Tag: -address-public-gathering

  • وزیراعظم عمران خان کاآج میرپور آزادکشمیرمیں تاریخی جلسہ، تیاریاں مکمل

    وزیراعظم عمران خان کاآج میرپور آزادکشمیرمیں تاریخی جلسہ، تیاریاں مکمل

    میرپور : وزیراعظم عمران خان آج میرپور آزادکشمیر میں تاریخی جلسے سے خطاب کریں گے ، جلسے کی تیاریاں مکمل کر لی گئیں ہیں ، عمران خان جنوبی ایشیاکےسب سےبڑےآرفن ہاؤس کورٹ کاافتتاح بھی کریں گے۔

    تفصیلات کے مطابق زیراعظم عمران خان آج میرپورکرکٹ اسٹیڈیم میں کشمیریکجہتی ریلی سے خطاب کریں گے ، کرکٹ اسٹیڈیم میں جلسے کی تیاریاں مکمل کرلیں گئیں ہیں ، وزیراعظم آزادکشمیرراجہ فاروق حیدر عمران خان کا استقبال کریں گے۔

    وزیراعظم عمران خان جنوبی ایشیاکےسب سےبڑےآرفن ہاؤس کورٹ کا افتتاح بھی کریں گے اور کورٹ ایجوکیشنل کمپلیکس جڑی کس میں یتیم بچوں سے ملاقات کریں گے اور ان کے ساتھ کھانا بھی کھائیں گے۔

    گذشتہ روز وزیراعظم عمران خان نے آزادکشمیر قانون ساز اسمبلی سے خطاب کرتے ہوئے کہا تھا کہ قومی ہم آہنگی اور اتفاق رائے کی بات سے متفق ہوں ، بری سے بری جمہوریت بھی آمریت سے بہتر ہے ، پلیز مجھے کرپٹ لوگوں کےساتھ مفاہمت کا نہ کہاجائے ، میں جمہوری انسان ہوں اور جمہوریت پریقین رکھتاہوں۔

    عمران خان کا کہنا تھا کہ  میری کسی سے ذاتی لڑائی نہیں ہے ، قوموں کی ترقی کیلئے شفافیت میرٹ اورقانون کی بالادستی ضروری ہے ، کوئی شک نہیں مشکل وقت سے نکلیں گے اور عظیم قوم بنیں گے۔

    مزید پڑھیں : مودی کے اقدام کے بعد میرا ایمان ہے کشمیر آزاد ہوگا: آزاد کشمیر اسمبلی سے خطاب

    وزیراعظم نے کہا تھا کہ  مودی نے 6ماہ پہلے جو قدم اٹھایا ،میراایمان ہےکشمیر اب آزادہوگا ، 5اگست کو مودی وہ غلطی کربیٹھا ہے جس سے اب پیچھے نہیں ہٹ سکتا، مودی نے اپنی ساری انتخابی مہم پاکستان کے خلاف کی اور اپنی ہندوتوا سوچ اور آرایس ایس کے فلسفے کو اوپر لیکر گیا۔

    ان کاکہنا تھا کہ  پوری کوشش کی ہر فورم پر کشمیر کی صورتحال سے آگاہ کیا، ہر فورم پر آرایس ایس کا فلسفہ بھی دنیا کے سامنے رکھا، تین بار ڈونلڈ ٹرمپ کو سمجھایا کہ کشمیر ایشو کیا ہے ، ایک بار کہنے سے فرق نہیں پڑےگا کیونکہ ان کے بھارت کیساتھ کمرشل مفاد ہیں۔

    عمران خان نے کہا تھا کہ  بھارت میں شہریت متنازع قانون کی وجہ سے تمام اقلیتوں کو خطرہ ہوگیا ہے، آرایس ایس کے غنڈے ہٹلر  کے لوگوں جیسی حرکتیں کررہےہیں ، آج دنیا دیکھ رہی ہے تمام انٹرنیشنل اخباروں میں بھارت کاچہرہ بےنقاب ہوا، دنیا سمجھ گئی ہے ،بھارت کے اندر بھی تحریک شروع ہوچکی ہے۔

    وزیراعظم کا کہنا تھا کہ  تاریخ دیکھ لیں،ہندوتوا جیسی سوچ کی وجہ سے ہمیشہ قتل عام ہواہے، دنیا کشمیر پر ہمارے نکتہ نظر کو  سمجھ رہی ہے ، نفرت انگیز پالیسیوں کےنتیجےمیں ہمیشہ خون خرابہ اور تباہی ہوتی ہے۔

  • چیئرمین  پیپلزپارٹی بلاول بھٹو آج ضلع مہمند میں جلسے سے خطاب کریں گے

    چیئرمین پیپلزپارٹی بلاول بھٹو آج ضلع مہمند میں جلسے سے خطاب کریں گے

    ضلع مہمند: چیئرمین پیپلزپارٹی بلاول بھٹو آج ضلع مہمندمیں جلسےسےخطاب کریں گے، بلاول بھٹو نے سندھ، پنجاب کے بعد کے پی میں جلسوں کا اعلان کیا تھا۔

    تفصیلات کے مطابق پیپلز پارٹی آج خیبرپختونخواہ کے اضلاع مہمند میں سیاسی قوت کا مظاہرہ کرے گی ، چیئرمین پیپلزپارٹی بلاول بھٹو جلسےسےخطاب کریں گے جلسے کے تمام ترانتظامات مکمل کرلیے گئے ہیں۔

    باب مہمندکےقریب پنڈال سج گیا اور 15ہزارکرسیاں لگادی گئیں ہیں ، جلسہ گاہ میں68فٹ لمبا اور20 فٹ چوڑاسٹیج تیارکیاگیا، پیپلزپارٹی کےمرکزی قائدین بھی جلسے میں شرکت کرے گی۔

    گذشتہ روز بلاول بھٹو نے سندھ، پنجاب کے بعد کے پی میں جلسوں کا اعلان کیا تھا ، خیبرپختونخوا میں جلسوں کی تفصیلات جاری کی گئی تھیں ، جس کے مطابق گ5 جولائی کو بلاول بھٹو پشاور پریس کلب کا دورہ کریں گے اور 6 جولائی کو ڈی آئی خان میں بھرپورعوامی قوت کا مظاہرہ کریں گے۔

    مزید پڑھیں : بلاول بھٹو نے پی ٹی آئی کے گڑھ کے پی کے میں جلسوں کا اعلان کر دیا

    شیڈول کے مطابق چیئرمین پیپلزپارٹی 8 جولائی کو لوئردیرمیں جلسہ عام سے خطاب کریں گے۔

    یاد رہے کہ چند روز قبل بلاول بھٹو زرداری نے گوجر خان میں جلسہ کیا تھا، اس موقع پر ان کا کہنا تھا کہ پنجاب میں بھٹو اور بی بی کے چاہنے والے مایوس نہ ہوں بھٹو کا سورج طلوع ہورہا ہے، ملک کے عوام کو حقوق ملنے تک چین سے نہیں بیٹھوں گا۔

    بلاول بھٹو نے مزید کہا تھا کہ جانتاہوں کہ پنجاب کہ جیالے مایوس ہیں، دو سال تک بھٹو کے بغیر پنجاب میں جدوجد کرنا آسان کام نہیں تھا، مگر بھٹو اور بی بی کے چاہنے والے مایوس نہ ہوں۔

  • وزیراعظم عمران خان آج خیبرایجنسی میں جلسے سےخطاب کریں گے

    وزیراعظم عمران خان آج خیبرایجنسی میں جلسے سےخطاب کریں گے

    اسلام آباد : وزیراعظم عمران خان خیبرایجنسی میں جلسے سے خطاب کریں گے، جلسے میں ضلع خیبر کے عوام کے لیے ترقیاتی منصوبوں کا اعلان کریں گے اور صحت کارڈ بھیی تقسیم کئے جائیں گے۔

    تفصیلات کے مطابق وزیراعظم عمران خان آج خیبرایجنسی کا دورہ کریں گے، جہاں وہ جمرود میں جلسےسےخطاب بھی کریں گے، ان کے ہمراہ وزیر اعلیٰ خیبرپختونخوا محمود خان ، گورنر شاہ فرمان بھی ہوں گے۔

    جمروداسٹیڈیم میں جلسے کی تیاریاں مکمل کرلی گئیں ہیں جبکہ سیکیورٹی کے بھی سخت انتظامات کئے گئے ہیں۔

    وزیراعظم جمرود جلسے ضلع خیبرکےعوام کے لیے ترقیاتی منصوبوں اور لیویز ، خاصہ دار فورس سےمتعلق اہم اعلان کریں گے۔

    وزیراعظم قبائلی اضلاع کےعوام کیلئےبڑی خوشخبریاں لےکرآرہےہیں، وزیراعلیٰ کے پی


    وزیراعلیٰ کے پی محمودخان کا کہنا ہے کہ وزیراعظم قبائلی اضلاع کےعوام کیلئےبڑی خوشخبریاں لےکرآرہےہیں، قبائلی اضلاع میں محرومیوں کا وقت ختم ہوچکا، اب تمام قبائلی اضلاع میں ہرطرف ترقی ہوگی۔

    محمودخان کا کہنا تھا کئی دہائیوں تک قبائلی عوام کوترقی کےعمل سےدوررکھاگیا، حکومت قبائلی عوام کی70سالہ محرومیوں کوختم کرکےدم لےگی، قبائلی عوام کی ترجیحات صوبائی حکومت کی ترجیحات میں شامل ہیں۔

    مزید پڑھیں : قبائلی علاقوں میں10سال تک سالانہ 100ارب روپے خرچ کریں گے‘ وزیراعظم

    یاد رہے باجوڑ میں جلسے سے خطاب کرتے ہوئے وزیراعظم عمران خان کا کہنا تھا کہ قبائلی علاقے کے لوگوں کو جنگ سے بہت نقصان پہنچا لیکن ہر مشکل کے بعد اللہ آسانی پیدا کرتا ہے، انشااللہ قبائلی علاقوں کا آسانی کا وقت شروع ہوگیا ہے۔

    عمران خان کا کہنا تھا کہ باجوڑمیں انٹرنیٹ آناچاہئے، باجوڑ کا نوجوان شعور رکھتا ہے، پہلی کوشش باجوڑ میں انٹرنیٹ پہنچانے کی کریں گے، قبائلی علاقوں میں جنگ کی وجہ سےتباہی ہوئی، اسلام آباد پہنچتے ہی باجوڑ میں انٹرنیٹ پہنچانے کی کوشش کروں گا۔

  • وزیر اعظم عمران خان کل گھوٹکی میں جلسے سے خطاب کریں گے

    وزیر اعظم عمران خان کل گھوٹکی میں جلسے سے خطاب کریں گے

    گھوٹکی: وزیر اعظم عمران خان کل گھوٹکی میں جلسےسے خطاب کریں گے جبکہ پارٹی رہنماؤں سے ملاقاتوں میں سندھ کی سیاسی صورت حال پر مشاورت بھی کریں گے۔

    تفصیلات کے مطابق وزیراعظم عمران خان کل گھوٹکی  کی تحصیل خان گڑھ پہنچیں گے، جہاں وہ پارٹی رہنماؤں سے ملاقات کریں گے اور سندھ کی سیاسی صورتحال پر مشاورت بھی کریں گے، عمران خان کو جی ڈی اے رہنماسردارعلی گوہر مہر نے آنے کی  دعوت دی تھی۔

    وزیر اعظم گھوٹکی میں جلسے سے خطاب کریں گے ، گوہرپیلس اور پنڈال سجانے کا کام 2 روز سے جاری ہے ، پنڈال میں 4 ہزار مہمانوں کے بیٹھنے کا انتظام کیاگیا ہے۔

    سردار علی گوہر خان مہر اور حلیم عادل شیخ کا پنڈال کا دورہ کیا ، اس موقع پر حلیم عادل شیخ نے کہا وفاقی حکومت سندھ کےمسائل حل کرنا چاہتی ہے، انتظامات مکمل ہیں دیگر قائدین بھی تشریف لارہے ہیں۔

    مزید پڑھیں :  وزیراعظم عمران خان آج گوادر میں ملک کے سب سے بڑے ایئرپورٹ کا سنگ بنیاد رکھیں گے

    خیال رہے وزیراعظم عمران خان کوئٹہ پہنچ گئے ہیں ، جہاں کچھ دیر بعد صوبائی دارالحکومت میں نسٹ کیمپس کا سنگ بنیاد رکھیں گے۔

    وزیراعظم کچلاک تاژوب روڈ منصوبوں اور امراض قلب کے اسپتال کاسنگ بنیاد رکھیں گے، جس کے بعد وزیراعظم گوادر جائیں گے، جہاں گوادر ایکسپو کی اختتامی تقریب میں شرکت کریں  گے اور گوادر میں ملک کے بڑے ایئرپورٹ کا سنگ بنیاد رکھیں گے۔

    بعد ازاں وزیرِ اعظم عمران خان شام کو کراچی پہنچیں گے، جہاں وہ کراچی ٹرانسفارمیشن کمیٹی کے اجلاس کی صدارت کریں گے، کمیٹی وزیر اعظم کو منصوبوں پر عمل درآمد سے متعلق بریفنگ دے گی۔