Tag: Aeroplane

کراچی: قومی ایئرلائن میں نئے سال کی آمد کے پیش ِ نظر طیاروں کی تزئین وآرائش کا آغاز کردیا ہے‘ پہلے مرحلے میں دو بوئنگ777 طیاروں کی تزئین و آرائش کا کام مکمل کرلیا گیا۔

تفصیلات کے مطابق پی آئی اے اپنی جہازوں کی آرائش از خود کررہی ہے اور 33جہازوں میں سے 10بوئنگ 777،11ایئر بس 320طیارے اور10اے ٹی آر طیارے شامل ہیں جن کی تزئین کا کام 31دسمبر تک مکمل کرلیا جائے گا۔

انتظامیہ کا کہنا ہے کہ پی آئی اے کے تمام جہازوں کے کیبن کونئے کارپٹ اور سیٹ کوورز سے مزین کیا جائے گا‘آرائش کے کام سے پی آئی اے کو لیبر کی مد میں 1کروڑ روپے سے زائد کی بچت ہوگی۔

چیئرمین پی آئی اے عرفان الٰہی کا کہنا ہے کہ پی آئی اے نئے سال میں اپنے کسٹمرز کی خدمت ک لیے نئے جذبے کے تحت داخل ہوگی۔

ان کا مزید کہنا تھا کہپی آئی اے کے طیاروں کی معمول کے چیک اپ کے دوران ہی طیاروں کی تزئین و آرائش کا کام ساتھ ساتھ جاری ہے‘ پی آئی اے اپنی انجینئرنگ کی کاوشوں کی وجہ سے اپنے طیاروں کی خود تزین و آرائش کر رہی ہے۔

پی آئی اے پر یورپ میں پابندی کا خدشہ

پی آئی اے کے یورپ جانے والے بوئنگ777طیاروں کی نگہداشت و مرمت اور صفائی ستھرائی کے انتہائی ناقص معیارات کے سبب سافا انسپکشن میں پی آئی اے کا انڈیکس2.26پر تجاوز کرگیا تھاجو کہ سافا انسپکشن کے لیے تشویش کا باعث ہے اور اس کے سبب پی آئی اے کے یورپ میں داخلے پر پابندی کا خطرہ بھی منڈلا رہا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔