Tag: Adelaide

ایڈیلیڈ: بھارت نے اپنے آخری وارم اپ میچ میں افغانستان کو ایک سو ترپن رنز سے شکست دے دی۔

ایڈیلیڈ میں کھیلے گئے کرکٹ ورلڈ کپ کے وارم اپ میچ میں بھارت نے ٹاس جیت کر بیٹنگ کا فیصلہ کیا۔

ابتدائی دو کھلاڑیوں کے پویلین لوٹ جانے کے بعد روہت شرما اور سریش رائنا نے ٹیم کو سہرا دیا، رائنا پچہتر رنز بناکر آؤٹ ہوئے، بھارت نے شرما کی سنچری اور اجنکے رہانے کی نصف سنچری کی بدولت مقررہ اوورز میں پانچ وکٹ پر تین سو چونسٹھ رنز بنائے۔

ہدف کے تعاقب میں افغان ٹیم نے سست آغاز کیا، یکے بعد دیگرے وکٹیں گرنے سے افغان ٹیم ہدف کا تعاقب حاصل کرنے میں کامیاب نہ ہوسکی۔

افغانستان نے پچاس اوورز میں آٹھ وکٹ پر دو سو گیارہ رنز بنائے، نو روز منگل ساٹھ اور عثمان غنی چوالیس رنز کے ساتھ ہی کچھ مزاحمت کرسکے۔

ایڈیلڈ : ورلڈ کپ میں آج بھی دو وارم اپ میچ کھیلے جارہے ہیں۔ دفاعی چیمپئن بھارت کا مقابلہ افغانستان اور آئرلینڈ کی ٹیم اسکاٹ لینڈ کے مدمقابل ہے۔ایڈیلڈ میں کھیلے جانے والے میچ کا ٹاس بھارت نے جیت کر پہلے بیٹنگ کا فیصلہ کیا۔

بھارت کا آغاز اچھا نہ رہا۔سولہ رنز پر دو وکٹیں گرنے کے بعد روہت شرما اور سریش رائنا نے محتاط انداز سے کھیلتے ہوئے تیسری وکٹ کیلئے ایک سو اٹھاون رنز کی شراکت قائم کی۔ رائنا پجھتر رنزبناکر رن آؤٹ ہوئے۔ روہت شرما نے ایک سو پچاس رنز کی شاندار اننگز کھیلی۔