Tag: ae dil hai mushkil

ممبئی: بالی وڈ کے چاکلیٹی ہیرو اداکار رنبیر کپور آج چونتیس ویں سالگرہ منا رہے ہیں، اس موقع پر ان کی ساتھی اداکارہ انوشکا شرما نے ان کی خصوصی تصویر ٹویٹر پر مداحوں کے ساتھ شیئر کردی۔

بالی ووڈ کے چاکلیٹی ہیرو رنبیر کپور 28 ستمبر 1982 ءکو بھارتی ریاست مہاراشٹرا کے شہر ممبئی میں پیدا ہوئے، رنبیر بالی ووڈ کی مشہور جوڑی رشی کپور اور نیتو سنگھ کے اکلوتے بیٹے ہیں۔

رنبیر کپور نے 2007 میں سنجے لیلا بنسالی کی فلم ساوریا سے اپنے کیریئر کا آغاز کیاجس میں اداکاری پر رنبیر کپور کو فلم فیئربیسٹ میل ڈیبیو کے ایوارڈ سے نوازا گیا،اس کے بعد انہوں نے کئی فلموں میں اپنی اداکاری کے جوہر دکھائے۔

دو ہزار گیارہ میں ریلیز ہونی والی فلم ’راک اسٹار ‘اور دو ہزار بارہ میں فلم ’برفی‘ نے رنبیر کپور کو شہرت کی بلندیوں پر پہنچا دیا۔

رنبیر کپور کی اس سالگرہ پر انوشکا شرما نے اپن اور رنبیر کپور کی ایک ایکسلوثوو تصویر ٹویٹر پر شیئر کی ہے جس میں دونوں اداکار انتہائی خوشگوار موڈ میں نظر آرہے ہیں۔

Ok guys! So Caption this! – What could the b'day boy be telling me? #AeDilHaiMushkil #AeDilKiDiwali #HappyBirthdayRanbirKapoor pic.twitter.com/JGNCfuBCzp

— Anushka Sharma (@AnushkaSharma) September 28, 2016

انوشکا شرما نے مداحوں سے اس تصویر کو عنوان دینے کو کہا ہے کہ اور پوچھا ہے بتائیں رنبیر اس تصویر میں مجھ سے کیا کہہ رہے ہیں۔

رنبیر کپور کے مداح ان کی عنقریب آنے والی فلم ’اے دل ہے مشکل ‘کا بے صبری سے انتظار کررہے ہیں جس میں رنبیر کپور اور ایشوریہ رائے بچن کے ہمراہ انوشکا شرما اور پاکستانی اداکار فواد خان بھی جلوہ گرہورہے ہیں۔

فلم کے ہدایت کار کرن جوہر ہیں اور گزشتہ برس رنبیر نے اپنی سالگرہ فلم ’اے دل ہے مشکل ‘کے سیٹ پر کاسٹ کے ہمرا ہ منائی تھی۔ انکی  سابقہ سالگرہ پر شاہ رخ خان نے اپنی‘ رنبیر اور کرن جوہر کی مشترکہ تصویر ٹویٹ کی تھی۔