ARYNews.tv | Urdu – Har Lamha Bakhabar

Tag: Admiral Zafar Mahmood Abbasi

  • چیرمین جوائنٹ چیفس آف سٹاف کمیٹی کی پاک بحریہ کے سربراہ سے الوداعی ملاقات

    چیرمین جوائنٹ چیفس آف سٹاف کمیٹی کی پاک بحریہ کے سربراہ سے الوداعی ملاقات

    راولپنڈی : چیرمین جوائنٹ چیفس آف سٹاف کمیٹی جنرل ندیم رضا نے امیر البحر ایڈمرل ظفر محمود عباسی سے ملاقات میں ان کے شاندار کیریئر اور ملک و قوم کے لئے خدمات کو سراہا۔

    تفصیلات کے مطابق پاک بحریہ کے سربراہ ایڈمرل ظفر محمود عباسی کی الوداعی ملاقاتوں کا سلسلہ جاری ہے، پاک فوج کے شعبہ تعلقات عامہ (آئی ایس پی آر) کے مطابق پاک بحریہ کے سربراہ ایڈمرل ظفر محمود عباسی نے جوائنٹ سٹاف ہیڈ کوارٹرز راولپنڈی کا دورہ کیا ، جہاں انھوں نے چیرمین جوائنٹ چیفس آف سٹاف کمیٹی جنرل ندیم رضا سے الوداعی ملاقات کی۔

    اس ملاقات کے دوران چیرمین جوائنٹ چیفس آف سٹاف کمیٹی جنرل ندیم رضا نے امیر البحر ایڈمرل ظفر محمود عباسی کے شاندار کیریئر اور اس کے دوران بحری دفاع اور ملک و قوم کے لئے خدمات کو سراہا۔

    یاد رہےمسلم لیگ ن کی حکومت نے 2017 میں ایڈمرل محمد ذکا اللہ کی سبکدوشی کے بعد ظفر محمود عباسی کو پاک بحریہ کی کمان دی تھی،  جن کی مدتِ ملازمت 7 اکتوبر 2020 کو ختم ہورہی ہے۔

    پاک بحریہ کے سربراہ ایڈمرل ظفرمحمودعباسی نے1981 میں نیول آپریشن برانچ میں کمیشن حاصل کیا،انہیں کمانڈ اینڈ اسٹاف کے مختلف عہدوں کا وسیع تجربہ تھا۔ ایڈمرل ظفر محمود عباسی کثیرالملکی ٹاسک فورس 150 کی کمانڈ بھی کرچکے ہیں اورانہیں خدمات کے اعتراف میں ہلال امتیاز ملٹری سے نوازا جا چکا تھا۔

  • چھ ستمبر کا دن ہماری تاریخ کا ایک سنہرا باب ہے، ایڈمرل ظفر محمود عباسی

    چھ ستمبر کا دن ہماری تاریخ کا ایک سنہرا باب ہے، ایڈمرل ظفر محمود عباسی

    اسلام آباد : سربراہ پاک بحریہ ایڈمرل ظفرمحمودعباسی نے کہا ہے کہ چھ ستمبرکادن ہماری تاریخ کاایک سنہراباب ہے ، دشمنوں پرلرزہ طاری کرنے پر ہم اللہ کے حضور سربسجود ہیں۔

    تفصیلات کے مطابق یوم دفاع کے موقع پر سربراہ پاک بحریہ ایڈمرل ظفرمحمودعباسی نے اپنے پیغام میں کہا چھ ستمبر کا دن ہماری تاریخ کا ایک سنہرا باب ہے، آج کا دن ہمیں شہدا اور غازیوں کے لازوال کارناموں کی یاد دلاتا ہے اور آج ہی کے دن بے مثل شجاعت ودلیری سے نئی داستانیں رقم کی گئیں۔

    سربراہ پاک بحریہ کا کہنا تھا کہ ہماری بہادرافواج نے دشمن کے مذموم ارادوں کو خاک میں ملایا، بحریہ کے آپریشن سومنات کے دوران دوارکا میں دشمن کو نشانہ بنایا، آبدوزغازی نے بھارتی بحری بیڑے کو منظر نامے سے دور رکھا۔

    ایڈمرل ظفرمحمودعباسی نے کہا پاکستان نیوی نے پلوامہ واقعے کے بعد صلاحیتوں کا بھرپور مظاہرہ کیا، پاکستان نیوی کے ایئر کرافٹ نے بھارت کی جدید آبدوز کا سراغ لگایا، دشمنوں پر لرزہ طاری کرنے پر ہم اللہ کے حضور سربسجود ہیں۔

    ان کا مزید کہنا تھا کہ آج اپنے کشمیری بھائیوں کے ساتھ مکمل یکجہتی کا اظہارکرتے ہیں اور عزم کرتے ہیں پاکستان کوخوشحال اوراسلامی فلاحی ریاست بنائیں گے ، پاک فوج کا ہر جوان ملک کے دفاع کے عزم کی تجدید کرتا ہے۔

    مزید پڑھیں : ملک بھرمیں یوم دفاع کشمیریوں کے ساتھ اظہار یکجہتی کرتے ہوئے منایا جا رہا ہے

    خیال رہے ملک بھر میں یوم دفاع یوم یکجہتی کشمیر کے طور پر منایا جا رہا ہے جس کا مقصد وطن عزیز کے لیے جانوں کا نذرانہ پیش کرنے والے شہدا کے ساتھ ساتھ بھارت مقبوضہ کشمیر میں مظلوم کشمیریوں کے ساتھ پاکستانی عوام کی حمایت کا اعادہ کرنا ہے۔

    یوم دفاع پاکستان پر وفاقی دارالحکومت اسلام آباد میں دن کا آغاز 31 اور صوبائی دارالحکومتوں میں 21 توپوں کی سلامی سے ہوا، نماز فجر کے بعد مساجد میں ملکی سلامتی اور کشمیریوں کی آزادی کی دعائیں کی گئیں۔

  • پاک بحریہ کو نا قابل تسخیر بنانے کے لیے کام کر رہے ہیں: نیول چیف

    پاک بحریہ کو نا قابل تسخیر بنانے کے لیے کام کر رہے ہیں: نیول چیف

    اسلام آباد: پاک بحریہ کے سربراہ ایڈمرل ظفر محمود عباسی کا کہنا ہے کہ پاک بحریہ کو نا قابل تسخیر فورس بنانے کے لیے کام کر رہے ہیں، میری ٹائم سیکیورٹی چیلنجز سے نمٹنے کے لیے تیار ہے۔

    تفصیلات کے مطابق پاک بحریہ کے سربراہ ایڈمرل ظفر محمود عباسی نے اسلام آباد کی نیشنل ڈیفنس یونیورسٹی میں تقریب میں شرکت کی۔ ترجمان بحریہ کے مطابق سربراہ پاک بحریہ نے کورس کے شرکا اور فیکلٹی ممبران سے خطاب کیا۔

    اپنے خطاب میں نیول چیف نے پاکستان بحریہ سے متعلق وژن پر روشنی ڈالی اور پاکستان نیوی کے جاری منصوبوں پر تفصیل سے آگاہی دی۔

    نیول چیف کا کہنا تھا کہ پاک بحریہ کو نا قابل تسخیر فورس بنانے کے لیے کام کر رہے ہیں، میری ٹائم سیکیورٹی چیلنجز سے نمٹنے کے لیے تیار ہے، سی پیک اور گوادر بندر گاہ سے بے پناہ سمندری وسائل جڑے ہیں۔

    انہوں نے کہا کہ سی پیک سے ہمیں من حیث القوم استفادے کی ضرورت ہے، وسائل کے حصول اور دنیا پر اپنی بالا دستی قائم کرنے کے لیے ملکوں کے درمیان نئی صف بندیاں ہو رہی ہیں۔ پاکستان کے پاس بیش بہا بحری وسائل موجود ہیں۔ بحری وسائل استعمال کر کے ملکی معیشت کو مضبوط کیا جا سکتا ہے۔

    نیول چیف نے کورس کے شرکا کو تاکید کی کہ وہ اپنے مستقبل کی حکمت عملی کے لیے رہنمائی اسلام اور نظریہ پاکستان سے حاصل کریں۔ ’آفیسرز کو چاہیئے کہ وہ اپنے پیشہ وارانہ علم کو قرآن و سنت کی روشنی میں بروئے کار لاتے ہوئے مستقبل کے چیلنجز کا مقابلہ کریں‘۔

  • نیول چیف کی موجودہ صورتحال میں ہمہ وقت انتہائی مستعد اور چوکس رہنےکی ہدایت

    نیول چیف کی موجودہ صورتحال میں ہمہ وقت انتہائی مستعد اور چوکس رہنےکی ہدایت

    کراچی : امیرالبحر ایڈمرل ظفرمحمودعباسی نے موجودہ صورتحال میں ہمہ وقت انتہائی مستعد اور چوکس رہنےکی ہدایت کرتے ہوئے کہا ہم امن پسند ملک ہیں، جارحیت نہیں چاہتےمگر دشمن نے پہل کی تو بھرپور جواب دیں گے۔

    تفصیلات کے مطابق امیرالبحر ایڈمرل ظفرمحمودعباسی نے ساحلی تنصیبات، اگلے مورچوں اور شمالی بحیرہ عرب میں تعینات بحری جہازوں کا دورہ کیا اور پاک بحریہ کی آپریشنل تیاریوں کاجائزہ لیا، نیول چیف کوپاک بحریہ کی آپریشنل تیاریوں پر بریفنگ دی گئی۔

    ترجمان پاک بحریہ کا کہنا ہے کہ نیول چیف نے افسروں وجوانوں سے ملاقات کی ، ملاقات میں آپریشنل تیاریوں اوربلندحوصلےکوسراہا اور موجودہ صورتحال میں ہمہ وقت انتہائی مستعد،چوکس رہنےکی ہدایت بھی کی۔

    ایڈمرل ظفر محمودعباسی کا کہنا تھا کہ بھارتی آبدوزکابروقت سراغ لگاناپیشہ ورانہ صلاحیتوں کاثبوت ہے، ہم امن پسند ملک ہیں، دشمن کی جارحیت کامنہ توڑجواب دینےکی انتہائی صلاحیت رکھتے ہیں۔

    انھوں نے مزید کہا جارحیت نہیں چاہتے مگردشمن نے پہل کی تو بھرپور جواب دیں گے، ہماراوطن کی حفاظت کاجذبہ ہماری صلاحیتوں کواستحکام عطاکرتاہے۔

    مزید پڑھیں : پاک بحریہ نے سمندری حدود میں موجود بھارتی آبدوز کاسراغ لگا کر داخلے کی کوشش ناکام بنادی

    یاد رہے 5 مارچ کو پاک بحریہ نے اپنے سمندری زون میں موجود بھارتی آبدوز کاسراغ لگا کر داخلے کی کوشش ناکام بناتے ہوئے بھاگنے پر مجبور کردیا تھا ۔

    ترجمان بحریہ کا کہنا تھا امن قائم رکھنےکی حکومتی پالیسی،بھارتی آبدوزکونشانہ نہیں بنایاگیا، بھارتی آبدوزکونشانہ نہ بنانا پاکستان کی امن پسندی کاغمازہے، واقعےسےسبق حاصل کرکےبھارت کوامن کی جانب راغب ہوناچاہیے۔

    ترجمان نے مزید کہا تھا یہ اہم کارنامہ پاکستان نیوی کی اعلیٰ صلاحیتوں کامنہ بولتاثبوت ہے،پاکستان کی بحری سرحدوں کےدفاع کیلئےپاک بحریہ ہرلمحہ مستعد و تیار ہے۔

    پاک بحریہ نے بھارتی آبدوز کی فوٹیج بھی جاری کیں تھیں ، کموڈور(ر)عبیداللہ کا کہنا تھا پاک بحریہ ایک بٹن سے بھارتی آبدوز کو سمندر کی تہہ میں دفنا سکتی تھی لیکن پاک بحریہ نے پاکستان کی امن کی پالیسی کے وژن کو آگے بڑھایا۔

  • یوم بحریہ 8ستمبر کے موقع پر نیول چیف ایڈمرل ظفر محمود عباسی کا پیغام

    یوم بحریہ 8ستمبر کے موقع پر نیول چیف ایڈمرل ظفر محمود عباسی کا پیغام

    کراچی : نیول چیف ایڈمرل ظفر محمود عباسی نے کہا ہے کہ یوم پاک بحریہ (نیوی ڈے)8ستمبر کا دن ہماری قومی تاریخ کے اُس سنہری باب کی یاد دلاتا ہے جب پاک بحریہ کے آفیسرز اور جوانوں کے بلند حوصلے اور غیر متزلزل عزم نے دشمن کے قبیح خوابوں کو ریزہ ریزہ کیا اور اُن کے ناپاک ارادوں کو خاک میں ملایا۔

    جرات و بہادری سے عبارت ” آپریشن سومنات“ کے ذریعے پاک بحریہ نے دوارکا میں واقع بھارتی ریڈار اسٹیشن پر حملہ کیا اور جنگ کے آغاز ہی میں نفسیاتی برتری حاصل کی اور مابعد پاک بحریہ کی آبدوز غازی نے پوری جنگ کے دوران بلاحجت اپنی برتری کو قائم رکھا۔ پاک بحریہ کی اس برتری نے بھارتی بحری بیڑے بشمول بھارتی طیارہ بردار بحری جہاز کو اُس کی اپنی بندرگاہوں میں ہی مقیّد کیے رکھا۔

    پاک بحریہ کے غازیوں اور جنگ میں غیر معمولی کارناموں کو انجام دینے والے آفیسرز اور جوانوں کی شجاعت اور جرات کو خراج تحسین پیش کرنے کے لیے پاک بحریہ ہر سال اِس دن کو مناتی ہے جن کی عالی ہمت، بہادری اور قربانیوں نے ہم میں نئے جذبے اور نا قابلِ شکست عزم کو جا گزیں کیا ہے۔

    آج پاکستان کو اندرونی اور بیرونی محاذ پر مختلف النوع سکیورٹی چیلنجز کا سامنا ہے۔اندرونی محاذ پر پاکستان دشمن عناصر ملک کے امن و امان میں خلل ڈالنے کے درپے ہیں۔ملک سے اِن عناصر کے خاتمے کے قومی عزم میں پاکستان کی مسلح افواج صفِ اوّل پر ہیں۔ پاک بحریہ پاک آرمی، پاک فضائیہ اور قانون نافذ کرنے والے اداروں کے ساتھ مل کر ”آپریشن ردالفساد“ میں اپنا واجب کردار ادا کر رہی ہے۔

    8ستمبر1965کا دن ہماری بحری تاریخ میں ایک سنہرے باب کی حیثیت سے ہمیشہ یاد رکھا جائے گا اور پیشہ ورانہ اہداف کے حصول میں نئی نسل کے آفیسرزاور جوانوں کے لیے جرات اورجدت نظری کے لیے ترغیب کا باعث رہے گا۔

    ہم8ستمبر1965کے جذبے کو زندہ جاوید رکھنے کے لیے پُر عزم ہیں اور غیر متزلزل عزم، لگن اور جذبے کے ساتھ بحری سرحدوں کے دفاع کا عہد کرتے ہیں۔اللہ سبحانہ ُ تعالی ٰ ہمارا حامی و ناصر ہو

    پاکستان نیوی زندہ باد ۔۔ پاکستان پائندہ باد

  • پاکستان امن پسند ملک ہے، ہمسایوں سے اچھے تعلقات کا خواہاں ہے، نیول چیف

    پاکستان امن پسند ملک ہے، ہمسایوں سے اچھے تعلقات کا خواہاں ہے، نیول چیف

    لاہور: پاکستان نیوی کے سربراہ ایڈمرل ظفر محمود عباسی نے کہا ہے کہ پاکستان امن پسند ملک ہے، ہمسایوں سے اچھے تعلقات کا خواہاں ہے، مسلم ممالک کو باہمی اتحاد و یگانگت سے مسائل حل کرنا چاہئے۔

    ان خیالات کا اظہار انہوں نے پاکستان نیوی وار کالج لاہور میں 47 ویں پی این اسٹاف کورس کانووکیشن سے خطاب کرتے ہوئے کیا، سربراہ پاک بحریہ ایڈمرل ظفر محمود عباسی تقریب میں مہمان خصوصی تھے۔

    ترجمان پاک بحریہ کے مطابق پاک بحریہ کے 44 آفیسرز نے ماسٹر ان وار اسٹڈیز کی ڈگریاں حاصل کیں، پاک آرمی اور فضائیہ کے چار، چار آفیسرز نے بھی ڈگریاں حاصل کیں۔

    لاہور میں منعقدہ 47 ویں پی این اسٹاف کورس کانووکیشن کی تقریب میں گریجویٹنگ آفیسرز میں 16 دوست ممالک کے 28 غیر ملکی آفیسرز بھی شامل تھے۔

    پاک بحریہ کے سربراہ ایڈمرل ظفر محمود عباسی نے ڈگری حاصل کرنے والے آفیسرز کو مبارکباد دیتے ہوئے کہا کہ گریجویٹنگ آفیسرز انتھک محنت کو اپنا شعار بنائیں، میری ٹائم صورتحال اور ٹیکنالوجی کی ترقی نے جنگی ہیت بدل دی ہے۔

    مزید پڑھیں: پاک بحریہ ملکی دفاع کے لیے پُرعزم ہے، نیول چیف

    واضح رہے کہ نیول چیف کا کہنا تھا کہ پاک بحریہ ملک کی سمندری سرحدوں کی حفاظت اور دفاع کے لیے ہر دم پُرعزم ہے، ہم ملکی سرحدوں کا ناقابل تسخیر دفاع کریں گے۔

    نیول چیف کا کہنا تھا کہ بحرہند کے مشترکہ چیلنجز اور میری ٹائم سیکیورٹی کو مزید مضبوط بنانے کی ضرورت ہے، پاکستان نیوی ملکی میری ٹائم سرحدوں کے دفاع اور قومی سلامتی کے اثاثوں کی محافظ ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سربراہ پاک بحریہ کی چینی بحریہ کے سربراہ سے ملاقات

    سربراہ پاک بحریہ کی چینی بحریہ کے سربراہ سے ملاقات

    اسلام آباد: پاک بحریہ کے سربراہ ایڈمرل ظفر محمود عباسی نے چین کا سرکاری دورہ کیا جہاں انہوں نے چین کی بحریہ کے سربراہ سے ملاقات کی۔

    تفصیلات کے مطابق ترجمان پاک بحریہ کا کہنا ہے کہ پاک بحریہ کے سربراہ ایڈمرل ظفر محمود عباسی چین کے سرکاری دورے پر ہیں۔

    ترجمان کے مطابق نیول چیف نے چین کی بحریہ کے سربراہ سے ملاقات کی۔ ملاقات میں دو طرفہ بحری تعاون اور خطے میں سیکیورٹی صورتحال پر تبادلہ خیال کیا گیا۔

    ترجمان پاک بحریہ کا کہنا تھا کہ نیول چیف نے دہشت گردی کے خلاف پاکستان کے عزم اور کردار اور کثیر القومی ٹاسک فورس میں پاک بحریہ کی شرکت پر روشنی ڈالی۔

    چین کی بحریہ کے سربراہ نے پاک بحریہ کی خدمات اور عزم صمیم کو سراہا۔

    ترجمان کے مطابق نیول چیف نے چین کے اسٹیٹ ایڈمنسٹریشن فار سائنس سے بھی ملاقات کی جبکہ ٹیکنالوجی اینڈ انڈسٹری کے ڈپٹی ایڈمنسٹریٹر سے بھی ملاقات کی گئی۔

    ملاقات میں عسکری صنعت کی ترقی کے اشتراک پر تبادلہ خیال کیا گیا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پاک بحریہ کے سربراہ کے لئے ترک فوج کا اعلی عسکری اعزاز

    پاک بحریہ کے سربراہ کے لئے ترک فوج کا اعلی عسکری اعزاز

    انقرہ :پاک بحریہ کے سربراہ ایڈمرل ظفرمحمود عباسی کو ترک افواج کے اعلیٰ عسکری اعزاز لیجن آف دی ترکش آرمڈ فورسزکے اعزازسے نوازا گیا۔

    ترجمان پاک بحریہ کے مطابق نیول چیف ایڈمرل ظفرمحمود کوترکش نیول فورسزہیڈکوارٹرزمیں ایک پروقار تقریب میں اعزازتفویض کیا گیا۔

    ترک نیوی کے سربراہ وائس ایڈمرل عدنان اُزبال نے ایڈمرل ظفر محمود کو اعزاز تفویض کیا، ایڈمرل ظفرمحمود کودونوں ممالک کی بحری افواج کے تعاون کومزید مضبوط بنانے پردیا گیا۔

    پاک بحریہ کےسربراہ نے ترک نیول چیف، قومی دفاع کے وزیرکمانڈرجنرل اسٹاف سے ملاقاتیں بھی کیں، ملاقات کے دوران باہمی دلچسپی کے پیشہ ورانہ اُمور بشمول بحری اشتراکیت اور بحرِ ہند میں سکیورٹی کی صورت حال پر تبادلہ خیال کیا گیا۔

    ایڈمرل ظفر محمود عباسی نے خطے میں میری ٹائم امن و استحکام کو یقینی بنانے کے سلسلے میں ترکش نیوی کے کردار اورخدمات کی تعریف کی۔

    مزید پڑھیں : نیول چیف کی ترکی میں اہم ملاقاتیں

    ایڈمرل ظفر محمود عباسی نے گولکیک نیول شپ یارڈ اور ترکش نیوی کے جہاز ہیبیلیادا(HEYBELIADA)کا دورہ بھی کیا، ترکش نیوی کے جہاز آمد پر ترکش نیوی کے چاق و چوبند دستے نے انہیں اعزازی سلامی پیش کی۔

    جہاز کے دورے کے دوران پاک بحریہ کے سربراہ نے جہاز کے عملے کے ساتھ بات چیت کی اور ان کی پیشہ ورانہ مہارتوں کو سراہا۔

    پاک بحریہ کے سربراہ نے کہا کہ پاکستان اور ترکی کی دوستی بے مثال اور نہایت ہی اہم ہے اور دونوں ممالک کے مابین تعاون مضبوط تعلقات کا باعث ہے۔

    خیال رہے کہ پاک بحریہ کے سربراہ ایڈمرل ظفر محمود عباسی ترکی کے سرکاری دورے پر ہیں۔

    یاد رہے کہ گذشتہ 2 ماہ قبل وائس ایڈمرل ظفرمحمود عباسی کو ایڈمرل کے عہدے پر ترقی دے کر بطور نئے نیول چیف مقرر کیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نیول چیف ایڈمرل ظفر محمود عباسی کی مزار قائد پر حاضری

    نیول چیف ایڈمرل ظفر محمود عباسی کی مزار قائد پر حاضری

    کراچی : چیف آف نیول اسٹاف ایڈمرل ظفرمحمودعباسی نے مزار قائد پر حاضری دی ، فاتحہ خوانی کی اور پھول چڑھائی۔

    ترجمان پاک بحریہ کے مطابق چیف آف نیول اسٹاف ایڈمرل ظفرمحمودعباسی کراچی پہنچے اور مزار قائد پر حاضری دی ، ایڈمرل ظفرمحمودعباسی نے مزار قائد پر فاتحہ خوانی کی اور پھول چڑھائے۔

    ترجمان کے مطابق امیر البحرنے مہمانوں کی کتاب میں تاثرات بھی درج کئے۔

    خیال رہے کہ پاک بحریہ کی کمان سنبھالنےکے بعد نیول چیف کا کراچی کا یہ پہلا دورہ ہے۔

    یاد رہے اس سے قبل نیول چیف ایڈمرل ظفرمحمودعباسی نے وزیراعظم شاہدخاقان سے ملاقات کی تھی، وزیراعظم نے ایڈمرل ظفرمحمودعباسی کو عہدہ سنبھالنے پر مبارکباد دی اور پیشہ وارانہ امورپرتبادلہ خیال کیا۔

    مزید پڑھیں : ایڈمرل ظفرمحمودعباسی نے پاک بحریہ کی کمان سنبھال لی

    واضح رہے کہ چند روز قبل سربراہ پاک بحریہ ایڈمرل ظفرمحمودعباسی نے پاک بحریہ کی کمان سنبھال لی تھی، پاک بحریہ کے سربراہ کے عہدے سے سبکدوش ہونے والے ایڈمرل محمد ایڈمرل ذکا اللہ کو نئے سربراہ ایڈمرل ظفر محمود عباسی کو کمان سونپی۔

    پاک بحریہ کے سربراہ ایڈمرل ظفرمحمودعباسی نے1981 میں نیول آپریشن برانچ میں کمیشن حاصل کیا،انہیں کمانڈ اینڈ اسٹاف کے مختلف عہدوں کا وسیع تجربہ ہے۔

    ایڈمرل ظفر محمود عباسی کثیرالملکی ٹاسک فورس 150 کی کمانڈ بھی کرچکے ہیں اورانہیں خدمات کے اعتراف میں ہلال امتیاز ملٹری سے نوازا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیراعظم شاہدخاقان کی نیول چیف ایڈمرل ظفر محمود عباسی سے ملاقات

    وزیراعظم شاہدخاقان کی نیول چیف ایڈمرل ظفر محمود عباسی سے ملاقات

    اسلام آباد : وزیراعظم شاہدخاقان سے نیول چیف ایڈمرل ظفرمحمودعباسی نے ملاقات کی، وزیراعظم کا کہنا ہے امید ہے آپ کی قیادت میں پاک بحریہ ترقی کی نئی منازل طے کرے گی۔

    تفصیلات کے مطابق وزیراعظم شاہدخاقان کی نیول چیف ایڈمرل ظفرمحمودعباسی سے ملاقات ہوئی، وزیراعظم نے ایڈمرل ظفرمحمودعباسی کو عہدہ سنبھالنے پر مبارکباد دی، ملاقات میں پیشہ وارانہ امورپرتبادلہ خیال کیا گیا۔

    وزیراعظم شاہد خاقان عباسی نے کہا کہ امید ہے آپ کی قیادت میں پاک بحریہ ترقی کی نئی منازل طے کرے گی۔

    مزید پڑھیں : ایڈمرل ظفرمحمودعباسی نے پاک بحریہ کی کمان سنبھال لی

    یاد رہے کہ چند روز قبل سربراہ پاک بحریہ ایڈمرل ظفرمحمودعباسی نے پاک بحریہ کی کمان سنبھال لی تھی، پاک بحریہ کے سربراہ کے عہدے سے سبکدوش ہونے والے ایڈمرل محمد ایڈمرل ذکا اللہ کو نئے سربراہ ایڈمرل ظفر محمود عباسی کو کمان سونپی۔

    پاک بحریہ کے سربراہ ایڈمرل ظفرمحمودعباسی نے1981 میں نیول آپریشن برانچ میں کمیشن حاصل کیا،انہیں کمانڈ اینڈ اسٹاف کے مختلف عہدوں کا وسیع تجربہ ہے۔

    ایڈمرل ظفر محمود عباسی کثیرالملکی ٹاسک فورس 150 کی کمانڈ بھی کرچکے ہیں اورانہیں خدمات کے اعتراف میں ہلال امتیاز ملٹری سے نوازا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔