کابل : افغان وزیر خارجہ مولوی امیرخان متقی کی سربراہی میں وفد پاکستان پہنچ گیا، افغان وزیر 6 مئی کو چھٹے سہ فریقی اجلاس میں بھی شرکت کریں گے۔
تفصیلات کے مطابق افغانستان کے قائم مقام وزیر خارجہ مولوی امیر خان متقی آج سے پاکستان کا 3 روزہ دورہ شروع کریں گے۔
افغان وزیر خارجہ مولوی امیرخان متقی کی سربراہی میں افغانستان کا سیاسی اور تجارتی وفد کابل سے پاکستان کیلئے روانہ ہوا تھا۔
نن جمعه، چې د ۱۴۰۲ لمریز کال د ثور له ۱۵ د افغانستان اسلامي امارت د بهرنيو چارو وزير مولوي امير خان متقي په مشرۍ يو جامع سياسي او تجارتي پلاوی د پاکستان پلازمېنې اسلاماباد ته ورسید pic.twitter.com/gByVt9U0PF
— Hafiz Zia Ahmad (@HafizZiaAhmad1) May 5, 2023
ذرائع کے مطابق افغانستان حکومت دوطرفہ سیاسی و تجارتی تعلقات، علاقائی استحکام کیلئے جامع مذاکرات کا انعقاد چاہتی ہے۔
پاکستانی دفتر خارجہ کے مطابق افغانستان کے وزیر خارجہ کی قیادت میں آنے والے اعلیٰ سطح کے وفد میں وزارت تجارت اور صنعت کے عبوری وزیر حاجی نورالدین عزیزی اور وزارت خارجہ، ٹرانسپورٹ اور وزارت تجارت سے اعلیٰ حکام شامل ہوں گے۔
🔊: PR NO. 8️⃣2️⃣/2️⃣0️⃣2️⃣3️⃣
Curtain Raiser: Visit of the Acting Afghan Foreign Minister to Pakistan — 05-08 May 2023
🔗⬇️https://t.co/NpOrz1Kujo pic.twitter.com/knIbXdGKNf
— Spokesperson 🇵🇰 MoFA (@ForeignOfficePk) May 4, 2023
افغان حکومت کا وفد پاکستان کےساتھ راہداری پر بھی بات چیت کرے گا اس کے علاوہ افغان وزیر خارجہ افغانستان، چین، پاکستان کے وزرائے خارجہ کے 6 مئی کو چھٹے سہ فریقی اجلاس میں بھی شرکت کریں گے۔
چین کے وزیر خارجہ کن گینگ بھی سہ فریقی وزرائے خارجہ مذاکرات میں حصہ لیں گے۔ دورے کے دوران افغانستان اور چین کے وزرائے خارجہ دو طرفہ بات چیت بھی کریں گے۔
یاد رہے وزیر خارجہ بلاول بھٹو زرداری نے قائم مقام افغان وزیر خارجہ امیر خان متقی سے ٹیلی فونک گفتگو کی تھی جس میں دونوں شخصیات نے باہمی دلچسپی کے مختلف امور پر تبادلہ خیال کیا۔
وزیر خارجہ بلاول بھٹو زرداری نے ایک مستحکم، پرامن اور خوشحال افغانستان کے لیے پاکستان کے عزم کا اعادہ کیا۔
