کراچی : جہانگیرآباد نالے میں ڈوبا پانچ سالہ ننھا عبدالحنان تاحال مل نہ سکا۔۔ بے بس والدین پر ہر لمحہ قیامت کی طرح گزرنے لگا۔
تفصیلات کے مطابق کراچی کے علاقے جہانگیرآباد نالے گرنے والے بچے کی لاش چھ روزبعد بھی نہیں نکالی جا سکی۔
انتظامیہ لاتعلق ہوگئی، بچے کے والد، بھائی اور علاقہ مکین آج بھی تلاش میں سرگرداں ہیں۔ بے بس والدین پر ہر لمحہ قیامت کا گزرنے لگا۔
بچے کی محبت میں سرشار لاچار والدین دن چڑھتے ہی نالے پر پہنچ جاتے ہیں ، دن بھر تلاش میں ناکامی کے بعد شام ڈھلے گھر لوٹ جاتے ہیں ۔
بچے کے والدین ، رشتہ دار ، محلے دار ،اب بھی مایوس نہیں،ان کی امیدوں نے دم نہیں توڑا ۔ اہل علاقہ کا کہنا ہے کہ نالے کو کور کیا جائے۔
دوسری طرف شہری انتظامیہ نےجگہ کی تنگی اور نالے پر تجاوزات کا بہانہ بنا کر تلاش سے جان چھڑالی ہے۔
