Tag: Admiral Zafar Mahmood

پاک بحریہ کے سربراہ ایڈمرل ظفر محمود عباسی نے کہا ہے کہ سی پیک سے آئندہ چند سال میں پاکستانی بندرگاہوں سے تجارت میں اضا فہ ہوگا۔ پاکستانی بندرگاہوں سے تجارت 350 ارب ڈالر ہوجائے گی۔

تفصیلات کے مطابق میری ٹائم سکیورٹی ایجنسی کا پیٹرولنگ جہاز سمندر میں اتارنے کی تقریب ہوئی۔ جہاز تیل،گیس اور معدنیات کی تلاش میں بھی مدد کرے گا۔

اس موقع پر نیول چیف ایڈمرل ظفر محمود عباسی نے تقریب سے خطاب کرتے ہوئے کہا کہ خصوصی اقتصادی زون سے پاک بحریہ کی ذمہ داریوں میں اضافہ ہوا۔ سی پیک پاکستان کو علاقائی تجارتی مرکز میں بدل دے گا۔

انہوں نے کہا کہ کراچی شپ یارڈ دفاعی پیداوار میں خود انحصاری کی تعبیر کر رہا ہے۔ گزشہ برسوں میں میری ٹائم سیکیورٹی نے اہم کامیابیاں حاصل کیں۔ جہاز سازی کی یہ منصوبہ بندی سدا قائم رہنے والی پاک چین دوستی کا مظہر ہے۔

نیول چیف نے بتایا کہ بھارتی ماہی گیر ہماری سمندری حدود میں اربوں کا نقصان پہنچا رہے تھے، میری ٹائم سیکیورٹی نے سمندری حدود میں مچھلی کا غیر قانونی شکار روکا۔

ان کا کہنا تھا کہ آئندہ چند سالوں میں پاک چین بحری تجارت میں تیزی سے اضافہ ہوگا۔ نئے جہازوں کی شمولیت سے بحری تجارت میں نمایاں اضافہ ہوا۔

نیول چیف نے مزید کہا کہ میری ٹائم سیکیورٹی کی صلاحیت میں اضافے کو چیلنج سمجھ کر قبول کیا۔ جدید تقاضوں کے مطابق میری ٹائم سیکیورٹی کی صلاحیت میں اضافہ ناگزیر ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔