Tag: advocate

  • فیاض الحسن چوہان کے سر پر تھپڑ مارنے والے وکیل کی شناخت ہوگئی

    فیاض الحسن چوہان کے سر پر تھپڑ مارنے والے وکیل کی شناخت ہوگئی

    لاہور: پی آئی سی حملے کے دوران صوبائی وزیراطلاعات فیاض الحسن چوہان پر تشدد کرنے والے ایک اور وکیل کی شناخت ہوگئی۔

    تفصیلات کے مطابق صوبائی وزیراطلاعات فیاض الحسن کے سر پر تھپڑ مارنے والے وکیل کی شناخت زین عباس کے نام سے ہوئی ہے، زین عباس شاہدرہ کا رہائشی اور تاحال مفرور ہے۔

    پولیس کا کہنا ہے کہ فیاض الحسان پر تشدد کرنے والے اب تک 2افراد کی شناخت ہوچکی ہے۔

    اس سے قبل وزیراطلاعات پر حملے کرنے والے ایک وکیل کی شناخت عبدالماجد کے نام سے ہوئی تھی، جو ہربنس پورہ کے علاقے کا رہائشی ہے، پولیس کے مطابق ملزم کی گرفتاری کے لیے گھر پر چھاپہ بھی مارا گیا تاہم وہ گرفتار نہ ہوسکا۔

    پی آئی سی: وزیراطلاعات فیاض الحسن چوہان پر حملہ کرنے والے وکیل کی شناخت ہوگئی

    یاد رہے کہ چند روز قبل وکلا کے ایک گروہ نے پی آئی سی پر حملہ کر کے اسپتال میں توڑ پھوڑ کی تھی اور اس دوران جب وزیراطلاعات فیاض الحسن چوہان جائے وقوعہ پہنچے تو انہیں وکیلوں نے تشدد کا نشانہ بنایا تھا۔

    پی آئی سی میں جو کچھ ہوا وہاں جانے والوں نے سب کا منہ کالا کیا: عدالت

    واضح رہے کہ آج لاہور ہائی کورٹ میں گرفتار وکلا کی رہائی اور گھروں پر چھاپوں کے خلاف کیس کی سماعت ہوئی، عدالت نے برہمی کا اظہار کرتے ہوئے کہا کہ پی آئی سی میں جو کچھ ہوا وہاں جانے والوں نے سب کامنہ کالا کیا، وکلا اپنے حقوق کے لیے کیوں نہیں کھڑے ہوئے؟

    پی آئی سی حملے سے متعلق وکلا کی گرفتاریوں کے خلاف درخواست پر ہائیکورٹ کا تیسرا بینچ تشکیل دیا گیا ہے، چیف جسٹس ہائیکورٹ جسٹس سردار شمیم نے نیا بینچ تشکیل دیا، 2رکنی بینچ میں جسٹس مظاہر علی نقوی اور جسٹس سرداراحمد نعیم شامل ہیں۔

  • وکلاءکی احتجاجی ریلی، عدالتوں کا بائیکاٹ،سائیلین کو مشکلات

    وکلاءکی احتجاجی ریلی، عدالتوں کا بائیکاٹ،سائیلین کو مشکلات

    کراچی : جج کی جانب سے وکیل کے خلاف مقدمہ درج کرانے پروکلاء نے احتجاجی ریلی نکالی ۔ اس موقع پر پولیس کی بھاری نفری سندھ ہائی کورٹ کے باہر تعینات کی گئی تھی۔

    تفصیلات کے مطابق کراچی کے وکلاء نے سلیمان نعیم عباسی ایڈووکیٹ کے خلاف انسداد دہشت گردی ایکٹ کے تحت مقدمہ درج ہونے کے خلاف سندھ بار کونسل کی اپیل پر دوسرے دن بھی ہڑتال کردی۔

    سٹی کورٹ میں مقدمات کی سماعت نہ ہونے سے سائیلین کو مشکلات کا سامنا رہا۔ کراچی  بار سے وکلاکی احتجاجی ریلی سندھ ہائی کورٹ روانہ ہوئی۔

    وکلاء نے دہشت گردی بند کرو، ظلم کے ضابطے ہم نہیں مانتے کے نعرے لگائے۔ وکلاء کی ریلی کے باعث پولیس اور رینجرز کی بھاری نفری سندھ ہائی کورٹ کے باہر مو جود تھی اور واٹر کینن بھی طلب کرلی گئی ۔

    سندھ ہائی کورٹ بار نے بھی اظہار یکجہتی کے طور پرعدالتی کارروائی کا بائیکاٹ کیا ۔ وکلاءکے وفد نےچیف جسٹس سندھ ہائیکورٹ سے ملاقات کی اور عدالتی امور معطل کرنے کی درخواست کی۔

  • علی حسنین کا قتل ایم کیوایم کا بڑا نقصان ہے، حیدرعباس رضوی

    علی حسنین کا قتل ایم کیوایم کا بڑا نقصان ہے، حیدرعباس رضوی

    کراچی : متحدہ قومی موومنت کےرہنماءحیدرعباس رضوی کا کہنا ہے کہ علی حسنین بخاری کا قتل ایم کیوایم کا بڑا نقصان ہے، لاپتہ کارکنوں کے اہل خانہ کی امیدیں ان سے وابستہ تھیں۔

    کراچی میں ایم کیو ایم لائرز فورم کے سرگرم رکن علی حسنین بخاری کے بہیمانہ قتل کے خلاف پریس کانفرنس کرتے ہوئے حیدر عباس رضوی نے کہا کہ علی حسنین کا خلاء کبھی پرنہیں ہوسکتا۔

    ان کا کہنا تھا کہ’’ایم کیو ایم کے خدشات درست ثابت ہورہے ہیں ان کے کارکنوں کو چن چن کرقتل کیا جارہا ہے‘‘۔

    حیدر عباس رضوی نے کہا کہ عدالت نے علی حسنین بخاری کی جانب سے دائر کردہ درخواست کو آئینی پٹیشن میں تبدیل کیا جس کے لئے ایم کیو ایم چیف جسٹس فیصل عرب اوربارکونسل کی شکرگزارہے۔

    ان کا کہنا تھا کہ علی حسنین ایم کیو ایم کے لاپتہ کارکنوں کی بازیابی کے لئے انتہائی سرگرم تھے اوران کے قتل سے لاپتہ کارکنوں کےاہل خانہ کوشدید دھچکا پہنچا ہے۔

    انہوں نے میڈیا کو مطلع کیا کہ ایم کیوایم کے قائد الطاف حسین نے مقتول کے اہل خانہ سے ٹیلی فون کے ذریعے تعزیت کی ہے۔ حیدر عباس رضوی نے کہا کہ مشکل کی اس گھڑی میں ایم کیو ایم علی حسنین کے اہل خانہکے ساتھ ہے۔

    حیدر عباس رضوی نے کہا کہ کراچی میں مسلک کی بنیاد پرپروفیشنلز، ڈاکٹرزاوروکلاء کو قتل کیا جارہا ہے جو کہ انتہائی تشویش ناک صورتحال ہے۔