ری گروپ ہونے کی کوشش کی اور ہر کھلاڑی نے ذمے داری لی۔
ان کا مزید کہنا تھا کہ پہلے میچ میں ٹیم کی مجموعی کارکردگی سے مطمئن ہیں، بالنگ میں چیزوں کو سادہ رکھنے کی کوشش کی جس کا فائدہ ہوا۔
