ARYNews.tv | Urdu – Har Lamha Bakhabar

Tag: ADB

  • ایشیائی ترقیاتی بینک پاکستان کو مزید ڈھائی کروڑ ڈالر کا قرض دے گا

    ایشیائی ترقیاتی بینک پاکستان کو مزید ڈھائی کروڑ ڈالر کا قرض دے گا

    اسلام آباد : ایشیائی ترقیاتی بینک پاکستان کو مزید ڈھائی کروڑ ڈالر کا قرضہ فراہم کرے گا ، قرضے کا مقصد پاکستانی خواتین کے چھوٹے کاروبار کے لئے سرمائے کی فراہمی ممکن بنانا ہے۔

    تفصیلات کے مطابق ایشیائی ترقیاتی بینک نے پاکستان کے لئے مزید ڈھائی کروڑ ڈالر کی قرض کی منظوری دے دی گئی ، بینک کی جانب سے جاری اعلامیہ میں کہا گیا ہے کہ یہ رقم ایس ایم ای سیکٹر کے لئے دی جائےگی، رقم کا مقصد پاکستانی خواتین کے چھوٹے کاروبار کے لئے سرمائے کی فراہمی ممکن بناناہے۔

    بینک کا کہنا ہے کہ پاکستانی معیشت کے لئے خواتین کی سرمائے تک رسائی بہت اہم ہے، پاکستانی معشیت کے لئے ایک مجموعی معاشی نظام انتہائی اہم ہے۔

    دوسری جانب ایشیائی ترقیاتی بینک نے پاکستان کے لئے پروگرام بیسڈ فنانسنگ کا آغاز کردیاہے، یہ عمل دوسال سےرکاہوا تھا۔

    مزید پڑھیں : ایشیائی ترقیاتی بینک سے 50 کروڑ ڈالر موصول

    یاد رہے اس سے قبل ایشیائی ترقیاتی بینک نے پاکستان کے لئے50 کروڑڈالر قر ض کی منظوری دی تھی اور کہا تھا قرض سےتجارتی خسارے کوکم کرنےمیں مددملےگی۔

    بعد ازاں 17 اگست کو پاکستان کو ایشیائی ترقیاتی بینک سے 50 کروڑ ڈالر موصول ہوگئے تھے ، ایشیائی ترقیاتی بینک نے تجارت کے فروغ ،خسارے میں کمی اور معاشی اصلاحات کیلئے پچاس کروڑ ڈالر جبکہ ٹیکنیکل سپورٹ کے طور پر سات لاکھ پچاس ہزارڈالرز کا پیکج دیا۔

    اسٹیٹ بینک کا کہنا تھا کہ ایشیائی ترقیاتی بینک کی جانب سے فنڈز ملنے کے بعد مجموعی ملکی زرمبادلہ کے ذخائر 15 ارب 57 کروڑ ڈالر سے تجاوز کرگئے تھے۔

  • ایشیائی ترقیاتی بینک سے 50 کروڑ ڈالر موصول ، زرمبادلہ کے ذخائر میں اضافہ

    ایشیائی ترقیاتی بینک سے 50 کروڑ ڈالر موصول ، زرمبادلہ کے ذخائر میں اضافہ

    اسلام آباد : پاکستان کو ایشیائی ترقیاتی بینک سے 50 کروڑ ڈالر موصول ہوگئے ، جس کے بعد ملکی زرمبادلہ کے ذخائر 15 ارب 57 کروڑ ڈالر سے تجاوز کرگئے۔

    تفصیلات کے مطابق ایشیائی ترقیاتی بینک کی جانب سے پاکستان کو 50 کروڑ ڈالر کے فنڈز موصول ہوگئے ، اسٹیٹ بینک کا کہنا ہے کہ ایک ہفتے کے دوران زرمبادلہ کے ذخائر میں ترپن کروڑپچاس لاکھ ڈالر کا اضافہ ہوا، جس کے بعد مرکزی بینک کے ذخائر بڑھ کر آٹھ ارب چھبیس کروڑ ڈالر سے تجاوز کرگئے۔

    کمرشل بینکوں کے پاس 7 ارب 31 کروڑ ڈالر کے زخائر موجود ہیں جبکہ مجموعی ملکی زرمبادلہ کے ذخائر 15 ارب 57 کروڑ ڈالر سے زائد جا پہنچے۔

    یاد رہے ایشیائی ترقیاتی بینک نے تجارت کے فروغ ،خسارے میں کمی اور معاشی اصلاحات کیلئے پچاس کروڑ ڈالر جبکہ ٹیکنیکل سپورٹ کے طور پر سات لاکھ پچاس ہزارڈالرز کے پیکج کی منظوری دی تھی۔

    مزید پڑھیں : آئی ایم ایف کے بعد ایشیائی ترقیاتی بینک بھی پاکستان کو قرضہ دے گا

    آئی ایم ایف،اے ڈی بی اوردیگرمالیاتی اداروں سےملنےوالی رقوم سے ملک کو درپیش مالی مسائل کےحل کرنےمیں مدد ملےگی۔

    معاشی ماہرین کاکہنا ہے پاکستان کو آئندہ تین برسوں میں مختلف بیرونی ادائیگیوں کیلئے پچپن سے ساٹھ ارب ڈالر درکار ہوں گے۔

  • آئی ایم ایف کے بعد ایشیائی ترقیاتی بینک بھی پاکستان کو قرضہ دے گا

    آئی ایم ایف کے بعد ایشیائی ترقیاتی بینک بھی پاکستان کو قرضہ دے گا

    اسلام آباد : ایشیائی ترقیاتی بینک پاکستان کو 50 کروڑ ڈالر کا قرضہ دے گا ، قرض سےتجارتی خسارے کوکم کرنےمیں مددملےگی اور یہ رقم تجارت اور برآمدات کی بہتری کیلئےاستعمال کی جائے گی۔

    تفصیلات کے مطابق ایشیائی ترقیاتی بینک نے پاکستان کے لئے50 کروڑڈالر قر ض کی منظوری دے دی ، اعلامیہ میں کہا گیا رقم تجارت اور برآمدات کی بہتری کیلئےاستعمال کی جائے گی۔

    اعلامیہ کے مطابق تجارت اوربرآمدات میں بہتری سے پاکستان بیرونی مسائل سےبچ سکےگا اور قرض کی فراہمی سے تجارتی خسارے کوکم کرنے میں مدد ملےگی۔

    دوسری جانب وفاقی وزیربرائےاقتصادی امور ڈویژن حماداظہر نے سماجی رابطے کی ویب سائٹ ٹوئٹر پر کہا ایشیائی ترقیاتی بینک پاکستان کے لئے 50 کروڑ ڈالر سپورٹ دے گا، رقم اصلاحاتی پروگرام تجارت اوربرآمدات کیلئےاستعمال ہوگی اور زرمبادلہ ذخائرمیں بھی اضافہ ہوگا جبکہ یہ رقم بجٹ کوبھی سپورٹ کرے گی جس کی اشد ضرورت ہے۔

    حماداظہر کا مزید کہنا تھا کہ ایشیائی ترقیاتی بینک کی جانب سے سپورٹ پروگرام دوبارہ شروع ہوا، بینک کی سپورٹ اور اصلاحاتی ایجنڈے پر بھروسے کا شکریہ۔

  • کراچی کےشہریوں کے لیےخوشخبری، ایشیائی ترقیاتی بینک نے قرضےکی منظوری دے دی

    کراچی کےشہریوں کے لیےخوشخبری، ایشیائی ترقیاتی بینک نے قرضےکی منظوری دے دی

    اسلام آباد : ایشیائی ترقیاتی بینک نے کراچی میں بس ریپڈٹرانزٹ منصوبے کیلئے قرض کی منظوری دے دی، ماحول دوست منصوبےسےشہرمیں ٹرانسپورٹ کی صورت حال بہتر ہوگی اور پندرہ لاکھ لوگ فائدہ اٹھائیں گے۔

    تفصیلات کے مطابق کراچی کے شہریوں کے لیے خوشخبری آگئی ، ایشیائی ترقیاتی بینک نے پاکستان کے لیے تئیس کروڑ پچاس لاکھ ڈالرقرضے کی منظوری دے دی۔

    دی اے ڈی بی اعلامیہ کے مطابق یہ رقم کراچی کے بس ریپڈٹرانسٹ منصوبے کیلئے دی جائےگی، بی آر ٹی منصوبہ چھبیس اعشاریہ چھ کلو میٹرطویل ہوگا اور منصوبے سے پندرہ لاکھ افراد مستفید ہوں گے۔

    اس منصوبے میں انتیس اسٹیشنز تعمیر کیے جائیں گے، روزانہ تین لاکھ سے زائد افراد سفرکریں گے، منصوبہ کراچی میں ٹریفک کی صورتحال بہترکرنے میں مدد دےگا ماحول دوست منصوبہ سےفضائی آلودگی کم کرنےمیں مدد ملےگی۔

    مزید پڑھیں : آئی ایم ایف پروگرام کی منظوری کے بعد دیگر مالیاتی ادارے بھی پاکستان کو فنڈز دیں گے

    خیال رہے آئی ایم ایف پروگرام کی منظوری کےبعدپاکستان کیلئےدیگرمالیاتی اداروں سےقرضہ ملنےکی راہ ہموارہوگئی ہے، مشیرخزانہ حفیظ شیخ کا کہنا ہے کہ دوسرے بین الاقوامی مالیاتی اداروں سے پاکستان کومجموعی طورپراڑتیس ارب ڈالرقرض ملےگا جبکہ آئی ایم ایف نےبھی اپنی رپورٹ میں بھی اس کی نشاندہی کی ہے۔

    ان اداروں میں عالمی بینک اورایشیائی ترقیاتی بینک شامل ہیں، اس رقم میں سےآٹھ اعشاریہ سات ارب ڈالرپراجیکٹ لون ہوگا، چار اعشاریہ دوارب ڈالر بجٹری سپورٹ، چودہ ارب ڈالر جاری قرضہ جات اور تقریباً آٹھ ارب ڈالر کے کمرشل قرضے شامل ہیں، نئے قرضے آئندہ تین سال میں ملیں گے۔

    معاشی ماہرین کاکہنا ہے پاکستان کو آئندہ تین برسوں میں مختلف بیرونی ادائیگیوں کیلئے پچپن سے ساٹھ ارب ڈالر درکار ہوں گے۔

  • ایشیائی ترقیاتی بینک کی پاکستان سے متعلق فیکٹس شیٹ جاری

    ایشیائی ترقیاتی بینک کی پاکستان سے متعلق فیکٹس شیٹ جاری

    اسلام آباد: ایشیائی ترقیاتی بینک کا کہنا ہے کہ پاک چین اقتصادی راہداری اور دیگر منصوبے پاکستان کی معیشت میں بہتری کی وجہ بنیں گے، اے ڈی بی ادائیگیوں کے توازن اور بیرونی قرضوں پر مدد فراہم کرتا رہے گا۔

    تفصیلات کے مطابق ایشیائی ترقیاتی بینک نے پاکستان سے متعلق فیکٹس شیٹ جاری کردی۔ اے ڈی بی کا کہنا ہے کہ پاکستان میں سرمایہ کاری سے تعاون جاری رکھا جائے گا۔

    رپورٹ میں کہا گیا ہے کہ پاک چین اقتصادی راہداری اور دیگر منصوبے معیشت میں بہتری کی وجہ بنیں گے، اے ڈی بی ایگزیم بینک کے قیام میں مدد فراہم کرے گا۔ بینک ادائیگیوں کے توازن اور بیرونی قرضوں پر بھی مدد فراہم کرے گا۔

    اےٖ ڈی بی کا کہنا ہے کہ مالی اور جاری کھاتوں کے خسارے کے باعث مسائل کا حل ڈھونڈنا ہوگا، زرمبادلہ ذخائر میں کمی اور قرضوں کی واپسی پر بھی نظر رکھنی ہوگی۔ انتظام میں بہتری، برآمدات میں اضافہ اور اداروں کو مستحکم کرنا ہوگا۔

    رپورٹ میں مزید کہا گیا کہ سرمایہ کاری بڑھانے کے لیے کاروباری اور ریگولیٹری ماحول بہتر کرنا ہوگا۔

    خیال رہے کہ اس سے قبل عالمی بینک نے اپنی ایک رپورٹ میں کہا تھا کہ حکومت پاکستان کے اقدامات کی وجہ سے تجارتی خسارے میں اگلے مالی سال سے کمی جبکہ معاشی اصلاحات کے ثمرات 2 برس بعد آنا شروع ہوں گے۔

    رپورٹ میں بتایا گیا تھا کہ حکومتی اخراجات میں کمی، شرح سود بڑھنے سے مقامی طلب میں کمی ہوئی اور رواں مالی سال کے دوران پاکستان کی شرح نمو 3.4 فیصد رہی۔

    ورلڈ بینک کی رپورٹ میں بتایا گیا تھا کہ پاکستان کی آئندہ مالی سال میں خدمات کے شعبے میں ترقی کی رفتار 4.4 فیصد رہے گی۔

  • پاکستان کو3 سال میں 22 ارب ڈالر ملنےکی توقع

    پاکستان کو3 سال میں 22 ارب ڈالر ملنےکی توقع

    اسلام آباد : پاکستان کو3سال میں22ارب ڈالرملنےکی توقع ہے ، آئی ایم ایف پروگرام ملنے کے بعد عالمی بینک اور ایشیائی ترقیاتی بینک بھی پاکستان کوقرضہ فراہم کرےگا۔

    تفصیلات کے مطابق وزیرخزانہ اسدعمر کا کہنا ہے کہ انٹرنیشنل مانیٹری فنڈپاکستان کو چھ سے آٹھ ارب ڈالرکا قرضہ پروگرام دے گا، معاہدہ اصولی طور پر طے پاگیا ہے۔

    آئی ایم ایف کےاعلامیہ کے مطابق فنڈ رواں ماہ تکنیکی معاملات طےکرنے کیلئے وفدپاکستان بھیجےگا۔

    عالمی بینک کی جانب سے آئندہ تین سال میں ساڑھے سات ارب ڈالر جبکہ ایشیائی ترقیاتی بینک کی فنانسنگ چھ ارب ڈالرتک ہوسکتی ہے، آئی ایم ایف پروگرام ملنےکے بعددونوں اداروں سےرقم ملناشروع ہوجائےگی۔

    تینوں اداروں کیجانب سے ملنے والی رقم ملکی زرمبادلہ ذخائر میں بہتری لانے کاباعث بنے گی۔

    مزید پڑھیں : عالمی بینک اوراے ڈی بی بھی پاکستان کو قرضہ دے گا ، اسد عمر

    گذشتہ روز وزیرخزانہ نے کہا آئی ایم ایف سےمعاملات طے پاجانےکے بعد عالمی بینک اوراے ڈی بی بھی پاکستان کو قرضہ دےگا، مجموعی طورپر پاکستان کو بائیس ارب ڈالر ملنےکی امید ہے۔

    اسد عمر کا کہنا تھا زرمبادلہ کے ذخائر تیزی سے گر رہے ہیں وہ بھی مستحکم ہو جائیں گے، جیسے ہی آئی ایم ایف کا پروگرام ہوا، ورلڈ بینک اور اے ڈی بی سے فنڈنگ ملے گی، ایمرجنگ مارکیٹس کی حالت تیزی سے بدل رہی ہے اور معاشی اصلاحات پر کام ہو رہا ہے۔

    وزیر خزانہ کا مزید کہنا تھا کہ آئی ایم ایف پروگرام کے بعد کیپیٹل مارکیٹ کی حالت بہتر ہوگی، زرمبادلہ کے ذخائر پر دباؤ تھا، اب اضافہ ہوگا، معاشی استحکام نظر آئے گا، خبروں میں عدم استحکام نظر آرہا ہے۔

    خیال رہے دسمبرمیں پاکستان کویوروبانڈزکی مدمیں ایک ارب ڈالرکی ادائیگی کرنی ہے، گزشتہ روز بھی پاکستان نےایک ارب ڈالریورو بانڈز کی مدمیں ادا کئے۔

  • ایشیائی ترقیاتی بینک کی پاکستانی معاشی ترقی کی رفتارمیں خطرناک کمی کی پیش گوئی

    ایشیائی ترقیاتی بینک کی پاکستانی معاشی ترقی کی رفتارمیں خطرناک کمی کی پیش گوئی

    اسلام آباد: ایشیائی ترقیاتی بینک کا کہنا ہے کہ پاکستان میں معاشی شرح نمو 6 فیصد ہدف کے مقابلے میں 3.9 فیصد رہے گی یوں پاکستانی معاشی ترقی کی رفتارمیں خطرناک کمی واقع ہوجائے گی۔

    تفصیلات کے مطابق ایشیائی ترقیاتی بینک نے پاکستانی معاشی ترقی کی رفتارمیں خطرناک کمی کی پیش گوئی کی ہے۔ اپنی رپورٹ میں اے ڈی بی کا کہنا ہے کہ معاشی شرح نمو 6 فیصد ہدف کے مقابلے میں 3.9 فیصد رہے گی۔

    رپورٹ میں کہا گیا ہے کہ پانی کی قلت پر زرعی شعبے کی ترقی کا ہدف بھی حاصل نہیں ہوسکے گا، خام مال کی قیمتوں میں اضافے سے ترقی کا عمل سست روی کا شکار ہے، گیس قیمتوں میں اضافہ اور روپے کی قدر میں کمی سے مہنگائی بڑھ گئی ہے۔

    ایشیائی بینک کی رپورٹ کے مطابق رواں سال کے آخر تک مہنگائی کی رفتار میں مزید اضافہ متوقع ہے، آمدنی میں کمی اور اخراجات میں اضافے سے بجٹ خسارے کا ہدف مشکل ہوگا۔

    رپورٹ میں مزید کہا گیا ہے کہ حکومتی قرضوں میں کمی سے نجی شعبے کو قرضے کی دستیابی میں اضافہ ہوا، کرنٹ اکاؤنٹ خسارے میں کمی متوقع ہے تاہم یہ بلند شرح پر رہے گا۔ بیرونی قرضوں کی واپسی کے باعث بھاری غیر ملکی قرضے لینا پڑیں گے۔

    خیال رہے کہ چند روز قبل عالمی بینک کی جانب سے پاکستان پر رپورٹ ’پاکستان 100 سال میں کیسا ہوگا‘ جاری کی گئی تھی جس میں کہا گیا تھا کہ پاکستان کو انسانی وسائل کی ترقی پر زیادہ سے زیادہ خرچ کرنا ہوگا اور تجارت کے فروغ کے لیے ٹیرف سمیت دیگر رکاوٹیں ختم کرنے کی ضرورت ہے۔

    رپورٹ میں کہا گیا تھا کہ ٹیکس وصولی میں اضافے کے لیے ٹیکس نیٹ بڑھانا ہوگا اور زرعی شعبے کو بھی ٹیکس نیٹ میں لانے کی ضرورت ہے، پاکستان کے ٹیکس نظام میں ایسی خرابیاں ہیں جو ٹیکس چوری کی وجہ بنتی ہیں۔

    عالمی بینک کے مطابق علاقائی روابط کے فروغ سے سنہ 2047 تک معیشت میں 30 فیصد اضافہ کیا جا سکتا ہے۔

  • بجلی کےترسیلی نظام کی بہتری، اےڈی بی پاکستان کو28کروڑ40لاکھ ڈالر قرضہ فراہم کرےگا

    بجلی کےترسیلی نظام کی بہتری، اےڈی بی پاکستان کو28کروڑ40لاکھ ڈالر قرضہ فراہم کرےگا

    اسلام آباد : ایشیائی ترقیاتی بینک بجلی کے ترسیلی نظام کی بہتری کے لئے پاکستان کو28کروڑ40لاکھ ڈالر قرضہ فراہم کرےگا جبکہ اس رقم کے علاوہ 40لاکھ ڈالربجلی کی قلت پوری کرنےکیلئے بھی دیےجائیں گے۔

    تفصیلات کے مطابق ایشیائی ترقیاتی بینک اور پاکستان کے درمیان بجلی کے ترسیلی نظام میں بہتری کیلئے معاہدے پر دستخط ہوگئے، ترسیلی نظام کی بہتری کے لئے بینک پاکستان کو قرضہ دےگا۔

    بینک کے جاری اعلامیہ کے مطابق ایشیائی ترقیاتی بینک پاکستان کو اٹھائیس کروڑ چالیس لاکھ ڈالر قرضہ فراہم کرئےگا،یہ قرضہ پاور ٹرانسمیشن نیٹ ور ک کی بہتری کے لئے دیاجائےگا۔

    معاہدےپردستخط اے ڈی بی کے کنٹری ڈاریکٹر اور سیکریٹری اقتصادی امور ڈویژن نے کئے، منصوبے سےبجلی کےترسیلی نظام میں بہتری آئے گی۔

    اعلامیہ کے مطابق اس رقم کےعلاوہ چالیس لاکھ ڈالر بجلی کی قلت پورا کرنے کے لئے بھی دیئےجائیں گے۔

    مزید پڑھیں : ایشیائی ترقیاتی بینک کی پاکستان کیلئے 7کروڑ 50لاکھ ڈالر قرض کی منظوری

    اس سے قبل ایشیائی ترقیاتی بینک نے پاکستان کے لئے سات کروڑ پچاس لاکھ ڈالر کے قرضہ کی منظوری دی تھی ، یہ رقم خیبر پختونخوا کی سٹرکوں کی ازسر نو تعمیر اور مرمت پر خرچ کی جائے گی۔

    یاد رہے اکتوبر میں ایشیائی ترقیاتی بینک نے کہا ہے کہ وہ پاکستان کو امداد کی مد میں 7 ارب 10 کروڑ ڈالر دے گا، یہ رقم 3 سال کی مدت کے لیے دی جائے گی، امداد پائیدار ترقی کے اہداف کے حصول کے لیے استعمال کی جائے گی۔

    ایک معاہدے کے تحت ایشیائی ترقیاتی بینک بے نظیر انکم سپورٹ پروگرام کو تیس کروڑ ڈالر فر اہم کرے گا، یہ رقم 2019 سے 2021 کے دوران جاری کی جائے گی جبکہ بینک نے پاکستان کے لیے 10 کروڑ ڈالر کے قرض کی منظوری بھی دی تھی، قرضہ بلوچستان میں پانی کی قلت کودور کرنے کے لیے استعمال ہوگا۔

  • وزیر ریلوے سے ایشیائی ترقیاتی بینک کے وفد کی ملاقات

    وزیر ریلوے سے ایشیائی ترقیاتی بینک کے وفد کی ملاقات

    اسلام آباد: وزیر ریلوے شیخ رشید کا کہنا ہے کہ ریلوے کی اپ گریڈیشن اولین ترجیح ہے، پاکستان ریلویز ایشیائی ترقیاتی بینک کو خوش آمدید کہتا ہے۔

    تفصیلات کے مطابق وزیر ریلوے شیخ رشید سے ایشیائی ترقیاتی بینک کے وفد کی ملاقات ہوئی۔

    ملاقات میں شیخ رشید کا کہنا تھا کہ ریلوے کی اپ گریڈیشن اولین ترجیح ہے، پاکستان ریلویز ایشیائی ترقیاتی بینک کو خوش آمدید کہتا ہے۔

    انہوں نے کہا کہ پاکستان ریلوے کو جامع منصوبوں کی اشد ضرورت ہے، حکومتی ضروریات اور ترجیحات کو مد نظر رکھنا ضروری ہے۔

    وزیر ریلوے نے کہا کہ ملک کا مفادات اولین ترجیح ہے۔

    خیال رہے کہ وزیر ریلوے نے محکمے کی حالت سدھارنے کے لیے مختلف کمپنیوں اور بیرون ملک پاکستانیوں کو سرمایہ کاری کی دعوت دے رکھی ہے۔

    اس سے قبل شیخ رشید نے کہا تھا کہ ای سی سی نے 70 ہزار پری پیڈ میٹر لگانے کا فیصلہ کیا ہے، 100 دن میں 10 نئی ٹرینیں چلائی جائیں گی۔

    انہوں نے کہا تھا کہ این ایل سی کے 10 انجن ہیں جن کا 5 کروڑ روپے ماہوار خرچہ ہے۔ ریلوے کی حالت ایسی ہے کہ اب فیصلے نہ کیے تو کبھی نہیں کر پائے گی۔

  • ایشیائی ترقیاتی بینک بی آئی ایس پی کو 30 کروڑڈالرفراہم کرے گا

    ایشیائی ترقیاتی بینک بی آئی ایس پی کو 30 کروڑڈالرفراہم کرے گا

    اسلام آباد : ایشیائی ترقیاتی بینک بے نظیر انکم سپورٹ پروگرام کو تیس کروڑ ڈالر فر اہم کرے گا، یہ  رقم2019 سے 2021 کے دوران جاری کی جائے گی۔

    تفصیلات کے مطابق ایشیائی ترقیاتی بینک اور بے نظیر انکم سپورٹ پروگرام کے درمیان طویل مدتی معاہدہ طے پاگیا ہے، اے ڈی بی بے نظیر انکم سپورٹ پروگرام کو تیس کروڑ ڈالر فر اہم کرے گا۔

    بی آئی ایس پی اعلامیہ میں کہا گیا ہے کہ عالمی مالیاتی ادارہ یہ رقم تین سال میں فراہم کرے گا، رقم 2019 سے 2021 کے دوران کنٹری آپریشنز بزنس پلان کے تحت فراہم کی جائے گی اور بی آئی ایس پی کے موجودہ پروگرامز اور آئندہ منصوبوں کے لئے استعمال ہوگی ۔

    اعلامیہ کے مطابق رقم کا بڑا حصہ غربت کے خاتمے اور صنفی امتیاز کم کرنے سے متعلق منصوبوں پر خرچ ہوگا۔

    مزید پڑھیں : ایشیائی ترقیاتی بینک کی پاکستان کے لیے 10 کروڑ ڈالر کے قرض کی منظوری

    یاد رہے گذشتہ روز ایشیائی ترقیاتی بینک نے پاکستان کو پانی کی قلت کو دور کرنے کے لئے دس کروڑ ڈالر کے قرض کی منظوری دی تھی، اس رقم سے بلوچستان میں 12 کروڑ ڈالر سے زائد مالیت کے دو منصوبے مکمل کیے جائیں گے۔

    بینک کی جانب سے جاری اعلامیہ میں کہا گیا ہے واٹر ریسورس منصوبہ ژوب اور دریا مولا بیسن میں جاری ہے، منصوبے پر مکمل لاگت بارہ کروڑ پچپن لاکھ ڈالر آئے گی جبکہ بقیہ رقم بلوچستان حکومت فراہم کرے گی۔

    اے ڈی بی کا کہنا ہے کہ پانی کی دستیابی بہتر بنانے سے بلوچستان میں زرعی آمدنی اور زرعی پیداوار میں اضافہ ہوگا۔