Tag: address

اب پاکستان کے فیصلے پاکستان میں ہوں گے، سر نہیں جھکائیں گے: شہریار آفریدی

اسلام آباد: وزیر مملکت برائے داخلہ شہریار آفریدی کا کہنا ہے کہ پاکستان کے خلاف دشمن کے حربے ناکام بنانے پر قوم کے سپوت ستائش کے قابل ہیں، اب پاکستان کے فیصلے پاکستان میں ہوں گے، سر نہیں جھکائیں گے۔

تفصیلات کے مطابق وزیر مملکت برائے داخلہ شہریار آفریدی نے تقریب سے خطاب کرتے ہوئے کہا کہ دنیا کو پیغام دینا ہے پاکستانی قوم ایک ذمہ دار قوم ہے، چین ہمارا سچا اور بہترین دوست ہے، چین سے دل کی گہرائیوں سے محبت کرتے ہیں۔

وزیر داخلہ کا کہنا تھا کہ قبائلی علاقوں میں بہترین ترقیاتی کام ہوں گے۔ فاٹا کا پختونخواہ میں انضمام ترقی کی راہیں کھولے گا۔ سیاحت کے فروغ کے لیے ویزہ پالیسی میں نرمی کی ہے۔

انہوں نے کہا کہ ملک میں انصاف اور امن ہمارا مقصد ہے، انتہا پسندی اور تنگ نظری کا خاتمہ کردیا ہے۔ پاکستان کی پوری دنیا عزت کر رہی ہے۔

وزیر داخلہ کا کہنا تھا کہ پاکستان نے دہشت گردی کے خلاف کامیابی سے جنگ لڑی، عوام نے دہشت گردی کی جنگ میں بے پناہ قربانیاں دیں۔ دشمنوں نے پاکستانیوں کو آپس میں لڑانے کے لیے حربے استعمال کیے۔

انہوں نے کہا کہ دشمن کے حربے ناکام بنانے پر قوم کے سپوت ستائش کے قابل ہیں، پاکستانیوں جاگ جاؤ اور دشمن کو بتا دو کہ ہم متحد ہیں۔ ’اب پاکستان کے فیصلے پاکستان میں ہوں گے، سر نہیں جھکائیں گے‘۔

اس سے قبل وزیر داخلہ نے کہا تھا کہ جب تک اکٹھے نہیں ہوں گے دشمن ہم پر حملہ کرتا رہے گا، منشیات جیسی لعنت سے چھٹکارے کے لیے سب کو ساتھ لے کر چلنا ہے۔

انہوں نے کہا تھا کہ صرف اسلام آباد ہی نہیں پوری دنیا کے لیے مثال بنانی ہے، دنیا کو بتانا ہے ہم نے ملک کے لیے کئی قربانیاں دی ہیں۔

فروری 1, 2019
حکومتی شٹ ڈاؤن : ٹرمپ نے اسٹیٹ آف دی یونین خطاب موخر کردیا

واشنگٹن : امریکی صدر ٹرمپ نے طویل ترین حکومتی شٹ ڈاؤن کے خاتمے تک اسٹیٹ آف دی یونین تقریر کرنے سے سے انکار کردیا۔

تفصیلات کے مطابق امریکی صدر ڈونلڈ ٹرمپ اور کانگریس اراکین کے درمیان میکسیکو سرحد پر دیوار کی تعمیر کےلیے گزشتہ ایک ماہ سے ڈیڈ لاک برقرار ہے جس کے باعث لاکھوں ملازمین کو دشواریوں کا سامنا کرنا پڑ رہا ہے۔

امریکی صدر ڈونلڈ ٹرمپ کا کہنا ہے کہ کسی متبادل جگہ سے اسٹیٹ آف دی یونین تقریر نہیں کروں گا، خطاب کےلیے کوئی دوسری جگہ تاریخی، روایتی اہمیت کی حامل نہیں جتنی اہمیت ہاؤس چیمبر کی ہے۔

ڈونلڈ ٹرمپ نے سماجی رابطے کی ویب سائٹ ٹویٹر پر کہا کہ مستقبل قریب میں عظیم اسٹیٹ آف دی یونین خطاب کروں گا۔

امریکی صدر ڈونلڈ ٹرمپ نے سماجی رابطے کی ویب سائٹ پر ٹویٹ کیا کہ کانگریس کی اسپیکر نینسی پیلوسی نے اسٹیٹ آف دی یونین خطاب کی دعوت دی تھی جس پر میں رضایت کا اظہار کیا لیکن بعد میں اسپیکر نے شٹ ڈاؤن کے باعث اپنا ارادہ تبدیل کردیا۔

ٹرمپ نے ٹویٹ میں کہا کہ کانگریس اسپیکر نینسی پیلوسی نے کسی اور جگہ سے خطاب کی تجویز دی تھی، مقررہ جگہ پر خطاب ہونا زیادہ اہمیت کا حامل ہے۔

اس سے قبل امریکی صدر نے کہا تھا کہ اسٹیٹ آف دی یونین خطاب شیڈول کے مطابق اپنے وقت پر ہوگا۔

غیر ملکی میڈیا کا کہنا ہے کہ بدھ کے روز امریکی کانگریس کی اسپیکر نینسی پیلوسی نے دعوت واپس لیتے ہوئے کہا تھا کہ ڈونلڈ ٹرمہ کانگر میں خطاب کرنے سے قبل حکومتی سروس کو مکمل طور پر بحال کریں۔

مزید پڑھیں : آج بارڈر سیکیورٹی اور حکومتی شٹ ڈاؤن سے متعلق بڑا اعلان کروں گا: ٹرمپ

خیال رہے کہ امریکی صدر نے دیوار کی تعمیر کے لیے 5.7 بلین ڈالرز منظور کرنے کا مطالبہ کر رکھا ہے تاہم کانگریس میں ڈیموکریٹس دیوار کی فنڈنگ کی منظوری سے مسلسل انکاری ہیں۔

صدرٹرمپ نے دیوار کے لیے فنڈز مختص کیے بغیر بجٹ پر دستخط سے انکار کردیا اور آج ملک امریکا میں حکومتی شٹ ڈاؤن کا 34 واں روز ہے،جو امریکا کا طویل ترین شٹ ڈاؤن بن گیا ہے، شٹ ڈاؤن کی وجہ سے 8لاکھ سے زائد سرکاری ملازمین بغیر تنخواہ کام کرنے پر مجبور ہیں۔

جنوری 24, 2019
ساہیوال واقعے میں دہشت گردوں نے خواتین کو استعمال کیا: فواد چوہدری

لاہور: وفاقی وزیر اطلاعات فواد چوہدری کا کہنا ہے کہ ساہیوال واقعے میں ہلاک ہونے والے بڑے دہشت گرد تھے، ابتدائی تحقیقات کے مطابق دہشت گردوں نے خواتین کو استعمال کیا۔

تفصیلات کے مطابق وفاقی وزیر اطلاعات فواد چوہدری نے ایک تقریب سے خطاب کے دوران ساہیوال میں مبینہ پولیس مقابلے میں خاندان کی ہلاکت کے معاملے پر کہا کہ محکمہ انسداد دہشت گردی (سی ٹی ڈی) کا کہنا ہے کہ ہلاک ہونے والے بڑے دہشت گرد تھے۔

انہوں نے کہا کہ واقعے کی ابتدائی تحقیقات کے مطابق دہشت گردوں نے خواتین کو استعمال کیا۔

فواد چوہدری نے کہا کہ منو بھائی سے ہمارے گھر کا پرانا تعلق تھا، ماضی کی نسبت پاکستان بہتر حالات کی جانب گامزن ہے۔

ان کا کہنا تھا کہ رواں سال پاکستان بڑی ایکسپورٹ کرے گا، 2019 میں پاک چین اقتصادی راہداری (سی پیک) میں بہت سی تبدیلیاں دیکھنے کو ملیں گی، سی پیک میں تحریک انصاف کا منشور نظر آئے گا۔

انہوں نے کہا کہ مسلم لیگ ن ہو، پیپلز پارٹی ہو یا تحریک انصاف یہ ملکی وجود کے لیے ضروری ہیں۔ ہمارا جھگڑا 2 بڑے لیڈروں کے لیے این آر او مانگنے پر ہوتا ہے، ن لیگ اور پیپلز پارٹی اپنے لیڈروں کو بچانے کے لیے این آر او مانگتی ہیں۔

فواد چوہدری کا کہنا تھا کہ دہشت گردوں کو کنٹرول کرنے کے لیے فوجی عدالتیں بنائی گئیں، فوجی عدالتیں نیشنل ایکشن پلان کے تحت بنائی گئی تھیں۔ فوجی عدالتوں کی مدت میں توسیع کے لیے ترمیم کی ضرورت ہے۔

انہوں نے کہا کہ ڈیم فنڈ میں ایک سال میں 30 ارب اکٹھا کرنے کا ٹارگٹ ہے، 5 ماہ میں ڈیم فنڈ میں 9 ارب سے زائد جمع ہو چکے ہیں۔

اس سے قبل وزیر اطلاعات کا کہنا تھا کہ سی پیک پاکستان کی معیشت کی ریڑھ کی ہڈی ہے، اسے سپورٹ کرنا چاہیئے، سی پیک کو سپورٹ نہ کرنا اپنے پاؤں پر کلہاڑی مارنے کے مترادف ہے۔

فواد چوہدری کا کہنا تھا کہ سعودی عرب پاکستان میں بہت بڑی سرمایہ کاری کرنے والا ہے، 18 ویں ترمیم کے تحت وسائل صوبوں کو تفویض کردیے گئے، 18 ویں ترمیم کے بعد وفاق صوبوں کی ذمے داری کیسے اٹھا سکتا ہے۔

جنوری 19, 2019
ملکی مفاد میں درجنوں منصوبوں میں اربوں روپے کم کروائے: شہباز شریف

اسلام آباد: اپوزیشن لیڈر شہباز شریف کا کہنا ہے کہ ہم نے ملکی مفاد میں درجنوں منصوبوں میں اربوں روپے کم کروائے، سنگل بڈ پر 309 ارب روپے کا منصوبہ دیا جا رہا ہے، یہ ناانصافی ہے۔

تفصیلات کے مطابق اپوزیشن لیڈر شہباز شریف نے قومی اسمبلی کے اجلاس میں اظہار خیال کرتے ہوئے کہا کہ رزاق داؤد کی ذات سے کوئی اختلاف نہیں، عوام کا 300 ارب روپیہ آنکھوں پر پٹی باندھ کر دیا جا رہا ہے۔

شہباز شریف نے کہا کہ پیپرا رولز سے متعلق درجنوں مثالیں دے سکتا ہوں، ہم نے ملکی مفاد میں درجنوں منصوبوں میں اربوں روپے کم کروائے، سنگل بڈ پر 309 ارب روپے کا منصوبہ دیا جا رہا ہے، یہ ناانصافی ہے۔

ان کا کہنا تھا کہ گزارش ہے ہاؤس کمیٹی بنائیں جو پورے معاملے کی جانچ کرے، عوام کا پیسہ ہے، منصوبوں سے متعلق جاننے کا حق ہے۔

شہباز شریف نے مزید کہا کہ مہمند ڈیم کے لیے سنگل بڈ آئی تو دوبارہ بڈ کیوں نہیں ہوئی، پیپرا رولز کے تحت دوبارہ بڈہونی چاہیئے۔ 309 ارب کس طرح نظر انداز کیا جا رہا ہے۔

اس سے قبل 14 جنوری کو قومی اسمبلی کے اجلاس سے خطاب کرتے ہوئے شہباز شریف نے کہا تھا کہ مہمند ڈیم کے لیے بھی ہماری حکومت نے 2 ارب روپے مختص کیے تھے، زمین بھی ن لیگ نے خریدی۔ مہمند ڈیم کے ٹھیکے سے متعلق پارلیمنٹ کی کمیٹی بنائی جائے۔

انہوں نے کہا تھا کہ ہمارے دورحکومت میں مسائل کے لیے ہنگامی بنیادوں پر کام کیا گیا، 3 پلانٹس لگائے گئے جو اس وقت 36 سو میگا واٹ بجلی فراہم کر رہے ہیں، 12 سو میگا واٹ کا چوتھا پلانٹس انسولیشن میں ہے۔

انہوں نے مزید کہا تھا کہ مہمند ڈیم کا عمل پچھلے کئی سالوں سے جاری ہے، مہمند ڈیم کی بڈنگ کا عمل ہمارے دور حکومت میں شروع کیا گیا۔ ڈیم کے کنٹریکٹ کی ذمہ داری حکومت کی ہے، 800 میگا واٹ کے مہمند ڈیم کی تکمیل کے 5 سے 6 سال درکار ہیں۔

جنوری 18, 2019
بنیادی انسانی ضروریات کے لیے ایشوز اٹھائے تاکہ بہتری آئے: چیف جسٹس

اسلام آباد: چیف جسٹس آف پاکستان میاں ثاقب نثار کا کہنا ہے کہ ہم نے ڈیمز کا ایشو اٹھایا تو کیا یہ انتظامی معاملات میں مداخلت ہے؟ بنیادی انسانی ضروریات کے لیے ایشوز اٹھائے تاکہ بہتری آئے۔

تفصیلات کے مطابق چیف جسٹس آف پاکستان میاں ثاقب نثار نے پولیس ریفارمز کمیٹی رپورٹ سے متعلق تقریب سے خطاب کیا۔ اپنے خطاب میں چیف جسٹس کا کہنا تھا کہ کرمنل جسٹس سسٹم کسی بھی معاشرے میں امن کی ضمانت دیتا ہے۔

چیف جسٹس نے کہا کہ اے ڈی خواجہ کیس سے پہلے پولیس ریفارمز پر کسی نے توجہ نہیں دی، اے ڈی خواجہ کیس پر وکیل نے کہا یہ سسٹم کی کمزوری کا معاملہ ہے۔ سوال اٹھا کرمنل جسٹس سسٹم کو کیسے ریفامز کی طرف لے جائیں۔

انہوں نے کہا کہ پولیس ریفارمز سے متعلق کیس سپریم کورٹ میں ہے، نظام انصاف کے لیے ابھی بہت کچھ کرنا باقی ہے۔ پولیس اصلاحات پر اب تک زیادہ کام نہیں ہوسکا ہے۔ ہمیشہ کوشش رہی کہ پولیس خود آزادانہ کام کرے۔

چیف جسٹس نے کہا کہ سردار طارق کھوسہ وہ ہیں جو اچھا کام کرتے ہیں پر کہتے ہیں میرا نام نہ بتانا۔

ان کا کہنا تھا کہ قیام امن اور قانون کی عملداری میں پولیس کا اہم کردار ہے، پولیس کو غیر سیاسی اور عوام دوست بنانا چاہتے ہیں۔ افسوس کے ساتھ کہتا ہوں کئی کیسز میں اختیارات کا غلط استعمال بھی ہوا، اختیارات کے غلط استعمال کی وجہ سے کیسز کا بوجھ عدلیہ پر پڑا ہے۔

چیف جسٹس نے کہا کہ کچھ حکام عوام کو نہیں سنتے، مجبوری میں عوام عدلیہ کے پاس آتے ہیں۔ پولیس تحقیقات میں نقائص کی وجہ سے مجرموں کو فائدہ ہوتا ہے۔ امید ہے پولیس تحقیقات کے طریقہ کار کو بہتر بنائے گی۔

انہوں نے کہا کہ اکثر جگہ پر انتظامیہ ناکام نظر آتی ہے، ڈیمز کا ایشو ہم نے اٹھایا تو کیا یہ انتظامی معاملات میں مداخلت ہے؟ بنیادی انسانی ضروریات کے لیے ایشوز اٹھائے تاکہ بہتری آئے۔

چیف جسٹس نے کہا کہ انسانی حقوق کے سیکشن میں ایک لاکھ 67 درخواستیں نمٹائیں، عدلیہ کے تمام فیصلے معاشرے کی بہتری کے لیے ہیں۔ جوڈیشری نے عوام کا اعتماد حاصل کیا ہے، 85 فیصد کیسز نمٹائے گئے اور عوام کو ریلیف دیا۔

جنوری 14, 2019
2 کروڑ بچے اسکول نہیں جا رہے جو لمحہ فکریہ ہے: وزیر تعلیم

اسلام آباد: وفاقی وزیر تعلیم شفقت محمود کا کہنا ہے کہ ملک میں خواندگی کی شرح 58 فیصد ہے اور یہ 60 سے 58 پر آئی ہے، 2 کروڑ بچے اسکول نہیں جا رہے جو لمحہ فکریہ ہے۔

تفصیلات کے مطابق وفاقی وزیر تعلیم شفقت محمود نے تقریب سے خطاب کرتے ہوئے کہا کہ ہماری 70 سالہ تعلیمی کارکردگی پر بہت سوالات اٹھائے جا سکتے ہیں۔ خواندگی کی شرح 58 فیصد ہے، یہ 60 سے 58 پر آئی ہے، آگے جانے کے بجائے ہم پیچھے گئے ہیں۔

شفقت محمود کا کہنا تھا کہ 2 کروڑ بچے اسکول نہیں جا رہے جو لمحہ فکریہ ہے، ہم توجہ دیتے تو خواندگی 100 فیصد ہوتی، ریاست معیاری و یکساں تعلیمی نظام بھی نہیں دے سکی۔

انہوں نے کہا کہ تعلیمی نظام کو ملکی ضروریات کے مطابق نہ کر سکے، ہائر ایجوکیشن و پی ایچ ڈیز کو نوکریاں نہیں مل رہیں۔ پرائیوٹ سیکٹر و وفاق المدارس میں بہت بچے تعلیم حاصل کر رہے ہیں۔

وزیر تعلیم نے کہا کہ ریاست کی کمزوری ہے تعلیم کے مختلف نظام رائج ہوچکے ہیں، پرائیویٹ اسکولز کا انٹرنیشنل لنک کی وجہ سے نصاب الگ ہوگیا۔ کیمبرج سسٹم کی وجہ سے اے لیول اور او لیول کی ڈگریاں دینے لگے۔

انہوں نے کہا کہ مدارس کا نظام تعلیم و سرٹیفکیشن بھی الگ تھا۔ تعلیمی نظام میں یکسانیت نہیں ہوتی تو دنیا کو دیکھنے کا نظریہ مختلف ہوگا۔ مختلف تعلیمی نظام کی وجہ سے قوم میں ذہن تقسیم ہوگئے، تقسیم ذہنوں سے ایک قوم بننے میں مشکل ہوتی ہے۔

شفقت محمود نے مزید کہا کہ سرکاری و کارپوریٹ نظام انگریزی میں چلتا ہے اس لیے انگلش کو فوقیت ملی، اس سے ایک نظام کے لوگ معاشرے میں کامیاب ہونا شروع ہوئے، انگریزی والے ملازمتوں و کارپوریٹ ورلڈ میں کامیاب ٹھہرائے گئے۔

انہوں نے کہا کہ غریب پیچھے رہ گیا اور امرا کا طبقہ آگے نکل گیا۔ ہم نے یکساں نظام تعلیم کی طرف بڑھنا ہے، چاہتے ہیں قوم میں ایک اتفاق رائے پیدا کیا جائے۔

جنوری 9, 2019
بدلتے رجحانات پر نظر رکھنے کے لیے میڈیا یونیورسٹی بنائیں گے: فواد چوہدری

اسلام آباد: وفاقی وزیر اطلاعات فواد چوہدری کا کہنا ہے کہ ہمیں ریاست اور حکومت پر اعتماد بحال کروانا ہے، مستقبل کے بدلتے رجحانات پر نظر رکھنی ہوگی۔ اس مقصد کے لیے ہم میڈیا یونیورسٹی بنانے جا رہے ہیں۔ مستقبل میں پرنٹ میڈیا کی بقا ممکن نظر نہیں آ رہی۔

تفصیلات کے مطابق وفاقی وزیر اطلاعات فواد چوہدری نے تقریب سے خطاب کرتے ہوئے کہا کہ آنے والے دور میں ہتھیار کے بجائے آئیڈیاز کی اہمیت ہوگی، مستقبل میں پرنٹ میڈیا کی بقا ممکن نظر نہیں آ رہی، انفارمیشن گروپ کی اہمیت بڑھتی جارہی ہے۔

فواد چوہدری نے کہا کہ سوشل میڈیا تیزی سے ترقی کرتا جا رہا ہے، مستقبل میں سنسر شپ حکومت کے ہاتھ سے نکل جائے گی۔ ’ففتھ جنریشن وار کیا ہے؟ آئیڈیاز کی جنگ ہے‘۔

انہوں نے کہا کہ حکومت ٹیکس دہندہ کا پیسہ ایک حد سے زیادہ نہیں دے سکتی، ماضی میں حکومت کے اشتہاروں کو استعمال کیا گیا۔ بسنت میں معیشت کا پہلو بھی ہوتا ہے، کمپنیاں اپنا پیسہ لگاتی ہیں۔

وزیر اطلاعات کا کہنا تھا کہ باہر ممالک میں کیا اسٹریٹ کرائم پاکستان سے کم ہیں؟ میڈیا کے ساتھ ہماری معیشت نقصان اٹھاتی رہے گی، ہمیں اطلاعات میں اپنے طور طریقے 100 فیصد تبدیل کرنے کی ضرورت ہے۔

انہوں نے کہا کہ ریڈیو اور پاکستان ٹی وی کی گنجائش بہت کم ہے، مقابلہ نہیں کر سکتے۔ 1960 میں ریڈیو کے ٹرانسمیٹر ہم خود بناتے تھے۔ اب جو بھی چیز ہوتی ہے وہ باہر سے لاتے ہیں اور لگا دیتے ہیں۔

فواد چوہدری کا کہنا تھا کہ عوام اور ہمارا جو ٹاسک ہے وہ یہ کہ ریاست کا بیانیہ کیسے آگے بڑھانا ہے، ہمیں ریاست اور حکومت پر اعتماد بحال کروانا ہے، مستقبل کے بدلتے رجحانات پر نظر رکھنی ہوگی۔ اس مقصد کے لیے ہم میڈیا یونیورسٹی بنانے جا رہے ہیں۔

انہوں نے کہا کہ جب تک ہم ماڈرن طریقوں کو نہیں اپنائیں گے، پیچھے رہیں گے۔ ہماری بیورو کریسی جدید ٹیکنالوجی میں پیچھے ہے۔ ’ہم ٹیکنالوجی کے حوالے سے بیورو کریسی میں تبدیلیاں لائیں گے‘۔

جنوری 3, 2019
پہلی بار طاقتور افراد قانون کا دباؤ محسوس کررہے ہیں، فوادچوہدری

لندن: وزیراطلاعات فوادچوہدری کا کہنا ہے کہ عمران خان کی قیادت میں حکومت کاقیام قوم کی سیاسی پختگی کامظہر ہے، پہلی بار طاقتور افراد قانون کا دباؤ محسوس کررہے ہیں، امریکی صدر کا عمران خان کو خط تعلقات میں بہتری کا ثبوت ہے۔

تفصیلات کے مطابق لندن میں وزیراطلاعات فوادچوہدری کاانٹر نیشنل انسٹیٹیوٹ آف اسٹریٹجک اسٹڈیز میں خطاب کرتے ہوئے کہا پاکستان ایک خوب صورت ملک ہے، جسے دنیا پوری طرح جان نہیں سکی، 1980سے تباہ کن حالات کا سامنا رہا، کوئی اور ملک ایسے حالات کا شکار ہوتا تو بچ نکلنا مشکل تھا۔

وزیراطلاعات کا کہنا تھا کہ پاکستان ان تمام چیلنجزسے نبردآزما ہوا ، پاکستان مسلم ممالک،تیسری دنیامیں جدیدملک بن کر سامنے آیا اور تمام ادارے فعال اورذمہ داریاں انجام دے رہے ہیں، پاکستان میں آزادعدلیہ اور متحرک میڈیاہے، میڈیاکو بے مثال آزادی حاصل ہے۔

[bs-quote quote=” امید ہے پاکستانیوں کو اجمیر شریف درگاہ پر جانے کی اجازت ملے گی” style=”style-6″ align=”left”][/bs-quote]

فوادچوہدری کا کہنا تھا کہ عمران خان کی قیادت میں حکومت کاقیام قوم کی سیاسی پختگی کا مظہر ہے، قانون شکن اور طاقتور افراد قانون کے شکنجے میں آئے ہیں، پہلی بار طاقتور افراد قانون کا دباؤ محسوس کررہے ہیں، سول و عسکری تمام اداروں میں شاندار ہم آہنگی ہے۔

کرتارپورراہداری کے حوالے سے انھوں نے کہا کرتارپور راہداری کےافتتاح سےنئی تاریخ رقم ہوئی، انتظار میں ہیں بھارت کشمیر پر اپنے نقطہ نظر کا دوبارہ جائزہ لے، کشمیرخطہ اراضی کا نہیں بلکہ انسانی مسئلہ ہے، امید ہے پاکستانیوں کو اجمیر شریف درگاہ پر جانے کی اجازت ملے گی۔

[bs-quote quote=” امریکی صدر کا عمران خان کو خط تعلقات میں بہتری کا ثبوت ہے” style=”style-6″ align=”left”][/bs-quote]

وزیراطلاعات کا پاک امریکہ تعلقات سے متعلق کہنا تھا کہ امریکا عالمی طاقت ہے، امریکا کی اہمیت سے بخوبی آگاہ ہیں، وزیراعظم نے افغانستان میں امن کے لئے بہتر ین تجویز پیش کی، پاکستان اور امریکا کے تعلقات میں بہتری آرہی ہے، امریکی صدر کا عمران خان کو خط تعلقات میں بہتری کا ثبوت ہے، زلمے خلیل کی وزیراعظم سے ملاقات تعلقات میں بہتری کا ثبوت ہے۔

فوادچوہدری نے کہا سی پیک ایک اہم ترین اقتصادی منصوبہ ہے، سعودی عرب اورچین سے تعلقات کو نئی بلندی اوروسعت ملی، عمران خان کی ترجیح عوام کو غربت سے نجات دلانا ہے۔

وزیراطلاعات فوادچوہدری کی انسٹیٹیوٹ آف اسٹرٹیجک اسٹڈیزکےعہدیداران سے ملاقات

بعد ازاں وزیراطلاعات فوادچوہدری نے انسٹیٹیوٹ آف اسٹرٹیجک اسٹڈیزکےعہدیداران سے ملاقات کی ، ملاقات میں انسٹیٹیوٹ آف ریجنل،انٹر نیشنل انسٹیٹیوٹ آف اسٹرٹیجک میں تعاون پربات چیت ہوئی۔

وزیراطلاعات کوانسٹیٹیوٹ کےڈ ھانچے اور ورکنگ کے حوالے سے بریفنگ دی گئی ، فواد نے آئی آر ایس کو جدید خطوط پر استور کرنے کی خواہش کا اظہار کیا۔

دسمبر 6, 2018
ڈالر کی قیمت بڑھنے سے گھبرانے کی بالکل ضرورت نہیں، وزیراعظم عمران خان

اسلام آباد : وزیراعظم عمران خان نے کہا چین کی کمپنی کی جانب سے900ملین ڈالر کی سرمایہ کاری ہونے جارہی ہے، ڈالرکی قیمت بڑھنے سے گھبرانے کی بالکل ضرورت نہیں، ہم وہ قدم اٹھارہے ہیں جس سے آگے ڈالر کے ریٹ نہیں بڑھیں گے۔

تفصیلات کے مطابق اسلام آباد میں وزیراعظم عمران خان نے جے ڈبلیو فورلینڈ کی افتتاحی تقریب سے خطاب کرتے ہوئے کہ پاکستان میں سرمایہ کاری لے کر آئے ہیں مہمانوں کو مبارکباد پیش کرتا ہوں، چین کے ساتھ مقامی سرمایہ کاروں کی شراکت داری کا خیرمقدم کرتے ہیں، چین کی کمپنی کی جانب سے 900 ملین ڈالر کی سرمایہ کاری ہونے جارہی ہے۔

[bs-quote quote=” چین کی کمپنی کی جانب سے900ملین ڈالر کی سرمایہ کاری ہونے جارہی ہے” style=”style-6″ align=”left”][/bs-quote]

وزیراعظم کا کہنا تھا کہ یہ پہلامنصوبہ ہے، اب پاکستان میں باقاعدہ گاڑیاں مکمل تیار ہوں گی، پاکستان میں سرمایہ کاری کرنے والوں کو بہترین سہولتیں فراہم کریں گے۔

ڈالر کی قدر میں اضافے کے حوالے سے عمران خان نے کہا ڈالرکی قیمت بڑھنے سے گھبرانے کی ضرورت بالکل نہیں، صبح سے فون بج رہا ہے کہا جارہا ہے، ڈالر مہنگا ہوگیا ہے، ہماری بدقسمتی تھی قرضہ لاتے تھے تو کہتے تھے ہم کامیاب ہوگئے۔

ان کا کہنا تھا کہ سرمایہ کاری سے ملازمتوں کے مواقع ملتے ہیں اور ڈالر ملک میں آتا ہے، چین سے کہا ہم ٹیکنالوجی ٹرانسفر چاہیے، آج بہت لوگ پریشان ہیں کہ ڈالرکی قیمت بڑھ گئی ہے، روپے کی قدرمیں کمی ڈالرنہ ہونے کی وجہ سے ہوئی۔

[bs-quote quote=” ہم وہ قدم اٹھارہے ہیں جس سے آگے ڈالر کے ریٹ نہیں بڑھیں گے” style=”style-6″ align=”left”][/bs-quote]

وزیراعظم نے کہا ڈالر ملک میں کیسے آئے گا، اس کے لئے سرمایہ کاری ضروری ہے، سرمایہ کاری آئے گی تو ڈالر سستا ہوگا اور ملکی معیشت کو فائدہ ہوگا، روپیہ اس لیے گرا کیونکہ ڈالرکی کمی ہے۔

عمران خان کا کہنا تھا کہ ہم وہ قدم اٹھارہے ہیں، جس سےآگے ڈالر کے ریٹ نہیں بڑھیں گے، لیگل طریقے سے پیسہ بھیجنے سے 10ارب ڈالر ملک میں آئے گا، کرنٹ خسارے کو کم کرنے کی کوشش کررہےہیں، سرمایہ کاروں کو سہولت دینے سے مزید سرمایہ کاری آئے گی۔

نومبر 30, 2018
جب بھی کرتارپورصاحب کی تاریخ لکھی جائےگی عمران خان پہلانام لکھاجائے گا،سدھو

نارروال : سابق بھارتی کرکٹر نوجوت سنگھ سدھو کا کہنا ہے کہ جب بھی کرتارپورصاحب کی تاریخ لکھی جائےگی عمران خان پہلانام لکھاجائے گا،یہ معجزہ ہےجو73سال میں نہیں ہواوہ3ماہ کےاندراندر ہوگیا،زندگی بھرکرتارپورکوریڈورمنصوبےپرشکرگزاررہوں گا۔

تفصیلات کے مطابق نارروال میں کرتارپور کوریڈور کی افتتاحی تقریب سے خطاب کرتے ہوئے سابق بھارتی کرکٹر نوجوت سنگھ سدھو نے کہا وزیراعظم عمران خان اورسب مہمانوں کاشکرگزارہوں، پاکستان جیوے ہندوستان جیوے،ہنستابستاساراجہاں جیوے، میرایاردلدارعمران خان جیوے۔

نوجوت سنگھ سدھو کا کہنا تھا کہ 73 سال کے انتظار کو پل بھرمیں ختم کردیااوریاری بھی نبھائی، کوئی فرشتہ ہوتا ہے، جو ایسے اقدامات کرتاہے، امن اورخوشی کے لئےآگےبڑھنے کے لئے سوچ کو تبدیل کرناضروری ہے۔

سابق بھارتی کرکٹر نے کہا ہماری جھولی خوشی سےبھردی گئی،ساری کائنات جھولی میں ڈال دی گئی، مذہب کوسیاست اورطاقت کے چشمے سے کبھی نہیں دیکھیں، وزیراعظم عمران خان کابہت مشکورہوں۔

ان کا کہنا تھا کہ آپ بھی عبادت کرتےہیں ہم بھی کرتےہیں دعامیں آپ کابھلامانگتےہیں، خون خرابہ بندہوناچاہیے،امن واپس آناچاہیے، جہاں دوست مل جائیں وہ دہلیزمقدس ہوجاتی ہے، بہت نقصان اور بہت خون خرابہ ہوگیا، آگ پر کوئی پانی ڈالنے والا ہونا چاہیے۔

[bs-quote quote=”وزیراعظم عمران خان ایسی چابی بن گئےہیں جوہرتالےکوکھول سکتی ہے ” style=”style-9″ align=”left”][/bs-quote]

سدھو نے کہا کرتارپورکوریڈورکوایک بہت اچھامستقبل دیکھ رہاہوں، یہ معجزہ ہے جو73سال میں نہیں ہواوہ3ماہ کےاندر اندر ہوگیا، وزیراعظم عمران خان نے اپناوعدہ نبھایاہے۔

سابق بھارتی کرکٹر کا کہنا تھا کہ حکومت اورپاک فوج کاشکرگزار ہوں، بھارتی سرکارکابھی شکرگزارہوں کیونکہ تالی دونوں ہاتھوں سے بجتی ہے، وزیراعظم عمران خان ایسی چابی بن گئےہیں جوہرتالےکوکھول سکتی ہے، دونوں ملکوں کواحساس ہوناچاہیےتاکہ ہم ایک ہوسکیں۔

انھوں نے مزید کہا میراخواب ہےہماری سبزیاں برسلزجائیں، لاہور سے ٹرین چلے اور امرتسرسےہوتی ہوئی برسلزجائے،زندگی بھر کرتارپور کوریڈور منصوبے پر شکرگزار رہوں گا۔

بھارتی کابینہ نےجس دن کرتارپور کوریڈورکی منظوری دی میری زندگی ہی بدل گئی، ہرسمرت کور

بھارتی یونین منسٹرہرسمرت کور نے کرتارپور کوریڈور کی افتتاحی تقریب سے خطاب کرتے ہوئے کہا وزیراعظم عمران خان اورحکومت پاکستان کی مشکور ہوں، کرتارپورکوریڈورکاسنگ بنیادآج ہمارےلیےبہت بڑادن ہے، 70 سالوں سےجونہیں ہوا3ماہ کےدوران کردیاگیا۔

ہرسمرت کور کا کہنا تھا کہ آج ہماری قوم کیلئے ایک تاریخی دن ہے، جس کےنصیب میں خدمت لکھی ہوئی تھی اس نےخدمت پوری کردی، مودی نے بھی نہیں سوچا ہوگا کہ سوا 100کروڑ عوام کا لیڈر بنےگا، لڑائی جھگڑے ختم ہونے چاہیے،امن کے لئے ہمیں آگے بڑھنا چاہیے۔

بھارتی یونین منسٹر نے کہا پاکستان کی دھرتی سکھ مذہب کیلئےمقدس ہے، کرتارپور کوریڈور کھولنا سکھ مذہب کا بھارتی حکومت سےبڑامطالبہ تھا، آج دوریاں ختم ہورہی ہےایک نئےباب کا آغاز ہورہاہے۔

ان کا کہنا تھا کہ برلن کی دیوارگرسکتی ہےتوہندوستان پاکستان کی نفرت بھی ختم ہوسکتی ہے، آج ہماری بہت بڑی امیدپوری ہونےجارہی ہے، باباگرونانک کابلاواآیاتوآج پاکستان کی مقدس دھرتی آئی ہوں، بھارتی کابینہ نےجس دن کوریڈورکی منظوری دی میری زندگی ہی بدل گئی۔

نومبر 28, 2018