افغان طالبان نے اعلان کیا ہے کہ افغانستان میں خواتین کو زنا حد پر کھلے میدان میں عوام کے سامنے سنگسار کرنے کی سزا دی جائے گی۔
غیر ملکی ذرائع ابلاغ کے مطابق ملا ہیبت اللّٰہ کا اپنے ویڈیو میں کہنا تھا کہ رجم پر عمل درآمد یقینی بنایا جائے گا، افغانستان میں اسلامی حدود نافذ کرکے مجرمان کو کوڑے ماریں گے۔
ملا ہیبت اللّٰہ کے بیان کی تصدیق کرتے ہوئے نمائندہ امارت اسلامی نے کہا کہ آڈیو تین چار ماہ قبل کی ہے۔
واضح رہے کہ افغانستان میں افغان طالبان کے قبضے کے بعد دہشتگرد ٹی ٹی پی نے فوراً ان کی حمایت کردی اور افغان طالبان کے تمام اقدامات کو درست قرار دیا ہے۔
پاکستان میں دہشتگردی کی کارروائیوں میں اضافہ دیکھنے میں آیا اور یہ بات ثابت ہوئی افغان طالبان اور ٹی ٹی پی دونوں ایک ہی سکے کے دورخ ہیں، ان کا واحد مقصد پاکستان میں دہشتگردی کر کے انتشار پھیلانا ہے۔
افغان طالبان جو ٹی ٹی پی کی مدد سے پاکستان میں دہشتگردی کے ذریعے معصوم لوگوں کو شہید کررہے ہیں مگر ان کے اپنے ملک میں حالات ابتر ہیں، افغانستان کے عوام خصوصاً اقلیتیں انتہائی مشکل حالات میں ہیں اور افغان طالبان کے مظالم کا شکار ہیں۔
جبکہ افغانستان کی خواتین کو افغان طالبان نے زندہ درگو کر رکھا ہے معاشرتی اقدارہوں یا اسلامی تعلیمات افغان طالبان دونوں پہلوؤں میں شدت پسندی کے علمبردار ہیں۔
غزہ میں قحط کی صورتحال، عالمی ادارہ خوراک نے خبردار کردیا
اقوام متحدہ کے مطابق اسکول جانے کی عمر میں 80 فیصد افغان لڑکیاں تعلیم سے محروم ہیں، یونیسیف کی ایک رپورٹ کے مطابق اس پابندی سے 10 لاکھ سے زیادہ لڑکیاں متاثر ہوئی ہیں۔
